عليكم بالف عافية يا أهل الدوحة
خبر قريته بالجريدة يوم الخميس وقارنت باللى قاعد يصير عندنا قطر تزيد رواتب المدنيين والمتقاعدين 40% واحنا الرواتب عندنا مكانك راوح
السعودية تنشأ صناديق استثمارية لدعم التعليم ولدعم مشاريع الشباب
مرة ثانية اتكلم عن السياسة الاقتصادية بالبلد
السنة اللى طافت كان اكو فائض بالميزانية 7 مليار عطوا الناس منه 200 مليون يعنى ظل 6 مليار 800 مليون
وينهم سكتنا ما قلنا شى
طبعا انا اتكلم عن فائض مو ايرادات
انزين هالسنة 10 مليار
شنو بتسوون فيهم
بتزيدون الرواتب؟ طبعا لا
تبون تبنون مستشفيات طبعا لا ؟
طبعا الوزير اللطيف ولد الطبقة المخملية بدر الحميضى اتمنى ان يركب سيارته ويشوف الكويتين اللى ينتمون حق اعتى عروق بهذه الارض بغض النظر عن الانتماء كيف هي عيشتهم خل يطلع من النزهة ويشوف الكويتين بالرقة والصباحية والمناطق اللى بيوت الحكومة فيها ما تتجاوز 300 متر
صدقونى شفت ناس والله يعورون القلب الابو مريض وطايح بالفراش والام ما تشتغل والولد ضاع مستقبله بسبب قلة التعليم عند الام مو الواجب على الحكومة ان تساعد هالناس مو كويتين ؟
يوم الاثنين جلسة القروض وما فيها روح تعال يا فوق يا تحت وبادل ما يصرفون الفلوس حق بطون عوير وزوير والبوق من هالشق لى هالشق الكويتيين اولى فيها
19 comments:
الله يهنيهم
وعليهم بالعافيه
واحنا يامشاري
لنا الله
الحمدلله على الصحه والعافيه
صج هذا سؤال يطرح نفسه
لو يبنا موظف دوله
من تعين من عشرين سنه
و شفنا التسلسل الطبيعي لراتب هذي الوظيفه
و بالمقابل
حسبنا التضخم في الاسعار
على الاقل الاستهلاكيه
ما ابي اقول تطور سعر النفط
هل قابل التضخم .. الزيادة الطبيعيه للراتب لهذه الوظيفه
اشك
مع بناء البنية التحتية و تطوير الخدمات لكن لست مع اسقاط القروض مجملا
وشدعوه التجار بيهدونا لي زادوا الرواتب؟
لا ياعزيزي مشاري
أبشرك
كله راح يصير فبطون التجار وفوقه زود بعد
لذا
انا ضد اي زيادة
:/
مع الزيادة الطبيعيه بالرواتب
بس أبدا مو مع إسقاط الديون
لأن المشكله مشكله الشعب مو الحكومه
ما حليت شي بالموضوع
و لا عدلت بين إللي قرضه 5 أو 1000000
زائد إللي ما خذا قرض
مثلي
شنو أستفيد
و ليه متي الحكومه بتحمل أخطاء أفراد؟؟
و عبالك إذا أسقطت ماراح يقترضون؟؟؟
مو حل إقتصادي كلش
سالفة قلب:احكروا الناس بقراقيير وقالوا ماكو زيادة رواتب
شتقولين حق جذى ناس
neelaah ":ماكو مقارنة
انتى تبين الضحك شوفي اللى يشتغلون بالقطاع الخاص يوم نزلوا لهم العلاوة الاجتماعية كاتبين لهم الخمسين بدل تشجيعى او شى جذى علشان يمكن باى وقت تنحذف من الراتب
مالت
kila ma6goog : تصدق انا معاك لو يسوون شوارعنا ما فيها زحمة لو يبنون مدن الناس ما تحتاج فيها تدخل العاصمة انا اقول اوكى بس اللى صاير لا اخوى ماكو تطوير وماكو شى جديد تكفه تكفه تكفه
وانت رايج كباب الحجة بو سلمى ما تشوف صراويل البنغلاديشية معلقة على قولة عادل امام
ايشى احمر وايشى اخضر بذمتك مو ديرة تطوير ؟؟؟
حسام بن ضرار : التجار لو احنا بدولة يحكم فيها القانون وما يطبق بس على فئة معينة ويعفى من طبقة اخرى جان ما تشوف هاللى قاعد يصير يا ولد ضرار
Яeema :اللى بقوله لج كالتالى
يوم طيحوا 8 مليار من على اصحاب الشركات الوهمية والجيكات اللى من غير رصيد واهم ما تعدون 35 شخص اشوف ما قالوا ليش الدولة تتحمل اخطاء افراد
لما يندفع 290 مليون حق شخص واحد بروحه
لان والله شنو الفقير المسكين ما عنده يسدد فلوس عمليات النصب الهوائية
ما قالوا عدالة ؟؟؟
يا ست ريما صحصحى معاى شوية
الكويت قاعدة ياكلونها من فوق
وانا ضد اسقاط القروض بشرط
1- يسكرون كل المدارس الخاصة ويصير التعليم محترم بالكويت
2- يسكرون كل المستشفيات الخاصة ويخلون المستشفيات الحكومية ممتازة
3- البيوت تتسلم حق اصحاب الطلبات بعد سنتين يعنى اثنين سنة من غير صفر مو عشرين ؟؟؟سنة
4- البنية التحتية والشوارع بدال ما يقصون على الاوادم بجسر صارلنا سنين علشان نتوصل فيه حق الحل العبقرى الاخير
الحين جذى انا اقول ماكو قروض تسقط لسبب بسيط ان التزامات المواطن راح تنحصر بمكان معين
مو مليون مكان
يسلم فمك يامشاري ماعندي شي ازيده عقب كلامك غيررررر
نـــبي شويــــــة احترام للمـــواطن
مو عادل امام سعيد صالح قالها ;P
kalamek ye3awer el galb, el7emdella la nazal eb ne3ma o khair o manaby mennat el ghair..
يقولك الكويتي انفع
بس طلع الكويتي مو انفع
خبر ثاني الامارات بتاريخ 1\1\2007
بتدبل معاشات المواطنين
معلومه ثانيه عن قطر انه الزياده للمواطنين والمقيمين
واخيرا الفايض الكويتي السنه الي طافت لم يتم التصرح عنه بحقيقته
وصل 57 مليار اخو
ولايتم الافصاح عنه لسبب الحكومه ابخص
سالفة القروض مشكله
انا ودي اقدم اقتراح مناصفه للكويتين والله
عشان لايصير لعب وربع المديونيات يرتاحون ويردون يبوقون الديره مره ثانيه بعد ماباقوها
انا اقول يشوفون متوسط القروض او يحدد مبلغ مثلا 100 الف دينار
الي عليه قرض بالهبلغ يطيح
والي ماعليه ينحط بحسابه
والي عليه 50 الف يطيح ويدخل بحسابه 50 الف ثانيه
طبعا هذا واحد من الاحلام الي حلمتها انا
هههههه
تحياتي
sOulvOice :والله ما ادرى اذا عادل امام او سعيد صالح
المهم المعنى يا سوسو :)
المشكلة ان صج صج ماكو احترام للمواطن قمنا نحس نفسنا اغراب بديرتنا
MuLaN : البدون الصراحة الله يعينهم وحالتهم حالة
Spontaneousnessity :احنا بخير ولله الحمد لكن اللى قاعد يصير ان الكويت كل مالها وتتأخر ليييش؟:(
Q8LoVeR : مو هذا الحجى وبعدين ما يبونك تزعل وتعصب ويحترق دمك شتقوووول تكفه شنقووول؟
عورت قلبي والله على حالنا احنا يكويتيين
اجل اجل صحيح بس وناسة لما اصيد عليك شي ;p
kuwaitia : عادى تعودنا يا كويتية
soulvoice: النحاسة وماتسوى :)))
Post a Comment