الطموح و العمل والمثابرة والالتزام وقليل من المشاغبة تكون الحياة ناجحة

Friday, April 10, 2009

راح تتعبين
مثل ما أنا تعبت
ونبقي تحت الشمس
نحب بصمت
رحلت
وصار الوقت
حزن اليأس
بهدوء أنسحبت
من زحمة ضوي
من زحمة همس
خفت أشتكي
طرحت ..همي
رميت الاحزان وركضت
غرقت وسبحت وصعدت قمة جبل
صرخت ...يا حب
من وقت ...فجري
لي غروبي رحلت
تركت بسمة
وتركتِ دمعة
تركت ذكري
تركتِ هم
وين السطور
اللى منها أبتدي
وأنا كل السطور
حروفك
حتي حبي
يبدي بأول شوفك
بحلمي أنزعجت
تأثرت أختنقت
أبي أرحل
حتي هالدنيا أعتزلت
لأجل ما أشوف عينج
غمضت أنتحرت
سافرت هاجرت تذمرت تشردت

الله يلعنج
طفرت أحترقت
وأنت في عيني مثل هالصورة
تعبت











24 comments:

حياتي هدف مو عبث said...

الله يلعنج !
://

Anonymous said...

لوووول لطوف بدعتي

وانا بعد بقول شي





الله ياخذج جانج اذيتي الولد

Mohammad Al-Yousifi said...

يسلم عليك خالد خلف

enter-q8 said...

مو كانك قاعد تنافس

الشاعر

الملحن

الرياضي

الفنان

السياسي

رجل الاعمال

الناقد

الشيخ

دعيج الخليفة

Manal said...

ضحكتني والله يا اخوي مشاري

عاد
الله يلعنج
هههه


:)

ويكند سعيد
:)

Kuwait said...

لووووووووووووووووول
مشاري شحليل عتبك بس جنـه اخر شي عطيتها ما عطاها زمانها ;p

Anonymous said...

انا اقول اللي باعك بيعه يا مشاري
بس صج الله ياخذها جانها سوت فيك كل هذا وايد اذتك

بس لمن تصير فيها نفس السالفة تعرفها و نفس ما قلت.. "راح تتعبين"

الله ياخذها :@

كويــتي لايــعه كبــده said...

"الله يلعنج"
احلى بيت
لوول

...بو وليد
نسيت: راعي مزارع سلوى

صلاح الأنصاري said...

هقوتي إِِنكِسَرت !!
يوم من حلمي انتبهت ..
بعد ما كنت أظن كسبت ودّج..
خسرت..!!
تصوّري كان وهم وخيال..
اختفى حلمي وضاعت الآمال ..
وهذا مو أول حب وينتهي ..
ولكنه آخرهم ..
وهقوتي إنكِــسـَـــرت

****

عاد لاتنكسر يا مشاري
وخطاك السو

>>AL.MoHra>> said...

وييييي هههههه الله يلعنج!!!! مقرودة هذِ شمسوياااا؟؟؟؟؟؟

لأ لأ مشاري هاليومين حدك معصب روئ روئ بالك وهدي اعصابك يعني
كافي البوست اللي طاف حرقت خبزة الكويتية مسكينة مابردت حرتك:))

ReLaaaX said...

loooooooool


مشاري عسى ماشر ؟
مصخن مريض ؟
باطين جبدك ؟


المود مش ولا بد !

SHAHAD said...

مشاااري .. والله كل حرف عجبني حتى الله يلعنج
حسيتها عفوية : )

بنت أحمد said...

يعطيك العافية

ماننحرم من جديدك

:)

أرق التحايا

MakintoshQ8 said...

عجبتني النهايه فيها دلاله قويه على الغضب

فريج سعود said...

يبي لنا جم نائب رومانسي يعاتب الحكومة بحنية

صبا said...

أهو...وخرو اشوي خل اشوف
منو الي مطفرتك ومدوختك ومأذيتك
!!

ليش مضااايق وانا اختك
:(

خلها تولي ...

طلعت من قلب..كلمة الله يلعنج
اي خلها تولي
:(

العن يقطعه من حب اذا يبهدل ويذل

واسم الله عليك من الزعل والخنقه
خوش بوست

Shaima'a Alkandari said...

:)


@@


خلاص مره وحده امش وخلها وراك

chــاي أخضر said...

منو اهي عاد ؟!

ولد الديرة said...

يا خوي شلك بالحب وسنينة

ما سمعت بالمعلقة الجاهلية اللي تقول

لا بو الحب

افتكر المطربة المبدعة شمس غنتها

Barrak said...

جريئه حروفك هالمره وايد

مي مي said...

~حتى حبي يبدي بأول شوفك~
رووووعة تأثرت فيها وايد

كنت أفضل لو ما قلت"الله يلعنج" حتى لو ابتعدت عنك أكيد بقى لها أثر جميل بحياتك ،وأقل أثر هالكلمات الحلوه اللي أبدعت فيها

تقبل تحياتي

Anonymous said...

مشاري و بعدين يعني متى بتسوي ابديت؟

ترا انلعنت اهيا

شنو هاللعنه اللي طولت؟

ليكون قاعد تحضر ارواح و انا مادري ;P

الحارث بن همّام said...

أولللله .. شصاير .. شهالتشاؤم

Anonymous said...

كان الله في عونك ,,
بس مافي انسان يحب و يلعن محبوبه ,,
لو مهما صار ,,
و رغم هذا مقدره حالتك ,,
لان قلت نفس كلمتك قبل ,,

دمت بحب ^^