الطموح و العمل والمثابرة والالتزام وقليل من المشاغبة تكون الحياة ناجحة

Wednesday, February 15, 2006

انا وزوجتى بالفالنتين

بيقولون معقد بيقولون اللى يقولونه ما يهمنى بس مقتنع باللى سويته قمت وشريت ورد وهديته حق اغلى وحدة بحياتى وهى زوجتى وام بنتى اول مرة اكسر مبدأ من مبادءئ حق انسانة احس انها تستاهل كل شى لى وقمت اتصلت على راعى الورد وقتله ابى اوصيك على ورد بس هالله هالله هذا حق ام العيال قالى انطر باجر الفالنتين قتله يبه هذا بدون مناسبة واكتب على الكرت للاغلى انسانة بالدنيا من زوجج بس مو علشان الفلنتاين
قناعتى بهالشكل ما يهمنى ان الناس تدور واتعب نفسها على ولا شى لان بالاخير وبنهاية كل يوم وبداية يوم ابوس راس مرتى واطلع و ابوس راسها وهالشى بحد ذاته عندى متعة الحياة الزوجية قد يستغرب البعض ان اول مرة اكتب عن حياتى الزوجية بس لانى مشكلتى دايما شايل مشاكل الناس وناس مشاكلى والحمدالله ان اى مشاكل داخلية اعرف اتعامل معاها مو لان انا حكيم زمانى بس لان اعرف متى ارخى واعرف متى اشد
يوم الفالنتين كان بالنسبة لى يوم مشحون من الساعة 8 الصبح لى 9 بالييل وانا بالدوام واشوة ان قناعتى انفعت هالمرة علشان ما احتفل فيه لكن قزيت قزة خفيفة مع المدام علشان اكسرروتين البيت واتوقع انها كانت حلوة لان الجو كان حلو وبنتى مع ازعاجها كانت فلم هندى شوية اغانى وشوية نوم بالسيارة لما خلتنى اقتنع ان لازم ارجع البيت
بدال الاحتفال بهاليوم اتمنى من كل انسان يدعى حق نفسه اذا كان متزوج ان الله يتمم عليه واذا كان غير متزوج ان الله يرزقه الشريك الصالح
وصدقونى للامان والاستقرار الاسرى نعمة خيالية يحسد عليها المرء ويلقى الكثير من الناس الحاسدين لهذى النعمة
وسلمولى على يهوهو ولا يتحرك يسوى شى

4 comments:

Яeema said...

الله يحفظكم انشاء الله و يحميكم و يخليلك بنتك الحلوة و الله الانسان هو الوحيد اللي يخلق السعادة لنفسة و لو إن الواحد يفكر مرة وحدة إن يتخلا عن مبادءه لاسعاد انسان عزيز عليه و أنا أشوف إن مافيها شي

فلنتين مناسبة تذكيرية

ليش ننطر 14 فبراير

ما بين فترة و فترة نحتاج التجديد و التغيير

الله يعطيك العافية

Unknown said...

صح ريما الواحد مو عيب ان يكسر مبدا من مبادئه علشان يسعد غيره ولو لحظه لان نظرة حنان وحب وعاطفة صادقة بين زوجين تظل سنين طويلة مخزونةبالذاكرة
والله يعافيج وانشاء الله تكون بين فترة وفترة

ScarlO said...

Mishari,

I sort of don't like the idea of having a day for chocolate & flower exchange .. but I think it's a nice gesture of you to do.
May you celebrate it every year with your loved ones :-)

lawyer said...

الله يتمم علييييييييييكم
انشاء الله و يجمع بييينكم العمر كله على خير
و يخليلكم بنتكم
يا حليها


يالله الحمدلله انك فرحتها
و ونستها
هذا اهم شي
والله عالم في نيتك