الطموح و العمل والمثابرة والالتزام وقليل من المشاغبة تكون الحياة ناجحة

Saturday, October 07, 2006

حصريا

يوم الجمعة بعد الصلاة رحت انا وصديق لى سوق الحمام او ما يسمى بسوق الطيور

وكنت بنقاش مع واحد من ربعى ان فى ناس عندها اهتمام بشؤون الحيوانات وطريقة معاملتها وخصوصا باماكن بيعها

وفعلا اول مرة انتبه على هالاشياء

والموضوع حصرى لان اعتقد ان المعاملة بس موجودة عندنا بالكويت وسبب العمالة من الجنسية البنغلاديشية اللى حاطة ايدها بكل شى


(هالقطوة فقيرة منسدحة داخل القفص جذى حلاتها تطامر وتركض)


(هالجلب لقيته مو صاكه في الدنيا والله بنتى قاعدة تقولى بابا يبجى اتوقع قاعد يقول بقلبه لو انا عند عايله انجليزية جان انا وهاللوية وين )


(طبعا تبون تعرفون شنو هذيل يمكن شوى الصورة مو واضحة بس هذيل ارانب 600 ارنب بمكان واحد تقول مساكن شعبية )




يا ناس يا عالم الدين الاسلامى امر بالرفق بمعاملة البهيمة ومعاملتها السيئة دششت ناس النار ومعاملتها الحسنة دششت ناس الجنة

طبعا نتيجة الزيارة هذى وانا من بدأ رمضان لى الحين ويا الحساسية ما تفارقنا يوم دشيت السوق وطلعت والا الحساسية زايدة وقضيت يوم كامل بس دموع ومن كلينكس لى كلينكس



سلمولى على اللى يهوهو ولا يتحرك يسوى شى

42 comments:

Princess said...

لا حول و لا قوة الا بالله ..

sOulvOice said...

ظلموه


احنا خل انعابل بحقوق الانسان تالي نلتفت للحيوان




دعمتلي قطوو قبل شهر والله اني رديت لفيت فوق تحت ادوره جوود اعرف حجم الاصابة ماحصلته الشيطوون

شكلي طيرته :((



اهني انذبح جلاب وقطاوة حتى ماكوو فدية عن ارواحهم


اجرام الكويتيين

Alather said...

صح يكسرون الخاطر..
لازم يسون لهم صرفة ويعدلون هالسوق

انا رحت له من تقريبا شهر

حر وريحة ووصخ وهالحيوانات عزكم الله مادري شلون مستحملة
احس تجمع الامراض في ذاك المكان ..

فعلا وين تطبيق الدين عشان المعاملة لهالحيوانات

امم اعتقد يبيلها وقفة من اصحاب القلوب الرحيمة المهتمة بهالمجال ..عشان يعطونهم مساحة مؤقته ويشيلون هالسوق الخربان ويسون واحد مكيف مفلتر حق الريحة
او يغيرون مكانه خير شر لانه مكانه مدعوس

albandry said...

بس حصريا اصلا ما اعتقد في ديرة فيها سوق حمام وحيوانات مثلنا لا والخميس واليمعة كلن يجيب حيوانه يبيعه
لا شهادة لا اصل لا عماة عيين
وحيل كلن يشتري
برة عندهم محلات متخصصة حق قص شعورهم
ومطاعم توصل اكل الحيوانات لليبيت
واذا حسو مني مناك انك تسئ معاملة الحيوان
سيدة ياتك بريجيت باردو
لللوووول
هذي بروحها رعب
لا سيدة تجييك الشرطة وحيص بيص ولوية


والله يعينك عالحساسية انا بناتي يفحطون يبيروحون ما وديتهم خوفا من الامراض
الله الحافظ بس دير بالك
واليهال يلقطون بسرعة وتبي تجيس هذا وهذا
فالافضل يلهون بشي ثاني
وخل يعتقدوون حالهم حال بناتي انه هذاك المكان اننقف وصار مكانه مجمع
:)
وهو هو

ReLaaaX said...

وعليه والله اشكالهم تعور القلب :(



ايه والله دينا دين رفق ويسر .. بس وين اللي يفتهم





اي والله حصريا ^_^

ReLaaaX said...

وعليه والله اشكالهم تعور القلب :(



ايه والله دينا دين رفق ويسر .. بس وين اللي يفتهم





اي والله حصريا ^_^

layal said...

صحت من الضحك لم جفت الارانب وتعليقك عليهم
600
ارنب عديتهم ؟؟؟
اتخيل اشكالهم فوق بعض وهم وسط الملفوف
ما عندكم جمعيه الرفق بالحيوان ؟؟
تره ذلين ما يقصرون
كنت مقرره اكتب عنهم بوست لانه صار لي موقف معاهم
وعندنا جمعيه اصجقاء القطط -لازم اروح لهم يوم
مثل هذي الاسواق موجوده في البحرين

a7La eNG said...

شاكرين لك مشاعرك النبيلة

ما ادري ليش ذكرتني بماري انطوانيت
و مقولتها المشهورة

كلوا بسكويت
!!

ان شالله اول ما احل مشكلة البدون و العمالة المسكينة .. ثالث أولوية الرفق بالحيوان

احم احم ..له معزة بقلبي سوق الحمام

كل يمعه نروح قبل الصلاة ما ادري ورى الصلاة .. المهم انه كنت اروح و شعري فيه دهن هههههه لان يوم اليمعة يوم عناية امي بشعري .. سبحيني شلون اطلع
امي وييييييييييه ما ادري وين رايحة من فوقهم

خخخخخخخخخخخخ

NewMe said...

في الدول اللي ليما اللحين حقوق الانسان ضايعه فيها
بالله من وين لي وين بيلتفتون حق الحيوانات
طول ما الانسان تخلى عن الانسانية
بتشوف الوحشية في التعامل مع الانسان قبل الحيوان
وقول على الدنيا السلام
موضوع جميل مشاري
وانا تعرفني اموت في الحيوانات
اكثر من الاوادم بعد
لان لاحول لهم ولا قوة
بس دامك فتحت الموضوع
لي ما تتحركون باتجاهه واتخاطبون الجهات الرسمية
او اتاسسون جهة رسمية
لرعاية الحيوان
واذا كان على الحجي تري الحجي ببلاش
دمت بحب
تحياتي

3AJEL said...

اذا كان البياعين نفسهم ما يحترمون البشر واللي مشغلهم هم ما يحترم البشر عيل من وين نترجى معاملة الحيوانات بالحسنى
---

في حل
اتصل على بريجيت باردو
اكيد راح تتفاعل وتتحرك مع هالموضوع

Bed0uin said...

لا حول ولا قوة إلا بالله!!! ضييقت خلقي!!! ما ادري ليش يتعاملووون مع الحيوانات جذي!! شي يبجي والله!! شنو ماكو قانووون الرفق بالحيوان بالكويت؟

kitty said...

فيك حساسيه شمطيرك هناك
هههههههه

انا مثلك والله حساسيه من الحيوانات مع انى اموت على القطاوة احبهم بس من تمر يمى بس تبلش الحفله عندى دموع وعطاسحتى عيونى تصير حمر

لوووووووووووول خنت حيلى الارانب اكسراو خاطرى
حراام والله

Fuzzy said...

هذا بعد عقب ما عدلو السوق هاهاها عيل شتقول عن حال السوق اول ؟

Яeema said...

testing

Яeema said...

ok




في مجتمعنا العربي 2 مالهم قيمة
الإنسان
و
الوقت

فما بالك بالحيوانات


إحنا الحصن حاطينهم في بوكسات و تكييف

أما باجي الحيوانات فا الله بالخير مساكين



حتي بالحيوانات أكو تفرقة



أول جلبي لاسي و مرته إمسوين لهم نجارة و غرفة فيها مكيف عشان الشعر ما يطيح


طبعا هذي أيام الجاهلية يوم أمي كانت ترضي أربي جلاب
الحبن ماكو حسانة

ريلي عدو الحيوانات و لا يشتهي يطالعهم






إنت مركب بيتا بلوق
حركات !؛ عسي ما يعلق علينا

لأن كان في مشاكل


بسم الله بجرب الحين

Q8ya said...

الشرهه على اللي حاطهم...:)

bo9ali7 said...

من صجك انت..الحين خل نرفق بالانسان بالاول وبعدين الحيوان..يعني انت شنو متوقع من ناس "اغلبهم" يشوف ان ضرب الخدامة ضرورة!!!!!
بعض الكويتيين متصورين ان الخدم عبيد..كلش مو حاطين في بالهم ان هذي مجرد موظفة تشتغل وتاخذ راتبها...كلامي هذا من باب الاولويات..اذا تعدينا هالمرحلة وطلعنا من مستنقع تحقير البشر..تالي يمكن نطلع من مستنقع تعذيب الحيوان..
بالمناسبة ما شفت بسوق الحمام مجاول الكلاب؟؟

Яeema said...

chenna OK elbeta?

Enter-Q8 said...

المعاملة بس موجودة عندنا بالكويت وسبب العمالة من الجنسية البنغلاديشية

على قولتهم جبتها من الاخر

عالطاري البنغالية
المشري

هذا في واحد من عمال النظافه اسمه ابو البشر
ما اقصر معاه و اقوله شد حيلك جدام البيت اشوي
مره دينار مره نص مره ملابس ووووو

اللي بالغالب اهو طبع الكويتيين

الا تصير المفاجأه الكبرى قبل امس
يوم قالي بابا انا يبي معاش
قلت له خير معاش شنو
لا يكون انا كفيلك والا راعي الشركة
قال انا كول ( كل)يوم ينظف جدام بيت مال انت

انتي سوي معاش احسن
يعطي 15 او 10 دينار انت كيفك

قلت له يالمقرود قطعت رزقك بنفسك

اولا بيتنا يا جماعه مافيه الا خمستنا بس
و ماعندنا يهال اصغر واحد عمره26 سنه

ما ادري اطقه هذا والا شنو اسوي فيه

طفرني
كان اقوله اياني و ياك اتوطوط و الا اشوفك بويهي و خر عني يالله


تدرون شنو سوى يا جماعه

راح تكرمون بدل درام الزباله مالنا بواحد وصخ ما ادري من وين جايبه

مو تقولون جار بايقه والا شي لا مو موجود بالفريج

خو انا مطفر هنديتنا اخليها تغسله فا اعرفه

اول مره احب حكومتنا يوم امنعت و حطت عوائق على جلب هالبنغالية للكويت

راعي المصبغة يقولي عمي ابيك تجيب ولد اخو مال انا
ويعطيك 650 دينار

ما ادري اطقه بروحي اسب والعن باهل الاقامات

وهالمره بنغالي بعد

بس غريبة سهمهم صاعد 650 دينار

Nescafé said...

وعليه يكسرون الخاطر
عورو قلبي ولا الجلب اللي يبجي
لواهما برا جان عاشو احسن عيشه

kila ma6goog said...

والله عاد امس اليمعة كنت هناك, و هم صورت و قلت بحط بوست

فاسمحلي , اكتب بنفس السالفة , بس انا مو مركز على الحيوانات

لوول

Mamloo7a Q8ia said...

حسبي الله ونعم الوكيل
شلون ياخوي يا مشاري بيعامل الحيوانات عدل وهو كفيله ما يعامله زين
عاد انا ما اقدر اتحمل اشوف حيوان بقفص يعورني قلبي واحس انهم يبجون او ضايق خلقهم مع اني ما احب الحيوانات بس يكسرون خاطري

Anonymous said...

وين (بريجيت باردو) عنهم ؟

FatmaQatar said...

اوووو سلامات ولد عمي خطاك الشر =S
وصج والله خل يعابلون بحقوق الانسان أول
واذكر ذاك الكورس كنت ماخذه مادة حقوق الانسان والمجتمع قلبت البيت فوق حدر عشان امشي عليهم البنود ^_*

mishari said...

Princess : على قولة امى ان طاعك الزمان والا طيعه


sOulvOice : يعنى انتى قاتله ؟ :)
بتلومونى ليه :p

العين الساهرة said...

المشكلة إن تقريباً كل كويتى يبى يصير تاجر والنتيجة شويت بنغاليه وبياعة، شنو مستلزمات البياعة مالهم شغل المهم جم يقبض من وراها، للأسف أقول لو أن في بلدى الحبيب يتم تطبيق القوانين جان ما شفت عوير وزوير يصيرون تجار، ماكو رحمة لا بالإنسان ولا بالحيوان، والبنغالى يعامل الحيوان كما يعامله إمعزبه الكويتى

mishari said...

Alather : عاد صج خوش نقطة المكان يلوع الجبد فعلا

albandry : هالباجو ما شنو بتلحق عليه
والله سكتى يالبندرى بموووت من الحساسية النوم مو قادر انام

layal said...

مشاري انت هني ؟
اكتب تعليقي بسرعه خلني اقراه
بروح اخذ غفوه قبل الفطور
:-)

Mamloo7a Q8ia said...

مشاري حبة زرتك مره في اليوم لمدة اسبوع وغسول بماي وملح مرتين باليوم وبخاخ اوترفين مرتين باليوم لمدة 3 ايام وعقب تدعي لي
واسال مجرب ولا تسال طبيب
خبره 12 سنه حساسيه

الحجيه said...

السلام عليكم جميعا
جزاج الله الخير كله أخ مشاري وإنشاء الله في ميزان أعمالك
المشكلة فينا اغلبنا جاهل بأمور دينا من حيث التعامل مع الآخرين البشر والحيوان محد حاس بعظم المسؤولية التي يحملها الإنسان في أعمار الأرض ونشر الطمأنينة فيها .

فما بلك بحيوان لا حوله ولاقوه له

تخيلوا دخل رجل الجنة بسبب ( كلب ) عن النبي ‏ ‏صلى الله عليه وسلم ‏ ‏أن رجلا رأى كلبا يأكل ‏ ‏الثرى ‏ ‏من العطش ‏ ‏فأخذ الرجل ‏ ‏خفه ‏ ‏فجعل يغرف له به الماء حتى ‏ ‏أرواه ‏ ‏فشكر الله عز وجل له فأدخله الجنة

تصوروا دخلت النار بسبب ( قطه ) أن رسول الله ‏ ‏صلى الله عليه وسلم ‏ ‏قال ‏ ‏عذبت امرأة في هرة حبستها حتى ماتت جوعا فدخلت فيها النار قال فقال ‏ ‏والله أعلم ‏ ‏لا أنت أطعمتها ولا سقيتها حين ‏ ‏ حبستيها ولا أنت أرسلتها فأكلت من ‏ ‏خشاش الأرض
فل نتقي الله بأنفسنا و تكون معاملتنا للآخرين كما نحب أن يعاملونا ؛ وأما الحيوان الذي لا حول ولا قوة له سبحان الله رب العالمين ، من يقسو عليه يدخل النار ومن يحنو عليه يدخل الجنة .فما بلنا بظلمنا لبعض البعض !

عَنِ ابنِ عُمَر رَضِيَ اللَّه عَنْهُما قَالَ : كانَ مِنْ دُعاءِ رسُولِ اللَّهِ صَلّى اللهُ عَلَيْهِ وسَلَّم « اللَّهمَّ إِنِّي أَعُوذُ بِكَ مِنْ زَوَالِ نِعْمَتِكَ ، وَتَحَوُّلِ عَافِيَتِكَ وَفُجاءَةِ نِقْمَتِكَ ، وَجميعِ سخَطِكَ » روَاهُ مُسْلِمٌ .

mishari said...

Relax: الله يعينا على تطبيق الدين على نفسنا يا معودة

layal : عندنا بس شكلهم مشغولين :)
بشنو ما ادرى :)

mishari said...

a7La eNG : صح هالمواضيع مهمة لكنها امور سياسية البدون وغيرها والحيوانات امور انسانية لازم البنى ادم يكون عنده شوية احساس
مع انى مو ذاك الزود وياهم :)
نورة نورة يا نورة :p

NewMe: عندنا اتوقع جمعية حقوق حيوان بس اتوقع اهيا برستيج اكثر ما اهيا حركية منها
وبعدين شنو تحبين الحيونات اكثر من الناس:))

دمتى برهش:)

mishari said...

عاجل:اى والله صدقت اذا اللى مشغلهم ما يعاملهم زين اكيد يعنى بيكون الوضع معكوس
الله يعين

Bed0uIN: تصدقين ما ادرى اذا فى والا لا بس
انا اقول الشى لازم يكون من باب الدين يعنى
الله كريم

mishari said...

kitty : سكتى ياكيتى والله بموووووت احس ان خلاص باختنق من الحساسية
مانى قادر اصوم ولا انام مثل الاوادم حالتى حالة :(


Fuzzy: يا معود اى عدلوا قاموا يبيعون جراقى بره هذا الشى الوحيد اللى شريته :)

mishari said...

Яeema : اى والله صج كلامج لا الوقت ولا الانسان لهم قيمة
صح راحت عن بالى :)

واللى يحليلج حاطه الجلاب بقفص نجارة :))
ضحكتينى يا ريمااا:P

انا اعرف ناس يبيلهم قفص :P

Q8ya : ما اقدر ارد على تعليقج لان فعلا صج الشرهة عليهم

mishari said...

bo9ali7 : لوووول ضحكتنى ذكرتنى بالغزو ما عندنا غير المجاول والمجاكر :))))
بعدين صج فى ناس وايد عندهم الخدم عبيد وهذى عقدة الظاهر باهل الجزيرة

mishari said...

Enter-Q8 : والله ضحكتنى صج بن لذينه هذا يبى معاش على شغلة تصدق هذيل يحسبونا اغبياء ومايبط جبدى الا سلامهم
ينرفزنى
شرايك تفتح شركة ونييب عاملة 650 في 6 عمال طلعنا كروتنا :))



Nescafé : يامعودة لو الجلب بره جان بحديقة ومساتنس ويلعب ويا ياهل الحين على هالشكل جنه مريض نفسى :)

mishari said...

kila ma6goog : مرخووص افا عليك ما شفتك حسافة اليايات اكثر من الرايحات


Mamloo7a Q8ia : والله صاجة اذا كان الكفيل ما يتعامل وياهم زين بس ترى هم اهم بيئتهم مرض
يايين من ديرة ما يعلم فيها الا رب العالمين

mishari said...

Anonymous : ما ادرى شتبي تلحق عليه
هالمرة

FatmaQatar : عرفت نووووعج تدرسين الشى وتطبقينه على اهلج لالالالا يحووشك :))

mishari said...

العين الساهرة : يا بنت الحلال خل يصيرون تجار بس خل يخافون رب العالمين اللى رزقهم وسهل امورهم اللى سواهم تجار


layal: وصل:)



Mamloo7a Q8iA:ماكو شى ما جربته سكتى والله كرهت نفسى بس الحمدالله جنها اليوم اشوى شوى :)
مشكورة وايد

mishari said...

الحجيه :
المشكلة ان هالقصص الناس كلها تعرفها بس وين اللى يفكر ويتعظ

a7La eNG said...

مشاري الحين البدون مأساة الانسانية و العمالة اكثر أسى و ذل

و تقولي سياسية ؟

انا نظرتي لها انسانية بحتتتتة

و سلامااات يالغالي سلاماااات
حساسية بعين ابليس