الطموح و العمل والمثابرة والالتزام وقليل من المشاغبة تكون الحياة ناجحة

Wednesday, October 04, 2006

مقتطفات رمضانية

تنصف رمضان شنو سوينا
يوم الجمعة انشاء الله يكون 15 رمضان ختمنا القران على الاقل مرة ؟ اذا لا
فى طريقة علشان تبدون ختمة لى اخر رمضان
8 صفحات بعد كل صلاة

قرقيعان
اقترحنا بين الاهل ان نيمع عيالنا كلهم ونسوى القرقيعان اول شى بالبيت وبعدين بنهدهم كلهم بالشارع ويفترون ويحيون قرقيعان قبل عاد يحوشهم تب ماى
جلب يلحقهم كيفهم فالله يخليكم اذا مروكم عيالنا وكلهم ترى ملح الدنيا ما عندنا جياكر فالله يخليكم شوى شوى عليهم

لى الحين الفرصة موجودة
طول ما احنا نقعد من النوم بقوتنا وعافيتنا فالفرصة موجودة باى يوم بالحياة
لكن لما نكون برمضان
فالفرصة اقوى واسهل ليش؟
لان النفس مهيأة تلقائيا للخير

رمضانية
الانسان فى هذه الايام يحاول ان يغير نفسه للافضل خل نتذكر ذنوبنا بهالايام الفضيلة واخطائنا
الريايل حجى الدواوين الفاضى بلا منه
الحريم والحش والكلام الفاضى بلا منه
خل كلامنا على الاقل يكون منه فايدة نضحك ونتغشمر حتى بعقل
اللسان صونه يصونك ويخليك تبتعد عن مصايب كثيرة

مو رمضانية
مع الاسف من الصبح لى الفطور والناس حياتها صوم وعبادة واحس ان الوضع طبيعى نوعا ما هالسنة
بس يقول الله اكبر
انا اقول الله اكبر من اللى يصير
خيم رمضانية
مجمعات والبنات لبسهم اللهم كافى ولا كأنا رمضان
كنت رايح بيت ناس من اهلى بالسرة وواقف عن الباب انطر
وطلعت بنت صغيرة ولابسة عباية وحجاب على طول ربطت صورتها بالبنات اللى موجودين بالمجمع لقيت ان شتان
الله يهدينا جميعا ونكمل رمضان بالخير والصحة والهداية للجميع

Mishari 2006







39 comments:

bo9ali7 said...

تعوده انشالله بالصحة والعافية..واقرب الى الله انشالله

Princess said...

ماشاء الله كلامك كله عدل . . و جزااك الله الف خير و انشاءالله يستانسوون بالقرقيعان عيالكم

سالفة قلب said...

مشكور وماقصرت على هالكلام الطيب

على طاري اللبس مرة في بنات رايحين المرينا ولابسين عبي شافهم واحد تدري شنو قال لهم؟؟

خواتي ترى مو اهني العزا!!!!

تخيلت

صار الستر شي متخلف يامشاري عند بعض الناس

kitty said...

من عواده يا مشارى
الله يتقبل منا يا رب
يحلو رمضان ويا حلات ايامه

انت تقول خيم رمضانيه ومجمعات على الاقل مستعدين حق الطلعه
انا المناظر الى شفتها فى جمعيه المنطقه
طقيت على راسى
انا الى يمها استحيت من لبسها وما بقى واحد مو وراها مسويه طابور بالجمعيه غير طابور الكاشير
مصييبه
لى درجه انى اوصف الى اشوفه حق لوير كانت معاى على الخط بالموبايل
قالت لى كيتى ولا تسكتين مسكيها كلميها ههههههه
ادرى كلامها صح مشارى بس الوصول للبنت صعب لانها محاوطه بالشباب
واذا هذا مستواها شتوقع ردها على !!

والله عورنى قلبى لان رمضان ولا كيفها اهيه وضميرها

الله يهديهم
الله يذكرك بالخير يا خالد القصار
دعاءه دايما بالهدايه لبناتنه وشبابنه وايد وايد يركز عليه
الله يستر عليهم بس

pop_cornaaa said...

قرقيعان وقرقيعان :)
سلم ولدهم يالله خله لأمه يالله

هههههه والله صااج كلامك الواحد يتعبد بهالأيااام ولى رحت المجمعات تشووف هالبنات وموبس البنات والشباب بعد كلهممم عايشيين عادى ورووح المقاهى والكافيهاات والأغانى جنه مو دوله اسلاميه كلششش على الأقل نطروا بعد رمضاان :) وفى نوعيه من الناس قبل الفطوور اللهم انى صائم بس شوفه بعد الفطووور جنه الصووم بس بالأكل والشرب والله حاله ه ه ه
:)))) ويعطيك العافيه على هالموضوووع طلعت اللى بقليبى :))

Q8ya said...

كل عام وانت بخير احلى شيء بالقرقيعان الفرارة بالفريج هههه

والله يهدي الكل ان شاء الله...:)

Cr8ivia said...

عساك من عواده و مبارك عليك باجي الشهر

شنقول شنحجي
الصمت ابلغ من الكلام احيانا

المشكله كل من تشوفه بنقد و يتحجا على لبس و تصرفات البنات و الشباب في رمضان و غيره

بالنت و برا النت .. اذا المجتمع كله قاعد ينقد و يتحجا صغار و كبار

ياترى منو اللي يلبس هاللبس و يتصرف هالتصرفات :|

Яeema said...

ما أقدر أعلق يوعانة أبي كوفي

:/


لازم إثبات وجود


و بعدين وايد مواضيع بموضوع واحد لازم الواحد يركز حيييييييييييييييييييل


أشوفك عقب الفطور إنشاء الله
إذا الله عطاني عمر

a7La eNG said...

اممممم

انا ما ادري شنو السر بالختمة
!

التركيز عليها يخلي الانسان يفهم ان فرض
!

المفروض التوجه يكون لفهم القران و تدبره .. مو ختمه بشهر و اعتبار هذا انجاز
!

هالحجي حق نفسي ترى .. و جميل ان الانسان يكون هدفه يختم القران .. بس الصراحة مو هدفي
:))))


و المجمعات .. اشوه اني مخلصة شغلي كله قبل رمضان .. و ما طبيت موول من بدينا صيام

و هم .. رمضان و الا غير رمضان .. هالنفوس الضايعة ما عندها مشكلة


طافك عيل شكل ديمة او 7 سنين
عباية و ملفع هههههههههه رايحة المسيد

جنها اللي يطرون بمكة بالضبط
;Pp

a7La eNG said...

اي صح وين يقرقعون عيالكم المزايين ؟

Bed0uin said...

والله خوووش كلام ويا ريت انه يتطبق مو بس في رمضان حتي بعد رمضان .. وجزاك الله خير =)

NewMe said...

هالجو مالي فيه قرقيعان
دايم يذكرني بالبخنق
اللي كنت اشرد عنه
خبرك البيت كله اولاد
بارزين للمحشات
اما الخيم الرمضانية
فمن غيرها الجو
جان الجو صخة وملل
واللي ماوده لا يروح!
طابت ايامك
تحياتي

EsTeKaNa said...

لما قريت انه الشهر تناصف خنقتني العبره
دوام
لويه
ومقصرين والله
الله يعينا على التعويض في الايام اليايه
:))
عيالكم وين يقرقعون بنخطفهم
وزين تسون نفس الخطة مسوينها في بيت يدي باجر انشالله وبخاطري انا بكري اروح اقرقع وياهم


وهذي البنيه اخاف انا بس ما تدري
:pP~

tweety said...

يختي والله وين عيالكم بيقرقعون عسا عندنا !؟
عاد قول لنا اشلون بنعرفهم عشان انتوصى فيهم :p
اما على طاري الختمة فأنا مو مع التركيز على الختمة بدون تدبر للقرآن وفهمه والعمل به في ناس لي قروا كل همهم متى يخلصون وجم صفحة بقت !

الكويتي الحر said...

صح الله لسانك

mishari said...

(bo9ali7)

وانت بعد والمسلمين اجميعن بالخير والصحة والعافية والصلاح



(Princess )

مشكورة وانشاء الله يستانسون اليهال بدال المجاملات الفاضية :)

mishari said...

(سالفة قلب )

والله اهوا المتخلف لان صار الستر عيب عند هالناس
الله يهدى الجميع ويهدينا
تصدقينى متعتى اشوف وحدة متسترة
اذكر مرة كان فى برنامج حق محمد العوضى يقول ان الاساس للبنت الستر وبعدين الاخلاق وانشاء الله اكون ما اخطأت بالمعنى

(kitty)
تصدقين انا احس ان مرات فى بنات يتعمدون يسوون هالشى بالرمضان الفكرة مو جذى شلون ترضى على نفسها تخلى نفسها فرجة حق الليى يسوى واللى ما يسوى
جان محطتيها على فخوذها

mishari said...

(pop_cornaaa)
انا اقول اللى يروح مخيمات برمضان عفس نفسه
احنا بروحنا نخورة وايد هالمرة نروح حق الخوارة بريولنا
الله كريم

(Q8ya)

يبيله وانيت والم اللى يكتبون بالبلوقات كلهم ونفتر نقرقع :)

mishari said...

( Cr8ivia )

لا يا عزيزتى بالعكس ناس وايد عندهم لبسهم عادى ومحترم طول ما ان خلجونة مغطية الجسم قالوا خلاص
وهذيل اللى يقولون ونتقدون بشكل خاطئ

(Яeema)

يوعانة تبين كوفى
عيل انا عطشان ابى رهش ؟؟؟

جذى الصيام مسوى فيج ؟؟؟؟؟
روحى تلحفى عدل اسم الله عليييييج
:)

mishari said...

(A7LA ENG)

يا هندوووسة يا بابا يا بنت الحلال والخير
مو فرض
لكن نقل بالضمة على النون
ان العلماء السابقين
كانوا يتروكون العلوم كلها وينصبون على قراءة القران ومحاولة الختم اكثر من مرة لدرجة ان في ناس كانوا يختمون القران باليوم مرة
بس طبعا مع فرق الاوقات قبل
وعدم وجود ملهيات
كانت الاوقات غير
انا مخلص بعد قبل رمضان :p
بس ابى اشترى الله يعزج جوتى ابى جوتى ذرب وحلو
:) دلينى :p

وعيالنا طال عمرج
منتشرين فى مناطق الكويت التالية
السرة
مشرف
القادسية
الضاحية
دوريهم عاد :)
اذا لقيت وحدة برونزية ويها شيطاااان ونتفة
هذى بنتى :))


(Bed0uin)

وانتى بعد والمسلمين اجميعن يعود بالخير
اجمعين ويجزيج معانا بالخير:)

mishari said...

(NewMe)
انا اتكلم عن الصيام
اللى المفروض يقعدون وكل ما قربوا من الغلط ارجعوا
:)

مو اللى يردح وسط اغانى ولوية :)
طابت لياليج بالفرح والملبس والفستق :)


(EsTeKaNa)

انتى من ويييين طالعة انا قلت اغطست كل ما ادش البلوق القى نفس الموضوع ما تغير عسى ما شر
يبه كلنا صايمين
والا انتى عقب الفطور سدحة القنفة وروووح نوم :)

ولى الحين فى مجال انشاء الله يمدينا ناخذ بعد من هالشهر الفضيل :)

mishari said...

estkana :)

لا ما اعتقد انتى
انا قلت صغييييييييرة :))
لا تصغيرين نفسج :P

mishari said...

(tweety)

عطينى عنوانكم واحطهم بوانيت وايبهم لكم :P

ممكن الواحد يختم ويدبر بس
انتى صفىىىى النية ولا تناشبين :)

الكويتي الحر

( الكويتي الحر)

صج بدنك ومشكور :)

Яeema said...

الحمد الله و الشكر لله ربي عطاني عمر عشان ألبح عليك إشوي


رمضان

الله يعودة علينا بالصحة والعافية قووول آمييييييييين



قرقيعان

الزين عندنا والشين حوالينا



إمزهبة حف عيالك سحيلة أم الخلاجين بخرعهم ليه يولينا يقرقعووون


هاهاهاهاهاهاها





و بعدين أنا كل الخير بقلبي و ما أحب أتكلم
و الخير لازم يكون علي مدار العام

عشان ربي يوفقنا بعيالنا ويرزقنا رحمته





مو رمضان
السنة الحمدالله ماكو قاااز

الواحد يدوب يلقسي وقت يحك راسه من المواجيب




الله يهديك يا مشاري قووول آمييييييييين


و يهدي جميع المسلمين

a7La eNG said...

احم احم

ليش تكلمني جني ياهل
؟!

اسمح لي

كانوا مصاحف تمشي على الارض

متشربين المعاني يا مش مش انت

علمااااااااااااااااااااااااااااء

التوجه الحين .. الغى فكرة دراسة القران

من كثر ما الناس مركزة و تسابق على الختم و شكثر و جم مرررة

صار الاساس نختمه و الحمدالله نصير خوش مسلمين
!


هذا خير و ذاك خير .. لكن الصحابة كانوا يقعدون على الاية شهوووور
!!


عمر بن الخطاب سنين يالله حفظ البقرة بس
!!


بعد ما فصلها تفصل
!!


القران مو صفحات نمر عليها و نتبارك فيها و نرضي ضميرنا

شي ثاني متى ما فهمناه اختلف حالنا


عصبتني على هالفير الله يسامحك ما ادري اخطف بنتك و اطلب فدية ؟


سوق المباركية ما يبيله بعد
;Pp

Enter-Q8 said...

العزيز مشاري

نعم خلنا نتذكر ذنوبنا

خلنا نتذكر القرأن اللي اشغلتنا عن قراءة الدنيا

والله يا مشاري
قعدت اقول انا ما عندي شي خلني احاول اخلص ختمة القران و مرات اقعد اقول ها خلني اشوف شسمة او اسوي هالشي

ارجع واقول اضبط حالك يا ولد ترى محد ماخذ منها شي واستغل هالشهر

والحمدلله المنافس القوي بالبيت لختمة القران واكون معاك صريح اول مره برمضان اوصل لهالشي

اما الرمضانيات و الغير رمضانيات ياخوي بتتعب صدقني


الحمدلله اني قمت استغل الوقت بقرائة القران واقول ماله داعي مثلا اطلع اليوم او اروح هالمكان او امر ديوانية او قهوة

وفعلا لا انرفع ضغطي من شوفة هالاشياء اللي تقول عنها الحمدلله

الا قبل كم يوم كنت بروح السوق اشتري جوتي تكرمون

فا هونت من شفت الشارع

وخذيت فوق تحت

قلت خلاص اشتريه من المطار يم الدوام

وفعلا لقيته لقطة و خصم خمسه وعشرين في الميه


الا بسال في دعاية

على قناة الراي
لبرنامج الفتاوي مال القصار

الصراحه ضحكني

الدعاية تقول بصوت وحده

فضيلة الشيخ اذا حطيت المكياج قبل الفطور هل اكون فاطره

هههههههههههههه

تكفى اذا لك مره على الراي شوف اللي تتكلم او تسال

اصباغ الجوتن كلها ما تكفيها

albandry said...

اي والله مشوور جنه امس اول رمضان لا اله اللا الله

هل عملنا ما يكفي في هالرمضان اللي ايوايه ربنا

الله كريييم وربي يساعدنا على الطاعات

وقرقيعاننا يا ربي ياعزيزي ما يغير هالعادات ولا نبيها تنقرض تغير الزمان وتغيروا الناس خالتي السنة قالت ماني حاطة قرقيعان ويييه مالي خلق جنه اهيا اللي تفتح الباب؟؟!!
جان اطير الجمعية واشتري كل شي وحطينه وحطيته بزبيل عن الباب وقلتلهم حق اليهال اللي يقرقعون
ياخي حرام اكسر بخاطرهم

هذا واهيا مرة عودة لازم تكمل المشوار وقلت حق بناتي لبسو وتزهلقو قعدو ساعة عند يدتكم اللي يطق الباب حطوله وبعدين روحو انتو قرقعو



وامس رحت االصالحية ياكافي والله والله يوم انا احنا فطر مالبستو جذي فصخو الحيا يا حافظ زي ما دخلت طلعت ما وصلت حتى ستاربكس شي يقزز ويلوع الجبد

albandry said...

ابييييه خذتني السوالف طولت عليك

مسامحة

Ra-1 said...

yezak Allah khair :)

Яeema said...

ممكن سؤال؟
ليييش حاط مشاري 2006؟

البلوق مالك
التاريخ محطوط


سووري بس إتقرقع بقلبي وودي أعرف الأسباب

Mamloo7a Q8ia said...

الله يقدرنا ويساعدنا ونختم القرآن

والله انا والمماليخ خبابيب فأكيد بحطهم بعيوني وباخذ كل حلاوهم واعطيهم موالح علشان لايخف ملحهم من الحلاو

ايه والله ساعات لساننا يبيله قص الله يقدرنا على صون لساننا واشغاله بذكر الله والاستغفار

الحمدالله مو من رواد الخيم ولا المجمعات فما اشوف هالاشكال وزيارة الاهل والاقارب احسن
والله يستر علينا وعلى بنات ونساء المسلميت

3ateeja said...

الله يهدينا ويهدي الجميع من بنات وشباب
وعيالكم ان شا الله محد يقرب منهم ..لاتحاتي
دامهم حلوين
;p

layal said...

عساكم من عواده
عضحكتني كلمتك
وبعدين بنهدهم كلهم بالشارع ويفترون
بنهدهم
:-)
حطوا بالكم عليهم
تره سنفور غضبان بيي يقرقع معاهم

ووين قرقاعون اتو ؟؟؟
ما ذقنا منه شي

tweety said...

يختيييييييييييييييييييييييييي
بس حبيت بنتك ييبلي اياها وانا اقرقع لها
انا متأكدة انها حلوة على امها
:p :p

mishari said...

Яeema :امين ويخليج بالبلوق علشان القى احن يحن على :P

بعدين شلوووون الزين عندنا
ومزهبه سحيييلة ام الخلاجين حق هالفقارة المساكين ؟
نحااااااسة جذى حتى مع اليهال؟؟؟

a7La eNG :

حلو حلو
لاتعصبين ولا شى خاشلج قوطى ماكنتووووش خصوصى لج
وانا ما اعطى احد ماكنتوش الا اذا كنت اعزه :))

بس شوفى يا بنية انا اقولج صح بس القران قاعد ينهجر طول السنة وهذا واقع ما تبين الناس تستغل هالشهر بقرائته بدال المسلسلات اللى طايح حظها
انزين انتى قوليلى شنو جدولج برمضان
غير البلوق وتعليقلاتى اللى تعصبج الفير :P
:)))

mishari said...

والله ضحكتينى على دعاية الراى :)))

ومن صج عطيتنى فكرة على روحة المطار انشاء الله بسويها باجر اذا الله اراد لان انا عندى عقدة من الزحمة وتحوشنى نرفزة مو طبيعيه فيها

الذنوب جبال واحنا نستصغرها وهذى مشكلة اعظم من الذنب

لو كل واحد شاف الذنب الصغير شئ كبير جان انصلحوا الناس


albandry:اول شى الحمدالله على السلامة ونورتى البلوق وتقبل الله طاعتج
:)
بس سؤالى خالتج اخت امج والا ام ريلج
لان اذا ام ريلج رحتىىىىى فيها بتاخذ السالفة عناااااد:))))

بس شوفى والله انا معاج قلبا وقالبا لان حرام اليهال ما يفرحون بهالايام ويتشوقون حق رمضان علشان يعيدون هالشى ويكون على الاقل عندهم ذكرى
انا اتذكر مرة كانت تبى تطلع فتوى بحرمة القرقيعان

mishari said...

albandry : اخذى راااااحتج على الاخر :)

Ra-1 : اجمعين ووياج :)


Reema : الله يا انتى وحدة
حاطة دوووبج من دوبى على هالكلمة
مستانس على اسمى كيفى :P

mishari said...

Mamloo7a Q8ia : من زووود الحب تاخذين حلاوهم علشان يناقزون ويطامرون ويعفسون الدنيا :)

بس تبين الصج زين تسوين على سالفة القعدة وانج ما تروحين مكان
وانشاء الله تختمينه هالسنة وكل سنة :)


3ateeja : بعد شنسوى الوقت يخرع يا عتووج
اذبحنا والله والا ودنا اليهال بالشارع ما يردون الا لما يتفججون من التعب واللعب
مثلج لما كنتى بيبى :P

mishari said...

layal : الظاهر اكو تاخير بالبريد :)
بعدين تقرقعييين ويا اليهال ؟؟؟؟
ليش جم عمرج الحين انتى مو 17 :p


tweety : وليش انا شفينى على قولة امى
طقتنى القبلة والملح
:))

انا يا استاذة يسمووونى رشدى اباضة:p