الطموح و العمل والمثابرة والالتزام وقليل من المشاغبة تكون الحياة ناجحة

Wednesday, January 14, 2009

المعذرة يا بلوقرز



يمكن من بداية ما بديت أكتب في المدونات
وما قطعت هالقطعة
لكن شوفوا الاسباب وعذروني
دوااااااااااااااااااااااااااااااااااااااااااااااااااااااااااام
يعني مشغول بدون مبالغة 25 ساعة باليوم
وقررت من 2009 وبعد ما بدت امشى بالثلاثين ربيعا ان اهتم بعمري خوفا من الشيخوخة
فعودة سريعة والتزام عمياني بالنادي
وقرار بأن لا حديث في المدونات عن السياسية
وقبل لا أنسي رجاءا أدعو حق المنتخب اليوم مع السعودية رجاااااءا
شكرا لكل من سأل وشكرا لكل من أرسل أيميل
وشكرا لكل من فقدني ولم يفقدني
وأترككم مع شخابيط قلمي المعتادة وتقبلوها
دعينا نعود لسينين
في اللامكان ودون ضوء ...
في عتمة بحر
أو ضحك سحاب
هناك رغبة لي في صدرك
في حنايا روحك
وأنت لك رغبة
في جموح صدري
فتعالي أطلق خيول أنفاسي
في روح شعرك
ودعيني أسكر في خمره عينيك
فالحياة يا سيدة قصرى قصيرة
فدعينا نعود لسن الطفولة
لنعيش عبث الحياة
ونراهق صيف أمنياتنا
فالعمر يمضي
ولا يعود

33 comments:

شقران said...

العزيز مشاري
عودا حميدا يالحبيب

وكل انسان يحتاج للراحة والابتعاد

ومرحبا بك في نادي الثلاثينيين
:)



تفبل مني وافر الاماني الطيبة

molok said...

الحمدلله عالسلامه وعودة حميدة طال عمرك ..
والله يعينك على الثلاثين ومابعدها ..
ربي يحفظك ومقدرين القطعة .. بس حاول تطلع كثر ماتقدر ..

SHAHAD said...

اشتقت لمدونتك حيل
واهلا بعودتك
وربي يوفقك بدوامك
ويوفق منتخبناا

كلماات جميلة كالعادة : )

why me said...

هناك رغبة لي في صدرك
في حنايا روحك
وأنت لك رغبة
في جموح صدري
فتعالي أطلق خيول أنفاسي
في روح شعرك
ودعيني أسكر في خمره عينيك
فالحياة يا سيدة قصرى قصيرة
فدعينا نعود لسن الطفولة


--



وااو
ماكنت أدري ان كتاباتك جذي

عبالي بس سياسه في سياسه


ولكم بااااااااك

فقدناك ولك وحشه
:)

Najmah said...

امس مريت مدونتك
اقول شسالفه طولت الغيبه
:)
فقدناك من غير شر
الحمدلله على سلامتك
وربي يسهل كل امورك
ويعطيك طولة العمر والصحة والعافية
:)

enter-q8 said...

شنو ثلاثين
نهاية الثلاثين و بعدين اكو كويتي ما يكتب بالسياسة

kuwaitawy said...

الحمدلله عالسلاااااامه يالسمي


وعودا حميدا ياااارب

honey said...

يا هلا و مرحبا بالعائدون


ثلاثين مرة وحدة ;p

ضروري ضروري النادي أهلا بك بعالم التعب الحقيقي

جميل اللي كتبته بس جنة فجأة حسيت إنا الحياة قصيرة؟ كل هذا من الثلاثين
;p

Anonymous said...

الحمد لله على السلامة يالحبيب

وهالله هالله بالرياضة

صحة وراحة

وابدى ما عليك نفسك... قبل كل شي

chandal/danchal!! said...

من طول الغيبات ياب الغنايم... دايم

welcome to the club

قبل ال30 لما كنت انسئل عن عمري ... كنت ارد بدون تفكير السنة و الشهر... بس من "قفلت" ال 32 وانا ما أثبت كم عمري!!! لسنين اختلطت علي!! هل اهي مؤشرات خرف مبكر!! ... الله أعلم

كويــتي لايــعه كبــده said...

بالفعل فقدناك لكن الحمد لله على علومك الطيبة

والدنيا ما ترحم اللي فيه همه
اما اللي ما فيه فتلقاه متشرقد ولا هامه

وزين تسوي بالنسبة للاهتمام بنفسك والرياضة

والعمر خبرة ونضج مو رقم كان كبير والا صغير

(لازم اقول جذيه... بنص دربنا للاربعين :))

الدســتور said...

عوده حميده يا مشاري

الله يعينك على مابلاك
:))

Mohammad Al-Yousifi said...

الله وياك

مركبنا said...

عودا حميدا

nikon 8 said...

أهلا بعودتك
ويقولون الثلاثين سن جميل
فيه بقايا اندفاع العشرين
وبداية ركادة الأربعين
وما فوق
إستمتع بعمرك أيا كان رقمه
:)

kAiKa-MGroMa said...

welcome back mishari

=D.

ReLaaaX said...

تو الناااااااااس على الشيخوخه.. اقووول اخاف مخنصر بالعمر ومو قااايل

نعذرك بشرط تعلمنا شلون زدت وقت يومك ;p

tweety said...

يوار يوار وافتيني

يابولمعة إنت توك هالسنة داش الثلاثين ؟
إنت عمرك 31 يعني المفروض شربت الصدمة وخلصت عن العيارة

أحلى شي إني إكتشفت أكو وايد بلوقرز أعمارهم بالثلاثين يعني ماراح أكون وحيدة بالمستقبل :)

Cr8ivia said...

welcome back :)

من جم يوم اسال وحده وين مشاري مختفي !!

فريج سعود said...

اكيد ما تبي مدونات سياسية

الي فيك مكفيك

بس هم ما يمنع ندردش شوي

لا تقطع هالقطعة مرة ثانية

بوتشخيص said...

اشتقنا لكتاباتك :)

عودة حميدة

mellow said...

مبروك عليك الثلاثينات ربيعاً
عمر أهل الجنة:)

و عوداً حميداً

lawyer said...

حاشك ما حاشني

مراجعه النفس قبل الثلاثين

هااااااا


شعور بالالتزام يخوف


انا مثلك بس مو نادي لأ الممشى

و التعليم

و مجابله كل شي ممكن يصغر قلبي مو شكلي




كان عندي مبدأ تغيير كل شي جذري والف الحمدلله غيرت



قبل نقول لما نكبر
والحين تناصف العمر
ومندري لي متى بنعيش

كان لازم نرتب قائمه الاولويات

ونخلي ربنا
ونفسنا و اهلها بالمقدمه وبعدين سخافه وناستنا





لابد لنا من وقفه

someone_q8 said...

السلام عليكم
توني بدز ايميل لك اسأل عن هالقطعة لكن قلت اجيك بالاول ولقيت انك امنزل بوست
الحمدالله على السلامة وان ما فيه سبب ثاني يعوق كتابتك
ومدام السالفة فيها اهتمام باللياقة عيل عليك بالعافية اهم شيء صحتك
وسامحني على القصور

Purplecious said...

welcome back

:)

خرعتني عبالي تزوجت على مدونتك مدونة يديدة و يبت على راسها شريجة و كشت بالأولى أم العيال

ههههههههههه

و مسمووووح ياللي اتعذر

مسمووووح لو ما تعذرت

:)

Kuwait said...

ولكم بــاك :)
اشلون احساس الثلاثين ;p
واشكثر الشيب ؟؟

أبو لطيف said...

الحمد لله على السلامة

نورت

لك طول العمر وحسن العمل يا رب


جميل ان صمدت في قرار ترك السياسة

لنستمتع برشاقة حروفك التي تنسجها كلمات
ثم تحيلها لحنا شجيا يطربنا حتى الثمالة


حفظ الله ورعاك

بنت أحمد said...

اهليييييييين وسهلييييييين

حياالله مشاري

نورت

أنا عجبني قرارك اللي قلت فيه

وقرار بأن لا حديث في المدونات عن السياسية
<<<< يااخوي ماقصرت يوم كان عمرك 29 كنت خايفة عليك أنا
آن الأوان تخف شوي

وبالنسبة لكلماتك

لاتعليق

لأنك مبدع

مبدع

مبدع

::

دمت بخير

رعاك الرحمن

:)

Yin مدام said...

عودا حميدا أخ مشاري

والثلاثين مشكلة من تدش هالمرحلة عقلك الباطن يلعب عليك وتصر إنك للحين 31 وأنت داش ال33
وين لما كنت قبل العشرين تنقز سنة ولا سنتين يدام وبعد العشرين حافظ السنة والشهر والدقيقة بعد
!!!
الله يعينك وأبشرك ما راح تتأقلم لووول
لين تعيش في حالة من denial


وهارد لك للأزرق
:)

vancouver said...

والله لك فقده مشاري





عودا حميدا

واهنييك على اصرارك واهتمامك بنفسك

وريح قلبك من السياسة ماوراها الا الغثا
وعالفاضي
جان زين كثر الحجي يغير شيء



كلماتك جميله

بالتوفيق

صبا said...

الحمدلله على السلامه

نور الحفيز

واخيرا

رجعت

لا تباعد مره ثانيه
:)

ZooZ "3grbgr" said...

على فكره

الحين عرفتك

صج الكويت صغيرة

هههههه

وبعدين ترى يحقلك تقطع

ماشاالله انسان متميز بعملك

:")

Anonymous said...

like wise buddy

wish u all the luck