الطموح و العمل والمثابرة والالتزام وقليل من المشاغبة تكون الحياة ناجحة

Saturday, August 26, 2006

بهلولة والعصر الذهبى
فتحت غوغل وقعدت احط اسامى المذيعات الكويتيات اللى كانوا ايام العصر الذهبي حق التلفزيون
المهم لفيت ابى امينة الشراح ماكو ولا ماما انيسة
لكن يوم حطيت اسم السخيفة بهلولة المحطات لقيت مليون صورة لها
هذى انعكاس بلدنا وحدة تنطط من مكان لى مكان بدون اى ادب ولا حياءعند نفسها لى الحين عمرها 18 سنة
يا ابله وصل عمرج 27 سنة يعنى شوى حسى على دمج وكبرى شوهتى سمعتج وسمعة زوجج وخليتى اللى ما يشترى يتفرج
ويقولون المذيعة الكويتية صرتى وصمة عار على الكويت
والوزير السابق ابو الحسن بتصريحه المتخلف يقول انتى ثروة الا والله انتى ضربة بخاصرة الكويتين
المشكلة لا ملامحج خليجية اللى الواحد يتحلى عليج
ولا صوتج اذاعى علشان الواحد يقول انتى متخصصة لان التخصص والاداء مو بس بالتخصص العلمى لكن ايضا بمهوبة الاداء
اللى ما تعرفين منها الا التقصع والتفصع
انسانة تحمل معانى السخف بكل معنى الكلمة
وسلمولى على اللى يهوهو ولا يتحرك يسوى شى




ايهما تفضل من المذيعات ؟
رانيا برغوت
منى بوسليمان (السعودية ) بالMBC
امينة الشراح المذيعة الكويتية السابقة
حليمة بولند
Free polls from Pollhost.com


44 comments:

Fuzzy said...

بهلولة اللي اهي حليمة بولند ولا في غيرها ؟ صارلي مدة ما شفت تلفزيون الكويت فمادري كثروا البهاليل والسحاليل وامهات السعف والليف هاهاها

انا مادري ليش وزارة الاعلام مصرة انها تبث قنوات تلفزيونية واذاعية ومع نفس الوقت سمحت للقطاع الخاص بالبث !! يعني لازم البروباجاندا والاعلام الحكومي الموجه ؟ وين قاعدين في الصين الشعبيه !! خلاص واكبوا الزمن وخلوا دوركم رقابي بحت وخلوا القطاع الخاص يديرها. والله يرحم أيام
أمينة الشراح ودولت شوقي وهدي المهتدي ولولوة الملا وغيرهم من المذيعات التكانه

سالفة قلب said...

للاسف يامشاري ان هذا مستوى التفكير عندنا الأحلى اهي اللي تطلع بغض النظر عن مستواها الاكاديمي والفكري ولباقة الحوار والاحترام

الجمال نعمة وهبة من رب العالمين لكن لاصار جمال من غير عقل وثقل الجمال يصير ماله لون

Яeema said...

السؤال من يطالعهم؟
و بسك إمجابل المذيعات هههههه
خلصنا من ريما مكتبي و الحين رانيا برغوووت
أول يشبهونها فيني
ليييش قذلة و عيوون كبار و كشرة
:p

تدري شنو الفرق بين المذيعه اللبنانية و المذيعة الكويتيه؟
البنانيه لووك و عقل
بس الكويتيه لا لووك و لا عقل

للأسف

tweety said...

اشفي عمر 27 !!!؟ عمر الورد أصلا :p
بس صراحة بردت جبدي لأني ما أواطنها
المشكلة الاسلوب مايع ومخارج الحروف غلط واللهجة مالها علاقة باللهجة الكويتية وان كان لها نشاط اعلامي فهو في برامج المسابقات فقط حبايبي المشاهدين وبعد قلبي المشاهدات , والشطارة عندها اهي تسويق نفسها وصورتها وليس جهدها الاعلامي
بعدين ازيدك من الشعر بيت اتقول الوزير السابق ابو الحسن قال عنها انها ثروة قومية واحنا نفتخر فيها مثل ما نفتخر في ابراج الكويت !
والحين مسوية مذكراتها ...شنو المهم في مذكراتها انعرفه !؟ يمكن اشلون طاحت هلى هالريل اللي ما يقول لها لأ ؟

Fuzzy said...

tweety
هاهاها ضرب على الوتر الحساس
لا صح 27 عمر الورود والزهور

Reeema

الحين ما عرفنا تشبهين اللي حاطه صورتها بنلوبي كروز ولا رانية برغوت
:P

sOulvOice said...

مشاري



للاسف الشديد اللوم بالدرجة الاولى ما يقع على حليمة,,

بنت صغيرة مقبلة عالحياة تنفخها بالحجي والمدح وانتي ماكو مثلج باسلوبج وحلاتج طبيعي بيحوشها تورم بالذات والبداية من دكاترة قسم الاعلام اولهم د انس الرشيد الله يسامحه بس


حتى كصوت ماتصلح لانها اتكوون اعلامية بس شنقوول ديرة عوية بكل شي




تصحيح صغيروووونووو كلش ماراح يأثر عالموضوع بس احقاقا للحق حليمة مواليد 80;)

sOulvOice said...

نسيت اقولك من المذيعات اللي احترم اسلوبهم الاعلامي


ليلي الشيخلي

اوبرااااا طبعا


واكيد امينة الشراح

بالاذاعه ايمان نجم هذي اللي صج اكسرت القاعدةةةةةة بجدارة


كل مذيعات العربية والجزيرة مو عشان شي لانهم جميلااات خخخخخ

kitty said...

شعندك تحوس على المذيعات هههههه
ماكو مذيعه تفتح النفس عندنا كلهم ظيم وظلايم تصنع اييب اليهد
صدقت يا مشارى

ضربة بخاصرة الكويتين

sOulvOice said...

مشاري شلوووووون نسيت اتحط المذيعه لمخضرمة صاحبة البرامج الخالده

مشاعل الزنكوي

BaNgBaNg2 said...

مشكور بردت ما في جبدي اي والله
وتحياتي لك
وســن

MiSs-ToFa7a said...

مشاري احييك على هالبوست بصراحه

بس على قوله ريما

لا لوك ولا عقل

بس مع الخيل يا شقرا

mashi_97 said...

معقولة حليمـة بولند 27 سنـة
الله يعيـن أجل ويصبرنـا عليهـا
هذه صباح دق عمرهـا الثمانين وللحين جالسه تتدلع
اجل حليمـة لازم نصبر 60 سنـة على مساختهـا وثقالة دمهـا
تصدق أنـا ما أشوف برامجهـا ، لكن مجرد اعرف انهـا للحين تقدم يجيني الصمرقع

3ateeja said...

حليمه فيها مميزات وفيها عيوب..فأذا ابناخذ الموضوع بموضوعيه ...نحط لها بالدلع زيرووو واللباقه 10من 10 هذ مثلا ..لكن اللي قاعد يصير عليها ماله داعي
اللي يطلع صورها بالجامعه واللي يطلع نسبتها واللي يطلع صور عرسها اعتقد عييب يعني
وسلامتكم:)

kila ma6goog said...

شوف حليمة بولند ممكن تكون وايد اشياء مو زينة

بس صراحة حللللللللللللللوة

Chai-7aleeb said...

يسلم بؤك على قولة المصريين

ماكو على أمينه الشراح و اللى مثلها أيام أول مثل هدى المهتدى و غيرها

الله يرحم ذيك الأيام

mishari said...

Fuzzy:يعنى صج الاسماء اللى قلتها هذى كانت اللى تبيض الويه وانا خبرى انس الرشيد لما يى قال انا اخر وزير اعلام بس شكلها السالفة مطولة

سالفة قلب :والله يااختى ما اشوف فيها جمال انا عندى المرة لا صارت غبية تكون اجكر انسانة المخ يجمل الشكل

Queen said...

ههههههههههه من وين يايب كلمة بهلوله ههههههههههههه

ما ضحكني الا لما شفت الخدمة اللي حاطينها عنها وتقول عن مذكراتها تكفين لا تصدقين روحج هههههههههه ،ذاك اليوم اقول حق رفيجتي هذي اشفيها استخفت والله الشرهه على ريلها صج سكانه مرته جان تقولي الفلوووس حبيبتي اهما الاثنين يسوون كل شيء عشان الفلوس والله حتى زوجها تحسه ما عنده غاريه على حرمته الله يهديهم بس ويستر عيهم، والله تعجبني رانيا برغوت ، اما عن امينه الشراح امي تقول هذي مثل حليمة بولند ويوم شفت صورها ايام قبل والله نفسها ههههههه بس عن التقديم اعتقد يفرق!

يعطيك العافيه

LonDonY said...

اسمح لي مشاري بس ما افضل شي من محطاتنا
واتمنى الله يعطينا ما عطى المحطات الامريكية من مذيعات اتدور فيهم عيب واحد ما تلاقي .. يعني اشتبي؟؟؟ ادب ؟؟ جمال؟ خفة طينة؟ لباقة ؟ اسلووووب ؟؟

شي صراحة يبهر

اللي اشوفه عندنا ممكن "يقايش" الامريكيات مستقبلا عندك
ريمـا مكتبي
وبنوورة-الجزيرة
مو منوووووووووووووووووووورة .. لا بنوووووووورة .. بالباء
كرهت تلفزيون الكويت بسبتها.. سمعت ان محطة دايخة ماخذة ام الخلاجين فترة .. لخبراتها .. الله يهني سعيد بسعيده

Do*Da said...

كلامك منطقييييييييي 100% اخوي شنو هذي هذي محطة هذول مذيعين ولا البرامج برامج سخيفة ما لها معنى باي شي صج صج صج عمري ما شفت الكويت سويت شي زين وهذي رايي انا

sOulvOice said...

الحين يايتكم حليمة ثانية

امل العوضي

mishari said...

Яeema : المذيعات اللبنانيات هم مو كلهم عقل وبعدين انا مو مجاااابل :P

tweety : مذكراتها؟ ليش الاخت شورازكوف السخيفة انا مو باط جبدى الا انها خربت اللغة مخارج الحروف انها دايخة
وبعدين عمر الورد يفرق من وحدة لى وحدة ;)

mishari said...

Fuzzy: تويتى شراضيها يامعود عليها مودد مو طبيعى وريما عاد نفس الجيكر بالجنجنفة كل مكان يمشى :P

mishari said...

Fuzzy: تويتى شراضيها يامعود عليها مودد مو طبيعى وريما عاد نفس الجيكر بالجنجنفة كل مكان يمشى :P

sOulvOice :التصحيح حلو يعنى فرقت سنة وصار عمرها 26 يعنى هم مرة ومتزوجة ولازم تكون ثقيلة شوى مو تطنط بسخافتها على قفانا

وبعدين منو ليلى الشخيلى ؟

mishari said...

kitty :يمكن ليش ما اشوف حريم وايد بره :P

:) بس لان ما تدرين شكثر اكرها


BaNgBaNg2 : يا اهلا وسهلا :)

mishari said...

MiSs-ToFa7a:زين مدام بردت جبدج قومى انتى اخذى دورة مذيعين وصيرى مذيعه :)
انتى اذا تعرفين سهام مبارك راح تقولين المذيعة مو شرط تكون لوك :)



mashi_97: اسم الله عليك من الصمرقع هذا شنو المرض ؟ :p

بس مكتوب علينا نشوف سخافة البشر على روسنا

mishari said...

3ateeja :ما هقيتها منج يا عتووج

شوفى هالانسانة لا يمكن يكون فيها مميزات
هلا حياتى والتمصع صاروا لباقة مالت عليها انا اقول


kila ma6goog : لولا الاذاواق لبارت السلع وهى بالنسبة لى كرتون اى ار سى القديم يفتر فيه صعيدى بشهر 7 ومحد راضى يشترى الا انتى :p

Яeema said...

Fuzzy :

أنا ما أشبه أحد القالب إللي سووني فيييه إكسروه بعدي

هاهاهاها


mishari :
جمالي أسباني عربي
أنا جيكر جنجفة!؛

الزين عندنا و الشين حوالينا
و فووقي !؛


هاهاهاهاهاها

يا حلويي بس و يازيييني

mishari said...

Chai-7aleeb : ودى اعرف انت بس جم عمرك هدى المهتدى شعرفك فيها؟؟؟؟

وعندك واحد كشرى على قولة المصريين :)
بعدين صدقنى انا احمل هالشغل اللبنانيين


Queen : اول شى هلا فيج لان اتوقع هذى اول مرة تدخلين مدونتى
بس اقولج مذكرات على شنو؟
سافرت المكان الفلانى والا راكبة فوق صندوق علشان تطول نفسها
انسانة سخيفة سخيفة سخيفة

mishari said...

LonDonY: شياب الصين للطين يا بعد جبدى انت
شتقول المحطات الامريكية الاعلامى عندهم شئ محترم حتى لو كان يقدم كوميديا اهنى المتردية والنطيحة ما عدا مذيعين الاخبار والبرامج الحوارية




Do*Da : يبيلهم نفضة بس الواحد يصبر لان حليمة صارت مثل الكهرباء قامت تقطع هاليومين

mishari said...

sOulvOice : الله يعييينا بعد

Reeemee :اقول حلوة يبه حلوة بس انا اقصد نفس قوة الجيكر بكل شى تدشين
خانى التعبير

سالفة قلب said...

توضيح :

انا مااقصد شخص بعينه انا اتكلم عموماً عن نظرة بعض الناس ...والجمال له مقاييس عندهم وانا مقياسي ان العقل هو تاج الجمال

tweety said...

ميشو
بعد تصحيحك للأمور بالنسبة حق العمر
اتوجه لك بالشكر الجزيل وأعلن محبتي الأخوية عبر الأثير ..ِشوف أنت اسم الله حولك وحواليك بكل شي سنع بس خبرك لابد من بعض المنغصات اللي تطفرني فيها
:p

tweety said...

by the way
تدري أن نيله وبله رجعوا من السفر ؟

sOulvOice said...

ليلي الشيخلي مذيعه عراقية شقرة اتطلع بقناة ابو ظبي يقال ان زوجهاجاسم العزاوي المذيع بابو ظبي كذلك



على طاري العراقيات فيه مذيعة اتينن ن ن ن بالعربية قمرررر صاروخ زووغة
مخارج حرووف ممتازةةةة ايضا عراقية اسمها سهير مادري شنو


شو هالحلا كثران كثران برة ومعدوم بتلفزيونا


ويت مشاري طبيت بمذيعاتنا البنات بس مايبت طاري الشباب هم مؤرفين ترى

mishari said...

سالفة قلب : شكرا على هالتوضيح بس انا اساسا متفق معاج على هالنقطة :)

tweety :مضبطج :p :))

sOulvOice :زين قلتيلى علشان اطالعهم بدال ريما :p

لمياء الحالمة said...

الكل يوَسع ويروح لبعيد

ده إللي فاكرة نفسها "مركز الكون" جت على نفسها أوي, وآلت لروحها: مروح شوية عند مشاري, أصله زعلان أوي وكان متنرفز, والدليل الكلمتين إللي آلهوم قبل كم يوم", وأنا طبعا مئدرش على زعله

:)

mishari said...

لمياء الحالمة : ما اقدر اقول عن اختى هالشى لكن شهادتى فيج مجروحة لكن يومها انتزعت صفة الاخوة وحبيت اتكلم بالعقل

:)

Chai-7aleeb said...

مشارى


أنا بأواخر الثلاثينات و عايش مع يدتى

mishari said...

chai-7aleeb : عسى الله يطول بعمر يدتك ويعطيك الصحة والعافية :)

albandry said...

allah ya36eek el3afia o eybared chabdek methel ma baradt chabdi feeeha
llooooo3a arafetna b7arakatha o maya3atha o elmoshkella sarooey7achoon methelha
leeeeshleeesh nagseen theem e7na
o etha 3ala lebsha o pozatha ham ma n`7ales
ashwa fee shabab ma ye7bonha
ana a3aref wa7ed mo metzawj o manseb kebeer jedan beldawla eysek dewanitah etha 6la3at o mwasee etha te6alegat ba`7eth ha
7emdella weshokor

mishari said...

albandry: هذا مو صاحى اللى يحسب ان وحدة نفس هذى تطالع ريال هذا تبى الناس كلها يطالعونها
بعيد عنج يسمونه مرض الفنتخشرى :P

الله يلوع جبدها قرفتنا اشوة انها ما تطلع برمضان جان فطرت عليها من السب

>>Sama Oman said...

صدقت و بالحق نطقت

بس لا حس و لا خبر مع هؤلاء
لان سلعتهم رائجة جداً

والله يستر على الجميع

mishari said...

>>Sama Oman<< :اشكرج اختى :) بس لا حياة لمن تنادى وعلى الله

Krakatoa said...

في عندكم الصاروخ الكويتي خليفة حليمه أمل العوضي

يعععععع بالثنتين