رمضان

شنو راح نسوي برمضان ؟ نطالع مسلسلات والا كل واحد يكبر مخدته وينام والا زوارت ودواوين كل واحد اتوقع من يقولوله رمضان على طول ييخيل التلفزيون وقرقته اللى ما اجذب عليكم مسلية وتضيع الوقت

لكن هل هذى التسلية هذا وقتها واحنا بشهر اللى الواحد المفروض يكون فيه يفرغ فيه خطايا السنة كلها بعض الناس يعتبر الصيام عقبة او حاجز متعب للوناسه مع ان الواحد برمضان لازم يحس نفسه خفيف طول السنة لعب وضحك وشغل وكد وتعب وحلاتنا حالة ماكو احد يقول خل اعطى روحى اجازة شوى خل اتفرغ ان اقرى القران او خل ازيد من الصلاة غير التروايح والقيام صدقونى حياة الفهد والنعم فيها وفجر السعيد والنعم فيها وكل الممثلين والنعم فيهم ما ابى اطب باحد مع انى ما احبهم بس ما راح ينفعون ولا راح يزيدون بحصليتنا اى شى

ما اقولك سكر التلفزيون ولا اقولك طف الكهرباء واقعد بالظلمة هذى سوالف مينن بس اقولك لا تاخذك الدنيا وخصوصا بهالشهر خل نحاول نخلى حياتنا غير علشان نكون نقطه بداية حق تغيير الكل يطمحله الا اللى مستغنى عن هالتغير واهو يكون انسان بنظرى الله يعينه على نفسه

خل نحط حق نفسنا اهداف بدال ما نقول باختم القران مرة خل نختمه مرتين بدال ما نصلى بس التروايح خل نجرب بعد التراويح وبعد رجعه اليمعات والدوانيه جم ركعه خفيفة

وارد واقول خل نطالع التلفزيون وخل نتواصل وخل نضحك لكن لا ننسى الاهم وليكن الاهم فى محله وليس الاهم فى يكون بالاخر والمهم يكون اول شى

وكل عام وانتوا بخير وعساه رمضان التغيير ومنه للخير الكثير انشاء الله

وسلامى على يهوهو ولا يتحرك