الطموح و العمل والمثابرة والالتزام وقليل من المشاغبة تكون الحياة ناجحة

Wednesday, October 08, 2008

لما طقت المرة الريال ؟


يعنى نسمع جلب عض واحد

بس واحد يعض جلب
؟
صعبة شوي

ريال يطق مرة
منطقي جسمانية

سئ اخلاقيا

ولكن يظل هناك سبب

ولكن مرة تطق ريال؟
؟؟؟
خبر بثته البي بي سي
يقول ان رجل تنازل عن قضية على مرته والسبب؟؟

انها بس بس بس كانت سامته 3 مرات ؟
والمذيعة تقول اتمني من الرجال ان يكون صدرهم متسعا مثل هذا الرجل

يبه هذا مو رجل هذا خرووووف
تسمني؟ وتقولين متسع
وسع الله شق راسها قولي امين


شوفوا الاخت شسوت بالريال

ام عنبر بعد 10 سنوات



48 comments:

Eng_Q8 said...

يمكن هذا ماشي على مقولة ومن الحب ما قتل

اما الفيديو لا تعليق

Enter-Q8 said...

انا ماهمني الموضوع و المره طقت الريال و الا اهو طقها
لأن كل شي صار عادي بهالزمن
اللي همني المذيعة
تقول سعة صدر
هذي اكيد كانت تتابع تصريحات رئيس الاتحاد الكويتي السابق
وســــــع صــــــدرك

والموت يعشق فجأه مثلي..والموت مثلي لايحب الإنتظار said...

العزيز مشاري

الواحد مايدري شيقول يستنكر والا يضحك والا يحزن..وانا بتكلم عن الطرفين فانا ماارضى الرجل يهين المرأة ولا ارضى المرأه تهين الرجل..لكن في حالة الخبر هذا فإنه يؤسفني و بشدة ان أقول هذا الرجل ليس بخروف بل ديك رومي..

استغفر الله

والفيديو مو صج:)

دمتم بخير وسلام

ma6goog said...

zen tsawe feeh

ana m3a 6ag el 7arem lel rejajeel

Fashionista said...

السؤال أهو شمسوي اللي خلاها توصل لي هالمرحلة؟

العرزالــــــه said...

بعد اهو الله يهداه متزوج وحده طوله مرتين

استلم عاد

The Lazy Bears said...

WOoooow

لووول

آخ بطني

بس للأمانة يحتاجون دورات في فن الطق على أصوله !

kuwaitawy said...

ما اقول الا الله يستر من ام عنبر

ابو لطيف said...

بقى فيه صدر عشان يوسعه ؟

3bady said...

الحمدالله و الشكر :))

Safeed said...

ضرب الحبيب زي أكل الزبيب

Blog 3amty said...

عادي عمتي مقصصة ريلها شرايح وحاطته بالقوطي على راسها :P

-mate said...

واحد من ربع رفيجي، مرته تلعب تايكواندو. كل يوم غاسله شراعه قبل لا يناموون! بس يظرط عليها شوي إتييله فناقر من كل مكان

إمسيكين!

ManalQ8 said...

تفاهم من نوع آخر

:)

Salah said...

:)

مسكين

في رواية: ((أيما رجل صبر على سوء خلق زوجته أعطاه الله مثلما أعطى أيوب في بلائه...))

Cat said...

um 3anbar again !

Funny Q8i said...

We're sorry, this video is no longer available. !!!

منو اللي يبيله طق الحين :P

مره تطق ريلها ممكن! بس تسمه، هذا شروع في قتل

والريال الله يرحمه مقدماً لأن نهايته معروفه وين بتصير

Tوتحيّا

بنت أحمد said...

هههههههههه لاتعليق
لأن
(إن كيدهن عظيم)

الله ينجيكم من كيدهن .. بس يمكن لها أسبابها لو أن سنع وريال عدل ماتكفخ
ولا سمته 3 مرات وهو ساكت
يستحق ماجائه<<<<< مشاري أحس اشوي وتطردني من مدونتك


safeed يضرب الحب إذا كان كذا

شكراً لك مشاري
وعذراً للإطالة

دمت بود وسعادة

محـــــارة said...

مسخرة بصراحه العلاقات مهما كانت رديه لها حد وما أعتقد الطق لغه لو شنو صار ومن المرأه .. يخرب بيتها بقى شيء من أنوثتها بالله

مو معناتها أنا مع طق الرجل للمرأه بس اجتماعيا وطبع الرجل البعض منهم يقفل فتوقع كل شيء مينون منه

بنظري مافيه شيء يسمح لأي طرف أن يوصل لطق صج أن ساعات وأنا أشوف الموقف حتى لو ماكنت طرف وبيدي أطق ما أقول لأ بس تبقى خطوط حمراء تجاوزها يعني عدم العلاقه من عرجها

shahad said...

هذا حب في عضوض الله إهديهم

لا لا محد إطق الثاني ماله داعي
;p

marshmallows said...

من شاف مشيت ام عنبر

مااحب لا الريال يطق المره ولا المره تطق الريال

وبعدين حلاته الريال تصير له هيبته مو تطقه مرته

Ra-1 said...

@@

أبيه شنو هذا !!!
والناس يطالعون محد يتدخل
:/
بس محد قاله ياخذ وحدة أمتن وأطول منه :p

حسام بن ضرار said...

اكيد هالمره خريجة حقوق

لأنهم اكثر نوعية حريم ايدهم و لسانهم طوال

ام الحفيز said...

مشاري

هااااااااااووو ينت واقعدت هالعمانيه كوفنت الرياااااااااال @@مصيبه صابتها الظاهر هذه موديم تغسل شراع ريلها لان اللي قاعد بالسياره ويصورهم خايف لا يجيه طشااااارررر

حسبي الله على سووووووك سويتها سالفه

بدون عتيق said...

مشاري

إرفع صوتك بمساندة الحملة الوطنية لإقرار قانون الحقوق المدنية والقانونية للبدون
http://www.aldaronline.com/


http://bedoonateej.blogspot.com/2008/10/blog-post.html

بـنـت بـطنـهـا said...

لا حول ولا قوة إلا بالله

اهي الدنيا انقلبت ولا انا ماشية عكس السير ؟

White Wings said...

ليس هناك منطق ولا حتى جسماني للاعتداء، هناك نساء أقوى من رجال، هل خذا يجعل الاعتداء منطقي؟

يلا، زين تسوي فيه
;)

ZooZ "3grbgr" said...

بل عليها
انا لما شفتها قبل لا تطقه اخترعت
الله ياهي مصك تخرع
مستلمته المقرود بو متر ونص على صلعته
صوت الطراق على الصلعه حده مؤثر
ترى تسبب ازمات نفسية للي راسه اصلع
لووووووول

بس في كلمة بالبوست ما عجبتني
اقول؟؟

قول إي



ماشي

"
ريال يطق مرة
منطقي جسمانية

سئ اخلاقيا

ولكن يظل هناك سبب
"

أشكره جذي تشاخي حق الرياييل لي طقوا حريمهم
يظل في سبب؟؟
براس منو اهو بروحه؟؟
وابئى سلملي عالسبب يا ميشاري

يا متحيز يا رجولي
راح اشيش الناشطات السياسيات
والجمعيات النسائية
وحليماه بولاند

ولد الديرة said...

اذكر مرة وحدة قالت لي ان المرة مثل السجادة الإيرانية

كل ما تدوس عليها كل ما تصير احسن

طبعا هذي وجهة نظر انا اعارضها تماما لكن تبقى وجهة نظر البنت لأنها الظاهر ما تحترم نفسها

هذا واشكاله ما عندهم احترام لنفسهم
مثل الأخت الكاشانية

Mishari said...

مهندسنا : اي قتل الله يهداك

الا تنعل :)))

Mishari said...

بو وليد :)

سعة صدر وسامتني شتقوول بالله هذا منطق رجال القرن الحالي :))

Mishari said...

والموت يعشق فجأة


الديك الرومي شوي عسر هذا كلش مسكين

وانا معاج ضد الضرب بكل انواعه

Mishari said...

بو سلمي

بديت اشك فيك لازم تراجع احد اذا تحب الطق :P

Mishari said...

fashionsita: السؤال في واحد يتزوج وحدة جذي تقول لوح 6 في 6

Mishari said...

العرزالة

صح صح صح انا هذا السؤال اللى اوجهه
:))

Mishari said...

The Lazy Bears : وااااااااو عاجبك ريال ينطق

هزلت :P

Mishari said...

كويتاي : الله يستر عليها يارب :)

Mishari said...

بو لطيف : والله ماكو بس عاد هذا شتقوله الحمدالله والشكر

Mishari said...

3bady : اي والله

سافيد :زبيب هااا ان شاء الله تحصلك مرة جذى:P

بلوق عمتي : الله يعينه عليها تري بيني وبينك فى رياييل ما ايوون الا جذى :P



mate: كاااااااااااااااك

خرة عيشه انا لو منه اروح العب حديد وادش فنون قتال شوراع

Mishari said...

manalq8 : باسلوب غير حضاري :)

صالح : شاصبر اصبر على وحدة بتسمني؟؟؟؟



cat: اخر مرة :P


Funny Q8i نزلته مرة ثانية علشانك

Mishari said...

بنت احمد

اولا اخذي راختج

ثاني شى

شنو هالحب اللى بذلني بلالالالالالالالالاه

:))

Mishari said...

محـــــارة : لما تصير الحياة بهالصورة تكون الحياة مستحيلة والحلال
التغير او تتلاشي :)

Mishari said...

shahad :اعوذ بالله منه :)))


marshmallows : والله انا معاج بكل كل كلمة بس بيني وبينج الرك على الريال

Mishari said...

ra1 : لوووووول صح يعني الحين انزل قانون ؟؟ ما يصير الريال يتزوج وحدة اطول منه ؟

Mishari said...

بو ضرار: انت شكلك ناوي الشر على عمرك

:))

Mishari said...

ام الحفيز يا هلا يا هلا عيدج مبارك :)

شفتيها جذى مرة بالله
تدرين لو انا ؟
جان هذي يايها طراق اخليها تتمضمض بضروسها :P

Mishari said...

White Wings لما قلت منطق اقصد ان الرجل اقوي جسمانية حتي لو كانت المرأة تمارس فنون القتال
واللى قلتيه صح هناك حريم اكثر قوة ولكن هذا استثناء وليس قاعدة :)

الاعتداء اي كان حتي لو لفظي مرفوض

Mishari said...

ZooZ "3grbgr" : الله يسامحج

والله مو مشاخاة بس انا كلامي يمكن ما كان واضح
اقصد
ان الرجل لما يطق مرة يكون السبب قوته الجسمانية اللى معتمد عليها
لكن هذا كله مرفوض حتي الاعتداء اللفظي

انزين

بس اذا بتيبين حقوق الانسان والحيوان وجميعة الحريم
واخيرا حلييييمة بووولاند على قولتج

انا اقولج وعلشان حليمة اللى ما ابلعها راح اطق اي مرة اشوفها بالشارع :P