الطموح و العمل والمثابرة والالتزام وقليل من المشاغبة تكون الحياة ناجحة

Sunday, October 26, 2008

نعم للتحلطم



البورصة صارلها فوق الشهر دعوم بالارض

والناس خسرت فلوسها وتبي الحكومة تتدخل ؟
الحل بنظري

اولا عدم تدخل الحكومة ماليا

ثانيا التدخل بتعديل القوانين

ثالثا محاسبة الشركات الورقية

رابعا محاسبة الشركات اللي استغلت الوضع وبدأت تستغل التدفق الحكومي وتسيل اسهمها



الرياضة يوقفون النشاط الرياضي

والسبب اثنين يصفون مصالحهم الشخصية

والكويت تضيع

الحل شنو؟

تطبيق القانون الدولي والالتزام فيه وأن يخرج كل شخص تدخل

في الازمة الماضية وينسحب من الرياضة اولهم النائب مرزوق الغانم والثاني الشيخ طلال الفهد

بنك الخليج يتظاهر جدامه مجموعة والسبب
الخسائر اللى حاشته

الحل أساسا بدأ فيه البنك المركزي علشان ما يروح فيها البنك

انا ابي اعرف شنو هالعين اللى حاشتنا؟

منو مو مسمي على هالديرة

يا جماعة عطوني شى سنع ؟
من صج الواحد قام يستغرب كل شى حوالينا يدعو حلوة يدعو؟ للتحلطم

زحمة
الحل تغيير ساعات العمل يعني المدارس وقت والدوامات من وزارة لى وزارة وقت
دراسة
توخرون السياسة عن التعليم تماااااما
صحة

خصوصها ونسوي تأمين صحي بقيمة عشر دنانير بالسنة للفرد الواحد
اسكان
تخصيص وفتح المجال حق اراضي جديدة
بورصة
يطقون اصبع
شبقي؟

افيدونا يا اهل الراي

رأيي الشخصي نستورد وزراء يهود

26 comments:

Enter-Q8 said...

لا مو يهود
كويتيين ينزلون الشوارع و يقعدون بالدواوين اللي بكل مناطق الكويت

Fashionista said...

الكل حايشه نفس الظيم ترا

قول الحمدالله ان احنا احسن من غيرنا

لا عندنا مجاعات و لا تفنيشات جماعية و الحمدالله على الصحة و العافية

shahad said...

وعلية كل هذا بتحلطم عليه لو ماسك روحك انبط راسك

انزين اكتب بوست في نظرة ايجبية لاي موضوع بالكويت
خنشوف اشيطلع معاك

abu eldestor said...

ماشاء الله عليك
يامشاري
:)

الحلول عندك جاهزة

يامعود يعرفون اللي انت كاتبه قبل لا ننولد انا وياك
بس ربعك فيهم خمال ويبون مصالحهم وبس

ابو لطيف said...

ان الامبريالية العالمية والصهيونية قد بدأتا ومنذ زمن طويل للنيل من الامة العربية

لكن ... هيهات هيهات

وتسقط الامبريالية
وتسقط الصهيونية

امة عربية واحدة
ذات رسالة خالدة

عثماني said...

انا اقول

خل القرعة ترعى

:(

بنت أحمد said...

اولا عدم تدخل الحكومة ماليا <<< هذا والله شي رئيسي وأساس

أما وجه نظرك حدث ولا حرج لااااااتعليق عليها

طيب يااخوي شنو بيدنا نسوي

الحمدلله على كل حال

يكون بالعون ياااخوي

مشكور عالبوست ,, وانتبه لاينصاد وصلت لليهود

اربط حزام الامان يااخوي

Eng_Q8 said...

بسيطه ما تستصعبهاش :)

JiBLa CiTY said...

تحلطموا ونحن من ورائكم

JooJ o MaJooJ said...

إظاهر لازم إنبخر الكويت إب شبه او حرمل عين العين...الشكوة لله :(

JooJ o MaJooJ said...

انا جووج :p

kuwaitawy said...

يا عمي والله ديرة ماشية عالبركة



والله


ربك اللي حافظها

ZooZ "3grbgr" said...

حتى تسيفي ليفني ما قدرت تسنع حكومتها
عمينا على الكل

صبا said...

الحال كل ماله وأردي من قبل

لا تعليم ولا رياضه ولا مجلس امه مثل الناس

والخساره تحت الصفر
ودعمنا الطوفه

اي والله صاج شصاير بالكويت
عين وما صلت عاي النبي ,ولا احنا الي حطينا صبعنا بعينا
وانعمينا

Yin said...

ما أقدر أكتب أحسن من اللي قاله أبو لطيف

إحبااااااااااااط عام الله يسلمك

والحلول سهلة وبسيطة وكان من المفروض متبعينها من سنة الطبعة
بس ربعك يتغيشمون

!!

لين said...

للأسف أن إسرائيل صار عندها بنك يمشي على الأطر الإسلاميه و أوربا دخلت فيها أخلاق المسلمين و أحنا كلمالنا ونتخبط مو عارفين شنو نبي ..

الحل .. نؤمن إن أحنا غير غير عن العالم و نطبق اللي نبيه و محد يمشينا من بره و نفتخر و نصدق إن عندنا منهج حياة حق كل زمان و مكان .. و نشيل مصلحتنا الشخصيه و نخليها على الجنب و نخاف ربنا بديرتنا :)

Anonymous said...

أي عين الله يخليك يا مشاري

هذا الطمع و الجشع و الخمال و الربادة
و الناس اللي تردت و الي ما غير تسولف
و تتحلطم و لا تتحرك إلا مع االأضواء و الخبة

هذا زمن المبادئ العايمة

ثقافة جديدة تستشري و المصيبة الأعظم
انها قاعدة تترسخ في الأطفال و الجيل الجاي


صدقني يا مشاري .. احنا بعد مو بريئين
من الجريمة اللي قاعد ترتكب بأكثر من
شكل و وجه و مكان

احنا فاسدين بعد

و هذا مو جلد ذات .. هذا الصج


ربك كريم



طائر بلا وطن

احمد سالم said...

أنا أقول نفس ماقال بوعلوي
أهم شي إنخلي جالونين بانزين حق الطراد أخيشة عيش
واللي إصير إصير

Blog 3amty said...

من رفع كنتاكي أسعارة وأحنا بتدهور دائم !

حسام بن ضرار said...

الحل هو في تكريج بعض العقول اللي طاقه بريك في البلد

someone_q8 said...

السلام عليكم

اخوي المشري الكل يبي يصير نوخذة في هالبلد
وانت تدري ان اللي يمشي النوخذة هو صاحب البوم اللي اهوه التاجر
عاد تعال فججها منو المسؤول , النوخذة ولا التاجر ؟
النواخذة اكثروا والتجار اللي امشيين البوم ينعدون على الاصابع
!!!
:)

Kuwait said...

انا اقول نتفرج أحسن :\

THE BOSS said...

لا للتحلطم

تفائل يا الحبيب

وعطني ولعه

بوتشخيص said...

أنا اقول الحل صير رئيس وزراء :)

صبا said...

الله يرحم حال الديره

الله حافظها من دعاوي اهلها الطيبين

وأعمال الخير

وكل من يبي مصلحته الي طغت علي مصلحة الكويت وأهلها
الانانيه والجشع ماكل قلوبهم
ومعمي عيونهم
يعلهم العمي

مو بس انت الي تتحلطم الكويت كلها تتحلطم وتبجي علي هالازمات الي صايره

الله كريم
وعسي الله يحفظنا

كويــتي لايــعه كبــده said...

ء"شبقي؟"

الهواء...
اوووه نسيت حتى هذا لوثوه ويقولون لك ماكو الا العافية


"رأيي الشخصي نستورد وزراء يهود"

يهود أكثر من اللي ماسكين منت لاقي