الطموح و العمل والمثابرة والالتزام وقليل من المشاغبة تكون الحياة ناجحة

Wednesday, May 31, 2006

مقتطفـــــات نهــــايــة الأسبـــوع

سياسة
تصعيدات انتخابية جادة والنساء يقلبون صناديق الاقتراع – فتوى من عميد كلية الشريعة بان صوت الزوجة بيد الزوج شرعا – انباء عن ترشح بعض من ابناء الاسرة للانتخابات – هدوء غريب فى جلسة محاكمة صدام الاخيرة

اقتصاد
صعود متواضع للبورصة وتوقع بالصعود مع البدء فى ارباح الربع الثاني – ضخ سيولة غير مبرر من الحكومة فى سوق الاوراق المالية – بورصة خفية اثناء فترة الانتخابات

الجو
حار نهارا جدا ومقاربة درجة الحرارة ل 48 ومعتدل بعد الساعة 12 يعنى اللى يبى يطلع ينام لى صلاة العشاء

الحب
عندما تفتقد شخصا يكون هو النور فى حياتك تتحول بدونه الحياة الى عتمة خانقة


مدونة

البهرجة الانتخابية الحاصلة لدينا ما هى الا دليل على ضعف المرشحين فكرا والقليل جدا هم من اثبتوا ثباتهم موقفا وعقلانية بالالتزام بالدين والعادات والتقاليد فمن ينادى بالتحرر الزائد أقول بكل تواضع عفوا هذه الافكار الديناصورية قد عفى عليها الزمن

اخر القلم

باختصار
تعبان
ماكو احساس
احتاج التغيير


واستانسوا بنهاية الاسبوع مع الاهل والاصدقاء

واستمتعوا بهالاغنية

23 comments:

sarah said...

عندما تفتقد شخصا يكون هو النور فى حياتك تتحول بدونه الحياة الى عتمة خانقة
...........
هذي بكتبها على لوح واعلقها فوق بيتنا لا فوق الاشارات لا فوق العماير
والله ابي احطها فمكان الكل يقراه

....
فعلا هذا اللي انا حاسته في هالاسبوع
:((((

Яeema said...

الحر و ما أدراك ما الحر

ما يهمني الحين أي شي إلا إن الصيف يعدي علي خير و إذا برد الجو برد معاه كل شي

الحب
عندما تفتقد شخصا يكون هو النور فى حياتك تتحول بدونه الحياة الى عتمة خانقة


أول شي الله يبعد عنكم العتمة
و الله إنشاء الله يعوضنا خير باللي حوالينا

مشاري و سارة
دايما خلو في حياتكم أكثر من شخص عشان النور ما ينطفي

الله لا يحرمني من نور حياتي يا رب
( مالكم شغل منو )
هاهاهاها

وين الأغنية؟؟ ماكو شي؟

3ateeja said...

سياسه :::واذا الزوج بياخذ رشوه هل اذا خذت الزوجه الرشوه يحسب الذنب على الزوجه ولا الزوج ...نبي فتوى يا معود !!!!!

اقتصاد:::عسى يصير صعود متواضع برصيدي واهون من سالفة اصرف مافي الجيب
الجو :::ماعندي مشاكل بالحراره جلدي مؤهل جدا :) وهذي فايده الناس اللي ما يتدهنون وانا اختك

الحب::: ما قمت احس باللي تقوله نهائيه احس شعور الفقدان بالنسبه لي تبلد اتمنى انه يصحى واصير مثلاتك والله اغبطك على هالشعور ..شفت شلون وان تعدوا نعمة الله لاتحصواها

مدونه:::لا طار طيرك قول سبيل

آخر القلم

جريح جريح ..
واللي علمني المشي علمني اطيح
..واللي شراني بالذهب
رد باعني للريح
عاشق قديم
عاشق صريح
أسألوا نوم الشوارع ..
تحت اجفان المصابيح
و اسألوا البرد والشمس والريح
اسألوا صبري اللي سويته مفاتيح
اسألوا ..يمكن قوافي الشوق مني تستريح
يمكن الصمت اللي ساكني يغافلني ويصيح
جريح ...جريح....جريح

فايق عبدالجليل

layal said...

وصل سنفور غضبان
اكره الحر
اكره التحرر الزائد
تحياتي

layal said...

وصل سنفور غضبان
اكره الحر
اكره التحرر الزائد
تحياتي

layal said...

وصل سنفور غضبان
اكره الحر
اكره التحرر الزائد
تحياتي

الحجيه said...

السلام عليكم جميعا

السياسة : الانتخابات بتكون مختلفة تماما عن سابقاتها بالاستعدادات و الطرح وإشكال المخيمات
المهم الناس يا ريت يراعون الله والضمير باختيار المرشحين أو المرشحات حتى تعم الفائدة على الوطن والمواطنين ؛ الله يهداك يا د.محمد الطبطبائي أحنا قاصرين بلاوي تطلع لي بهل فتوه الجهنمية بتفتح باب للمشاكل والمهاترات يا كثر المتهورين عندنا معقولة حياة عمر ينهيها اختلاف بالتصويت معقول الدين مستغل بهدرجة الله المستعان لا حول ولا قوة إلا بالله ؛ أما الغبر صدام الهدوء بسبب الشهود إلي معاه الحين دورهم ما في اكشن

البورصة : خلها على الله عروقها بالسياسة

الجو : يازينه والله بالليل عجيب صدقت يخوي مشاري القيلولة لابد منها والطلعة بعد المغرب بس تدري يا ريت يحطولنا توقيت صيفي غير الشتوي حتى تطول المدة بالليل للأسواق مو تسكر بالتسع

الحب : الله يهداك من منا ما فقد حبيب أو حبيبه فعلن تحس أن الدنيه صارت باهته بس الحمد لله من عرف الله هانت مصيبته والنسيان نعمه من ربنا بس لابد يمرون ببالنا ما ينمحون من الذاكرة مستحيل مستحيل الصبر نعمه شقول
سأصبر حتى يعجز الصبر عن صبري
وأصبر حتى يأذن الله في أمري
وأصبر حتى يعلم الصبر أنني
صبرت على شيٍٍٍءٍٍ أمر من الصبري

المدونة : ما ادري ليش عندي انطباع أن الانتخابات القادمة غير بكل شيء وبتكون المفاجئات فيها كثيرة ومنوعه

اخر القلم : ....... ......... ..........

يعطيك العافية و تونسك العافية مع أم العيال و عييلك

wwwwwww said...

لو سمحتي"
إسمعيني زين
وافهمي معنى الكلام
من رحلتي
راح نور العين
ودنيتي بعدك ظلام
حبي لك فوق.. فوق ما تتصورين
ارحميني وارحمي.. ارحمي قلبي الحزين
مركبي من غيرك انتي
في الهوى ماله شراع
و ضاع في صمتي الوداع
أعترف لج
إنتي أول حب
وانتي آخر حب
عشته في حياتي
أعترف لج
إنتي نبض القلب
وانتي نور الدرب
"واغلى من حياتي
إهــــــــــــــــــــــــــداء

FatmaQatar said...

Have a nice weekend for all of you guys :)

kitty said...

el7ob: ...........

ely ra7 ma yrja3 , aw alah ra7mna
fe n3mat el nesyan lo kl wa7d byfgd 3zez bet`thalm dnyetaa !! lesh n3esh b3d nmot a7san :)
alah la y7remna mn nor 7yatnaa aw traa lo btfaker nor el7yat wayd anaa agolk waz3 7obk 3shan tlga mn y3awthk aw yrd ro7k .....
tkfe el thkraa el7lwah , fa anaa anaqeth klamk mishari

NaDiA AnZa7a said...

عندما تفتقد شخصا يكون هو النور فى حياتك تتحول بدونه الحياة الى عتمة خانقة
!!!!
السراي اشمهنته
:))))))))

a7La eNG said...

اخوي مشاري
انطر نهاية الاسبوع اللي تكتبها

---

حسيت انك تحب الاختصار بالتعليق

:)

سلامتك من التعب و ان شالله حياتك ما تخلى من الاحساس و القوي بعد

the note book >> movie ,, goes with ur great poem in the pervious post ..

هذا اقصى اختصاري

;D

mishari said...

sarah : أقول لا عمارات ولا اشارات انتوا عندكم الهيئة ديرى بالج :))

Яeema : انتى عندج مشمكلة ازلية مع الحر اقتراح يا اما نحطج بقالب ثلج وما تطلعين الا بالشتا او تسافرين لى ما يخلص الصيف بلغى هالاقتراح حق بو العيال :)))

3ateeja : صح كلامج واذا الزوج كان مرتشى شنو الحل هل يتحمل الاثم بروحه ؟
وبعدين شكلى بوديج مطافى السالمية انتى يبيلج شغل :)))
شكو الله يهداج جذى هاملة عمرج :)

بعدين الشعر وايد عجيب فايق مثلى الاعلى بالشعر


layal : من كثر ما انتى مشتطة يعنى بالبحرينى مستعيلة وااايد كاتبة التعليق 3 مرات
لا تقولين انا اكره
قولى انا افضل الجو البارد
انا افضل الراحة :))
خلج ايجابية :))


الحجيه : هالمرة كاتبة التعليق مالج كلمة كلمة بايدج مشكلتى معاج انج تكتبين اللى افكر فيه باسلوبج بالضبط ونااااااادر ما القى اختلاف
الله يخليج لعيالج :)


سنع و منع : سمعت زين :) الكلمات صج حلوة وايد ومعبرة
تحياتى

FatmaQatar : same to you sis


kitty:من غيرتى الصورة وانتى صايرة رومانسية :)
انا اتفق معاج بان الزمن كافى يخلى الواحد ينسى ولكن هذى مشاعر لحظية بس :)
NaDiA AnZa7a : يقولج يا انزحا الخبر ان وزير الطاقة حتى السراى بصادره :))

a7La eNG : تنطرج العافية :)
الاختصار يجمع المعنى ومو كل مرة نحتاج الاسهاب الواحد يروح سيدة على النقطة اللى يبيها :) مو احسن ؟
وانتى مهندسة وتعرفين ان اقصر مسافة بين نقطيتين هى خط مستقيم ;)
شرايج فينى وانا مداحركم بشغلكم
واشوة ان اخر شى كتبيه عندى ضحكة كبيرة :)

G.C.C.United said...

البهرجة الانتخابية الحاصلة لدينا ما هى الا دليل على ضعف المرشحين فكرا والقليل جدا هم من اثبتوا ثباتهم موقفا وعقلانية بالالتزام بالدين والعادات والتقاليد فمن ينادى بالتحرر الزائد أقول بكل تواضع عفوا هذه الافكار الديناصورية قد عفى عليها الزمن


كلام جميل و الحين تبين وقفات الرجال في هذا الأختبار المفاجئ ... يمكن حل المجلس راح يبعد كثير من النواب النايمين .. الله يكتب اللي فيه الخير ... و الى الأمام

3afoor said...

انا اقووول روح سافر غير جو أحسن
عندما تفتقد شخصا يكون هو النور فى حياتك تتحول بدونه الحياة الى عتمة خانقة
صح لسانك المشري
أما بالنسبة للبورصة فعلى الله و على نتايج الربع الثاني

mishari said...

G.C.C.United: احنا نتمنى الان الافضل يكون موجود ويخدم الصالح العام لكن اللى قاعد يصير الله يستر منه ومن تفكير الحريم شلون بصوتون

3afoor : مت ابى اسافر لان ما فينى الا العافية :) هذى مشاعر لحظية بس ويمكن اكون متخيله لان انا جذى طبعى اتخيل الموقف واكتب :)
البورصة وما ادراك ما البورصة السوق كله بصوب والاهلية بصووووووب الله يلعنها :))
بس السوق نفس السجن للرجالة

bo9ali7 said...

قالها الرويشد..مافي احد مرتاح..ونهاية اسبوع سعيده للكل انشالله

ayhm jzzan said...

تعبان
ماكو احساس
احتاج التغيير
طول بالك يا رجل ما في داعي تتعب
أنا عندي اقتراح
أدعوك تزورنا بسوريا وتنزل عندي بمنطقتي إذا حبيت لأن الجو حلو كثير وبيصفى راسك وما بيعود يوجعك

3ateeja said...

هامله عمري ...لا يبا معجبه بنفسي لاتحاتي ..
ثاني شي لازم يصير بالدنيا كفتين
ما يصير كل الحريم يهتمون بروحهم
لازم يصير في حريم مثل عتيجه
علشان يصير في حريم مثل ريما
ولا شلون ريما تلق
لازم يصير يمها وحده امجثيه مثل عتيجه
:)
تحتاج الى تغيير
اممممم
تبي تاخذ كورس عند فهد ؟؟؟

NewMe said...

عندما تفتقد شخصا يكون هو النور فى حياتك
تتحول بدونه الحياة الى عتمة خانقة
***
كثيرون من يحملون المشاعل من حولنا
لينيروا ظلمة الدنيا نور
علينا ان لا ننتظر حتى نفقدهم
ثم نبكي الظلام دونهم
علينا ان نحيل حياتنا مشاعل لهم
وبهذا تصبح حياتنا
أكثر نوراً
***
أسعدت صباحاً

Яeema said...

mishari :
إقتراحك تم الموافقة عليه ، و قاللي يو لعيال قوليله يحط لعيال عندة و يدرسهم و يتكفل فيهم ليما نرجع؟؟؟


خل أقولك سالفة
أمس خالتي تقوللي إنتي يا 24 ساعة برة ، يا بالأسابيع قاعدة بالبيت ، إشلون و شنو السبب

بعدين جان أقول كلمتك المشهورة

إذا عرف السبب بطل العجب

خالتي جم درجة الحرارة؟؟
جان تقول حر موت مادري

أنا: طالما درجة الحرارة تعدت ال30 بالنهار فمالج أمل أطلع ، و الله يخلي النت و إللي مسويلنا المكيف

والله مشاري مو دلع ، والله إن يدور راسي و أحس إن بيغمي علي إذا زاد الحر

بكل فخر و إعتزاز أعلن البيات الصيفي
و الخروج بعد الساعة السابعة مساءا و إللي عندة مشكلة من هالناحية الله يحفظه و ما يشوف شر

أنا خل يكبرون عيالي إشوي و يتشوف إشبسوي

أشونة لكبيرة بنت و الباجي صبيان
بهاجر وياهم حق الدراسة
و أكتب بوست
ريــما من ديار المهجر

الحمدالله علي كل شي
اللهم لا إعتراض علي عطيتك لنا
حر ولا زلازل و براكين

أحس إني حنيت و تحلطمت وايد

بس إنت دقيتني سلف شسوي!!؛

إستحملني اليوم بس

mishari said...

bo9ali7: مرتاح :) الحمدالله

ayhm jzzan: والله عاد سوريا الجو حلو وشى بديع نتشرف

3ateeja : اشوة عيل بييب تلفزيون عوود ونفيش وبنك وتقعد نطالع كأس العالم عندكم بالبيت :))

NewMe : وصباحك فعلا هناك العديد من الناس يكونون هم النور للناس مشعلا ليسيروا خلفهم


Яeema: انا ما اقول الصراحة ريلج هذا يستحق وسام الشجاعة تدرين ليش لان متحمل ينوونج
ثانى شى يا اختى العزيوة فعلا الحر عبارة استغفر الله عن اختناق بالكويت اللى اصلا ماكو هوى الواحد ما يقدر يتنفس

تحياتى لج ولزوجج والاولاد الحلوين القادسوين فقط :))

EsTeKaNa said...

تعبان
ماكو احساس
احتاج للتغير


للاسف..احساس مشترك
ان شاء الله فتره وتعدي
الدنيا من غير احساس،مالها معنى
:)