الطموح و العمل والمثابرة والالتزام وقليل من المشاغبة تكون الحياة ناجحة

Friday, October 27, 2006

قصة اسقاط القروض



راح احاول ابسطها لكم الكويتيين بنسبة اكثر من 80% عليهم قروض منهم لامور جادة بسبب ارتفاع العقار الحاد اللىحصل بعد احداث 11 سبتمبر والبعض الاخر علشان اللعب والسفر

خل نرجع شوى للجانب التاريخى للموضوع سنة 1992 اسقطوا الديون عن كل الكويتيين والناس قالت عليهم بالف عافية وناس طلعت عليها بيوتها بلاش ولا دفعوا ولا فلس خلصنا

سنة 1996 الحكومة دفعت مليارات من اجل مجموعة تجار علشان يحلون موضوع المديونيات الصعبة اللى اهيا كانت ديون التجار لبعضهم بعض من ازمة المناخ سنة 1985 وكانت مشاكلها ادخلت نص تجار الكويت الى المحاكم وهددوا بالسجن

ماشى

الحين الكويت كان عندها فائض بالميزانية 29 مليار دولار يعنى تقريبا 10 مليار دينار كويتى

مجموع مديونية الكويتيين 5.2 مليار هذى اخر احصائية شهر 8 واهيا فى ارتفاع

البنك المركزى طلع قانون ان يجب عدم تجاوز الدخل بنسبة 50% يعنى اللى راتبه 500 دينار حده اقسطا 250 دينار

يروح الكويتى يأخذ القرض ويكون قسطه 200 دينار وماشى بالسليم

يقوم البنك المركزى يرفع الفائدة من 7.25 لى 10.5 تقريبا علشان يرتفع القسط من 200 لى 360 دينار تقريبا

ويختنق المواطن

انزين الحل شنو ؟

لا يطحون القروض

ولا الفوائد

لكن خل يدعمون سعر الفائدة علشان كل شخص تكون اقساطه على قده ويقدر يغطى التزاماته

لان والله شفت نماذج تكسر القلب بسبة هاللى قاعد يصير

على الهامش

تنطلق اليوم السبت حملة 33 لاسقاط القروض وانا اعتقد انها حملة مبالغ فيها ولكن مع الاسف الحكومة هي كانت السبب فى انها تخلى الشعب مادى ولا اعرفت تدير الاقتصاد والفجوة قاعدة تزيد والطبقية راح تنتشر اكثر واكثر

وسلمولى على اللى يهوهو ولا يتحرك يسوى شى

44 comments:

a7La eNG said...

اول شي من زمان عن اللي يهوهو ما ادري شنوو ما ادري شنوو

يا حليله شخباااره
;Pp

في قروض تسوى .. و قروض ما تسوى

انا ضد اسقاط القروض .. الا اذا فرزوهاااااا ما ادري بأي طريقة يعني


عشان ما يصير لعب .. اذا محتاجين احد يقيم .. ترى ما عندي مانع

حدي ذمة و ضمير بس كلش مو خبرة
;D

ربعنا ما يمشي معاهم شغل السيدة .. تبدي استثناءات و سوالف

اهم شي اني قررت القانون اللي بخاطري و الغيته لوووووول

ترى ما عندي اي خلفية بس الا بحط كومنت
هذا الصج هههههه

;pPpp take care

الكويتي الحر said...

انا ضد اسقاط القروض لان فيها تمييز بين المواطنين وتشجيع على الاستهلاك غير المنظبط
وان كان لابد فليتم الاتفاق على مبلغ معين يسقط عن جميع المقترضين ويضاف بحساب من لم يقترض من ارباب الاسر الكويتية

NewMe said...

يلهث الخليجيين وراء اللقمة السهلة وإن كانت دون طعم
سمعت مؤخرا جدلا في الوسط البحريني "الواصل"
بأن الملك سيمنح مكرمة إسقاط قروض في ديسمبر المقبل!
لا أعرف مدى صحة ما سمعت
ولكني ضد هذه المكرمة
جملة وتفصيلاً
فإذا كان لدينا فائض في الميزانية
أفضل أن يتم إستثماره فيما فيه رفعة البلد ونمائه
ما سيوفر فرص عمل جديد ومجال لتجديد رؤوس الأموال
وجذب مثيلاتها مما فيه مصلحة للجميع
لا نثره لإرضاء شعب ناقم لا يرضيه شي
نحن لا ندفع أي نوع من الضرائب
نعيش بأريحية بحيث تجد في كل بيت على أقل إحتمال
خادمة واحدة هذا على أقل تقدير
في الوقت نفسه نحن شعوب غير منتجة
يعني صرف في صرف في صرف
أجدنا نجحد نعم الله الكثيرة علينا
ومدام ما فيك شده لا تتسلف!
مو مسؤولية الحكومة تسدد حسابات غير محسوبة
الأحرى بهم أن يوسعوا مصادر الدخل
حتى لا نضب البترول
تلقى الأجيال القادمة ما تقتات منه
مجرد رأي!
دمت بحب
تحياتي

sologa-bologa said...

بصراحة
انا من الناس اللي علي قرض يقص الظهر
لكن
مع هذا

يا رب ما يطيحون القروض عنا

علشان نتعلم شلون ناخذ قروض

وبنفس الوقت ما اقول الا
الله يكون بعون اللي مضطرين ياخذون قرض
خصوصا القرض العقاري علشان يشترون بيوت



اما على طاري موضوع المقبرة اللي توني اقراه

انا كنت هناك عقب صلاة العيد
اللي حيرني ان الناس ما تتعظ من زيارة القبور

الكل مستعيل على دشة المقبرة
طبعا مستعجلين على زيارة القبور

واحد يخطر دور الثاني وماكو احترام حق وقفة طابور السيارات

ما ادري على شنو مستعيليين

ماكو فايدة بشر

Krakatoa said...

عزيزي مع اني من اصحاب القروض ولكن لا اريد اسقاطها عني لأنني اعرف ان سبب هذه الحمله التي تنوي كتلة 33 هو سبب ليس له علاقة برفع الظلم والضيم عن المواطن لله في لله..لا السبب هو اكبر من هذا وان نجحوا في فعل ما بدا لهم سنشهد طوام اكبر من تلك الحلمه المتنكره بإسقاط القروض وسترون

Cr8ivia said...

لا لإسقاط القروض
من اول ما قاموا ينابحون عليها و انا ادعي ما تسقط
لانها ظلم و فساد بعد!

اللي ما عنده قرض ليش ينظلم؟
و المسكين اللي توا مسدد قرضه و عايش سنين تقشف تروح عليه بسبب قرادة حظه؟
و اللي ماخذ له قرض شاريله ذيج السيارة و الا لاف العالم بالصيف و رادين ب عشرتعش الف جنطه تسقط قروضة باردة مبرده؟

لا انكر ان فعلا في ناس محتاجه ان قروضها تطيح .. لانهم فعلا ماخذوا هالقرض و حطوه فوق ظهروهم الا بسبب العازة
بس نص المديونين او ثلاث ارباعهم ديون و قروض على الفاضي !
سيارة
سفر
بيت اكشخ
ترميم لا داعي منه
مرته حنة على راسة تبي الشي الفلاني

و اعرف ناس ياخذون قروض و يحطونها ودايع
و من فوائد الودايع يسددون القروض
كوسيله للتوفير يعني لا اكثر و لا اقل
شكو تطيح قروضهم هذول بالله

سمعنا عن احدي الاشاعات المنتشره كانت باعطاء كل عائلة مبلغ 5 مادري 7 الاف دينار كويتي
هذا شي صج غير معقول و لكنه يحقق نسبه من العدالة المطلوبة
و كل واحد كيفه يحرق الفلوس
يفسفسها
يسدد قرضه
كيفة عقله براسة و يعرف خلاصة

لكن اسقاط و خلاص هذا ما يرضي عاقل

neelaah said...

انا علي قرض
و ابيه يطيح

ما راح اجامل و اتجمل واقول اني وطنيه..و اسقاط القروض عبئ و كل الكلام هذا

بس صراحه ما راح اجذب

نعم انا احب الكويت و اموت بترابها
بس ابي قرض البيت يطيح

بسنا يا حسينوه

albandry said...

انا خبري اللي بحوشكم يكاكي مو يهوهو

مو موضوعنا انا ما احب السياسة ولا احب ادش فيها الله رحمني وماعندي قروض
لكن يا اخي الكويتين غير نمونة انا ماشفت ديرة مثلنا وهم مو عاجبهم شي
يبا اللي مو قد القرض لا يقترض ليش الواحد مايعيش على قده
ليش ياخذ قرض ويحط في باله انه بعد جم سنة يا ايي غزو يشيلهم او يطيحونهم

مادري وايد ناس بيعارضونني ادري بس مو معقول حكومة تتطيح قروض شخصية انت عملتها طيب انا ماخذيت قرض شلون تروح علي فرصة انه يطيح عني

فهموني يمكن انا فاهمة غلط

kila ma6goog said...

انا ضدها كمبدأ

لكن اذا بيحوشي شي ما عندي مانع

هذي وطنيتي 2007

ام الحفيز said...

مشاري

حسبي الله على سوووك ،،،اتصدق عاد طلعت مو هيــــن توني اعرف باساسيات مشكلة القروض وحيثياتها وذلك من بلوووغك الله ينور عليك....وانا اقول مثل مايقول المثل صبه حقنه لبن
الفلوس كلها داشه وطالعه في الديره
خل يطيحون القروض وعقب ياخذون قروض مره ثانيه ويصرفون بالديره ويتحرك الاقتصاد....يشترون اثاث وشماطيط وسيارات وماجله ويزيد الشوووح والهيييييو...والله شعب غني من ربه ويحب الدلال وعلى قولت اهل مصر انا غنية واحب الهديه

kitty said...

انا هالموضوع يأزمنى الصراحه واييب لى القامت
حرام جذى الصراحه جنه احنه لعبه يحركونه على مشتهاتهم
يوم يقولون بنسقط القروض والناس من تسمع دبجه ياخذون قروض على اساس انها بتسقط
والى قاعدين يسددون سنين ومتحسرين شذنبهم ؟؟

pop_cornaaa said...

والله يامشارى صح كلامك , المشكلة ان
العميل ايي ياخذ قرض وعلى سبيل المثال يكوون راتبه 500 ومجموع استقطاعاته المفرووض ماتتعدى نص راتبه المهم يعنى 250 وعقب ينصدم بالفايده ترتفه من 5% الى 10 وربع % والله حررام والله صادفت عمييل يقولى والله ماعندى ايييب وانتوا بكرامه بامبرزز حق اعياله ,,, اما يطبقوون القانوون عدلللل او يتم اسقااط القرووض
وشغله ثانيه أنا كنت اقوول ماكوو كويتين فقارى كلشش بس بحكم وطبيعة عملى اكتشفت ان الكويتيين بس مظااهرر وفى ناس مولاقيين ياكلوون ,,, احنا متى صرنا جذيه والله سوالف طقيت على راسىىى
الحمدلله على النعمه بس اذا شفت غيرى أقوول احنا عيشين ينعيييييم
ويعطيك العافيه خليتنى اطلع اللى بقلبى :)

Fuzzy said...

لا لاسقاط القروض

sOulvOice said...

نــعم للإسقاط



بدال ما انطيح ديون الحرامية وسراق المال العام وديون الدول الثانية واللي تقدر بمليارات الدنانير من باب اولى يطيحون قروض المواطنين واللي مو ماخذ قرض يعوضونه بمبلغ حلوو حتى يكون الكل سواسيه

بنت الشامية said...

كلنا مع المواطن المديون قلبا وقالبا بس اي نوع من المديونين؟
المديون حق بيته طبعا احنا وياه بس بحدود السبعين الف لاغير. اعتقد هذا المبلغ كافي ان يبني بيت طابقين مع ملاحق بدون سرداب.........................بس عاد بيجخون علي ظهورنا طبعا احنا ضدهم كل واحد باني عمارة مو بيت
شفتوا البيوت في المسلسلات الكويتيه هذى كلها قروض ..........الله يرضه اكشخ من بيوت الضاحية وشويخ
هذا اذا كان القرض حق البيت والترميم ام القروض الاخري اعتقد الاغلب ضدها والله كريم

tweety said...

والله بحكم النماين اللي يمرون علي بدوامي
اقول لا لإسقاط القروض نعم لأيجاد أي حلول أخرى

في ناس عندنا تاخذ وتبدع دون تفكير مسبق ولما يتورطون تعالوا سددوا عنا وطيحوا لنا اشذنب اللي ماخدا بالله ؟
والا اللي خذا وسدد

عاد اشدعوه يبون اتطيح عنهم الديون
أغلبهم يبون اسقاط القروض عشان ياخذون قروض ثانية
في مراجعين وايد قالوا لي اياها اشكره

شقول! شحجي؟ said...

انا مو موافقه

نون النساء said...

مو مع اسقاط القروض

لا الداخلية ولا الخارجية

لا مواطنين ولا دول

3abeer said...

ضد أو مع !!! اللي بالجدر يطلعه الملاس... نشجب .. نستنكر.... نعارض... نرفس . نصرخ... نرقص .. ما تفرق

مع الوقت راح يبين


وبكره نوقف جنب الحيييييطه .. ونسمع الزيييييطه


تحياتي

العين الساهرة said...

أود أوضح معلومة بأن أى زيادة للفائدة لا تحتسب بشكل مباشر على القسط وإنما يتم إحتساب الزيادة على الأقساط المتبقية ويتم ترحيلها إلى آخر قسط، ثم عند حلول القسط الأخير والذى يكون مبلغة في حدود 1000 دينار يتم إعادة جدولته بحسب راتب المقترض

ثانياً فكرة إسقاط القروض سبباً لأولئك الذين يقترضون لأظهار مظهر الترف وهو حفاى، مشكلتنا أن الكل يريد العيش عيشة أغنياء وأغنياء جداً والطوفة الهبيطة الحكومة اللى تشجع هكذا بشر

Q8ya said...

مبروك في ميتين اميريتين يايين بالطريج وزيادة خمسين هم يايه بالطريج

مصدر موثوق ثوق ثوق ثوق خخخخخ


;PppP

كل هذا عشان يجعمونا....;PppP

mishari said...

a7La eNG : يا بنتى انا مو لو فى سياسة مالية زينة وذكية جان ما خلوا الناس تطفح بهالطريقة فى غباء اقتصادى والمواطن معذور التزامات الحياة صارت متعبة الولد يكبر يبى سيارة البنت تكبر تبى سيارة ومصاريف الجامعة ومصاريف المدارس والمعاش حده حده
اقوووووووول
خلى ذمتج حق دراستج وجابلى كتبج واللى يعافيج مالنا خلق اخر سنة وما تتخرجين ونتوهق :P :P :P



الكويتي الحر :فكرة معقولة بس المشكلة بعملية ضبط ارتفاع الفائدة اللى مو قادرين يلحقون عليها
هذى اساس المشكلة على الناس

mishari said...

NewMe : يا عزيزتى المسألة مو مسألة لقمة سهلة او صعبة
لكن هناك مشكلة فى استثمار العوائد النفطية
المشاريع تم رصد ميزايتها والمبالغ الطائلة نتيجة ارتفاع النفط وين راح تروح ؟؟؟؟؟؟
فى بطن منو؟


sologa-bologa :ما يا اخوى اللوية ان العقار ارتفع ارتفاع خيالى الواحد الناس مو قادرة تشترى بيت والاسكان اخوى انطر 15 سنة
يعنى الموضوع كله محصور بهالامور بس اللى لعب بالقرض علشان سفر ولعب هذا ما يستاهل

،ــــــــــــ
شفت المقبرة؟؟؟
الناس تقول سباق مو مقبرة الله يعينهم
الله يرحم موتى المسلمين

mishari said...

Krakatoa : انا معاك صح الحملة مو مسألة مساواة او شئ من هذا القبيل الموضوع ان هالنواب تبى تاخذ فرصتها علشان بالانتخابات الجاية يكون الموضوع انهم اعملوا شى للمواطنين

Cr8ivia : بس لتصحيح معلومة صغيرة
اللى ياخذ قرض ويحطه وديعه لا يمكن يقدر يربح لان سعر الفائدة اعلى من سعر الوديعة
ويكون انسان غبى :)

انزين لا لاسقاط القروض ليش؟
انا بحكم شغلى 7 سنوات فى قطاع البنوك
وايد حالات صعبة مرت علي الناس تعبانة وحالتها صعبة ليش ما يطيحون القروض
بال1992
محد قال ما يصير
لما يطيحوا مليارات على تجار محد قال ما يصير

mishari said...

neelaah : منطق
صح انا اموت على الكويت
بس تجارها ياكلون الهمجة وانا اقط دم قلبى علشان بيت 400 متر ؟؟؟
نيلة خل نتوكل على الله ونسوى حزب :))


albandry: يا بندورة يا بابا شوفى
اللى صار الناس خذت قروض على رواتبها
وقام المركزى رفع الفائدة
ارتفعت الاقساط
الناس تقلقصت بالقسط
المركزى طلع قانون
عفس الدنيا فوق بعض

mishari said...

kila ma6goog : منطق ثانى
صدقينى الواحد ما يقدر يفكر الا لما يتخلص من كل اعباءه
نبى نمخمخ يا مطقوق

ام الحفيز": ذكرى الله :)))
يعنى بعد هذا شغلى من 7 سنين ودراستى بالماجستير طاب بالبنوك غايص فيها
بس ام الحفيز تدرين ان كلامج صح
بس انا اقول لا يطيحون القروض
يطيحون على الاقل الفوائد

ام الحفيز said...

مشاري
وراك ماتمر علي في بلوغي؟؟؟؟ ياحــــــــــــــافظ العين لك اوسع من المكان اشدعوووواه

mishari said...

kitty : انشاء الله يطيحونهم نبى نخلص علشان نتفرغ ورانا المرة الثانية والثالثة والرابع :))))

الله ياانج بتخافين على ريلج :P:P:P
باتعرف عليه علشان اقوله دييييييييير بالك على الذهبة اللى عندك :))
شرايج بعد يااختى العزيزة

mishari said...

pop_cornaaa : مو انا مستغرب البنك المركزى شلون ما حللها
يعنى البنك يعطى القرض على اساس الملائة المالية والحبيب يرفع الفائدة ويكسرون ظهر المواطن

على الله


Fuzzy : ليش النحاسة يا اخى تعوذ من ابليس ورانا 4 حريم :)))

mishari said...

sOulvOice : نعم الله عليكى يا اختى:)

صح كلامج والفكرة سليمة ياخذون معدل متوسط القروض وللى مو ماخذ يعطونه كاش :)
سلمت يداكى يا مولينكس


tweety : صح توتو اول شى شوفى سوسو فوقح :P

بس يا بابا الوضع ما قام يتحمل انتى بانكر وتعرفين ان الفائدة صعدت بشكل خيالى خربطت الدنيا فشنو ذنب اللى خذى ووضعه كان اوكى على 200 دينار قسط يتفاجئ ان وصل 350 ترى مو شوى ؟

mishari said...

شقول! شحجي؟ : انشاء الله عمتى بس لا تعصبين انتى الله يعافيج :)


نون النساء : شكلها المسألة مثل ما يقولون قصة بقصة:) الله يستر

mishari said...

3abeer :عزيزتى لو شنو نسوى مشكلة قرارتنا بهالديرة فردية يعنى بيوم وليله كل ى قوووووووووق
والله يتسر :)


العين الساهرة : مو كل البنوك اختى الكريمة تتبع الطريقة اللى قلتيها
فى بنوك تزيد المدة والقسط
وفى بنوك تزيد القسط بس
وفى بنوك تسوى مثل ما تفضلتى يعنى الموضوع لوية
اتذكر سيدة متقاعدة زارتنى المكتب وانا مالى شغل بالقروض نهائيا وبدت تقولى شنو سبة قرضها لان الاخت مريضة كانت ورايحة تتعالج على حسابها وخلصت فلوسها يعنى
مو الكل ماخذ القرض علشان يعيش حياة مترفة
:)

mishari said...

Q8ya : ما نبى ميتين خل يعطون الناس شى سنع والا يفسفسون بالفلوس

:)

ام الحفيز: داق الموتر سلف ويايلج :)

White Wings said...

مشاري
ما أفهم في ميزانية البلد كثيراً، لكنني أرى فعلاً مثلما ترى أن الحكومة خلقت المشكلة، ليس فقط باللفة المفبركة على القروض ولكن كذلك في تربية عقل رعية، كل ما توهقوا ركضوا على ماما حكومة
موضوع ممتاز
خارج النطاق: سمعت ان في امبراطورة 2، تصدق هالخبر الحزين؟
:)

ام الحفيز said...

انا اقول يعطونا الفلوس ويلغون القروض ويفجون ضيجت هالمساكين الي بغوها طرب وصارت لهم نشب وابرك من ماتروح فلوس هالديره حق عوير وزوير والمنكسر والي مافيه خير.... والي هم وقت الغزو انبحوووا علينا جعل اصواتهم تطفي مثل ما الشموع تطفي مع هبوب الرياحي والله دهنا بمكبتنا بسنا إعانات حق شعوب منكر حسنه
خلوووه وقطع
وكيفوا يا اهل الكويت بالدلال والعز وجعل كل حاسد بعينه حصوه و خيشت ملح

kitty said...

ههههههههههههههههه
لا لا بليييييييز مشارى وخر عن ريلى
افكارك اتخرع ههههههههههه
انت من انصار تعدد الزوجات
:))

مرتك الذهبه اتساحلنىىىى
:)))))

ام الحفيز said...

مشاري

نورت بلوغي حبيبي

اقول اتعرف معنى مشاري؟؟

mishari said...

White Wings : لا تقولين شنو امبراطور بعد ناقصين احنا هم وغم ؟؟؟؟؟

وانا معاج صح الحكومة خلقت المشكلة واتوقع انها مشكلة الفكر بأن هناك راعى ورعية وليس حاكم ومحكوم يستندون الى شرعية دستور متفق عليه وهى فعلا ما خلقت عقلية ماما حكومة

شكرا عزيزتى :)


أم الحفيز : صح بيعطونهم حق منو حق عوير وزوير لو كان فى مشاريع حكومية ترد بالنفع حق المواطنين صدقينى جان احنا بخير بس لعب والله اللى قاعد يصير شى غريب

mishari said...

kitty : اذا ما احن عليييييييه لما يتزوج فليبينه
لووووول:P:P
ويع عاد اكره هالجنسية

بس مالج شغل ترى والله صج والنعم فيج وانتى خوش مرة وذهبة بعد :)

ام الحفيز : مشارى من يشارى
المجادل
اللى يناجر وايد
وممكن تكون النشيط
الحركى
الذكى
لها معانى لوية :))
مثلى

me said...

excellent realistic subject to raise...i beleive with the high prices of oil and the amazing country income the least thing the country can do is to drop the loans fro the kuwaiti people...7aram kila hal fa"9eer mansi wil 3'ani wakilha wal3a...

حسام بن ضرار said...

مشاري شفيكم عالقروض؟
:)

الظاهر منقصه ظهروكم منها .... مثل حالتي

ومع اني علي مديونيات استهلاكية حالي حال 90% من الشعب

إلا اني ارفض اسقاطها عشان التجار ما يلعبون ويرفعون الاسعار بالعلالي وعشان بعض المواطنين ما يأمنون وحطون على ظهورهم قروض جديده وبعدين يحنون على الحكومه تطيحها

شقول! شحجي؟ said...

شدراك انى معصبه !؟ تخرع.

انا مو موافقه لان اغلب هالقروض هى قروض استهلاكيه لشراء سياره ولا للسفر بالصيف ولا بالربيع ولا باى اجازه من الست اشهر اللى اهى مجموع الاجازات اللى يحصل عليها المواطن الكويتى فى السنه الواحده. انا شنو ذنبى اذا هالشخص مايبى يعيش على قد حاله، هالمبالغ المفروض تنصرف على مشاريع تنمويه يستفيد منها الكل مو فئه معينه. اما بالنسبه للقروض السكنيه فالحكومه تعطى المتزوجين بدل سكن وتعطيهم قرض اسكانى وتوفر بيوت حكوميه باقساط ميسره ومره ثانيه انا شنو ذنبى اذا هالشخص مايبى بيت الحكومه ويبى يشترى بيت فى جنوب السره بالسلف .

mishari said...

me : 9e7 the high icnom from the oil price increas is the main reson but the problem is that they dont know how to manage this income they think its a gift and they have to cover it

thank you :)


حسام بن ضرار : مو بالعكس البنوك راح تخسرلما يصكون القروض لان الفوائد تكون انعدمت عن البنك بس حصل اصل المبلغ
الناس كلها تكسرت ظهورها يا حسام

mishari said...

شقول! شحجي؟ : يبين
بس مثل ما قلت ياعزيزتى الحكومة ما عندها سياسة اقتصادية صحيحة ما تتوقع صح
والفلوس صاير فيها لعب على الفاضى
والفجوة قاعدة تزيد بين الناس وهذا شى خطر