الطموح و العمل والمثابرة والالتزام وقليل من المشاغبة تكون الحياة ناجحة

Saturday, May 20, 2006

الملاقيــــــف

الملقوف : هو شخص يتدخل فى مواضيع لا تعنيه بصلة مما يرجع عليه بالاحراج

السالفة الاولى ( بوطلال بالمستوصف)1

انا كنت قاعد بمكتبى والا يتصل فينى صديقى بوطلال وهو شخص نكتة يقولى صار معاى هالموقف التالى قتله قول
يقول دشيت مستوصف منطقتنا وخذيت دور وقعدت يقول صارت عشر دقايق ربع ساعة لاعت جبدى يقول التفت على اللى يمى والا شكله شاب عمره ما بين الستة عشر والثمانية عشر وشكله مو كويتى ويقول منطقتنا لا يمكن يكون فيها واحد غير كويتى الا اذا ولد فلوس لغلاء اجارتها العالى جدا
يقول قتله تراهن اللى عند الدكتور مرة رد الولد باستغراب شدراك ؟ قاله يعنى انت شرايك دكتور مستوصف يقعد مع مريض فوق الربع ساعة تلقى استانس عليها وسوالف وضحك وعلى ابو ان حاطة السماعة وروح
الولد كان رده مؤدب قالها لا انت تدرى الحريم يعنى يشروحون بالتفصيل الممل وبوطلال يقاطعه لالا يبه اى تفصيل ممل تلقى سايح الدكتور داخل والولد يرقع
خمس دقايق وتطلع وحدة شمحوطة من غرفة الدكتور باول الاربعينيات وتلتفت على الولد اللى يم بوطلال وتقوله يالله ماما خلصنا
بوطلال طقته البوهه
والا طلعت ام الولد اللى قاعد يم بوطلال
وانا لما قالى السالفة صرت بنص هدومى


السالفة الثانية ( لقافة نبيها خمسة)2

محد يشكك بوطنية احد ولكن لما يكون عندنا ناس من شباب المجتمع طول عمره ما بين الشيشة ومباراة برشولة والا ارسنال وفجأة يصير محلل سياسى بالشؤون الداخلية
صارت السالفة كالتالى قاعدين نتاقش بقضية تنقيح الدستور والا واحد يقول لالالا الدستور ما ينجاس
قتله ليش قران؟ اللى حطوه بشر ولازم يواكب التطور اللى حاصل
وزبد الولد وحالته حالة وما يصير وعبدالله السالم وهلم جرة
قتله ابى اسألك انت تدرى اى مادة اللى طالبين تنقحيها؟ رد بكل برود لا
قتله عيل شكو اهلك انت ياى تقول ما ينجاس
بالمقابل من الجنس الناعم وحدة من حريمنا الكبار انا خابرها بين لندن وفينا بالمصح مع المتان كل سنة لان خايفة على عمرها ولبنان لا خبو الاوادم ومرت جان تقول نبيها خمسة وماكو غيرها قتلها صح انا بعد ابيها مو بس خمسة ابيها وحدة جان تقول لالا خمسة وبس قتلها الحين انتى تدرين شنو الخمسة جان ترد تحسبنى ما افهم اى الدواير قتلها اى الدواير قتلها عمتى مو جنه تظلين على مخططات السفر بالصيف وموديلات الهدوم وطلعات المرينا مع العيايز احسن لج



السالفة الثالثة ( لقافة عاطفية )3

بكل اختصار تقدم واثق الخطوة ومعتقد ان الوحيد اللى ما ينرد من قبل اى بنت ليش؟ لان مزيون وكشخة وسيارته تنعد على الاصابع بالكويت ؟ حلو الكلام تقدم لى سيارتها بمواقف الجامعة وقالها نزل الدريشة ابى اكلمج نزلت البنت الدريشة جان تقوله نعم قالها عرفتينى ؟ ردت عليه امر شتبى ؟ جان يقولها بغيتج بموضوع خاص جان تقوله تدرى انك خوش ولد وولد ناس بس تدري شنو عيبك وليش ما اشتهى اطل بويهك قالها افا ليش؟
ما تستحى علي ويهك هذا اولا وبعدين وايد مغرور والاهم من هذا كله وايد وايد ملقوف وهدت ومشت عنه
الحبيب فى شهر ديسمبر صار جنة بنص شهر اغسطس


وسلمولى على اللى يهوهو ولا يتحرك يسوى شى

18 comments:

3ateeja said...

الموقف الأول :
صراحه موقف محرج والله وهذي اللقافه وماتسوي ..وطبعي دايم اسولف مع اللي يمي بالمستوصف ..مادري هل كهذي لقافه بعد ولا لأ :)
الموقف الثاني :
حصل لي :)
الموقف الثالث :
عفارم عليها ..وشنو بالله موضوع خاص يعني والله جليل حيا فقارى هذيله اللي يعتمدون على السيايير الكشخه

Q8LoVeR said...

ههههههههههههههههههههههههه
لوووووووووول حلوه حلوه منك بومحمد

شكرتني بسالفة واحد هني عندنا بالامارات
قاعندين نتكلم عن الوعي النقابي بالنسبه حق الكويتين بالامارات
جان ينط صاحبنا ويقول ماكو وعي نقابي عند الطلبه الطلبه يحتاجون وعي نقابي ويجب توعيتهم عشان يصير في اتحاد للطلبه وانجازات
قلت زين انت يابو وعي تعرف شنو يعني النقابه ؟
بكل جرأه يرد لا والله
الحين صارلك نص ساعه وعي ونقابه وفلان فاهم بالنقابه والكويتين في ناس عارفين بالنقابه
انت شتبي الحين

بالنسبه حق نبيها خمس ترا شكلها احلى الخمس ملونه عليها برتقالي ومدوره شكلها احلى من الواحد لي الحين ماصارت له حمله شرايك بحملة نبيها وحده ؟ لون ازرق بعد ونصف جبال المجلس ؟ ;p
تحياتي على الموضوع الجميل

الحجيه said...

السلام عليكم جميعا


الله يهداك يابوطلال في مثل ينقال المقوف عطوه نخل ولاسكت بس صج موقف صعب ودك الارض تنشق وتبلعك

اللقافه 2
شقول المثل اللي مايعرف الصقر يشويه مع الاسف هذا حال اغلب البشر موعيب ان اسئل عن الشئ أجهله حتى اكون بالصوره

اللقافه 3
سَئل أحد الحكماء : الأغنياء أفضل أم العلماء ؟
قال : العلماء ....

قيل له : فما بال العلماء يأتون أبواب الأغنياء ، ولا يأتي الأغنياء أبواب العلماء ..

قال الحكيم : لمعرفة العلماء بفضل المال ، وجهل الأغنياء بقيمة العلم

صاحب السياره النادره عباله ان بيكسب هالبنت بفضل السياره بس اثبت انه تافه وبلاحس ولادين اقول ابنيتي والله انها اخت الرجال والله يحرسها ويحميها من

المتطفلين التافهين

سلامنا للي مايتحرك وانشالله ربي بهديهم لخير والصالح انشالله

layal said...

من تدخل فيما لا يعنيه لقى ما لا يرضيه
المشكله انه الملاقيف علي كثر ما يحصلون فشايل والناس تقط عليهم كلام لكنهم ما ايوزون(ينردعون) ويوصلون هوايتهم المفضله اللقافه والهذره

neelaah said...

ههههههههههههههه

انا اعتقد القف سالفه مالت المستوصف
صراحه صاحبك ملقوف
و يحمد ربه انه الولد ما فصل عليه

بس الليس ضحكني ان انت انقص ويهك مادري ليش

Anonymous said...

لووووووووووووووووووووووووووووووول
شي مو طبيعي .. بس قويه الي ردت على صاحب السياره لو عندنا جان قطت الفيس على طول ..

لكن قلمك جريء وقوي :)

arabic man said...

مدونة مميزة
يمكن اللهجة شوي صعبة بالأول بس من كثر ما الكتابة مميزة قرأت كل المدونة
تحية لك

Nora said...

hehehehe ..

يا زينها من لقافة

خفيفة طينة

اللي تذبح شي ثاني هذي تهووووووون

يا حلووو الحريم الكبااار لي أفتوا

ههههههههه اتينن عمتك والله
;)

ana_sokkarah said...

لوووووووووووووووووووووووووووووول صج لقافة
الحمدلله إني ماني ملقوفة ولا لي شغل بأحد موليّه

7amee elDyar said...

مشكلة اللقافة ..

انا امس رحت مؤسسة لدعم مشروع ..

كان بينا موعد مع شخص مسءول

يفترض ارد على اسئلته

والا في دكتور بكلية الهندسة قاعد يالمكتب

واذاني اسئلة وتهكم

وانا ارد واوضح

والا الريال جنه ما يبي يسمع


اخر شي طلع ماله شغل

ومادري شلون


طلعت ولا طقيته !

Unknown said...

3ateeja: شفتى شلون ديرى بالج لا تسولفين بالمستوصف :)) لا تروحين فيها بعدين فتحى التعليق عندج على اخر موضوع

Q8LoVeR : مدام انك بالامارات ولد عمى كان رمستله باذنه وقتله اللى ما تعرف فيه اسكت عنه وشووووله هالرمس اللى ما منى فود :)) تحياتى من اخوك بوعبدالله

الحجيه: ياحجية لو بوطلال يعطونه رولز ريز مو نخل ماكو فايدة سوالفه وايد والحين هاب يبى يعرف شنو سالفة الدوائر :))
والعلماءهم قواد الامم معروفة ان العلماء فى وقتنا الحالى ينتقدون بشدة والله كريم

sarah : سارون والله مشكورة على هالمدح وانشاء الله ما تصيرين مينونة واذا صرتى مينونة تعالى الكويت اخذ فيج 60 دينار :)) وانتى ما شفتى شى حمدى ربج انتى بالسعودية لان الشباب اهنى شادين حيلهم من يدخل الجامعة يحسب ان البنات كلهم يلتفتون عليه :))
وربى يوفقج انتى بعد :)

nOOna : وييييييين يبه الجلب اللى يعضكم ذبحنا عسى ما شر انا قلت لهيتو مع الخمس
اللقافة يا بنت عمى بكل مكان وعلى قولتج ناس تلعلع واهيا لاهية كانت بامور ثانية بس شافت الوضع قالت برتقالى برتقالى مع الصيف مع انى مع الخمس العادلة من اجل اطفالى

neelaah : ضحكة فيها العافية استانس لما اخت نفسج القاها تضحك وتكون تعلق عندى لتأكدى بانج انسانة ذات عقيل رزين واتشرف باخوتج

FatmaQatar: اول شى مرحبا فيج بمدونتى لاول مرة تعلقين اهلا وسهلا وبعدين يا معودة لا يسمعونج شبابنا ترى ايون ركض قطر بروحهم مشافيح على الحريم يموتون على الحريم
تحياتى للدوحة واهل قطر اللى اهم من اهلى وناسى

BaLqEeS: لان ماكو هدف يابقيس لو كل واحد شغل نفسه بشى يفيد جان ما تلقين هالامور

ayhm jzzan: اخى العزيز ارجو قبول اعتذارى لعدم الكتابة باللغة العربية واوعدك ان اضع ما اضفته بالحسبان وشكرا لك على هذا المديح
تحياتى للشام :)

NaDiA AnZa7a: اهلا وسهلا زين يبه مريتى اليوم اشوة المزاج زين :)) واشوة ان ضحكتى خابرج شرية بس قلبج نظيف وانا اخيج

a7La eNG : عمتى هذى مسميها كونا اى خبر بالكويت ابى اتاكد منه اتصل فيها هاعمتى صح والا لا وعاد تعطيج التحليل او تقول شوى اتاكد ورد اعليك شفتى شلون ان كيكدكم عظيم:))

ana_sokkarah: ماكو فايدة حتى لو بروحج ايونج ما تعرفين الاغنية اللى تقول ولا امشى تحت الساس خوفى تطيح الطوفة
7amee elDyar: هذا مو ملقوف اللى مجابله هذا يعل والله يعينا

Unknown said...

layal: اسف ان ما علقت على كلامج دون قصد مع المجموعة
ممكن سؤال؟ احس قاعدة تكتبين وانتى تبين تتهاوشين :)) عسى ماشر ؟

layal said...

ما شر -بس لما قريت الموضوع تذكرت الملاقيف اللي مروا علي -ضحكتني الصراحه
:-)

Anonymous said...

تحياتى للدوحة واهل قطر اللى اهم من )اهلى وناسى )

تحياتك اوصلت .. :)أسعدتني جداً أخوي مشاري

Unknown said...

FatmaQatar يا هلا وسهلا

el7lwa: شى ثانى ؟ مثل شنو ؟ مالنا خلق اصابات

Anonymous said...

best regards, nice info Online phd degree whittier alaska Buy doxycycline freewebs com zithromax zpak Venlafaxine 37.5 http://www.dental-dental-individual-individual-information-insurance.info/side_effects_of_depakote_search.html Asteroids arcade game used Insurance brokers mortgage companies car lcd monitor mount world-record longest penis aston martin db9 cd player porsche gt-3 1993 gmc brain blonde mo modular home Timing of clomid and hcg Wat does protonix do incident management team training esa dvd car charger Below wholesale stationery Hp officejet 5610 ink cartridges

Anonymous said...

What a great site incorporating businesses since 1899 business card template plotter blade holder Microsoft training preston preggo porn com Accounting auditing course dublin Isael travel agents zyrtec coventry rhode island Inside vehicle mount for video camera Ian payne tyne tees tv presenter sports Hotels pas chres marrakech Merits electric wheelchairs power wheelchairs medicare Interracial women fights eye laser surgery debt finance settlement Second hand laptops ireland www ferrari cars com

Anonymous said...

Very nice site! Jenna jameson naked party hardcore Boobster milf Strapon female domination fem dom femdom Polish cum whatis3a milf asian fucked Atl upskirt Big asses video boots