الطموح و العمل والمثابرة والالتزام وقليل من المشاغبة تكون الحياة ناجحة

Wednesday, October 25, 2006

من سوالف العيد



بعد صلاة العيد رحنا انا ورفيجى مطعم هندى وبعدين قلنا الحين اكيد اذا ردينا البيت الكل نايم وين نروح ؟

قلنا خل نزور المقبرة ويدعى كل واحد فينا ابوه وحق المسلمين

المهم وصلنا والا ما تخيلت الزحمة الموجودة

ما راح اقولكم وصف للمقبرة لكن راح اقولكم اللى خله عيونى تدمع اول يوم العين وانا معروف عنى انى ماابجى على اى شى

المقبرة موزعة حسب سنين الوفاة يعنى من سنة كذا لى كذا بمكان معين

واحنا طالعين والا وفيات الستينيات او اول السبيعييات وعند قبور الاطفال والا سيارة تترجل منها امرأة من جنسية عربية سنها بين 55 و 65 سنة لا تستطيع المشى بسهولة

وتحمل معاها برميلين ( جلن ماي ) وورد وفوطة وبدأت بغسل احد القبور ومسحه وتنظيفه ووضع الزرع عليه

اللى اثار مشاعرى ما تحمله هذه الام من حب حيث لو كان الطفل متوفى من سنة او عشرة اقول ممكن لكن الوفاء والحب لطفل توفى لاكثر من 30 سنة تقريبا هذه الصعوبة

شى يضيق الخلق

رمضان شهر صيام وعبادة و من بعده العيد علشان الناس تتشاوف وتتواصل بدت بالسنين الاخير عادة سخيفة جدا واهيا السفر اثناء عيد الفطر

يعنى الناس جنها تنحاش من بعض ليش ؟

كل ما سألت قالوا مسافرين ليش هالجفاف بين الناس يعنى الصغار ما قاموا يحسون بالعيد ولا قاموا يحسون بتواصل الاهل

بيتين

لحظه خلينى اشوفج

خل المس بالشوق كفوفج

خلى لحظات الليل الطويل

وعطر وردج يشيل

قلبى لى القمر

تحت المطر

نلعب مثل الاطقال

نسهر

نغنى

نراهق

حتى البجى نبجى

والدموع تضحك

مختفى كل هالاحساس

منتهية روحى بغربة الناس

واشواقى تزيد للعطر اللى

بخفقة الليل البعيد

عيونى ولهت على صوتج

ابى اشوف الكلام

ابى اضم الالحان

ابى اعطر نفسى بصوتج

واحس نهايتى قريبة غريبة

لكن فى حياتى تعرفينى حبيبتى

حتى لو ما لقيتج

انا ما انكسر

36 comments:

ReLaaaX said...

اول شي عليكم بالعافيه




عسى الله يرحم موتانا وموتى المسلمين يارب العالمين ،،



والسفر بالعيد مرات يكون كسراً للروتين :) وصح مرات يكون نحشه ، خصوصاً اذا كانو الاهل اسمالله عليهم في خبه وتزهلق مستمر ^_^

ReLaaaX said...

سبحانك ياربي ! صدق او لا تصدق


ريلاكس اول رد (،")




اييي صج اضافه إلى سبب سفرة الاوادم .. ترى مو بس بالعيد .. احنا شعب ينطر العطل نطره ويجهز لها ويضبط وقته واجازته عليها ^_^ ابتسم انت في دولة الكويت

سالفة قلب said...

اولا : عليكم بالعافيه

كان ريوق؟؟؟؟؟


ثانيا:

زيارة القبور في ايام العيد انا عن

نفسي ماأحبذها...احس العيد فرحه

وزيارة القبور مهما كان لازم

اتهيج مشاعر الحزن ومن السنه

ان احنا نفرح بهاليوم

هذي وجهة نظر خاصه مع كل احترامي

لشخصك ووجهة نظرك في الموضوع


ثالثاً:

السفر في العيد يمكن يكون كسر للروتين

او نحشه من لوية تجهيزات العيد

حلاته العيد لمه وتواصل

العيد من غير تواجد الاهل حولك ماله

طعم.

الله لايحرمنا


شكرا على الموضوع

pop_cornaaa said...

مم بالعكس السفرر بالعيد شى حلوو مرات يكوون تغيير وكسر الروتين و طبعا العيد موعيد بعيد عن الأهل والأصدقاء ويعطيك الف عافيه على هالبلوق الجميل :)

العين الساهرة said...

ماكول العافية، عاد هندى لو قايل لبنانى جان بلعناها بس هندى، كله دهن الله يساعد معدتك أظن كانت تصرخ عقب هالريوق الدسم هاهاها

بصراحة حلو الإنسان يتواصل مع أهله المتوفين والله لا يقطع عنك هالعادة

بالنسبة للسفر، إذا كان عن خاطر الإنسان إن يشوف بلد ثانية أثناء العيد فلا بأس لكن تصير عادة وكل عيد نحشة بصراحة مو حلوة هذه تشجع على الجفاء وعدم التواصل وراح يكبرون الأطفال وما راح يعرفون يقعدون بالعيد، والطامة الكبرى عيد الأضحى اللى الناس نسيت الخرفان وفرحة الإضحية، كثير من الأطفال ما شاف خروف ببيتهم، والله عيب، وعيدك مبارك

White Wings said...

مشاري
كل عام وأنت بخير
والله يحفظك من الانكسار
وأوافقك ان مسألة السفر في العيد زادت كثيراً، هذه السنة ولا احد من أهلي في الكويت، حتى ماشريت هدوه عيد للأولاد
على كل حال عيدنا معاكم، وشكرا على القهوة
;)

a7La eNG said...

مشهد المرة قمة في كل المشاعر كل ما أتخيله اشووف فيها معنى غير
:")


المقبرة اول يوم عيد قوية ترد الانسان لأبسط حقيقة بالكون بقوة
!

انا عيد الفكر عندي العيد الكبير
;PppP

مااحب السفر فيه بس الاضحى
امممم عادي أرضى

;)

مختفى كل هالاحساس

منتهية روحى بغربة الناس

واشواقى تزيد للعطر اللى

بخفقة الليل البعيد

kelha 7elwa .. bs this is my FAV. part ;D

kitty said...

قتلى متريق مرتين
ههههه وين المره الثانيه كانت ؟؟

مشاءالله يا بختكم انكم تقدرون اتزورون الميت بالمقبره يا ليت اقدر
الحمدالله على كل حال

السالفه الى شفتها مؤثره
ماشاءالله عليها
هذى ام
30 سنه
بعد عمرى والله اصدق تخيلت العكس مشارى
لو ان الام الى متوفيه
تتوقع الابن بيذكرها بعد 30 سنه ؟؟
ما ادرى ليش تخيلت العكس

الله يرحم امواتنا وموتى المسلمين
امين

ملاحظتك فى محلها

بس لا نظلمهم الناس من تلاقى عطله لو هى يومين مع ويك اند الناس اتلاقيها سافرت مو بس عيد
خل يستانسون
:)
من عواده يا مشارى

ولا تنسى تقولى وين تريقت المره الثانيه :))

EsTeKaNa said...

احساس غايه بالصدق:
وفاء لشخص ميت من سنين
غيرها ينسون أحياء عاشو معاهم سنين
!!سبحان الله


سفر الناس في العيد قد يكون كسر لروتين وقد يكون هروب..في كل الاحوال عندي السفرفي الأضحى أحلى من الفطر

kuwaitia said...

عليك بالعافيه على الريوق وناسه جباتى وسمبوسه :)

اما زيارة القبر ومشهد المرا صج يعنى يعور القلب

وبالنسبه للسفر بالعيد اهوه العيد حلو باليمعه مع الاهل بس هم السفر حلو يكسر الروتين

sOulvOice said...

اول شي شمدخلك مضارب المقبرة الجعفرية ;p


استنبطتها يوم قلت المرة المسنة غسلت القبر



ازور المقبرة مرة بالشهر تقريبا واتصدق ان قتلك اشعر بالراحه النفسية وانا بالمقبرة احس وانا هناك هالدنيا ماتسوى شي ي ي ي ي واتأمل المكان اللي بعيش فيه حياتي الثانية واتساءل بأي قطعه بندفن ;)


وموقف المرة اللي ذكرته يجسد نوع ناددددر من الوفا قلما نلقاه من البشر





بخصوص السفر


يامعود خل يسافرون جوود اتخف الزحمة







ارتسمت على ويهي ابتسامة لحد ماوصلت اخر بيت

ليش المكااااابر

الحجيه said...

السلام عليكم جميعا
زين ما سويت يوم رحت المقبرة يخوي وبالذات بالعيد حتى يتذكر الإنسان أن يوم من الأيام سيكون بهل المكان ؛ حتى يكون له مثل تذكير لمراجعة حساباته مع نفسه وتعديل ما كان مايل وربي يرحم موتانا وموتى المسلمين ويسكنهم فسيح جناته آمين يا رب العالمين .

الأم يا أخ مشاري اول من عرف قدرها سيدنا محمد صلى الله عليه وسلم
جاء رجل إلى الرسول الكريم محمد صلى الله عليه وسلم وقال له :يارسول الله من أحق الناس بصحبتي ورعايتي ؟؟؟ فقال الرسول :أمك
قال ثم من ؟؟؟ فقال الرسول :أمك
قال :ثم من ؟؟؟ فقال الرسول :أمك
قال ثم من ؟؟؟؟!!!
فقال الرسول عليه أفضل الصلاة والتسليم :أبوك
وفي قصيده جدا معبره تصف عظم حب الأم لأبنائها حتى لو كانوا أقسى الناس #### أغرى امرئ يوماً غلاماً جاهلاً
................................. بنقوده كيما ينال به الوطر
قـال ائتني بفــؤاد أمـك يـــافتى
............................... ولك الدراهم والجواهر والدرر
فمضى وأغرز خنجراً في صدرها
................................. والقلب أخرجه وعاد على الأثر
لـكنـه من فرط سرعـتــه هوى
..................................فتدحرج القلب المعفر إذ عثر
نــــــاداه قلب الأم وهـو معــفـــر
............................... ولدي حبيبي هل أصابك من ضرر؟!!
*******************************
السفر كله فوئيد بس ياريت بالمناسبات نكون بالديره مثل العيدين الفطر و الأضحى لأنها فرصه للتواصل والتجمع مع الأهل وشعور الصغار بطعم العيد مثل تجهيز الهدوم بالليل وينطرون الصبح يطلع حتى يجمعون العيديه وعقب الغده بالبيت العود هذا ينمي فيهم الوصل والتراحم بس مع الأسف مو الكل حريص على زرع هذا الشيء بأولاده
*******************************
ربي يسخر درب الخير للجميع ويهدينا ويهديهم

albandry said...

allah yer7am motana o mota elmoslimeen
ma gasart mashoor feek el`7eer ana a7sedkom yalrijal tgdroon tzoron elgbooor


o ba3deeen ma63am hindi soba7yat el33eeed
???!!!

a7la reyoog mal el3eed ween elmadam 7ayak 3endina el3eed elyay o telga elly eyserek

ana belshaleeh 3nd filmgrl wanasa 3endhom internet awal shay re7t 3endek
:)

ma3ash elly yakserek mashooory

Anonymous said...

المقيرة الجعفرية؟؟؟

ويقول أنا سني بعد

:\

~ajMaLjaMeLa~ said...

اول شي عيدك مبارك وتقبل الله طاعتك
ثاني شي بالعافيه عليك :)

تدري قلبي عورني على هالام
سبحان الله الام وماادراك ماقلب الام
الحنان الي فيه غير اكيد ولدها او بنتها الي متوفين
اكيد ماتنسه لحظة حملها فيهم ولادتها فيهم
تربيتها الام تظل تذكر وماتنسه
عسى الله يحنن قلوبنا مثل ماحنن قلبها
مشكور اخوي وماقصرت وكل عام وانت بخير

mishari said...

ReLaaaX: انا العيد عندى تواصل ورحمة من بعد شهر الصوم
فهالشى لازم يكون من الاصول اللى الواحد ما يتخلى عنها لان العيد مو الا تزهلق وصرف على الفاضى العيد ان الناس تشوف بعض
:)
ايامكم سعيدة

سالفة قلب : اى ريوق ومرتين مرة بالمطعم الهندى اللى بمشرف ق 5 ومرة ثانية عند الوالدة
واذا ما خاب ظنى ان زيارة القبور فى العيد كان من المستحبات مو متأكد انا بس يعنى شفت برنامج محمد العوضى عن زيارة القبور وكان الموضوع حلو فتعلقت الفكرة براسى

mishari said...

pop_cornaaa ": السفر بالعيد صاير نحشة عن اداء الواجب وهالشى يضيق خلقى كسر الروتين يكون باى يوم من السنة :)
ومشكورة


العين الساهرة : عاد والله دهن دهن المعدة صكت فيها الدنيا
بس اللى يبى يشوف الحياة فى بلد ثانية بالعيد مرة مرتين مو على طول

:)

mishari said...

White Wings: وانت بخير وبصحة وسلامة
وشكرا على الزيارة :)
والفرحة وحدة والله يجمع الكل على الخير

:)


a7La eNG :
صح انا يمكن عيد الاضحى عندى ميخالف الحين لا اضحى ولا فطر
بس خل اقولج :)
شنو قصة عيد الفكر هذا ؟؟
اخاف قصدج الفطر؟؟ بس بدلية ميخالف
عيدج مبارك يا باش مهندسة :)

mishari said...

kitty : علشان ترتاحين
اول مرة تريقيت بالمطعم الهندى عقب الصلاة
بعدين تريقت عند الوالدة

والمسألة مو مسألة ظلم احد بس صدقينى العيد انا عندى تواصل واليهال يشوفون اهلهم مو نحشة من بعض

وصج ملاحظتج فى محلها يمكن ما راح يروح الولد حق امه او ابوه الا ما ندر
بس ابى اقولج شى ليش ما تقدرين هل اهو خوف؟
او انها مسألة شرعية اذا شرعيه ترى اسمحوا الحين المشايخ بزيارة القبور وتلقين حاطين اعلان عن الباب زيارة الحريم من الساعة جم لى الساعه جم

mishari said...

EsTeKaNa : صح انا عندى الاضحى احسن الواحد يسافر فيه :)
بس شكلها بعد سنتين السفرة برمضان نرمض بلبنان
لان راح يكون موت حر اهنى

الوفاء عملة نادرة يا استكانة

kuwaitia : الله يعافيج
بس صديقنى العيد
بالكويت فى وايد اشياء لو الواحد يحط جدول
فيه بس صج مو مال طلعة مال اماكن معينة وبعدين ثاني يوم شاليه

mishari said...

sOulvOice :

اول شى للتصحيح هذى مو المقبرة الجعفرية هذى مقبرة السنة لان يسمح للنساء زيارة القبور على ان لا تنوح ولا يكون صوت المرة عالى بالبكاء
وهالشى الله اعلم فيه
:)

ثانى شى لان راسى يابس حدىىىىى
وما يحد يكسرنى
واذا بتخف الزحمة خل تخف من الغير الكويتين مو الكويتين :)

mishari said...

الحجيه : انا احس ان الام قلب غير عن باقى قلوب البشر

والحمدالله بالفترة الاخيرة اللى قمت اروح فيها المقبرة واحس ان هالشى زين لان فى احياء للقلب
عسى الله يكتلنا الاخرة الحسنة
تقبل الله صيامج وطاعتج :)


albandry : الحين الحريم يصير يدخلون المقبرة مو نفس قبل وعسى الله يرحم موتى الجميع :)

ومطعم المطعم كانت عرة ما ادرى ليش وبعدين اللى يبى يعزم يقول قبل العيد مو لما يخلص العيد :))

بس العيد الياى ازهب نفسى مبجر :P


Anonymous ; ما ادرى منو ياب طارى المقبرة الجعفرية انت دايخ ؟؟؟
تعال اركبك بالدبة واقحص فيك واوديك المقبرة (مقبرة السنة)علشان تقرى اللوحة اللى معلقينها موعد زيارة النساء

وبعدين يا اخى انت شحارك سنى شيعى
انت شكو بتزوجنى ؟؟؟؟
اذا بتزوجنى قولى ودق عل بيجر
لان شكلك مال بياجر ما تلقط بسرعه لازم الواحد يشرحلك وايد

mishari said...

~ajMaLjaMeLa~

ايامكم سعيدة

حنان الام شى من الخيال سبحان الله بعد اكثر من 30 سنة لى الحين الوفاء بقلبها
عسى الله يحنن قلوبنا على اهلنا

مشكورة على الزيارة وخطوة عزيزة :)

sOulvOice said...

مشاري



اي اي عدل اسمحو للحريم بالزيارة من مدة و بمواعيد معينة من 12-2 اذا ماني غلطانة
بس لان شواهد القبور بالجعفرية من زجاج+رخام فتحتاج تنظيف والمقبرة السنية شواهدها قطعة طابوق او سيراميك يمكن لوول ماابي ابدع بس ان ماتحتاج تنظيف من هيك استنتجت استنتاجي اللي فوق





بالنسبة للخاطرة ترى الحب مافيه كرامه فخل عنك المعاند على راي بلبل الخليج :D





شكراااا وسوري عالقرقةةةة

kuwaitia said...

والله في ناس بالكويت اتخلى الواحد يكره الطلعه بس الواحد شسيوي هاذي ديرتنا نحبها بكلشي فيها

White Wings said...

مشاري
صحيح الفرحة وحدة
أنا قصدي عيدنا معاكم، المدونين والمدونات،كل التقسيمات الأخرى ليست في حسبتي مطلقاً
عساه عيد سعيد عليك وأحبابك
خصوصاً ان مسلسل الامبراطورة انتهى اليوم، صج عيد أخيراً
:)

Mamloo7a Q8ia said...

انا للاسف ما اتريق الا بالسفر فما عندي متعة الريوق بعد رمضان
والله يرحم موتانا وموتاكم وموتى المسلمين
صاج والله كان العيد له قيمه والسنين هذي الناس قبه من آخر اسبوع من رمضان مالهم خلق يعيدون في الكويت
انا كان عندي ظروف خلتني سنتين اعيد بره الكويت والله انه ماله طعم وضيقة خلق الله يهداهم العيد وايد حلو مع الاهل والجمعه والتواصل والزيارات

kila ma6goog said...

رائع

MuLaN said...

حتى البجى نبجى

والدموع تضحك

مختفى كل هالاحساس

منتهية روحى بغربة الناس

9a7 lsank 3la hal-beteen =)
=================================
elzman ma yt'3yr ,,elnas ohom ely yt'3yron..7ta elb3th tlgahom mo msafren ychthbon 3la b3th =/

Om Jaber said...

mishari qa9eedtek bachatny 7ail allah ysam7ek :`(

albandry said...

كاتبتلك ياحظي العيد الياي
وااااااييي
جبريط ابد

mishari said...

sOulvOice :تبى تقرقين قرقى واخذى راحتج :)

بس خل اقولج انتى بدععععتتى وخلصتى ولازم اخذج بالسيارة بجولة حق المقبرتين :)))

بعدين انا عنييييد بكل شى وهذى مشكلتى
بس ميخالف امشى امورى :P


kuwaitia : هذا الحجى المضبوك الواحد يقعد ويربط نفسه ويجابل اهله

mishari said...

White Wings : اى والله اخيييييرا انتهى وافتكينا من الفيلم الهندى المسمى بالامبراطورة
ونهاية مفبركة :)
بس تبين الصراحة خوش عيد مع المدونين :)

Mamloo7a Q8ia : ريوق العيد يجمع الناس والاحباب يخليهم يشوفون بعض
بس وكلامج صح الناس باخر اسبوع برمضان يبدون ينحاشون جنه زيارة الاقارب صارت امر غير مرغوب فيه
عيدج مبارك :)

mishari said...

kila ma6goog : اشكرك عزيزى :)


MuLaN : مشكورة
بس اللى مايسافر ويجذب هذا يطلع فللللللة يبيله فيلم هندى :)
الله يهديهم :)

mishari said...

Om Jaber ": ما تبجين من شر يا ام جابر :)


albandry:
العيد الياى
باتسبح واتبخر واكشخ واصلى العيد بمنطقتكم
وايى اتريق بديوانيتكم بعد شتبين ولا جبريت ولا بنزين الله يخليج :)

شواطىء ورمال said...

السلام عليكم و عيدكم مبارك
انا اول مره اشارك
بس القصه وايد مؤثره و يزاكم الله خير يوم رحتو المقبره
والام نعمه من رب العالمين اهي احن انسان بالوجود على ضناها وعسى ربي يقدرنا على برهها
والجنه تحت اقدام الامهات
والسلام