الطموح و العمل والمثابرة والالتزام وقليل من المشاغبة تكون الحياة ناجحة

Sunday, March 01, 2009

من القصائد الجميلة التي سمعتها من الشاعر مبارك بن شافي وبما أني قاطع فحبيت أهديكم هالابيات الجميلة
ياجاهل أسرار نفسي فسر أبياتي

وتشوف بين الحروف أسرار تكويني

شف لمحة الحزن شف لوعة معاناتي

شف هزة الوجد رجت مركب سنيني

تاخذني الذكريات لبعض وقفاتي

وأعيش حلم على الماضي يبكيني

حلم الطفوله وحلم أيام فرحاتي

يوم اني اليا طلبت الوقت يعطيني

يوم العصافير كانت كل غاياتي


كنها على غصنها المايل تناجيني

والشمس كانت رفيقة صبح جولاتي

ماغيرها في ملذاتي يخاويني

أسير وأرسم على الجدران لوحاتي

باق على بعضها رسمي وتلويني

وان ظلم الليل قمت أروي حكاياتي

للنجم وأسمع صدى صوته يحاكيني

كنت أملك الأرض وأملاها بضحكاتي

وأكبر والأيام للمجهول ترميني

لين الثلاثين دقت باب لحظاتي

طويت الأيام واثر العمر يطويني

جيت الثلاثين وازدادت طموحاتي


وتغيرت نظرتي عن كل مافيني

خليت مع كبر سني بعض عاداتي

الا جموح الصبا عيا يخليني

والطفل في داخلي متمرد عاتي

ماهو براض معي يوصل ثلاثيني


يامركب العمر لاتخلف محطاتي

متى على الموقف البين ترسيني

عجزت أسافر على موجة خيالاتي

أبغي وطن والليالي ضد توطيني

ماخفت لاالشيب يرعى من زهر ذاتي

صيور شيب وطى الباقين واطيني

والموت ماخفت لايهدم ملذاتي

لابد الأيام مهما عشت تفنيني

أخاف لاموت ماحققت رغباتي

والا يموت الطموح اللي يغذيني

وتضيع في زحمة الدنيا سجلاتي

والمجد ماتسعفه ذكرى عناويني

راحت ثلاثين واللي راح ماياتي

ياالله على الجاي من عمري تقويني
من أجمل ألابيات اللى سمعتها للشاعر مبارك بن شافي

16 comments:

Kuwait said...

راجـع بأبيـات روعـــه ..
أقدر أقول ولكـم بـاك من غير غيبـه ؟؟
نورت المكان ..
بس جنـه البلوق يبيلـه تنظيف عقب الغبار ;p

`~MnO YeNSa! ~` said...

وينهم
من غير شر

خلاص
your back ?!

خووووش ابيات
ذوق
مشالله

Anonymous said...

نور التدوين

:))

Anonymous said...

ولكم باك مشاري
مس يو

متابع بهدوء

Manal said...

وتضيع في زحمة الدنيا سجلاتي

فعلا كلام رائع

شكرا على النقل

:)

عثماني said...

عودا حميدا

:)

فريج سعود said...

ليلحين مطلق السياسة ؟

ام الحفيز said...

حيالله بالقاطع وهذه الساعه المباركه ....وشهالابيات الشعريه العجيبه راجع مغرم وولهان الله يتمم عليك اللهم امين

الحارث بن همّام said...

خليت مع كبر سني بعض عاداتي

الا جموح الصبا عيا يخليني


اتعب عالبيت .. انا اشهد انه شاعر


اختيار جميل .. وغيابك طويل :)

honey said...

أول شي ما حبيته بس من البيت اللي طرا فيه ثلاثين و بعده روعه

لا زين مطول الغيبات جاب معاه
الغنايم

بس عاد خلك محلك

|:| DUBAI |:| said...

وااااااااااااي

كلمات حلوة

: (

يا مشاري

ZooZ "3grbgr" said...

الحمدلله على السلامة

مشاري

الاسم الكويتي البحت

تو ما نور البلوق

وياما كنا نمر ونلاقيه اظلم

:")








الشاعر مبدع

سهل ممتنع

والبيت هذا



عجزت أسافر على موجة خيالاتي

أبغي وطن والليالي ضد توطيني



وايد أثر فيني

:/

ReLaaaX said...

w'b


انتقاء اكثر من رااائع


بعد اذنك يعني تم حفظ الابيات :)



الكلمات معبره جداً لدرجة ان كل واحد فينا يعجز عن التعبير


35-40 سن النضج والاتزان
سن التكليف بالرساله بالنسبة للرسل



وان شالله ماتوصل الاربعين إلا وانجازاتك محققها ومبلش بانجازات يديده :))

بنت أحمد said...

وينك ؟؟؟؟؟؟

الحمدلله على السلامة

صح لسانك عالانتقاء الرائع

والحمدلله على السلامة يالقاطع

نورتـ مدونتك

ButterFlier said...

والله انت الروعة

Kuw_Son said...

وينك يا القاطع .. لك وحشة يا مشاري :)

صح لسانه و خوش أبيات