الطموح و العمل والمثابرة والالتزام وقليل من المشاغبة تكون الحياة ناجحة

Sunday, February 19, 2006

عندما يبكى الرجال

شاف صورتها وابتسم يضحك على نفسه وين هذيج الايام اللى كانوا ما يتفاروقون فيها خالد ونوف كانوا اربعة وعشرين ساعة ويا بعض وما يفرقهم الا النوم .بدات قصتهم سنة 95 يوم تعرف عليها وكانوا لى الحين مراهقين وكان خالد شخص مثابر يبى يوصل حق شى معين فى باله لكن ظروفه كانت صعبة ونوف كانت بنت بريئة ما تعرف من هالدنيا شى وتعرفوا على بعض بصدفة غريبة جدا وكانت نوف تدرى ان خالد من شكله خوش ولد وحست فيه من اول مرة شافوا بعض وكانت متحمسة انها تدخل عالم الحب لانها تسمع عنه وايد بالمدرسة خالد اللى كان فى اول سنة بالجامعة شاءت الصدف ان نوف تكون معاه فى نفس الكلية ويشوفون بعض وايد ويقعدون مع بعض وايد ونقدر نقول ان الحب صج جمعهم مع ان كان فى بنات وايد كانوا يحاولون يخربوون هالعلاقة بانهم يالفون سالفة منى او سالفة مناك علشان يخربون سمعة خالد جدام نوف المهم نوف مع بساطتها بس كانت ذكية جدا بالدراسة وبيوم من الايام تعرفت على فاطمة بس فاطمة بنت ذكية اجتماعية مثل ما يقولون مبلتعة وبدات نوف تقولها اسرارها مع خالد وكانت بداية الخراب كانت فاطمة تقولها طعينى هذا ما يحبج اللى يحب وحدة يتزوجها وتروح نوف تتناجر مع خالد على هالموضوع كلها احنا متفقين ان بس اتخرج واشتغل اخطبج ليش مستعيله شفيج تكلمينى بهالموضوع فجأة كل مرة
مرة من المرات قالت فاطمة حق نوف تصدقين ان من سوالفج عن خالد احس شخصيته ما تنفعلج احس انه لازم يكون مع بنت عادية تبى البيت والعيال وبس ردت نوف قالتلها وهذا انا اللى ابيه جان تقولها صدقينى انتى المستقبل جدامج وانتى شاطرة وذكية تخصصج نادر باجر الوظيفة والتميز يكون لج ويغار منج قالتلها حتى خالد جامعى وشاطر وخوش ولد, ردت فاطمة لالا صدقينى انتى يبيلج واحد نفس ولد خالتى فيصل صدقينى اهو الوحيد اللى ينفعلج يقدر المرة ويعرف شلون يحترم تفكير المرة المهم كل الرسم بداية ما ياب نتيجة لكن بالاخير قدرت فاطمة انها ترتب موعد استعباطى بينهم يعنى كان كانت طالعة مع نوف وشافت فيصل بالصدفة ما توقعت نوف انها بتشوف واحد يهالشكل واول مرة يجذبها شكل شخص غير خالد وخصوصا كانت فاطمة حاطه صورة كاملة عن الشخصية ومن ناحية ثانية حس خالد ذيك الفترة بتغير باطباع نوف وانها دايما تحاسبه على كل صغيرة وكبيرة واهو ياغاافلين لكم الله تفاجأ ليش نوف تغيرت وقامت تعامله بالقسوة واهيا كانت الهادية الناعمة وصار عندها عادى انها ما تكلم خالد نفس قبل وفاطمة من صوب ثانى تطحن بهذاك الوقت كانت فجر اللى تشوف خالد ان اعظم ريال وان اكثر واحد بهالدنيا يملك موصفات الرجل الخلوق كانت تلاحقه من كورس لى كورس وكانت بنت خالتها تشتغل فى القبول والتسجيل وتعطيها جدوله كل كورس وعلى الاقل تسجل معاه فى مادة او مادتين وكانت تحبه مثل يقولون حب عذرى من بعيد لى بعيد
لى غاية ما مرة تجرأت وطلبت منه النوت ماله لانها تبى تنسخ المحاضرات وعللت لانه اهو اشطر واحد بالسكشن وكتبت كل شى تبيه له بالنوت وكانت جريئة بالنسبة حق بنت تروح حق واحد وكانت فجر بنت جميلة بكل مقاييس الجمال تفاجأ خالد يوم اخذ النوت وقالتله كاتبتلك شى بالنوت و ياريت تقراه تفاجأ خالد يوم قرى ولقى انها كاتبتله رقمها
من ناحية ثانية بدت تقل اتصالات نوف بخالد واهو كل يوم يتصل واستبعد فكرة فجر نهائيا من راسه لى ما تفاجأ ذاك اليوم ان اعز واحد من ربعه عبدالله يقوله خالد ترى ودى اقولك شى بس خايف تزعل منى قاله قول شالسالفة قاله انت لى الحين مع نوف رد عليه شنو اللى انت لى الحين انا طول عمرى مع نوف وراح اظل معاها والمشاكل اللى بينا مسيرها تنحل شى عادى
قاله بس انا كنت رايح مكان عام ولقيتها قاعدة اليوم الصبح مع واحد بكوفى شوب جمعية الشامية ( بالريتز) رد خالد انت متاكد باللى تقوله قاله ايه متاكد شدعوة انا رفيجك من سنين وجم مرة اشوف نوف معاك مو معقولة ما اثبت
اتصل بنوف على طول وقالها ابى اشوفج قالتله الحين مو فاضية شوي مشغوله قام يصرخ شنو مشغولة من متى مشغولة لازم نقعد ونتكلم ردت عليه قالتله يصير خير وقالته انا لازم اروح الحين وسكرت السماعة
بعد ساعة رن التليفون والا رقم غريب رد خالد ( نعم) والا صوت وحدة والا فاطمة بالناحية الثانية من الخط قالتله عطنى خمس دقايق متواصلة اتكلم بعدين رد على باختصار اللى قالته
انك لازم توخر عن نوف لانها مو لك الحين واهيا مع فيصل لان فيصل يبى يتزوجها الحين وانت ما تقدرتتزوجها
قالها انا متفق معاها ان بس اتخرج نتزوج ردت عليه قالتله صدقينى انا اعرف شخصيتك من كلام نوف انتى ما تقدر تعيش مع نوف
قام يصرخ عليها انتى منو اللى تحديدين ان اقدر اعيش معاها والا لا انتى شنو ذلفى وخلى النفس طيبة والاحترام موجود علشان ما تسمعين اللىما يسرج
اتصل خالد بنوف قالها لازم اشوفج ردت عليه بكل برود لا ما اقدر هاليومين مشغولة رد عليها قالها بس تقدرين تقعدين مع فيصل بالكوفى شوب صح ؟ ردت عليه بكل وقاحة اى اقدر طلع من طوره قالها صج هذا كلامج يعنى
قالها سويت شى غلط انا ,عمرى فكرت بغيرج وانا اللى البنات ايون لى عندى واردهم علشانج وانتى تسوين فينى جذى
وكانت اخر مكالمة بين خالد ونوف وبعدها غيرت رقمها نوف وانتهت قصتهم بكل بساطة وكانت هناك محاولات عديدة من خالد ان يصلح الوضع لى غاية ما يوم قاله عبدالله خلاص خالد انت ليش تهين كرامتك حق وحدة نفسها وكانت سنة التخرج وتخرج خالد وتوظف بوزارة الخارجية وكان يحاول ان يبتعد عن الكويت باى صورة وطلب ان يكون بوحدة من السفارات اللى بره
وتزوجت نوف فيصل لمدة سنتين واكتشفت ان كان فرق كبير بينهم لكن اصرت انها تكمل حياتها الزوجية ولهت بشغلها بوحدة من شركات القطاع الخاص وصورها كل يومين وترك بالجريدة وزوجها مايدرى عنها هذى الحياة اللى كانت ترفضها نوف لكن اختارتها بارادتها
وخالد رافض ان يرجع الكويت ولكن الصورة اللى بالجريدة صحت كل الشجون اللى فى قلبه
رمش خالد ولقى دموعه تنزل على خدة ولقى نفسه ان لازم يصفح الجريدة اللى لقى فيها صورتها وقرر ان يرجع الكويت باسرع وقت ممكن ويبدى بتغير حياته
.وسكر المسجل اللى كان يسمع فيه اغنية
خيانة للاسف كانت نهاية عشقى المجنون
فى ليلة حلمى الوردى تحطم فى نهايتنا

وسلمولى على يهوهو ولا يتحرك يسوى شى

10 comments:

Яeema said...

عجبتي التسلسل لدرامي فالقصة
ضعت إشوية لأن ماكو فاصلة أو نقطة

رجعت مرة ثانية للقصة و اندمجت بالأحداث بس حسيت النهاية مو محبوكة

تجربة موفقة


لكاتب مبتدئ لقصة قصيرة

سووري علي النقد
بس من لا يعمل لا يخطئ

lawyer said...

مايدرى عنها هذى الحياة اللى كانت ترفضها نوف لكن اختارتها بارادتها
وعبدالله رافض ان يرجع الكويت ولكن الصورة اللى بالجريدة صحت كل الشجون اللى فى قلبه
رمش عبدالله ولقى دموعه تنزل على خدة ولقى نفسه ان لازم يصفح الجريدة اللى لقى فيها صورتها وقرر ان يرجع الكويت باسرع وقت ممكن ويبدى بتغير حياته
.وسكر المسجل اللى كان يسمع فيه اغنية

اهو كان اسمه خالد ...اظن خالد الي سافر و اشتغل في الخارجيه ..و بعدين صار عبدالله .؟؟
و الا انت ما كملت احداث خالد و تكلمت في النهايه عن رفيجه عبدالله ....

او هذا غلط... مطبعي

mishari said...

هذا غلط مطبغى تم تعديله :) ومشكورة

ScarlO said...

Interesting. Loved how realistic it was. Some of the parts about Nouf turning cold on Khalid is a bit unexplained, but it's open for us (the readers) to put our own reasons for this. Which isn't bad at all, just a bit vague.

Loved it. Keep posting :-)

NaDiA AnZa7a said...

السلام عليكم أولا
وثانيا أحب اقولك ان نهاية حب مو نهاية العالم والواحد منا مايدري وين الخيرة له " وعسى ان تكرهوا شيئا وهو خير لكم وعسى أن تحبوا شيئا وهو شر لكم " والحياة تجارب بس لازم نستفيد من هالتجارب ما أقول انتعقد منها لأن في ناس وايد يتعقدون من تجاربهم الفاشلة
والدنيا لو خليت لخربت في بنات وايد محتاجين نوعية حب خالد العذري والبرئ بس وين اعتقد في زمانه هذا نادر، ونوف مالهاش في الطيب نصيب

i_live_in_Q8 said...

Are you sure you made this up?... Honestly?

mishari said...

شكرا نادية على التعليق واهيا مجرد قصة نص احداثها صارت ونصها لا من الخيال

mishari said...

dear (you live in q8)
yes, why is it your story ?
if yes so keep peruslaing the newspaper

Anonymous said...

Keep up the good work Orgasm squirt penis Hospitalised from neurontin

Anonymous said...

Wonderful and informative web site. I used information from that site its great. http://www.depakote-children.info