الطموح و العمل والمثابرة والالتزام وقليل من المشاغبة تكون الحياة ناجحة

Thursday, January 26, 2006

الزوجة الثانية

ادرى ان موضوع شيق والحريم راح يكرهونى عليه لكن هذا الواقع بوقتنا الحالى اللى قاعد يصير ان المرة ترفض ان يكون لها شريكة بزوجها وكنت اتمنى ان هالشى نابع من حب ولكن الواقع ان نابع من حب تملك وخوف من كلام الناس لان احنا فى مجتمع بس يدور فيه الحش والتشمت ولكن اذا شفنا من ناحية ثانية شنو المشاكل اللى تترتب على عدم الموافقة من الزوجة الثانية اولا ازدياد العنوسة وهالشى بسبب قلة الرجال عدديا عن النساء وهذى سنة الحياة لو نشوف البنات وشلون صاروا يشمون ريحت الريال من كيلو تقول ذيابة ناطرين ارنب ولا يشوفون ريال مع مرته يروح فيها يا خز من الحريم او صكوه عين وتالى الليل صراخ ونجرة
المشكلة الثانية اهيا بالريال نفسه خل نكون واقعين اتحدى واحد او وحدة ابوه او يده ما تزوج اكثر من وحدة لكن كان هالشى عادى لاسباب وايدة مثلا قبل لو توفى زوج وحدة ما يخلونها من تخلص عدتها زوجها والدليل بمسلسل درب الزلق خالد النفيسى يقول حق على المفيدى عندى لك وحدة توها لنك زوجها صارله عشرين سنة متوفى (اتغشمر)بس يا جماعة كان هذا الواقع لان يعرفون شنو الفتنة اللى موجودة واللى تترتب على هالشى بالاضافة الى شهور الحمل اللى تعتبر المرة فيها ما تقدر تادى فيه دورها وهى معذورة بهالشى
لكن المشكلة الاكبر اهيا عدم تقدير الزوجات لهالموضوع ان اقولها ومتاكد لو كان الموضوع حب بين الزوجين ان اول واحد ضد ان الرجل يتزوج وحدة ثانية لكن طول ما ان اللى موجود وغالبا ما يكون ما بين الازواج هو تعود وحب تملك لا اكثر فهذا يعبر ان مشكلة اجتماعية جديدة واهيا الخيانة الزوجية اللى بسببها اغلب الريايل بدأوا يتجهون لها دون اعتبار بس لمجرد اللهو وليس بحث عن الحب المفقود من الزوجة
نصيحتى حق كل مرة كويتية وخليجية وعربية ومسلمة اذا بغيتى زوجج يحبج لا تكونين قراقروش عليه فصدقينى مهما بلغتى من دهاء فالرجل لديه ذكاء الذئاب ومكر الثعالب وما انتى ايتها المرأة الا كتل من دهاء القرد وخفة الضفدع فديروا بالكم عدل وهالله هالله برياييلكم
وللموضوع بقية
وسلمولى على يهوهو ولا يتحرك يسوى شى

4 comments:

Яeema said...

i hate you!
i am going to start a real war with you!

lawyer said...

لحظه لخظه انت تحرض الريايل على الزواج
و تقول ...

ونقلا منك ..
هذا الواقع لان يعرفون شنو الفتنة اللى موجودة واللى تترتب على هالشى بالاضافة الى شهور الحمل اللى تعتبر المرة فيها ما تقدر تادى فيه دورها وهى معذورة بهالشى!!!!!!!
دور المرأه فقط في الزواج هالشي!!

هذي وجهت نظرك
زواج من ثانيه بس هالشي

انا في نظري اذا هذا منطق الزوجه الثانيه
الله يعينكم لاني اشوف الريال الي يفكر في جذي تفكيره شهواني
و مو ادمي
..
الرجل من يسيطر على رغبته و نزوته مو الي تقووده رغباته

Negatively Charged said...

i agree with lawyer. o ba3dain 3indy so'al..enta met3aQed men el 7areem? lol!

jawaher said...

مشاري اول مره ازور مدونتك وانصدمت

من وين جايب افكارك ؟؟؟؟

فصدقينى مهما بلغتى من دهاء فالرجل لديه ذكاء الذئاب ومكر الثعالب وما انتى ايتها المرأة الا كتل من دهاء القرد وخفة الضفدع فديروا بالكم عدل وهالله هالله برياييلكم


رحمتك والله يامشاري شكلك على نياتك ماتدري عن شي

النساء فيهم من الدهاء والخبث مالله به عليم وذكره الله في القران

so u have to be careful not us :P