الطموح و العمل والمثابرة والالتزام وقليل من المشاغبة تكون الحياة ناجحة

Sunday, January 29, 2006

الزوجة الثانية مرة ثانية

الظاهر انفهمت وجهة نظرى غلط والدليل التعليقات اللى انكتبت واللى كنت اتمنى انها تكون مو جذى وعلشان اوضح وجهة نظرى اكثر الزواج مو بس عملية جنسية وبس الزواج تفاهم ومشاعر واخذ وعطى وصبر لكن اللى حاصل ياناس واللى ابى اركز عليه وهذا صلب الموضوع ان ما فيه حب والخطأ يتحمله الطرفين الرجل والمرأة الرجل يدور الحب برة البيت والمرة ومو كلهم علشان ما يشيشون على يدورن الحب برة وحتى لو اهم متزوجات وخلنا نكون واقعين شكثر احنا نشوف رياييل عندهم رفيجات والعكس حريم عندهم هم ربع شباب وهذا شى واضح فى مجتمعنا الابتعاد عن الدين وعدم التمسك بالعادات خله الناس بهالحالة بهالفقرة احب احدد واقول ان حب ما فيه وهذا عامل من عوامل دفع الرجل للبحث عن مرأة اخرى فهل تفضل المرأة زوجة اخرى عليها والا تفضل ان يكون عنده رفيجه وينخش وياها وايى تالى الليل يحب راسها واهيا تعتقد انها ملكة زمانها هذا السؤال ينترك للاخوات ؟
الموضوع من جانب ثانى الناس يا اخوانى وترى كلمة اخوانى حق الجنسين تنقال علشان ما يقولون بعد احنا فى مجتمع صار صعب من كل النواحى والمشاكل اللى قاعدة تطلع فيه مشاكل معقدة لدرجة ان اتفه الامور اللى قبل صارت من اعقد المشاكل الحين انزين انا ابى اسأل اى رجل او اى وحدة مو متزوجة لو واحد متزوج خطب وحدة غير متزوجة وكان شايف فيها الالتزام والادب مثل ما شافه بزوجته هل حرام ان يتزوجها؟ وركزوا انا اقول هل حرام من ناحية شرعية ؟ لكن مع الاسف ان المرأة تتوقع عندنا ان الزواج شئ كاثوليكى ان الزوج بس يتزوجها حقها بروحها وخلاص ابى اقولكم سالفة شايب توفى الله يرحمه لما سألوه عن هالسالفة ولده عمره الحين بالاربعينيات و هو صديق لى قاله :يبه ودى اتزوج وحدة ثانية رد عليه الابو واهو يضحك قاله : يا ولدى انتوا الحين ما تقدورن وما تدرون ان لو هالشى بيد المرة انها تتزوج اربعة جان خذت كل يوم اربعة
انا ما اكد على كلام الشايب الله يرحمه لكن صدقونى الناس فى الزمن القديم كانوا يعرفون سبب المشاكل اللى تترتب عليها العنوسة ويدرون شكثر ممكن كان الزواج يحل مشاكل
اذا تعرفون اى احد بالنيابة وما اقولكم مخفر سالوه جم قضية زنا تتسجل وانتوا تعرفون اللى يخلينى استغرب ان وايد من الحريم يدرون ان ازواجهم يطيحون بالحرام وعلى قلبها مثل العسل لكن اذا قلتها زوجج يتزوج عليج قال يطلقنى قبل لا يتزوج على
صدقونى ياناس احب اكد حق الناس اللى تتوقع ان افسر الزواج بأن عملية جنسية وبس احب اقول لا للمرة المليون لكن صدقونى لما ترجعون حق الشرع والعرف راح تلقون نفسكم انتوا غلط جردى نفسج من أنانية المرة وما اقولج فكرى فى زوجج فكرى فى مشكلة مرة ثانية تعانى من مشاكل نفسية ومشاكل صحية واهى من احس البنات بس ماالله كتبلها نصيب وكان نصيبها مع زوج وحدة فيكم هل راح تقدرين توقفين بوجه النصيب اتوقع ان هذا السؤال سهل
واللى يقول انا متعقد من المرأة احب اقول ان المرأة التى تعرفنى تعرف شكثر انا اقدر المرة بعقلها واحترامها حق نفسها ولو فى تعليق اتمنى يكون بأسلوب مؤدب واحب أكد لى الحين الرجل مهما وصلت المرأة من ذكاء ما تقدر توصل فيه للرجل واللى يقول القرأن قال اقوله القران قال ان كيدكن عظيم وارجع حق التفسير اللغوى بين الكيد والذكاء و كل واحد من وين يكون
وسلامى على يهوهو ولا يسوى شى

4 comments:

Яeema said...

رأيي يعبر ما في نفسي و قد يكون مو منطقي بالمرة و هذا هو الجواب

لو أموت عليه و يمكن استغفر الله اعبدة علي قولتهم و أكتشف أن ما يبيني

فكرامتي أبدا

يا أما الواحد يعطيني كل ما عندة و اللا مع السلامة و الصراحة ما ألقي بالكويت واحد يعطي مثل ما المرا تعطي

الزوجة الثانية
عليه بالعافية

أصلا فكرة ( متأسفة علي هالكلمة)
أن من عقبها يبيني

مو متقبلة الفكرة

يمكن فيها شئ و الا شيات

وييييييييييييع

من ناحية صحية

أدري محد فكر فيها بس والله
اللي ما يبيني علي عيللاتي الله يحفظه

Anonymous said...

عن نفسي اتقبل ان زوجي يخربط من وراي بس مايتزوج علي والسبب بمنتهى البساطه إذا خربط من وراي اسمها نزوه بس إذا تزوج علي ويابلي وحده تشاركني فيه بكل شي لا والله اقوله بيباي والقلب داعيلك مايشوف شر

Anonymous said...

Wonderful and informative web site. I used information from that site its great. » » »

Anonymous said...

Very nice site! http://www.los-angeles-culinary-school.info Silver star hotel and casino Jenna jameson hardcore porn pictures printers