الطموح و العمل والمثابرة والالتزام وقليل من المشاغبة تكون الحياة ناجحة

Saturday, September 30, 2006

الرومانسية المفقودة (18+)


فى اغلب العلاقات الزوجية يُفقد الحب رونقه بعد سنوات الزواج الاولى والبعض فى بداية الشهور الاولى والتساؤل لماذا ؟

الزوج يتحمل مسؤولية كبيرة فى هذا الجانب فاغلب الكويتيين والخلجيين والعرب بدئوا يعيشون فى دوامة اقتصادية معقدة فقدت فيها الحياة الحب والبساطة فى الاخذ والعطاء فالرجل الغنى مهموم بالتفكير بزيادة المال والفقير يغوص بالديون من القروض

توجد مقولة لفيلسوف اعتقد انها لارسطو تقول ( فراش الفقير خصب )

وكان المقصود بها لخلوه من الهموم الاقتصادية مثل ما هي موجودة الان

المرأة فى اغلب الوقت حاليا فقط تريد الرومانسية والحنان وتبحث عنها سواء بناحية شرعية مع الزوج او مع شخص اخر وهذا ما يهدم البيت وبالمقابل الرجل يقوم بالمثل فالعملية اصبحت معقدة وفي شئ مهم جدا الاختلافات بالشخصية وعدم تنازل اي طرف عن او محاولة ايجاد نقطة التقاء للطرفين على الاقل تذكروا اول يوم زواج

الزواج من ثانية

قرأت الخبر وقعدت افكر فعلا سبحان الله رب العالمين ما حط الزواج من ثانية وثالثة عبط ولكن الحريم الحين فى وقتنا الحالي صار عندها ان الزوج يتزوج من ثانية عيب لانها راح تكون ناقصة جدام المجتمع وهذا اللى يذبحها مو لحبها لزوجها او غيرتها الا ما ندر ومع الاسف العديد من النساء بدئوا يحاربون هالشي المباح شرعا بس علشان ما يتفشلون جدام الناس ويقومون بوضع العلة فى الزوج وان الرجال ما يملأ عيونهم الا التراب فشكلى انا العيد بيكون بقطر بروح حق هالريال الطيب واخلص امورى وراجع




الجنس العابر

عندما احتكم الناس للشرع كانت العلاقات الانسانية رائعه من منظور حلال وحرام

عندما احتكم الناس للقانون كانت العلاقات الانسانية معقولة والخوف كان موجود من العقوبة

عندما احتكم الناس لامكانية العلاقات الانسانية دخلوا فى امكانية الخطأ فى الخش والدس

( مأخوذ من فكرة لمصطفى الرافعي )

أعظم حب

كنت امشى بالمقبرة يوم الجمعة ولقيت شاهد مكتوب خلفه

( أغلى ذكرى عمري ما انساك يا أعز من عيني يا حبيبى يا ولدي )

أمك
ما اعتقد ان فى اعظم من هالحب

69 comments:

Nora said...
This comment has been removed by a blog administrator.
Nora said...

iam 21 ;Pp

ashwaaa

Nora said...

اووف الحمدالله طلعت الاولى ما عليه تويتي سبقتج
;Pp

-----

متى ما مرض التواصل .. انتهت العلاقة
اي علاقة
!!

لو يحرص كل طرف انه ما ينام و في قلبه شي لو صغير .. و يحرصون على التفهم و الانصااااااات باهتمام على الاقل عند المصارحة .. و يتناجرون عقب مع الاتفاق ان الكل باقي بمكانته و قدره

جان الدنيا بخير .. او اني ياهل ما افهم
!

بس ترى بصير 22 بعد شهر
;PPpp

يوم انك بطل و عارف الحكمة ليش ما تعالج العنوسة بديرتك يا مال العافية
!! هااااااااااا


اتفق .. مع الرافعي و مع مشاري
الروعة في الشريعة .. و من يرضى بدونها عليه بالعافية اهوا الخسران

يسلموووو استمتعت صراحة بانجازي اني اول تعليق و البوست حفز التفلسف عندي
;D

Anonymous said...

تبي الصج؟؟؟


انا مؤيدة للزواج الثاني بس من شخص تتوفر فيه شروط معينه في بالي


احس الزواج الثاني يخلق اكشن ويجدد الحياة للزوج والزوجه عارف اللي يحرك المياه الراكده؟؟

يسوي منافسة بين الزوجتين ف تبدي المواهب تطلع والربحان اولا هو الزوج


وناسة والله الشريجه ههههههه


------------------



بالنسبة لاول موضوع احمل الزوجة بالدرجة الاولى مسؤولية فقدان الرومانسية بحياتها لان الرجل الكويتي عامة فيه كم من الرومانسية المدفونة ولكن تدري نزعة الرجولة الشرقيه تمنعه من اظهار رومانسيته وكأن الرومانسية والمشاعر عيب واخلال بالرجولة


-----------------



شموديك المقبرة @@


شرايك اسوي بوست اقارن فيه بين مقابر المذهبين ههههه

صج عطيتي خووش فكرة عقب هالبوست بس عسى ماتشب حريجة خخخخ




يعطيك العافية ةةةةة نصير الرياييل

Fuzzy said...

عشان الحريم يغنون
جوزي اتجوز عليّه وانا لسّه الحنّه بيديّه

------------

tweety said...

الرومانسية مفقودة لأن ما عشنا وتعودنا على الرومانسية ودام في ناس ليلحين ما تفهم في التعامل مع الجنس الناعم وين بتصير فيه رومانسية !؟
اما الموضوع الثاني اللي مستانس عليه فلحظة بس خل آخذ نفس عشان أعرف ارد عليك وعلى فلتة زمانه الاخ الخطير اللي بيحل مشكلة العنوسة مالت عليه :
اولا تعدد الزوجات في الاسلام رخصة يعني أمر بغرض الاباحة وليس فرض عشان اتسابقون عليه انتوا جابلوا الفروض اول عدل بعدين فكروا بالزواج

ثانيا : منو قال انه البنات اللي مو متزوجين او العوانس على قولتك ويا هالاخ النبيه ما تزوجوا لأنهم طايحين بجبد روحهم محد يبيهم فالمفروض انه المتزوجين ياخذونهم على حريمهم عشان ياخذون فيهم أجر !!!!؟ اللي ما تزوجت ليلحين لأن ما يالها اللي في بالها أنا اقول الريايل خل ياخذون أجر في حريمهم ويعاملونهم عدل احسن لهم من هالسالفة اللي وراها خراب بيوت وبدال المجتمع لا يصير فيه عوانس بس بيصير عوانس ومطلقات
انا وحدة لو يصك عمري 50 وخلصوا الرياييل اللي بالدنيا حشا ماخذيت ريال متزوج شيسوى علي انا متزوجته سبع البرومبه ومرته دمعتها على خدها تدعي علي كل ليلة واللي مافيه خير حق الاوليه ماراح يصير فيه خير حق الثانية

انت يا مشاري اتقول هالحجي وعبالك انه المشكله الوحدة خايفة من الناس شتقول عنها بس لو انت مرة وريلك يتزوج عليك بدون سبب بتحس ساعتها شيصير فيك
اما هذا القطري الحمدالله والشكر يكون الحين مخترع شي مفيد حق البشريه !!؟ انا أقول يروح يبيع نخي وباجلا أحسن

واذا انت نصير الريايل انا نصيرةالمرأة وانشالله ايي يوم يصير عندنا نفس قانون تونس بالنسبة حق الزواج الثاني
والسلام عليكم ورحمة الله وبركاته
نشفت ريجي حسبي الله على ابليسك

tweety said...

a7la eng
بعد عمري تمونين

Anonymous said...

لووووووووووووووووووووووووووووووووول
ولد عمي حيااااااك الله بس اذا سالفت زوجه ثانيه الخبر عند ام العيال عيل =S
اممممم عنوسه امممممم انترستنج صحيح وايد لكن ليش زوجه ثانيه دام عندنا شباب عزوبيه وبعدين السالفه ترا القحّ صايرين الشباب يملكون اسهم كبيره ولما يبون يبيعون ما يفكرون يتزوجون قد ما يفكرون بالسياره والسفره والزبو ="(
وبعدين العنوسه حلوه بالنسبه لي هيهيهيهيهيهيهيهي لا اخت ولا هم يحزنون فالأهل ما يحاتوني الحمدالله :P

Anonymous said...

أحبــــــــــــــــج سويتي والله عســــــل =D
انا ويااااااااج بحجيج %100 =D

Anonymous said...

a7la eng قوووووويه =D
لا توقفين :P

Яeema said...

يالله صباح خير علي هالموضوع

ممكن سؤال أول؟ الموضوع مافي شي عشان تكتب فوق 18 سنة



الرومانسية

صدقني المرأة ما تبحث عن الرومانسية كثر ما تبحث عن ألأمان


الرومانسية ليست شي مفقود ولكن تعريفها إختلف من جيل لجيل

كنت أكثر وحدة أنادي بالرومانسية في بيتي و عبالي الزواج أحد أدوات إعدام الحب من كثر السوالف إللي نسمع عنها


ممكن أهذر بنقطة أساسية و إستحملني إشوي



ما يولد الرومانسيه هو البعد ، وبما إن البعد صفة مفقودة بين الزوجين فيقال أن الزواج يقتل الحب و خصوصا بعد المعاشرة الأولي


راح أتكلم عن الزوجين
التجديد ضروري للإنسان ، لأن الإنسان ملول بطبعة


إعلان القبس إللي حطيته صحيح 100%؛
و للرجل حق الزواج من 4 إذا أهوا قادر إن ينصف بينهم و يراعي الله بحريمة وعياله


أصلا من وجهة نظري أحسن
عشان ما يلبح الريال 24 ساعة علي مرا وحدة
اللبحة إتوزع و خصوصا إن الدنيا جميلة و مغريات الدنيا وايد فمافي مشاكل إن تكون وياه 3 أيام بالأسبوع



تتولد الرومانسية و يوله عليها




الحريم بيني و بينك ما يعجبها العجب
و حتي الرياييل
ما يكتفي باللي عندة
و إسمحلي أكوو رياييل إدعل و لزقة و ما ودك أصلا يكون وياك طول الوقت


وكذلك أكو حريم حنة ورنة و ما تراعي وقت دخول الزوج للبيت و ما يبقي سالفة و مشكلة ما إتثيرها بهالساعتين إللي يكون بالبيت


فتلاقي فعلا البيت بدا ينهد من صغائر الأمور


مشاري الله يهداك من له خلق يتذكر أول أيام الزواج

ترا ما كنا ملتبلتعين كلش
لا ما إنوايه إتذكر
هاهاهاهاهاهاها


أتذكر أنا كل ما قاللي إدني علي وراج قمت أبجي

كنت دعلة
ألحين يقوللي إدني علي وراج أقوله خلك وراك عشان أقعد بحضنك

هاهاهاهاهاها

ترا علي فكرة ما يستقر الزواج إلا عقب 5 سنين
الحب مو زرار فجئة إنحب بعض

بكل موقف تزيد المحبة

الله يحمي زوجي يا رب و يوفقه و يخليه حقنا يا راااااااااااااب

أنا يتروالي إذا صار له شي لا سمح الله ما أبي أعيش بدونه

و بسك ترزز بهالصور
شاااااااهد الله يهدييك؟!!!؛

Яeema said...

tweety !!!!
ما عليج من هالكلام الريال ليه بقي يصير رومانسي عرف إشلون يصير


محد مو رومانسي

بس يكون رومانسي لشي في باله



متي ما خذا هالشي ، خلاص
رد حق طبيعته

يتمسكن ليه ما يتمكن



أنا وياج مع باقي كلامج
و إسمالله علي ريجتج


ماي ماي ويا لقاح حق تويييتي

sologa-bologa said...

خوش موضوع مشاري
بس بصراحة انا ما راح اعلق
لاني اكتفيت بقراءة تعليق الجنس الناعم
:p

الحجيه said...

السلام عليكم جميعا
أخ مشاري تدري ليش يفقد الزواج رونقه بعد فتره اغلب الشباب يعتقدون الزواج مثل الأفلام وينسون أهم جانب المسؤولية ؛ وعدم توفر الصراحة الكاملة أيام الخطبة على الوضع المادي ؛إمكانياته ؛ طبعه أو طبعها مما يساعد على إشعال أول شرار الخلاف مثل مايقول المثل (الجدار المتصدع يسقط فوق صاحبه)
*****
ما اعتقد الفلوس هي السبب الأساسي بالمشاكل الزوجة ولكن لها اثر؛ اعتقد السبب الأساسي هو أن الإنسان يكلف نفسه فوق طاقه بأشياء كثير غير أساسيه . ( اصبر قليلا فبعد العسر تيسير وكل أمر له وقت وتدبير)
*****
اعتقد أن المرأة في اغلب الأحيان هي أساس وضع البيت بمعنى هي تستطيع أن تجعل المنزل هادئ أو متوتر لابد أن تعلم أنها محاسبه أمام الله في أن تتقي الله في زوجها وأولادها وان تجعل لغة الحوار دائما تصل لبر الأمان هنا تصل إلى أعظم راحة واستقرار نفسي ويكون الزوج اقرب ما يكون لها وكذلك الزوج لابد أن يتقي الله في أهل بيته ويكون التفاهم هو هدفه حتى يتم التالف بين جميع أفراد الأسرة ؛ باعتقادي هنا تكون أجمل رومانسيه والسبب استقرار النفوس والهدوء بأذن الله
*****
الزوجة الثانية : أول هناك شروط للزوجة الثانية أهم الشروط * أن يكون الرجل منصف بين الزوجتين (قد يدرك المتأني بعض حاجته وقد يكون مع المستعجل الزلل ) اى يجب أن يتحمل فيها الزوج مسؤولية قراره عن الزواج الثاني بكل وعي وإدراك لما يترتب من ذلك من آثار على كل المستويات يجب أن يقوم بدراستها قبل أن يقدم على هذا الأمر. وحده والميزانية مو متحملة شلون الثانية؟
******
أجمل ما تكون الحياة عندما نكون مرتبطين بالله
عورني قلبي الله يعينها ويصبره ويأجرها بمصيبتها
في قصيده جدا مؤثره ؛ هذا شاعر يصور وله الوالدة على ولدها، وإن كان عاصياً مسيئاً، فيقول:

أغرى امرؤٌ يوماً غـلاماً جاهلاً ... بدراهمٍ كي ما ينالَ به الضــرر

قال: ائتني بفـؤاد أمِّـك، يا فتى ... ولك الدراهـمُ والجـواهرُ والدُّرر

فمضى فأغرز خنجراً في صدرها ... والقلبَ أخـرجه وعـاد على الأثر

لكـنَّه من فـرط سـرعته هوى ... فتدحـرج القلب المضرج إذ عثـر

ناداه قـلـبُ الأمِّ وهـو معفـر ... ولدي، حبيبي، هل أصابك من ضرر

*****
سبحان الله ذبحها علشان فلوس ولما طاح خافت عليه .
رب اغفر لي ولوالدي رب ارحمهما كما ربياني صغيراً. ربنا آتنا في الدنيا حسنة وفي الآخرة حسنة وقنا عذاب النار ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الكافرين رب أوزعني أن أشكر نعمتك التي أنعمت عليَّ وعلى والديَّ وأن أعمل صالحاً ترضاه وأدخلني برحمتك في عبادك الصالحين وأصلح لي في ذريتي إني تبت إليك وإني من المسلمين. رب اجعلني مقيم الصلاة ومن ذريتي ربنا وتقبل دعاء ربنا اغفر لي ولوالديَّ وللمؤمنين يوم يقوم لحساب.

Common_Sense said...

ماشالله مقالات كاملة موو تعليقات :) ماعتقد راح اجاري اللي كتبوه بس عجتني اخر صورة والصرااحة اي نعم هذا اهو الحب اللي ما يموت

Mohammad Al-Yousifi said...

ممتاز يا مشاري

عندي تفسير عن الشطر الأول من المقالة عن غياب الرومانسية بس كل ما احاول اكتبه اخاف الناس تقول يتكلم عن نفسه و عن زواجه و تقوم المدام تطنقر علي و تعصب

بس انشاءالله جريب اكتبه و يعجبك التفسير

PearL said...

موضوع ممتاز يا مشاري
اجابتي على التساؤل الاول
الرومانسية وينها
انا اقول سواء الرياييل او الحريم
وايد يقارنون وهذي اكبر مشكلة
يقارنون الطرف الثاني بممثل او زوج فلانة وعلانة
الواحد لو يبي رومانسية راح ياخذها غصب او طيب
بس المشكلة الواحد ما قام يترس عينه شي
ودايما يشوف اللي ماعنده


اما عن الزواج الثاني والثالث
بالنسبة لي انا غيورة جدا جدا
عشان جذي مستحيل اسمح لزوجي يتزوج علي

اهوه صح ان في وايد حريم يرفضون الفكرة عشان البرستيج
بس عاد انتوا الرياييل لازم تعترفون بعد انكم ما تعدلون


بالنسبة للحب الاخير اللي كتبته
قمة
العبارة بجتني والله

موضوع عجيب ورائع
تشكر عليه

Anonymous said...

نقطة ريما عن الامان صحيحةةةةةة بالثلاث


المرة ادور الامان بكل علاقاتها واحيانا كذلك احس ان الحنان اهم من الحب ولكن يبقى الاستقرار مطلب كل وحده سواء بعلاقه زواج او اي علاقه اخرى مو نقعد على اعصابنا باي لحظة تيينا شوتة ههههههه واي اسلوبي اليوم اشحلاته



على فكرة يعجبني الحاج متولي


الله يكثر من امثاله

سالفة قلب said...

الرومانسية المفقودة:

هي تبحث عن الحنان والامان والكلام الرومانسي

هو يبحث ان يكون هو وحده صاحب الأولويه

( المصارحه حلوة بين فترة وفترة والتجديد مطلوب والمفاجئات الجميله تخلق جو جميل)


الزوجه الثانية:

الزواج الثاني يختلف حكمه باختلاف ظروفه ...ربما يكون حراماً او مكروهاً

لماذا ترفضه الزوجه؟؟؟
لانها لاتقبل ان تكون نصف امرأة
شعور مؤلم حينما تشعر ان اغلى انسان عندك يشاركك به شخصا آخر

(وجهة نظري الشخصية)


أعظم حب:

حب الأم لولدها هو حب غير مشروط

حب خُلق معها حينما سمعت أول خفقه من خفقات قلبه في اول زيارة طبية لها.

الله لايحرمنا ولايحرمك ولايحرم احد من هذي النعمه والله يعينا على حسن تربيتهم

العين الساهرة said...

المشكلة في عدم تمكن الرجل من انه يتزوج ثانية وثالثة ورابعة ، هو أن كل زوجة تريد طلبات تثقل كاهل الرجلن فالموظف اللى على قد حاله أقول له مد ريولك على قد لحافك، وعدم التوافق هو في أغلب الأحيان بسبب الإختيار السىء سواء من الرجل أو المرأة، وغياب الحب بسبب كشف كل واحد منهم عن وجهه الحقيقي اللى كان يخفيه أيام الحب والخطوبة

اما بالنسبة للصورة، فعلا ما أغلى من هالحب، تحس من الكلمات لوعة الأم على فراق ولدها، الله يرحم موتانا أجمعين

bo9ali7 said...

صحيح..القسوة في القلوب قاعدة تزيد وجفاء الروح هم قاعد يزيد بالرجال والنساء, ولكنها تبدو اوضح على الرجال.

اما الزواج من مرأة ثانية والسبب للقضاء على العنوسة انا هالكلام ما دخل راسي..الاسلام شرع تعدد الزوجات واوضح الاسباب ولم يكن من بين الاسباب ان يتم القضاء على العنوسة.

موضوع الجنس..السالفة و ما فيها ان احنا حياتنا الاقتصادية والوظيفية غربية بحتة, اما حياتنا الاجتماعية شرقية. الواحد لازم يحافظ على عذريته لين يتزوج. بس ما يقدر يتزوج الا لين يتوظف, ومايقدر يتوظف الا بعد ال23. يعني لازم يمسك نفسه تقريباً 11 سنة!!! 11 سنة بس يقاوم فطرته
تخيل!!!

bo9ali7 said...

11 سنة هذا المحظوظ
هذا اللي عنده وفرة مالية من ابوه..بس الاغلب اكثر من جذيه وايد

NewMe said...
This comment has been removed by a blog administrator.
NewMe said...

مشاري خل عنك هالحجي
انا اقول
يود مينونك لا اييك اللي ايين منه
وتقعد تضرب اخماس في اسداس
واتقول ياليت اللي جرى ما كان
الزواج اهو جذي
ووحده ارحم من عشر
المشاكل بدال ما تقل اتزيد
على طاري المثل اللي يقول
يبي ايكحلها عماها
وفي مثل يمني يقول
عمية تخضب مجنونة
"يعني اتحنيها"
هذا حال اللي يتزوج الثانية
في نظري الاخلاص حجر الزاوية
في اي علاقة
اذا اختفى ينهار كل شي
ودير بالك علي عييلك
هم شمعة الدنيا
دمت بزوجة وحدة وعشر تعش ياهل
عشان ما تفكر تطل اهني والا هناك
اطيب تحية
بتعترض اعترض بس ترى الامثال لا تعارض

Fuzzy said...

فى اغلب العلاقات الزوجية يُفقد الحب رونقه بعد سنوات الزواج الاولى والبعض فى بداية الشهور الاولى والتساؤل لماذا ؟

اختلف معك اخوي مشاري من البداية لان هذه فرضيات تعتمد على تعريفك ومفهومك للحب

الكويتي الحر said...

الصورة الاخيرة اللي بالقبر تعور القلب

وتنسي الواحد اي تعليق وده يقوله

Unknown said...

a7La eNG : اول شى مبروك لانج الاولى :)
وذكرينى ادزلج ورد وهدية بعيد ميلادج :)
ثانى شى قصدج عن منو يعالج العنوسة اللى بقطر والا انا؟

شوفى الاتصال بين الزوجين يختلف لانه يحكمه وايد اشياء التربية المستوى الثقافى الاهتمامات وااايد اشياء
الصدمة تكون لما الاتصال يكون من اتجاه واحد والثانى يكون مطنش او يعتقد ان لى الحين صغير وما يبي يتحمل مسؤولية وينسون ان الزواج مسؤولية واهتمام بأكثر من شئ بوقت واحد



sOulvOice : اهوا بس اكشن ؟حركات واشياء وافكار غريبة تطلع
بس لو الحريم يتفهمون جان الدنيا صدقينى تتغير بس انا لى الحين متأكد ان الحريم بس يخافون من نظرة المجتمع لهم
وبعدين من قالج الريال الشرقى ما فيه رومانسية
الشعر
الخواطر االعربية اقوى واوضح بنقل المشاعر من شنو عيل؟
بس الحريم ولا فى البال لاهين فى الموضة والزوارة
انا داش المقبرتين السنة والشيعة وما عندى مشكلة بس تبين الصج انا ما اؤيد لسبب لانى ما افرق بين سنى وشيعى
:)

Unknown said...

Fuzzy : وانا لسة الدبلة فى ايديا
خلهم يا ابن الحلال بس تبي الصج لو نرجع حق التاريخ كانوا قبل الاصل يتزوجون اكثر من وحدة بس الحين انعكست

arwa : الام كنز لو عرفنا قيمته لنجحنا فى الدنيا والاخرة

Unknown said...

tweety : اول شى القانون اللى تقولين عنه مال تونس هذا ضد الشرع
وبعدين الاصل كان فى التاريخ القديم تلقين ان اغلب الريايل يتزوجون اكثر من وحدة الشى مو علشان حل مشكلة العنوسة
لكن فرضا وحدة من تطلقت او ترملت قبل ما يخلونها بعد العدة على طول يحاولون يزوجونها باسرع وقت لانهم يدرون شنوخطورة المرة لما تكون المرة بروحها وشنو ممكن ايلها من الرياييل
وبعدين اللى يتزوج ثانية احسن له من ان يروح يندعس بشقة او شاليه مع بنات الليل
واللى يخاف الله وما يبقق عيونه على الحريم بالتلفزيون

بعدين صدقينى حتى فى الدراسة الاخيرة اثبتت تواجد الحريم بنسبة 3 الى 1 الى الرياييل يعنى حتى بهذه مو عبط انحطت
تبين قانون ضد الدين ؟
سبحان الله حتى شرع الله مو عاجبكم

FatmaQatar : لا تقص عليج هذى تويتى ترى مالج شغل فيها :))

بعدين من قالج راح ايى بدون ما تدرى ؟
لا تبوق ولا تخاف
مو احسن من انى اقولها انى مسافر برحلة عمل وانا طايح بالمغرب؟

Unknown said...

Яeema : والله مو مريح نفسه لا انتى :)

بعدين كنتى قطة مغمضة؟؟؟
وصرتى جذى ؟ غرييييييبة
بس تبين الصج احسن
واحلى

وصح ماكو ريال ما يصير رومانسى

وصدقينى كلمتج ان البعد يولد فقدان الرومانسية صح وخصوصا اذا واحد من الطرفين يكون حاول وااااايد علشان يلقى نقطة اتفاق
بس الرومانسية والحب وكل هالامور دايما المرة لازم تكون مبادرة فيها لان الوضع من نفس قبل والرياييل غلطتهم بدوا يقارنون وهالشى اكبر غلط والسبب يعود حق الاحتكاك
يعنى تخيلى انا متزوج وحدة عندكم بالدوام واداوم معاكم اقول طالع كيتى رومانسية
وريما ونيسة
وفلانة ذكية
وجذى
صارت المقارنة غلط

sologa-bologa :
يا معود كل تعليق احسه دووووووش على جنى سابهم والله يستر من الياى :)

الاء سعود المجيبل said...

انا أأيد الزواج الثاني ما اشوف ان في شيء غلط بس المهم ان يعدل بينهم...:)


عجيب والله هالحب .... لا اله الا الله حب طااااااااااهر حب الام....:)

Unknown said...

الحجيه : وعليكم السلام
اختى الحجية فعلا المرأة اساس البيت لو فعلا عرفت تدير بيتها عرفت تمسك زمام الامور لكن اهتمام المرأة صار مختلف وخصوصا اللى عادى عندها زوجها يطلع ويرد واهيا مو موجودة بالبيت
اختى الحجية من اعظم ما سمعت ان فى نساء ما يدرون عن ازواجهم من شهور
شتقولين عن حريم جذى
وحريم يقولون خل يلعب زوجى لكن ما يتزوج على؟
شتقولين بالله ؟

kitty : ليش معتقدة انى ما اقول حق مرتى هالكلام؟
ترى انا مشكلتى صريييييييح جدا لابعد الحدود وما عندى مشكله مع افكارى
صدقينى كيتى
الحب و الحب والحب والحب
شوفى اربع مرات
لو الريال حسه من مرته ؟
بس مجرد احساس ينقلبون الحريم كلهم خنازير
لكن مشكلة المرة ما تعرف مفتاح زوجها
وهذا اللى يخلى اى شخص يخاف الله ان يتجه للزواج من ثانية علشان يعوض اللى انقصه من حب بدال ما يلعب بره وخصوصا ان الفرص جدا جدا جدا سهلة

Unknown said...

Common_Sense : مرورك طيب ومشكور
والله يعينى على اللى مكتوب :)

kila ma6goog : اكتب يبه رمضان فرصة المرة اذا طاحت عليك قولها رمضان ومن اليووووع طفى مخى :))

Unknown said...

PearL:اول شى مشكورة على الشكر
ثانى صدقينى يا عزيزتى الغيرة موجودة بس هم الحياة ما توقف ولو نرجع بالاساس نلقى احنا قاعد نمارس اشياء غلط بسبب افكارنا اللى تغيرت
واتفق معاج بشكل تام بخصوص المقارنة
والدليل على المقارنة السريعة الخز اللى يصير بالمجمعات والجمعيات بين المتزوجين
يلوع الجبد ومقرف


sOulvOice : لووووووووووووووول
انا امى كانت تسمينى الحاج متولى :P :P :P
بس تبين الصج الامان صفة اى ريال محترم يخلى المرة ترتاح لوجوده يمها وتاخذ راحتها بس المشكلة الحين اغلب الرياييل ما يخلون الحريم يحسون بالامان لان نيته مرض

Unknown said...

سالفة قلب : احترم وجهة نظرج لانج وفعلا المفاجات بالزواج تخلق حياة جديدة والتغير ايضا يخلق حياة حلوة
لكن شتقولين وين الحريم اللى الحين يعرفون هالشى
الزواج صار مثل السوق وعملية المنافسة فيه شديدة ومثل ما فيه حريم يكرهون الريال المتزوج بالمقابل فى حريم وايد هدفهم الريال المتزوج
والله الهادى


العين الساهرة: يا عين يا ساهرة يا بعد جبدى اللى تبى الستر ما تقول ابى وابى تقول الحمدالله على نعمة الامان والاستقرار لى ولزوجى وتسكت وما تبقق عيونها على الحريم وتذبح الريال بطلباتها
وحب الام لو وزنوه بالدنيا ما ينقاس بشى

Unknown said...

bo9ali7 : ما اتخيل انا عشت هالفترة ما يحتاج انى اتخيل :)))))
والله مت من الضحك على تعليقك
الله كريم
صوووووووووم انا اقول بس

NewMe : وفى مثل يقولج نوعله يخسر
:)
والله يخليج لا تدعين على بدعاوى جذى خلينى اخطط حق نفسى :) عدل ويوزى عنى
الاخلاص ممكن ان يكون لاكثر من زوجة

Unknown said...

Fuzzy: انا اعتمدت على كلامى هذا على نسب الطلاق الكبيرة اللى تصير فى بداية السنوات الاولى من الزواج
لان كل الاحصائيات تؤكد ان اغلب حالات الطلاق تصير فى سنين الزواج الاولى
والسبب ان محد يتحمل المسؤولية وان كلهم يتوقعون الزواج كوفى شوب وسينما


الكويتي الحر : والله انا وقفت جدام القبر وتفاجأت
:(
الله يرحم المسلمين اجمعين

Unknown said...

Q8ya : اشوة يا معودة
صح العدل هو الاساس
واذا الواحد قدر يكون قريب من العدل هذا الصح يكون
:) حياج

tweety said...

اللي يبي يتزوج يقول بتزوج ليش يبرر ويحث ويشجع ويدور له رابط ديني عشان يقنع الناس انه اهم شي عنده شرع ربنا !؟ لا ربنا ما امر بالظلم وأبدا مافي علاقة بين تعدد الزوجات والعنوسة أشدعوه الحين الرياييل لي تزوجوا ثانية وثالثة بياخذون الارملة والمطلقة والكبيرة !
بعدين أعتقد هاللي قلوبهم على البلد ترى في وايد مشاكل اكبر و اخطر من انقاذ البنات من العنوسة عبر تعدد الزوجات !! مبرركم اللا منطقي للتعدد
فلاحد يحاول يسوي روحه قلبه على غيره ومحترق على البنات اللي ما تزوجوا ويزايد على سالفتهم
واذا صج العنوسة اهي همكم حطوا قانون يقلل من زواج الكويتي من الاجنبيه مثلا مع اني اشوف انه شي شخصي جدا بس اعتقد هذا له علاقة وثيقة بعدم زواج البنات أكثر
أو خل يصير اهتمام اكبر في الشباب عشان يقدرون يكونون نفسهم ويتزوجون

تحياتي حق مؤيديني ومؤيداتي من الجنس الناعم الله يسلمكم من كل شر
ريما
مشكورة حبيبتي على اللقاح :)

Яeema said...

mishari
أولا أشكر ردك
بس في تصحيح إشوي علي تعليقك
-----------------------------
كلمتج ان البعد يولد فقدان الرومانسية صح
-------------------------

البعد يولد الرومانسية
لأنها راح تكون لغة التفاهم الوحيدة


++++++++++++++


أما إني مريحة بالي فهذا غلط ، بالعكس قاعدة أحفر ليل ونهار لإستقرار إسرتي



ترا مثل ما الريال يقارن ، فلا إتهقي المرا ما قامت إتقارن

تناقشنا بالموضوع أمس ويا زوجي



ليييش الزوج صارت عندة ثقة زايدة بمرته إنها لايمكن إتفكر إتطالع برة وخصوصا إن عندها مواصفات الجمال و الأنوثة


و كان رايه إن من أسباب عدم إقتناعة بموضوع سفر البنت برة إن التربية والدين ما تردع البنت 100%؛



الدين له دور أساسي بالموضوع
من يخاف الله في نفسة و يكون الوازع الديني قوي ، يكون محصن ضد الأخطاء



سؤال و أبي الكل يشارك في



دايما يقولون البنت ينفر راسها بكلمة


هل الريال المستقر والدين ما ينفر راسه بأسلوب؟

بمعني
هل في إنسان محصن 100% مع وجود ظروف الإنفتاح والمقارنات





tweety
الزيارة الثانية راح أقهويج ويا تمر إنشاء الله


توني ذايقة تمر ومحشي رهش

لذييذ والله

Q8Lioness said...

اول شي مبارك عليك باقي الشهر
وحطمتني بصوره الشاهد والله خنقتني العبره :(

Bed0uin said...

يا مشاااااااري لا تجمع كل الحريم،،، البعض منهم جذي ولكن البعض الآخر تقووم وتخطب خق ريلها .... الخ

كنت في وقت من الاوقاااات ارفض تماما باني ارتبط بواحد متزوج ههههههههههههههه ولكن مع مرووور الزمن قمت اتمني اني ارتبط بواحد متزوج اذا توافرت فييييه الشرووووط ههههههههه =P

والله يرحم جمييييع موتي الممسلمييين

الحجيه said...

السلام عليكم جميعا
اخوي مشاري شقول المثل الفرس على فارسها أي أن المرأة تتصرف حسب ردت فعل الزوج فلا بد لزوج أن يوضح للزوجة ما يحب وما يكره وما يضايقه وواجبها أن تتجنب كل مالا يحب وما يكره
وتتقي الله في زوجها في حديث للرسول - صلى الله عليه وسلم - قال (لو أمرت أحداً أن يسجد لأحد لأمرت المرأة أن تسجد لزوجها) وواجب الزوج أن يتقي الله بزوجته حتى يكون عطائها اكبر ما يكون للزوج و الأولاد والبيت .
في شيء مهم في الحياة الزوجة في اعتقادي هو التفاهم بين الطرفين & وطريقه الحوار لابد تكون منطقيه عقلانيه ولابد واجب الطرفين اتقاء الله في أنفسهم و أولادهم حتى تسير الأمور إلى بر الأمان
أما من ترضى لزوجها بالحرام ما أتصور فيها ذرة أدميه ما تخاف على زوجها وعلى نفسها من عواقب الحرام اللهم أحفظنا بحفظك وأحفظ حبا يبنا وإخوانا المسلمين والمسلمات من كل شيء يغضب الله اللهم آمين وثبتنا على طاعتك يا رب العالمين

الحجيه said...

السلام عليكم جميعا
ريم لازم تتأكدين من شغله أن الإنسان مو معصوم من الخطاء أن كان رجل أو امرأة ؛ ولكن من يخاف الله وصاحب عقل حكيم وغير متهور باتخاذ القرار فيما يسمع ويفكر بحسن الظن وحسن الظن من الأيمان يكون قراره منصف وحكيم في اغلب الأحيان ؛ بمعنى صعب أن احد يفر رأسه دون إثباتات واقعيه و ملموسة ؛ وربي أنشاء الله يبعدنا وإخوان المسلمين والمسلمات عن الظن وظلماته ومتاهاته اللهم آمين ؛ واجعلنا من الأتقياء الأقوياء بالله اللهم آمين

Unknown said...

tweety : المسألة مو قصة مسألة دينية أكثر ما اهيا ليش الريال يروح يتزوج ثانية
في رياييل وايد ما يلقون الراحة مع الزوجة الاولى وتلقينه يحاول يصلح الوضع مرة ومرتين وثلات وعنده عيال وما يبى يخرب بيته ولا يبى يهدم اسرته ولا يبى بنفس الوقت يطيح بالحرام
وعنده بالاخير ان هذى هم ام عياله ما يبى يخسرها
والطلاق عند ناس وايد شئ كبير جدا ويهدم بيت فبدال ما يطلق يتزوج وحدة ثانية
بعدين صدقينى وايد ناس ياخذون المطلقة والارملة والكبيرة
وصدقينى هالشى احسن مليون مرة من ان الريال يكون حق المرة مثل العسل ومن وراها يلعب عليها وممكن ينقل لها مليون شى غلط سواء اجتماعى او صحى
المشكلة اللى انتى مو راضية تفهمينها انا اقول ان الريال ما يفكر بالزوجة الثانية الا فى حالة عدم وجود انسجام كامل مو جزئى مع الزوجة الاولى
وهي معايير مختلفة
وصلى على النبى وكملى صيامج
واذا انتى تقولين ما لو تقعدين 50 سنة بدون ما تتزوجين واحد متزوج صدقينى وااااااايد بنات عندهم يتزوجون واحد متزوج بس بشرط توفير الجو المناسب لهم
هدى اعصابج كل ما اشوف الصورة احس تويتى بيطلع من الشاشة :) :P

Unknown said...

Яeema : مجرد كلمتج انج قاعدة تحفرين بالصخر فهذى بروحها كافى ان تحافظ على بيتج
وصدقينى لو كل مرة حافظت عليها بيتها
وكانت حق زوجها عشيقة قبل لا تكون زوجة محد يفكر يتزوج وحدة ثانية ولا يفكرون يسوون اى شى غلط
:)

خلج من تويتى ترى شكلها فاطرة :P

q8 Lioness : علينا وعليج:)
ما فى اغلى من حب الام

Unknown said...

الحجية : انا معاج قلبا وقالبا
صح الفرس على فارسها
لكن المشكلة اغلب الازواج قاعدين ينصدمون
والغلط ان اى واحد فيهم يفكر يغير الثانى
لكن التنازل مطلوب
يعنى شنو ذنب ريال اخطبوله اهله وقالوله خوش ويتزوجها يلقاها ماكو عقل؟
او اهتماماتها تافهه او
غير ملتزمة دينيا وهذا من اهم الامور
انتى قوليلى الريال بهالحالة شنو يسوى

tasty_as_berry said...

مشاري الله يهداك أكيد بيعجبني هالمواضيع تخصصي افا عليك :)خخخخ

أنا أؤيد كلام " تويتي "و" وريما" ... أن المرأه إذا كانت الرومانسية من احد احتياجاتها فمن حقها والأحلى من هذا أن متوج بالحلال ..

وبنفس الوقت الرومانسية ليست هي الرغبة المستميته بالنسبة للمرأه .. لأن لو بتحسبها على جذي جان المرأه غاسله ايدها من زمان ..!!

المرأه تبحث عن الاهتمام والاستقرار .. لأن رومانسية الرجل من حبه واهتمامه واستقراره في علاقته ..

المسألة مو مرتبطه في شهر عسل وورده وشموع وكل ساعة يقول احبج .. الرومانسية أن يحس بتعبها يوله عليها حتى مساعدتها في شغل البيت وحتى لما يعاتبها هذا بحد ذاته رومانسية ..

أصلا الرومانسية من اساسياتها تحمل عنصر المفاجاة يعني لو كل يوم يايني ويايب ورده واحبج واموت عليج .. بحسها ماصخه ومالها طعم ..

أما مسألة الزواج من ثانية وثالثة ورابعة .. هاذي تعتمد لكن والله نتركه سبب لتقليل العنوسة اعتبره تفاهة ..

عمري ما فكرت ولا افكر أني اتزوج للزواج فقط ..!! شاللي حادني !!

أنا لو بحس فيها من ناحيتي اكيد ما راح أرضى لأن أدري بروحي اعطي من قلبي فما اتخيل أني بيوم بصير لعينه ومقصره واستاهل ينوخذ علي الثانية !!

ويعطيك العافية على الموضوع
وآسفه على الإطالة :)

Fuzzy said...

نسب الطلاق المرتفعة قد تكون للاسباب مختلفة .. وقد يكون انعدام الحب أقل هذه الاسباب. .. كثير من قضايا الطلاق قد يكون سببها فساد الزوج ومعاقرته الخمر او الادمان والعياذ بالله .. او المشاكل مع باقي أفراد الاسرة .. والكثير يرجع لاسباب اقتصادية تؤجج نار الخلافات. وطبعا هناك سبب ان الكثير من البنات يكون في مخيلتهم ان الزواج وناسة وطلعات وسفرات وكشتات وما يفكرون ان الزواج مسئولية وواجبات وحقوق والتزام وميزانية ويصطدمون بالواقع اللذي هو خليط من السعاده والحزن ومزيج من الحقوق والواجبات هذا طبعا للحين ما ذكرنا الاطفال والانجاب

Anonymous said...

بس انا لى الحين متأكد ان الحريم بس يخافون من نظرة المجتمع لهم
وبعدين من قالج الريال الشرقى ما فيه رومانسية



--------


كلامك مظبووط ,,المرة تخاف لاباجر تصير حديث المجالس وخاصة لو كانت تعتقد انها كاملة ومومقصرة بحق زوجها


بخصوص الرومانسية

خل نتفق على تعريف الرومانسية,شنو الرومانسية؟؟

مفهوم الرومانسية يختلف من المرأة الى الرجل



الغالبية من الجنس الناعم تشوف ا الرومانسية اهي الكلام الحلوو وورد امقطط عالفراش وهدايا وامداراة

يعني الرومانسية بهالحالة بالنسبة لبنات حوا اهي لفظ وفعل


بالنسبة للرجل الكويتي ماني قايلة العربي لان وضعهم مختلف وانفتاحيين اكثر منا ..صدقا مادري اي شكل من اشكال الرومانسية يفضل ولكن من خلال تجارب غيري رومانسية الرجل من خلال الكلام الحلو وذكر المناسبات تكاد تكون شبه معدومة مع الزوجة ولكن تعال شوفه ويه حبيبته


شي ثاااني


عنده القدرة على العطاء ويقدر يكون رومانسي ولكن مايبي

tweety said...

مشاري
هالبنات اللي عادي يتزوجون متزوج ما عندهم سالفة ومحد راح يبتلش غيرهم اللي مو قادر على وحدة بيقدر على ثنتين !؟ بعدين مو انا اللي مو راضية اتفهم انت اللي مو راضي تتفهم مشاعر المرأة ومعتقد انه الزواج الثاني حل وهو مشكلة ثانية وهم ثاني بس عاد اشدعوة انا ناطرة منك تتفهم انا من زمان غاسلة ايدي منك :p
اي امس كنت قاعدة آكل فوق السطح جان اشوفك طاير على اسعفة !! حتى برمضان عاد الله يهداك ! :p :p :p

Anonymous said...

توتووو حبيبي



سؤال بسيط وابي اجابة صريحة منج


افترضي وحده تقدمت بالعمر وعندها الرغبة بالزواج والحظ مااسعفها تلقى شروطها بالمتقدمين لهامن العزابية

مايالها امطلق

مايالها عزوبي شالحل؟

تقدملها واحد وبعلم زوجته الاولى وين المشكلة لما ترضى بزوجة ثانية خاصة ان ماعندها خيارات افضل بحكم سنها,,



هل تحكمين عليها اتعيش وحيدة باجي عمرها بحجة انها ماتاخذ متزوج!!!!


مو احسن من الحرام؟؟؟طبعا مع افتراض وجود سبب مقنع يخليه يتزوج الثانيه





انا مع الزواج الثاني اذا كانت ظروف الرجل وظرووف المرة تناسب هالنوع من الارتباط

ليش تنظرون للزوجة الثانية انها انسانة منحلة وامسوية خطيئة


وليش مفترضين دايما ان الزواج الثاني وولا الثالث لازززم مصيره يكون الطلاق او تعاسة ,,الاولين كانو ياخذون ثلاث واربع واستمرت حياتهم

الفشل وارد بالزواج الاحادي لوول وبالزواج المتعدد المسألة توافيج من ربنا والمهم النية السليمة للطرفين

3ateeja said...

فقدان الحب
سببه ..الانانيه التي تربت عليها الاجيال الحاليه
كلا هات هات هات
ما كو هاك هاك هاك
بالاضافه الى طرق التربيه المغلوطه لكلا الجنسين ..وخاصه الأولاد
من وهو عمره خمس سنين تقوله امه
انت ريااااااال
وانت رياااااااال لاتبجي انت رياااااااال
يعني الريال حرام يبجي
وعيب يعب عن مشاعره
وكلا كلامه صح
وما يغلط سبحان الله
فهالشكل بيكون مع زوجته
ما كأن خليفة المؤمنين ..قال صدقت امرأه واخطأ عمر
الحين لو تقوله انت غلطان ..يقوم الدنيا وما يقعدها

الزواج من ثانيه:
احد قاضبك روح تزووج ..من ثانيه وثالثه ورابعه ..ولو يصير خامسه جان قلت لك وخامسه
شخصيا ما اعارض هالزواج
ولو الزواج من ثانيه وقعه عالنفس طبيعي جان ما نهى الرسول صلى الله عليه وسلم علي رضي الله عنه من الزواج على ابنته فاطمه ..ولا تقولي حاله خاصه

الجنس العابر
عندما احتكم الناس للشرع كانت العلاقات الانسانية رائعه من منظور حلال وحرام

اعظم حب:
اكيد اعظم حب..لكن ما اعتقد ان ام اللي اكتبت عالشاهد..هقوتي واحد من هالمصابن ..

3ateeja said...

الله يا قرقتي ..ترى آسفه ما ادري ان هالبوست ل فوق ال18 لو ادري ما قريته
;p

neelaah said...
This comment has been removed by a blog administrator.
neelaah said...

موضوع شيق

اضم صوتي لريما
الرومانسيه مو وردة حمرا و ديوان شعر و اغنيه لعبدالحليم

الرومانسيه هي انه الطرف الثاني يحسسنب اني ملكه بتعامله الراقي و خوفه و قلقه علي...او على الاقل خل نقول هذي صورتها بعد الزواج

انا عندي لما اقول راسي يعورني و اشوف زوجي يقوم يجيب لي حبتين بندول و ماي احلى و اجمل الف مرة من اي قصيده شعر ممكن يسطرها لي

الزوجه الثانيه
انا اسفه
انا مع الزواج مره ثانيه
بس مو زوجه ثانيه
صاحب بالين جذاب
خل يطلق و يشوف طريجه
و بنفس الوقت يعطي
الزوجه الاولى الحق بانها ما تكون مهمله
على الاقل الاهمال بالمشاعر و هذا الوجع الكبير

Unknown said...

tasty_as_berry : حطيتى ايدج على الجرح
الرومانسية مو وردة حمراء
وعنصر المفجأة ترى صح لا يمكن يكون فقط هو العنصر اللى يحلى الحياة الزوجية
:)
اشوى الموضوع اعجبج
:)


ANGEL^HEART : خوش نقطة اثرتيها
الزواج واجهة اجتماعية صج
تصدقين وايد حريم جذى
وحتى فى رياييل جذى بعد عندهم الزواج من وحدة كشخة واجهه
هذى مشكلة ثانية يبيلها قعدة وتفكير
زيارتج عزيزة :)

Unknown said...

Fuzzy : بمجرد انهم ما فهموا شنو يعنى مسؤولية الزواج معناه انهم كانوا باحلام وردية وصح عندهم الزواج بس طلعات وكشتات وسينما

sOulvOice : صدقينى الرياييل الكويتين فيهم رومانسية وخصوصا المتعلمين
بس كل صخرة ولها من يكسرها :)
البوست الياي راح
أكد كلامج ان الزواج مو زوج وزوجة

Unknown said...

pop_cornaaa: انتى الله يهداج بس واقفة مع المرة جذى وجنه الريال مخلوق جاف لا احساس ولا مشاعر ليش يبه ليش
:)


tweety : انتى شرية ام طييييييير
انا اطير انا ملاك يمشى على الارض :D

soulvioce: خل ترد اشووووووووف

Unknown said...

3ateeja : من قالج الرياييل ما يبجون ؟
صح انا اتفق معاج التربية غلط
وان المفروض يعودون الناس على ثقافة التسامح والحب
والرسول عليه الصلاة والسلام
قال رفقا بالقوارير
يعنى باختصار عاملوهم بليونة

neelaah : يانيله ياعزيزتى وشنو ذنب الريال يحسس المرة انها ملكة واهو ما يحس ان ريال؟
شنو ذنب الريال يتعب ويتعب ولا يلقى تقدير
شنو ذنب الريال ان ما يلقى وحدة تحسسه ان غير واهو يتعب بس علشان يحصل رضاها

tweety said...

سوسو حبيبتي
كل واحد حر باختياراته وقناعاته أنا ما قلت لحد يتزوج الناس كيفهم انا تكلمت عن نفسي لأن اللي بترضى تكون زوجة ثانية لازم تجدم على امور كثيرة وتتحمل مشاكل كبيرة يكفي ان زوجها ماراح يكون لها اهي بروحها مقسم نفسه على بيتين وزوجتين ومسئوليات بكل بيت
انا اقول لو تحطين نفسج مكان الزوجة الاولى راح اتعرفين ليش انا ارفض اني ابني سعادتي على تعاسة وحدة ثانية

لاتقولين المرة راضية وقانعة يمكن تكون ساكتة لأنها ما بيدها حيلة بس الشريجة تحر لوهي بالقبر

انا مع راي نيلة اذا بغى يتزوج يطلق الاولى وياخذ ثانية الا اذا الاولى خنت حيلي رضت بالامر الواقع رغما عنها
بس صدقيني الريال اللي مو متفاهم مع وحدة ماراح ينطر يلقى وحدة ثانية يحبها عشان ياخذها الثانية راح يطلق ويفك روحه من المشاكل
هذا الكلام يقولونه عشان يخدعونكم فيه الريال اذا حب يتزوج ثانية او ثالثة يطلع الف عذر
سألي كل زوجة ثانية ترضين ريلج ياخذ عليج الثالثة وبجوابها راح اتعرفين ليش انا ضد
سوري بس انا انظر للي ترضى تكون زوجة ثانية انها انسانة انانية
والرجل المزواج عادة يتزوج لأرضاء نفسه مو عشان يخدم المجتمع وينقذ بناته من العنوسة اهني النقطة اللي بوضحها
لا يبرر اي شخص تصرفاته على انها ستعود بالايجابية والمنفعة على المجتمع لأنها في كثير من الاحيان سبب المشاكل والطلاق وهذا واقع مو يايبة الكلام من عندي
بس سلامتكم وتعيشون

Anonymous said...

توتو سوسوو هههههه قطاوة مو بنات:*


مافهمتي وجهة نظري صححح


انا قلت فووق اذا ظروف الرجل والمرة مواااتية وتسمح اووووووكي اهلا بالزواج الثاني


ظروف مثل العمر المناسب للرجل والمرأة والوعي بنتايج هالخطوة وعلم الزوجة الاولى


مو كل ريال يقدر يتحمل مسؤولية الزواج من ثانية ولا كل بنت يصلحلها هالنوع من الزواج

وللعلم انا مومقتنعه بسالفة الزواج الثاني كحل للعنووسة ولكني مقتنعه انه قد تكون وسيلة يلقي فيها الزوج سعادته وبنفس الوقت الطرف الثاني يمكن وياه يشكلون ثنائي ناجح


في ظروووف تويتي اهي اللي تحكمنا لاتحطين اطار واحد

زواج ثاني=انانية وفشل

هذي موقاعده


ظروف الشخص نفسه ووضعه يختلف من واحد للثاني يعني في حالات كثيرة تلقين الزوج يواجه صعوبة مع زوجته مثل عدم فهم احتياجاته او اسلوبها بالنقاش والحديث ويحاول فيها مرات ومرات على امل اتغير طريقتها ولكن اذا مالقى فايدة هل يتم طووول عمره يدفع ثمن هالزواج


اذا كنت زوجة اولى والطرف الثاني ينبهني لسلبية ما فيني تزعجه وانا معطته الطاف تالي اتزعل لما يتزوج علي!!!


اهني غلطة الزوجة مو الزووج,,اي جان من الاول تسنعتي

تحضرني حالة واحد من الاهل استمر زواجه 20 سنه عقب خذا الثانية بعد ماطفح فيه الكيل

اكيددد الزواج المتعدد ماانحط عبط في حكمة حتى لو البعض اساء فهم هالزواج


ومرسوو خالص مالص ;)

Mamloo7a Q8ia said...

انا اصغر من 18 فما اقدر اعلق على البوست .. هاهاها
انا اشوف ان الرومانسيه انفقدت لعدة اسباب منها سرعة دوران عجلة الحياة والركض وراء لقمة العيش او التفكير بزيادة الحسابات وضغوط الحياة
وسبب ثاني ان أغلب زواجات الوقت الحالي عباره عن صفقات الزوج يصرف بسخاء بشرط انه يعيش حياته بالطول والعرض بدون محاسبه الزوجه وهي فقط بريستيج ولانجاب الاطفال
وايضا مثل اللي ذكرته الغاليه ريما في موضوعها الاخير ان الزوج يستعرض قصص غرامياته ومعجباته جدام الزوجه ؟؟ بذمتك مشاري شلون بتقدر المرأه تعيش في رومانسيه وللا تقدر تعطيها وهي في قلق دائم من ترك الزوج لها ويلحق وحده من المعجبات
اما موضوع الزواج من ثانيه فهذا شرعه رب العالمين لكن بشروط وانا اتحدى اذا يقدر الزوج انه ينفذها الا قله قليله من معشر الرجال يعني اذا الزوجه مو مقصره وقايمه بواجباتها شسالفة الزواج الثاني ولا دناعة نفس؟؟
اما حب الام فهذا الحب الطاهر اللي ما ينتهي والحب الصادق الحنون الكبير بدون اي مصلحه
نأسف على الاطاله

neelaah said...

مشاري

طبعا كلامك صحيح انا هني قاعد اتكلم عن علاقه تبادل

انا اتكلم عن شكل الحب بعد الزواج من وجهه نظري انا كإمرأة

بس اكيد بالمقابل
انه الشخص اللي يحسسني اني ملكه
سعادتي معاه راح اتخليني اعامله على اساس انه شهريار

اضم صوتي لك
لكن اذا ما في مجال الاصلاح
من الافضل انه ينفصل
و يتزوج
ما هو مضطر انه يجامل الزوجه الاولى علشان العشرة
اذا مزعجته و ما منها فود خلاص ينفصل و يشوف خياراته الثانيه

Unknown said...

twaiy + soulvoice

خلصنا كل وحدة قاعدة تدلع الثانية تقول مسلسل مصرى :))
الموضوع خلص
وانا يبه راح اييب حق تويتى واحد عمره 15 سنة تربيه على ايدها
و انتى يا سووول فويس راح اشوفلج واحد حليييييييو متزوج ويفهم مخج ويخطبج

;)

Unknown said...

mamloo7a Q8ia : شوفى عزيزتى اذا المرة اعرفت مفتاح زوجها
ترتاح طووول عمرها
لكن الحريم الحين اغلبهم بس يبون ويبون بدون ما يعطون
ابى رومانسية
ابى حب
ابى ما ادرى شنو
انزين انتى شنو سويتى حق نفسج ؟؟ علشان تستاهلين هالشى ؟


neelaah : نيلة وايد رياييل تعبون من انهم يخلون حريمهم ملكات وبالاخير يطلع اهو شيبوب
كل هذا لان ما يبى عايلته تتدمر
مشكلة مجتمعا دايم يطلع المرة فقيرة وطيبة وما عندها
وانها مو عنصر تأزيم
بالبيت ترى وايد حريم نكديين

Mamloo7a Q8ia said...

مشاري اكيد اذا المره عرفت مفتاح زوجها راح ترتاح بس هذا اشعليه من تعليقي انا بينت اسباب انعدام الرومانسيه وعقب بينت ان الزوجه اذا كانت قايمه بواجباتها ماله سالفه الزواج الثاني بس ردك حسيته مو ماشي مع تعليقي

Anonymous said...

لوووووول لااطلع علي اشاعه ادور متزوجين

بس لوو احب متزوج و عارفة ظرووفه عدل عدل ومتأكدة من معلوماتي ويطلب الزواج اوافق لان بالنسبة لي الحب والتوافق بالافكار اهم شي بالزواج


زيد علي شروطك ابيه فوق ال33 وراسه امشيب

لزوم الوقار


والله يامشاري انا مؤمنة ان الزمن احيانا يغير قناعات وااايد ناس اللي اليوم ماترضى بمطلق باجر ترضي فيه واللي واللي واللي



الله كريم

مشكوور

Unknown said...

Mamloo7a Q8ia : ترى يمكن لانى كتبت الرد على تعليقج وانا صايم :))
بس انعدمت الرومانسية
مو بس علشان سرعة الحياة
الاهتمام بالكماليات
ونسيان الاساسيات بالحياة يا مملوحة عفس الناس :(

soulvoice:
شيب؟؟؟

ماكو الا الصبغ
:P

والحياة تصفع وتعلم
وكل طراق بتعلومة ويغير كل القناعات