الطموح و العمل والمثابرة والالتزام وقليل من المشاغبة تكون الحياة ناجحة

Friday, June 09, 2006

الصورة عن ألف كلمة

هذا ما نحتاجه فعلا توعية للناس يعطيكم العافية شباب


هذى الصورة منقولة من ويب سايت الامة وهى فعلا تعبر عن هذا المرشح السخيف تصدقون لو ينربط اسمى بانى
انسا ن اعطى رشوة يمكن ما اطلع من البيت الا متلثم

هالبيت لقيته بعد مقتل الزرقاوى وفعلا استغربت شكو كاتب جذى والادهى لقيت مكتوب بصبغ رش مكتوب بأذن الله سبيل الشهيد على


هاللوحتين محطوطين بالتقاطع اللى بين الشويخ والشامية شكو عبدالوهاب الهارون حاط لوحاته بهالمكان ؟

وسلمولى على اللى يهوهو ولا يتحرك يسوى شى

التصوير كان بمساعدة زوجتى
مشكورة

25 comments:

PearL said...

اول شي يعطيك العافية انت و زوجتك

ثاني شي حيل تعجبني الاعلانات اللي قاعدين يحطونها مجموعات من الناخبين عن اللي يدفعون فلوس

يعني جد ما يستحون
اشكره صايرة السالفة
والمشكلة الديرة صغيرة يعني الكل يدري

انا عجبني اعلان مكتوب فيه بما معناه
ان اللي يشتري صوتك
يبيعك بعدين

يعطيك العافية مرة ثانية :)

Mohammad Al-Yousifi said...

يعطيك العافية و ما قصرت انت و ام العيال

قوية صورة بو مصعب, انا ساكن عند شخص عزيز هم اسمه بو مصعب فهل انت متأكد انهم يقصدون الزرقاوي؟

يمكن صج واحد كويتي اسمه بو مصعب!

Nora said...

يعطيج العافية والله انا اقول هالتصوير الحلووو من وين هههه

وصل للمدام الكلام الله يعافيك

---

بما اني اشوف ويهه كل يوم تقريبا

ادعي عليه كل مرة .. لين خلصت الدعاوي فا قمت ابتكر لي مفردات

حسبي الله على كل من يشتري صوت

صعقت من الأريحية اللي فيها بعض الناس و قبولهم لفكرة التعامل و التعاطي مع هالنوعية الفاسدة من المرشحين

بالزوارة .. امرأة شابة تثني عليه طلع زوجها يشتغل معاه او له

و قاعده تحثنا على التصويت
اقول لها مو تقولين الصوت ب 500 ؟
تقول اي مو شرط تبيعين بس عطيه عشاني و الله ما يقصر ما سنع شغلي اللي اهوا

ووو تعدد للنساء صولاته و جولاته في سبيل نقلها ما ادري اجازتها
!!!!!!!!!!!

بققت عيووني لين عورني راسي

استغفر الله العلي العظيم

ما يستحوووووووووووووووون

فووق شينهم قوات عينهم

ابيــــــــــه احتريت مرة ثانية

اسفة على الاطالة
;D

gmr14 said...

اعرف بتقولون.. خارج الحدث ولكن يتحدث

كل اللي اقدر اقولة الله يحفظكم لديرتكم ويحفظ ديرتكم لكم

ويسخر لكم من هو اصلح

اطيب الاماني لكم

bo9ali7 said...

فعلا لوحات شباب ضد الفساد فتحت عيون الكثير من الناس بس بعض الناس ما يبي يتفتح
يعطيك العافية انت و المدام

esTeKaNa said...

صباح الخير
ازيك يا مشاري؟
يبت لك كشري وكباب من الحسين
بس لانه يالله صباح خير مالك الا المشلتت
:pP~

طبعا بالنسبه للبوست والصور
يعطيهم العافيه الشباب،يكفيهم انهم اصحاب غايه ساميه وقلوب نظيفه تحب الكويت،الحيث الشريف فيه تحذير ووعيد
ولكن السؤال:
هل فعلا اللعن والطرد من رحمه الله يخيف بعض القلوب الميبته والمريضه؟
اتمنى ذلك
،نصحنا شخص باعطاء احد هؤلاء النواب بائعين الذمه والمضير من باب انه الانفع للناس وانه افضل الموجود في الدائره وفي نفس اليوم اتصل المرشح من غير سابق معرفه ليسال عن جدتي ويعرض لابي سفرها للخارج وعلاجها على حسابه الخاص
واي شي تامرون عليه حاضر؟
!!
نحن ناس لا نبيع ضمائرنا
فعلا..الله يسامحه

الحجيه said...

السلام عليكم جميعا

في أيامنا هذا الواحد قاعد يشوف العجب العجاب اغلب الناس معاد يهمها شيء المهم يكون عندي فلوس وبس شلون مو مهم حلال حرام آخر ما يفكرون فيه يبيع ذمته دينا عادي المهم أتمتع بالفلوس وبس أعيش ذليل أمعه تابع يسحبونه مثل الخروف عادي وين العقل وين الدين ما في خوف من الله سبحانه وتعاله ما في خجل من نفسه سبحان الله الذمة والضمير مو صوبهم ؛ أتذكر يوم كنا صغار مر بدوي كبير بالسن ضرير مع ولده وكنا نلعب قرب قصر كبير سئل فقال من مكان هذا يقصد القصر قلنا له فلان جان يرد ويقول لا كان لفلان بن فلان بس سبحانه الله قال عبارة كلها حكمه
أعمل يا صاحب العمل
كل عامل يلقى ما عمل

فلما سئلنا قالوا لنا أن صاحبه القصر كان ظالم ما يخاف الله هلي فقد حلاله وآخر عمره انسجن ذليل

يا جماعه الله غفور رحيم كلنا خطاءين بس يا بخت عينه ألي يتوب ويخاف ربه لازم نحارب كل بياع للذمم وكل شاري نفضحهم ونحتقرهم ولا نتعامل معهم أبدا إلا إذا أنصلح حالهم مو عيب نعترف بالغلط ونرجع للصواب
لنتذكر جميعا أن الله غفور رحيم لابد أن نأخذ قرار التوبة بأسرع وقت لنعيش دون ذل أو خوف من احد ولكن خوفنا من الله وحده لا شريكه له الرحمن الرحيم اقروا القران تجدون الرحمة وباب التوبة فتوح على مصراعيه مم جعل إبليس يبكي

نعم بكى إبليس لما سمعها ويحق لك أن تأنس إذا سمعتها .. لكن قبل أن تستأنس بها وتطير فرحاً معها .. لا بد أن تأخذ على نفسك العهد - وهذا دينك - أن تعمل بها حتى تكون سعيد ولا تفرط بما يسعدكٍ ويسليك ... والآن جاء الموعد لتستمع لها ..

}وَالَّذِينَ إِذَا فَعَلُواْ فَاحِشَةً أَوْ ظَلَمُواْ أَنْفُسَهُمْ ذَكَرُواْ اللّهَ فَاسْتَغْفَرُواْ لِذُنُوبِهِمْ وَمَن يَغْفِرُ الذُّنُوبَ إِلاَّ اللّهُ وَلَمْ يُصِرُّواْ عَلَى مَا فَعَلُواْ وَهُمْ يَعْلَمُونَ{ (135)

قال رسول الله صلى الله عليه وسلم: ((ألا إن في الجسد مضغة إذا صلحت صلح الجسد كله وإذا فسدت فسد الجسد كله ألا وهي القلب ))
"اللهم اقسم لنا من خشيتك ما تحول به بيننا وبين معاصيك ومن طاعتك ما تبلنا به جنتك ومن اليقين ما تهون به علينا مصائب الدنيا اللهم متعنا بأسماعنا وأبصارنا و قواتنا ما أحييتنا واجعله الوارث منا واجعل ثأرنا على من ظلمنا وانصرنا على من عادانا ولا تجعل مصيبتنا في ديننا ولا تجعل الدنيا أكبر همنا ولا مبلغ علمنا ولا تسلط علينا من لا يرحمنا" الترمذي 5/528

Яeema said...

أولا أنا أقول هالنزاكه و السنع مو شغل رياييل
وصل هالكلمات لزوجتك العزيزة

أولا صورة عجيييييييبة
و صج رقي بالتعامل مع الحدث


الصورة إللي عن جمال العمر
أدري بتحلطم عليي بس الشرهو مو عليه
الشرهه علي إللي ياخذ منه
لو كل واحد قال لأ لمرشح جان ما تمادي

و بيني و بينك سمعت إن مخلي سرداب البيت كلها مكاتب تخليص معاملات
لا و أزيدك من الشعر بيت
إن أوها بنفسه إللي يدق عليك و يقولك ترا المعاملة خالصة لييش ما إتتي و تاخذها

يعني أهوا سوا إللي ينقال عنهم
الجمهور عايز كدة

مو معناته صح إللي قاعد يسوي
بس هم شريك بالجريمة
و إللي ذمتهم وسيعة وايد

بس مو بس أهوا

رئيس المجلس السابق أردي منه
والصقر بعد
و الراشد- العديلية و أنا واثقة من الكلام إللي قاعدة أقولة ، لأن الخبر من إللي ماخذين ، يا إمركب لهم مكيف
يا فارش الصالة
يعني مو بس كاش

Anonymous said...

سلامي لزوجتك أولاً ^_^

لوووووووووووووووول بل عيني عينك يرشي

ماكو حد يجلّع ألوحهم ويأدبهم عشان يلتزم بمنطقته !

يعطيك العافيه مشاري :)

Unknown said...

PearL : الله يعافيج وصج هالنوع من الحملات يمكن تفطن الناس شوى على مدى الغلط اللى يسونه

kila ma6goog :الله يعافيك بس صج اانا تفاجأت لان البيت شكله يعنى ما ادرى شنو بس مو معقولة فى ناس بهالتفكير


a7La eNG : ماشى يالنحيسة يعنى انا لما اصور مو زين ماشى اذا ما اصور تحت الماى :))
بعدين هذا مرشح دائرتكم الصراحة انا اشوف دائرتكم الحين ما فيها الا الفضالة ولو ان مغرور شوى بس احسن من غيرة ويمدحون وايد رولا دشتى :) بس ادرى ما تعطينها ;)

gmr14 :لا والله مو خارج الحدث فعلا احنا محتاجين هالدعوة لان وضعنا مزرى

bo9ali7 : الله يعافيك ولا تدري يا معود المدام انك بلندن ترى سيدة راح تقولي سأله بدت التنزيلات والا بعد :))
وانا اللى باكلها فانت اكتب بوصالج من مدقشر


EsTeKaNa : اهلا اهلا استازة استكانة ازيك وازى مصر :)
ها بشرى انشاء الله غيرتى جو
ما فى مسلم ما تكون فى قلبه لحظه يبى يتحرر فيها من اخطاءه

الحجيه: اول شى غبتى هاليومين عسى ما شر بس خل اقولج الناس ضعاف الذمة والضمير وايد ولكن فعلا لازم ايى اليوم اللى يتغيرون فيه والله يصلحنا ويصلح الجميع


Яeema : ماشى يعنى ما اعرف انا السنع والنزاكة بس على العموم اللى حق مرتى حقى :P

من قالج انا ضدج دشى ساحة الصفاة راح تلقين بالضبط انا كاتب الكلام اللى تقولينه المرتشى المواطن مو المرشح واهو اللى يرضى على نفسه يقبض فلوس بالحمامات مالت عليهم حتى مكان البوق يلوع الجبد :)



FatmaQatar : ما شفتى شى we r in kuwait

لمياء الحالمة said...

مشاري

العتب مو على جمال العمر أو غيرة من إللي يشترون الاصوات, هذولة عندهم بضاعة منتهية صلاحيتها ويحاولون يسوقون لها, وهذي عملية تجارية بحتة, وخاضعة لنظام العرض والطلب

العتب على المواطن إللي يرضى إنه يبيع صوته, وللاسف عندنا من هذي النوعية من المواطنين وايد

Unknown said...

لمياء الحالمة : والله يا بنتى معاج 100% لان هذا الكلام اللى قاعد اقوله بساحة الصفاة امس واليوم
بس الناس ما تبى تحس
الحكومة لو ترصد 100 مليون او عشرة مليارات
بس فى شعب نظيف راح تكون الدنيا بخير بس الشعب يبى فلوس ويبى يسافر ويبى سيارة
ماعندنا قناعة بعيشتنا

بعدين حلو تبادل الثقافات :)

الحجيه said...

السلام عليكم جميعا
ياخوي مشاري جواب غيابي بمدونتي

جزاك الله الخير كله على السؤال ياخوي

Nora said...

hehehehe

مشكلة اذا الشخص ما يتقبل رأي الاخرين بصدر رحب

:D

مشكلة الفضالة انه في يوم من الايام

مطول لسانه على ابوي و شبه انزره بعقر دوانيته .. انت يا الفضالة


فا صراحة ما يهنا لي قلبي اعطي انسان بيوم جرح الوالد اللي ترفع عن الرد و طلع عن المكان

عرفت القصة القصيرة ؟؟


انا الحين يايز لي الراشد

و تأكدت انه ما يشتري كلش

بس هم بٍسأل اكثر و اكثر ليطمئن قلبي

و احب نبيلة العنجري بس لازم اروح لهم كلهم اسمع و احكم ضميري


انا لو منك .. و حرصا على الشكل العام .. اسلم زمام الامور الفنية و التصويرية لزوجتك العزيزة

;Ppp

abderrahman said...

أعجبتني عبارة .. شباب ضد الفساد
والحديث الشريف .

يجب توعية المواطنين أولا قبل التعامل مع القوانين أو تعديلها .
**
أما أبو مصعب الزرقاوي، فأتمنى إنه يكون ساكن بعيد عنكم، لأن ممكن يكون بيته مستهدف :)

Unknown said...

الحجية انشاء الله وصل ردى

a7ala eng: عيل مدام جذى دايرتكم ما فيها ولا واحد:)
لان حتى باسل مو ذاك الزود ويمكن الافضل بنظرى المتواضع رولا دشتى ونبيلة مدعووووووومة من فوووق وهذا كلام متأكد منه
وصج دائرتكم مشكلة الواحد يتحير منو يعطى بس الله كريم والصناديق راح تتكلم
وبعدين البلوق بلوووقى انا ومرتى ميخالف بس بالاخير انا اللى قاعد اشتغل :S

abdou basha: والله يا اخى ابو مصعب بعيد عنا جغرافيا ولكن لدينا فى بلدنا الحبيب من ينتمى له فكريا ولله يستر

Sama Oman said...

مرحبا مشاري
الصور فعلا معبرة
ومع اني لا اعلم الكثير عن الانتخابات عندكم
لكن أيضا أعجبتني كلمة شباب ضد الفساد
.
الكلام كثير
يا ريت الكلام يتحول الى فعل و واقع بعد الترشيحات

ولا يكون كما يقال

(كلام كالعسل و فعل كالاسل)

سلام :)

3ateeja said...

مشاري ما احب اتحجى بالسياسه
وانا خلني اصدق ان في ابو مصعب الزرقاوي علشان اصدق انه مات
لاقينا لقوه هالامريكان والله
وشفيك عالهارون
يعني الهارون بالله بيقط بشته وبيقعد يشوف لوحه لوحه
والله ناس تبي الشاره
روح شوف تقاطع الجسر اللي بين كيفان والشاميه والضاحيه والفيحا يظحك
مردويسا
لأن كل وحده تتبع لدائره فوضع اللوحات يظحك
تخيل لو عندنا صدام ..تهقى في احد يقدر يحط لوحه ؟؟؟؟
والله وناسه هالديره
وطماشه :)

Unknown said...

>>Sama Oman<< : الانتخابات عندنا بالضبط سلطة بيض مع ربيان فتخيلى النتيحة

3atejaa: ادرى شفت شنو صاير بس يعنى وين الضاحية ووين شويخ شهالطمرة بعدين خلج على الحفيتى وهالله هالله بالمليفى ترى نبيه

Sama Oman said...

هاهاهاهاهاها
عااااااااااااااااااااد مو وصف يا مشاري
خليك ايجابي يا أخي
وان شاء الله الشباب كما أرى واعين عاقلين مدركين
والله يوفقكم يا رب
لكل ما فيه الخير و صلاح الشعب

الكويتي الحر said...

مشاري

اذا بتعلق على كل اعلان عزت الله بيطيح حيلك :)

وبالمناسبة ادعوك والحاضرين لمدونتي المتواضعة
http://q807ur.blogspot.com/

حياكم الله

3ateeja said...

اليوم الجو بدعه ومسكينه الاخت العزيزه مريم شعيب استاذة الاتيكيت افتتاح مقرها الانتخابي
والله تبي الصج كشت
انا وحده راعية ربو والجو ما يفلح
وعايشه رشيد ندوه جماهيريه
بس كان زحمه عندها
جووووج وماجوووج
ويوم الاربعا نبي وقفتك
نبي قعدتك
ناديك
يناديك
اي والله ندوه حق المرشح الخلوق الحليييو الطيب
ابن البلد
م.ناجي العبد الهادي
ما اوصيك مشاري
مانبي الخلف يفوووز
ربعك وجماعتك واللي يعز لكويت
وعلى قولة ولد محارب اللي نازل بالشاميه
الكويت ليست للبيع

R7eeq said...

يعطيهم العافيه هالشباب الي يوعون الناس

وايد عجبوني موفقين يارب

وعساكم على القوه في اصلاح البلد

..........

شكر موصول للمدام على التصوير ..

Unknown said...

>>Sama Oman<< :هذا الوصف اللى ممكن نطلقه على انتخاباتنا :)

الكويتي الحر: اهيا مو مسألة كل اعلان بس فى امورتلفت مثلا مرشح يحط اعلان بغير دائرته وبعيد عنها نهائيا
اعلان متميز
وانشاء الله راح نمرك :)

3ateeja: والله يا بنت الحلال دوختنى ما ادرى انتى باى دائرة العبدالهادى يستاهل ريال نظيف وحبيب وبشرى :)
بس اذل بغيت منه شى شقوله انا من طرف عتيجة ؟

R7eeq : انا بنظرى انا فعلا التوعية هى الاصلاح مو اقعد الوم الناس وانا مو مساهم بتثقيفهم
والشكر يوصل
وشكرا لج

3ateeja said...

ما يحتاي طرف
انت قلت بلسانك ريال نظيف
يعني ماله داعي طرف فلانه وطرف علانه عدل ولا انا غلطانه
بس لا تنسى تشوف لوحة المحارب وااايد عاجبتني
ولسلوقن عاجبني
الكويت ليست للبيع
لا وكاتب عفوا
وحاط علامه مثل مالت المنتجات الدينماركيه
وانا مع كل واحد نظيف بالدائره او خارج الدائره :)
لأن لكويت وحده
وحده وحده وحده
جك جك جك جك جك
;)