الطموح و العمل والمثابرة والالتزام وقليل من المشاغبة تكون الحياة ناجحة

Monday, February 19, 2007

حب سنة 70
تدور احداث القصة فى عام 1970 بين كل من بدر ولولوة
بدر كان شخص متقلب يوم شيطان ويوم شخص هادئ ولولوة مثلها مثل بنات جيلها اللى تعلقوا بعبدالحليم وصارت حياتهم البسيطة تقتصر على علاقة حب تكلل بالزواج
كان بدر يتيم الام يعيش فى بيت مكون من اربع اخوان اهو الاصغر بينهم ووالده تزوج وحدة ثانية وكان في بيت ثانى مع زوجته وعياله
فكان بدر انشطة لا تتعدى روحة الملعب لمشاهدة مباراة او يوم الخميس بالليل سمرة فى بيتهم وايقاعات لى الصبح
كبر بدر وصار عمره تقريبا 20 سنة وكانت الفترة لفتح جامعة الكويت بسيطة وكانت اول دفعة توها متخرجة فهو يعتبر من اوائل الجيل فى الجامعة واهو غير متعود على نظام الدراسة
توكل على الله ودخل الجامعة بالدشداشة والغترة من غير عقال بعد ما ابوه فهمه ان المستقبل للشهادة حيث الاب بالرغم من انشغاله عنهم كان حريص على التعليم
كان بدر دائما تلقاه تلقائي ويضحك مع الشباب بدون تكلف ولا عمره خطر فى باله ان راح يحب
وكان دائما يطنز على ربعه يقول يبه خلكم من خرابيط السينما
الحب عند الباب ويقصد الزواج
فجأة الصبح كان داخل الجامعة مستعيل وعلى غرار الافلام
ضرب جتفه بلولوة وطاحت كتبها
واعتذر منها وقالها أسف
من قوة الطقة ردت عليه لولوة :ما تشوف بطل عيونك من صباح الله خير
بدر : قلنا أسف يبه هاج كتبج لا أتأخر انتى متفرغه
ومشى بدر وظلت لولوة واقفة وعلى طول بدت تربط اللى صارلها بعقلية لولوة الخيالية الرومانسية مع لقطة بفيلم شافتها
وكانت بداية شرارة الحب لها
يتبع

38 comments:

Kuw_Son said...

ما تيوزون من الحلقات !! بيا أتعب جذي والله أتعب !!

PearL said...

مشاااري

بليز كمل

ما احب احد يكتب نص قصة

المرة الياية خلصها كلها
الفضول يذبحني لين الجزء اللي وراه

Purplecious said...

لالالالالالااااااا

قول والله

بسم الله ما مداني أندمج مسرع ما خلصت الحلقه!!!؟

يالله بعطيك ساعه وحده بس و تنزل الجزء الثاني بليز

Mohammad Al-Yousifi said...

رومانسي ماكو فايدة فيك

اطلب من فاست تلكو يسون بلوك على مدونتك لأنك بتطلعنا طفايات جدام حريمنا

لوول

3ateeja said...

الحب عند الباب ويقصد الزواج
<<<< هذا مشاري ولا بدر ....
بدينا بسوالف التشويق ...يالله ننطر ..ترى احب النطره مو مثل بعض المطافيق ;p

Nora said...

الله اسمه بدر
حبيته انا قبل لولوة
;Pp

ما ادري ليش جتفي قام يعورني
!!!

عاد انا كله اعتذر طاقة و الا مطقووقة
لذا ما حبيت رد لولوة البتة البتة
:/
ما ارضى على بدر لاني
;)

sologa-bologa said...

بداية حلوة

بس جنة خبري سنة 70 ما كان فيه اختلاط بالجامعة
كأن
الاختلاط بدأ عقب 72


حسب علمي

والله أعلم

:)

bo9ali7 said...

ننتظر

المعلمة عهود المسيلم said...

بداية مشوقه لأحداث أعتقد انها
عن سابق تجربة والله أعلم :) وليست من نسج الخيال...أكرر والله أعلم

بس تكفى كمل القصة لاني :)احم..احم..مومطفوقه
بس متشوقه أعرف نهايتها

حسام بن ضرار said...

افاااااااااااء

خربوك اهل القصص يامشاري؟

:):)


اهم شي تضبط الحبكه مالت القصه وتخلي الجدر يسكر عدل... وماتطلع الطبخه خربانه وماصخه مثل قصص الافلام الهندية في بعض المدونات


بداية حلوة
موفق يالغالي وبإنتظار القادم بشغف

May said...

بإنتظارك ،،،

ترى ما استوعبت إنك أنت اللي كاتب القصة إلا الحين

:)

Amal said...

دفاشة كويتيين,,,
وثوالتهم,,

يطق جتفها,,,
ويعتذر بدفاشة بقوله:متفرغة أنتي؟

زيد جرعة اللطافة لو سمحت,,,

Anonymous said...

واضح انها قصه اكثر من رائعه..

و نحن في الانتظار.

بنت الديــــره said...

بس علمني

راح يكون هندي

او مكسيكي عشان اجيك على بلوقك عقب سنه او سنتين

:)

Q8LoVeR said...

اموت واعرف ليش الكويتيه تسوي روحها ماتحب دفاشت الكويتي بالحجي ؟
اكبر مستوى عياره بالكوت

قصة مشوقه ننطر الاكشن

2 u ALL said...

أحلى أيام هي السبعينات ...!! الدنيا غبر والناس غير والجامعه غير والحب غير ...!! ذكرتني بمدون وداعنا وراح كان يكتب الذكريات ..!! وينزلها حلقات بعد أسمه....!!؟

freeq8

كمل شوقتنا حق هذه الأيام ... وبعدين ليش ما زرتنا من زمان ...!!؟

ReD Lady™ said...

wnaaaaaaaaasa kml kml kml kml

7dhm niiiice

la6wel 3lena pleeeez :(

اجار الدين كشمش said...

هلا مشاري ..فى السبعينات مايخلص الدوام الا جتوف كليه التجاره كلها يبيلها تدهن..فيه الطقه المقصوده..وفيه العفويه؟لكن يقولون ان اذا طاحت الكتب من الطالبه الف واحد يطب رواسي يجمعهم ..والبنت اتبوسم بكل تغنج ..واذا واذا واذا هي فاضيه بس اتنقي..كانت ايام ايام..والله لو لاحقين على البيجر ..اترك عنك الموبايل..جان ماكوا اعزب او عزبه..لو طالع في ذلك الوقت الطبطبائي جان ادفنوا رمته بالارض..

Dana__23 said...

والله كأنه فلم هندي ;p
تخيلت المقطع لمن يطيحون كتبها وتطلع موسيقى هنديه لووول ;p
صراحه خوش قصه يا مشاري وجد إندمجت !!
يلا نبي نسمع باجي القصه :)

Unknown said...

Kuw_Son : مو منك تزوج وانت تصير خوش واحد
والا اقولك لا تتزوج لانك راح تتعب اكثر اتزوج 2 طقة وحدة:))

Unknown said...

PearL : ما اقدر اخلصها بسرعه جذى راح تاخذ حيز كبير الاربعاء جزء والجمعة الجزء الاخير بس لايطوفج لان احداثه وايد سريعه

Unknown said...

Purplecious : الله يسامحج ساعة واحدة لو غازى القصبيبى مو جذى:)

Unknown said...

kila ma6goog : بو سلمى لو الله
شوية حركة بس
وشوية حب
شوية استجواب
وشوية عشق تصير الدنيا وردة

:)

Unknown said...

3ateeja : هذا بدر بس بمفهوم مشارى :)

العواية محد يحبها والباب اقصر طريق للوصول للحب ؟ :)
صح ;)

Unknown said...

a7La eNG : بذيج الجامعه ما فيها الا جم طالب وطالبة ويتداعمون كلهم مع بعض يستهبلون :P
الحين الجامعة غير بس يطالعها شقت الحلج :))

Unknown said...

sologa-bologa : اذا ما خاب ظنى ان بدايته كانت سنة 70 ما ادرى انت اكبر واخبر انا تونى صغيرون يبه خلنى يم الطوفة عن الكبر

Unknown said...

bo9ali7: انشاء الله

Unknown said...

الوفـا طبعي لما اكمل القصة راح تتأكدين ان مالها ابدا اى تجربة شخصية وان الاحداث كلها من نسج الخيال

Unknown said...

حسام بن ضرار : مشكور يا بو ضرار والتغيير حلو الواحد شوي يغير مو احسن ؟:)

Unknown said...

MiaMi : انشاء الله تكون اعجبتج

Unknown said...

amal : تصدقين ما ينعرف لكم
لا صار الريال ذرب قلتوا عنه ماصخ وذرب زيادة عن اللزوم

انا اتوقع الكويتية تبي خلطة جذى
كويتي حق الصرف
لبناني علشان يخليها على كيفيها
مصرى علشان تدوس عليه

بس سورى
هنا الكويت :)))

Unknown said...

محمد بن سالم : شكرا عزيزى وما قصرت

Unknown said...

بنت الديــــره : كويــــــــــتى
بحت
:)

Unknown said...

Q8LoVeR معاك قلبا وقالبا بكل اللى قلته وصحيح كلامك
يتمنعن وهن ورغبات :)))

Unknown said...

2 u ALL الله يذكره بالخير كانت مدونته مدونة طيبة ولكن ما طول بالتدوين
كنت من زواره وكان من زوارى

ايام السبعينات هجين بين الماضى بعبقه والجديد بحداثته

Unknown said...

ReD Lady™ : wen and the end wil be in Friday

Unknown said...

اجار الدين كشمش: ما كان اكو سالفة غير هذى يفتحون فيها المواضيع خبرك الشباب قبل يستحون ينطرها عند السيارة وحركات الترقيم اللى هابين فيها الحين

Unknown said...

Dana__23 : الكويتين قبل هذى سوالفهم حق لفت الانتباه :)
متأثرين بالافلام الهندية والعربية
على العموم نطرى وشوفى شنو يصير :)