الطموح و العمل والمثابرة والالتزام وقليل من المشاغبة تكون الحياة ناجحة

Monday, September 04, 2006

الزين عندنا والشين حاولينا


* الصورة من مدونة الاخ زورن

(1)
باختصار عندى مشكلة عويصة
يا جماعة ما ادرى شسوى بالميتين ؟
نصحونى
(2)
ليش الحريم قرقة ويتكلمون وايد
وكل وحدة عند نفسها اهيا السنعة والحريم الباجى هيلق
و low Class

(3)

ليش الكهرباء والماى ومشاكل الانترنت
بس الحين قاموا يطلعون

فيدونى بس لا تسألونى

وسلمولى على اللى يهوهو ولا يتحرك يسوى شى

32 comments:

NewMe said...

الميتين عطني اياهم
باستثمرهم لك
في نعال وشنطة

والثانية عقدة نقص بعيد عنك
!!!

لان لي السنة اللي طافت
الناس عايشة على
فنارة
ومهفات
وحِب
ذاك من ذاك اللي عنده مكيف
او يعرف شنو يعني ثلاجة

دمت بخير
تحياتي

tweety said...

انا مع فكرة ان الميتين اذا محيرينك تتبرع فيهم عشان تغمرك مشاعر العطاء بس انت انوي وانا اعطيك رقم حسابي

الحريم قرقة ؟ والله احيانا بس قرقة حلوة
كل وحدة عندها اهي السنعة والباجي هيلق !؟ مو صحيح ليش كله عبالكم الحريم يحسدون بعض ويغارون من بعض!؟ مع ان الرياييل اشد ظلما وبهتانا بس ما يبينون
ليش الكهربا والماي والانترنت مشاكلهم الحين طلعت ؟ عيزنا واحنا انجاوب عشان بيعيدونها كما كاااااااااااااانت

nono said...
This comment has been removed by a blog administrator.
nono said...

الميتين يا ريت تتبرع فيهم لجمعية العون المباشر عبدالرحمن السميط
الحريم قرقه الرياييل بعد يس ما يشوفون نفسهم
وكل وحده تشوف نفسها الاحسن ما ينطبق الا اللي عندهم عقدة النقص
اما الاخيره فعلشان الدنياااا حلووووه بس نفهمهااااا

Яeema said...

200 = زيدهم 30 ألف و إخذ فيهم بورش


2

بكل بساطة
كل إنسان عنده من نفسه أهوا السنع
حريم و رياييل



3

بإنتظار الإفادة

Princess said...

1- il200 7e6hom bil bank w khalhom ishtabi fehom ! ya reet 2000 wela 20,000 !!

2-kil ilnass grgaa mo bs il7areem .. bs salfat ina kilwa7da 3abalha ehya high class w ilbaji helag hathy Sij .. iljemaal ma yeshoof snama

3-min taraaaadi ilawthaa3 bil kuwait !! mako ehtemaam ilderaa SAYBA w mashyaa 3ala ilBARAKA

W salemli 3ala ili yehawhaw :P

3ateeja said...

1- المتين
سو فيها شي مفيد ..يعني خشها وروح فيها عمره برمضان مثلا ..
او صرفها عيادي للعيد ..اوفرلك

2-الحريم
بالنسبه للمره سبحان الله ..يقولك المره عندها 70 الف كلمه لازم تقولهم باليوم والرجل عنده 40 الف كلمه فقط ..
فلما يرجع الريال من الدوام يكون مخلص الكلمات كلهم والمره تكون مخلصه بس 40 الف بالتقريب
يبقى عند المره 30 الف كلمة ..تطر آسفه انها تقولهم حق حبيبها وشريك حياتها ....اللي لو تقول هالكلمات حق احد غيره بيطنقر واذا قالتهم بيكتب عنها بلوق
شنسوي خنت حيلي ..ترى احنا عوااااااااان عندكم
اما بالنسبه للسنع ..فالسنعه تنعرف بين الف واعوذ بالله اني انظر لباجي الحريم انهم لو كلاس ..هذا كبر اعوذ بالله منه

مشاكل الكهربا والماي
لأن اقروا الميتيين من قبل شهر :)

3ateeja said...

المتين يعني الميتيين هههههه

sarah said...

صباح الورد مشاري
خير وشفيك مهتم
ياليت كل المشاكل نفس مشاكلك الثلاث والعويصات
عاد العويصات يوم قريتهم خرعوني
قلت شفيه الولد؟؟؟
:)
المهم الميتين وانا اختك لاتشيل همهم بيطيرون اول مايجون حالهم حال غيرهم
واذا تبي حل استثماري
لاتسألني
:p
...
اما عن الحريم وقرقتهم عادي شفيك خل الحريم يعبرن ويفصحن بمكنوناتهن
:)
بعدين لولا الحريم شنو كان بتسوون والله تضيعون
ماعرفنالكم تذمونا وميتين علينا
(اقصد هنيه ميتن يعني تحبون مو ميتين دينار(
:))
....
والماي والكهرباء والنت
يمكن انتم توكم تعانون منها احنا معاناتنا معاها من زماااااااااااااان
:(
وبس
شفت مشاكلك كلها انحلت
والواد البوه بيوجعهوه
:))))

sarah said...

على فكرة نسيت اعلق ان المرة تشوف تفسها احسن وحدة وباقي الحريم ولا شي
وانا اقولك يمكن يكون البعض جذيه
بس مو لهالدرجة انهم لو كلاس وهي السنعة كلش
بالعكس حتى الحريم يعترفون ان كل شخص عنده حسناته وسيئاته
وبس عاد لاتظلم الحريم
انا من عرفتك وانت نصير المرأة
شقلبك
:)))))))

san3a_wa_laken said...

المايتين لا تسوي فيهم شى خلهم في بوك لمده اسبوع و راح تلقاهم خالصين
والله
الحريم الحمدالله والشكر خو بس كلمن يبى يعوض النقص اللى فيه .. فا كلمن يشوف نفسه الاحسن علشان يرضى غروره

neelaah said...

السؤال الاول
اجابته سهله
عطني اياهم

السؤال الثاني
والله يا مشاري المسأله هذي منتشره عند الرياييل و الحريم
فلا تخص الحريم بالذات
بعض الرياييل هالايام لهم حركات
نسوان
مثل الحش و القراض و الفضول والمظاهر
و الاهتمام بالماركات
وهلم جره

sarah said...

مشاري بلييييييييز
Help Me
عندي مشكلة في مدونتي اذا عندك حل لها بليييز
ساعدني
والمشكلة زور مدونتي وتعرف المشكلة
:((((((((((((((((((
..........
............
...........هذي دموعي
او اضغط على

http://sarah-ahmad.blogspot.com/
وتعرف المشكلة
:((

dr.unreachable said...

اول سؤال
عطني الميتين او خشهم عيادي

ثاني سؤال
اول مره اسمع هيهيهي

ثالث سؤال
مايصير اتكلم بالسياسه يسحبون جنسيتي لولي

ان شاء الله بس فدتك خخخـ

Q8ya said...

دايما المرأة تشوف نفسها احسن وحده بالدنيا !!! بس الشيء اللي انا مستغربته اني لاحظت هالشيء بعد في الرياييل وخصوصا شباب الحين!!!!!!!!!!!!! والله انصدمت ما حسبتكم جذي لوووووول

اما الماي والكهرباء ...ما تشوفهم بيعطونا الميتين لازم اذابيعطونا الميتين لازم يطلعون حرتهم خخخخخخخخخخخخخ

بس انا اللي اعرفه ان مو اول مرة سالفه الماي والكهرباء تصير على قولة عمتي تقول يبون يقللون من الطاقه عشان جذي صايرة مشكلة الكهرباء!!! انا اقدر اعيش من دون كهرباء جم يوم لكن الماي لاااااااااااااا ما اقدر..:(


اما الانترنت فهذا شيء طبيعي شوف من متى بدا الانترنت ينتشر عندنا وسبب استعماله السيء جدا جدا !!! وشوف قبل شنو البديل بدال الانترنت ومشاكله !!


====

ما لقيته اللي يهوهو صارلي مده ادور عليه ابي اوصل له سلامك

;PpPpPp

PearL said...

ال200 موهقة الكل
مو الكل الكل لان في ناس صرفوها قبل ما يستلمونها

اما عن اللي تشوف نفسها
فأنا عندي قاعدة
اللي يتفلسف عالناس ويشوف نفسه عليهم
مو واثق من نفسه وتوه يايه الخير


:)

mishari said...

NewMe: شنطة ؟ ونعال؟ ليييييييش
تعرفين قحطة ؟؟؟ :))

tweety : ثلاث كلمات قلتها ما اعبر عليج الصراحة

تغمرك
ظلما
بهتانا

يامعودة مانى قد الكلام الكبير

:)
بعدين شنو بالقرقة حلو غير عوار الراس
القرقة ما تصير حلوة الا بين اثنين يحبون بعض بسسسسسسسسس

mishari said...

Qanda Q8ia : والله اذا صدقة اتصدق فيها حق اهلى لان خيركم في اهلى واذا ما فيهم احد محتاج نروح حق العون المباشر انشاء الله :)


Яeema : انزين عندج سلف 30 الف

2- صح حتى الرياييل بس هذيل مو رياييل هل بس ذكور بدون رجولة

3- الافادة بالطريق

mishari said...

Princess: الله يسلمج :) البنك بيطردنى اذا دشيت البنك بحط ال 200

وصدقتى الجمل ما يشوف سنامه

3ateeja : الميتين صج فكرة اروح فيهم العمرة تصدقين ؟؟

صح وايد علمية النظرية اللى قلتيها عجبتنى بس الله يعين الرياييل

والكهرباء الظاهر لويةمن الحجى

mishari said...

sarah : انا نصير المرأة جديدة هذى :))
انا ضد اللى ضد المرأة :P
وبعدين على الاقل انتوا بالرياض عندكم شلالات احنا شنقول قيظ وحر وموت


عندج مشكلة فى التاملبت اعتقد من كثر ما تلعبين بالشكل مال مدونتج

mishari said...

san3a_wa_laken : اول شى الحمدالله على السلامة لان طافج نص عمرج بالكوةيت سموها اشهر الرومانسية :)

والكلام اللى قلتيه صحيح لان عندنا مشكلة سواء ريال او مرة بان احنا مجتمع مغرور


neelaah : الاجابة الاولى مالج امل :)

الشغلة الثانية يا بله احنا الله بلانا بناس لو النملة فيها دينار عصروها شلون تبينهم يتعاملون مع الناس

mishari said...

dr.unreachable : يادكتورة الافادة منقوصة
وبعدين مالج امل احط فلوس عند احد اصرهم واربطهم واحطهم تحت المخدة :p


Q8ya : اول شى ما لقيته احسن ما ابى القاه ثانى شى اى طاقة اللى يبون يقللونها :) خليها على الله
وبعدين لما تتكلمين لو توجهين بصيغة المخاطبة انا دايما اقول انا اخطأ واخطأ وراح اخطأ معناه ان انا مووووووووسنع اووووووكى :D

mishari said...

PearL:

وانا قاعد اكتب التعليقات جان اطالع تليفونى وعلى ربطت بالميتين جان اقول تدرى شلون راح اشترى تليفون ولقيت انى اقدر استثمرهم بالبورصة الامريكية :p

وايد افكار :))

kila ma6goog said...

الميتين بلهم و اشرب مايتهم

توني مبدل تواير السيارة بثلاثمية

ما فيهم بركة

kitty said...

يسعدلى مسائك يا اخ مشارى هذى انا كيتى متنكره بالزى اليديد
قولى رايك بالصوره ؟

الميتين انا اقولك عطهم مرتك ازيدهم ميتين وتاخذ لها جنطه معروفه هذى

والحريم خلهم يقرقون اونس اوسع صدر ومره ساكته تصير ناقطه الله يسلمك مقعدها اييب اليهد سكوووت مو وناسه حلاتها شطه وربشه شعرك بهالسوالف

والكهربا والماى يا اوخيى امر الله قدر ومكتوب شنسوى بعد لا حول ولا قوه
وسلامتك وتعيش

tweety said...

لووووول
انزين مشاري بليييز كلما أقرا عنوان البوست تتنابني ( سجل عنك هالكلمة بعد) رغبة قوية في اني اقول شي ممكن يعني ماودي اخليها بخاطري صراحة وهي

الزين عندنا والشين حوالينااااااااااااا
لا مالت على تويتي ولا على أهلها
ولا على اللي يحبها
ولا على شاروخان :p
ولا على بلوقها
ولا على كل من علق عندها
والسااااااااااااااااااااااامع يقول
آآآآآآآآآآآآآآآآآآآآآآآآآآمين
قولولولولولولولولولولولولولوش

albandry said...

اول شي مشور
لا تسوي شي فيهم بيطيرون وانت ما طلعت من البيت
استغفر الله الله لا يعاقبنا ما تكفي شي 200

ثاني شي احنا قرقة مو حرام عليك يعني الا افصخ تلثومتي واوريك ويهي عشان تقول مستحيل هذا الوجه الملائكي (لووول عجبتني ملائكي)
يقرق
ربنا يسامحك

والثالثة
عيزت وانا العلع بهالسالفة ماكو حل يا ناس

ReLaaaX said...

1

لووول اول شي اقرى الميتين .. المـَيْتِن ؟ قلت ياربي شنو شيسوي بالميتين .. بعد ماتو شيبي فيهم لوووول متأثره معليش رفيجتي تشرح بهالجثث فتأثرت :)


وال200 بتنصرف بتنصرف سواء بشي مفيد او مومفيد :)





2


احم احم .. يعني شلون حريم وساكتين مايصير !!!!؟


وبعدين شلون قعدة حريمية بدون حش وقرض بالأوادم؟


لا وإذا سكتهم احد قالو عنه إمام المتقين .. على سبيل التطنز :))


والشاطر اللي يفر السالفة بدون لايجعمهم





3


والله العظيم إني قبل يومين كنت اتحلطم على هالموضوع :)


وناطرة الاجابه الوافيه

mishari said...

kila ma6goog : ايا الفسقان تواير بثلاثماية دينار
اطلب تواير من الانترنت احسن :P


kitty : اول شى مبروك على الصورة ولو ان اللى قبل احلى بالنسبة لى

مينون اعطيها الميتين علشان جنطة
خير انشاء الله :)

عتيجة عسى الله يحفظها ويخليها حطت النقط على الحروف :))

mishari said...

tweety : والله قعدت اكركر مكانى بس المعجم ثاقل عندج من الكلمات الصعبة :)


albandry : انتوا اليوم ما ادرى شفيكم على هالحجى بس ذحتنى الملائكى
والكهرباء على قولة تويتى تقول ان الحكومة بتعلمنا شلون نعيش بشاعرية

:)

mishari said...

ReLaaaX : ماكو اجابة السالفة وما فيها انى قاعد اتحلطم
وقررت الميتين بحطها بحصالة واخشها :P
او ادفع فيها مخالفتى

vincent said...

انا كنت بشتري بيت بالضاحية على شارعين بعدين هونت :P