خمسة بعين العدو
وصلنى هذا التاق من احد الاصدقاء الاعزاء ( البلوقرز)
Others and me
وابتلشنا وقالولى لازم تكتب شغلات محد يعرفها
اول شى
المراهقة
بالرغم من انى كنت شاطر بالدراسة الا ان اللى يعرفنى برة المدرسة يقول انت على الاقل ساقط بثلاث مواد كنت شيطـــــــــــــــــــــــان بمعنى الكلمة
مرة من المرات بمجمع تجارى طبعا ايام المراهقة سويت نفسى معوق واستهبلت على واحد وصدق وربعى واقفين ورى ميتين من الضحك
كان عندى واحد من ربعى ابيضانى شكله برئ اوقفه عند محطة باص المواصلات ويوقف الباص ونتعمد يكون اخر محطة الساعة 10 ايامها الحين ما ادرى الساعة جم
بس يوقف ما يلقى الا طابوقة كاسرة الجام واررررررركض تعال صيد
الرياضة
انا والرياضة ربع من صغرنا ودائما كنت احاول اوصل مرحلة الكمال لعبت كرة يد من سنة 86 لى سنة 2000 وكان مستواى ممتاز لكن كنت افضل الدراسة وبطلت وقفت لعب لكن المضحك يوم قررت العب حديد مع ربعى كنا نروح
النادي مجموعة الناس تلعب ساعة ساعتين الله وكيلك احنا ندش النادى الساعة 6 نطلع الساعة 11 بالليل من الفراغة
طبعا جاسم يعقوب بالنسبة لى مثال يحتذى فيه لدرجة ان كنت ولا زالت كل فنايل الرياضة لازم رقم 9 واحب الرقم مع
رقم 7 وايد
الاكل
عندى لذة غريبة بالاكل استمتع انى اكل اتذكر ايام الارنب الجائع كنت ادش واطلب
( 1 سوبر بنى -1 روست بيف- 1 جكن فليه – 1 شبس – 1 حلقات بصل – 1 بيبسى كبير )
وكان وزنى 75 كيلو
الحين عندى عشق مع الجلاكسى واحبه بطريقة مجنونة بس احاول احافظ لان عملية الحرق خصوصا الحين داش على
الثلاثين سنة تقل غير عن عملية الشباب يعنى احاول اوازن بالاكل بس والله احبه تدرون منو؟
ماكدونالدز
الدراسة
وايد ايام الدراسة يتفاجئون منى لان اكثر واحد يتغشمر ويسولف بالكلاس سواء من دراسة المتوسطة لى ما خلصت الماجستير واتذكر ايام الجامعة قاعدين بمحاضرة وكان الامتحان من 100 وفى اسئلة بونص
جان ينادينى الدكتور يقول وين مشارى انا قلت رحنا ملح يوم قمت جان يقول انت ؟ ( جنى كانت طايح من عينه)
جان يقولهم يايب 105 من 100 يعنى البونص كانت ماخذه
((ذكروا الله ))
بس عندى مشكلة بحياتى مع الامتحانات اقرى الامتحان بسرعة واحل بسرعة يعنى عادى بعد الامتحان بنص ساعة طالع وكان هالشى يخلينى اطيح باخطاء وايد لى ما تعلمت
الحب
احب الحب وعندى الحياة بدون حب ما فيها طعم وكنت دائما اقول انا بنى ادم اخطأ واخطأت وراح اخطأ بس الشاطر اللى يتعلم من اخطاءه وعندى ومتأكد ان رب العالمين غفور رحيم علشان جذى تلقونى كاتب
الطموح و العمل والمثابرة والالتزام وقليل من المشاغبة تكون الحياة ناجحة
انزين بالنسبة للحب عندى الشعر ام كلثوم وعبدالحليم وفيروز اللى يشاركنى فيهم يعنى يعرف الحب
مو بالضرورة باللحن يعنى الكلمات كافية
اتمنى انكم استانستوا بتوهيقتى
52 comments:
كل تاق وانت بخير :p
والله مو بس استانسنا استمتعنا واحنا نقرا بعض من اعترافات مشاري
ماشالله تبارك الرحمن
اعجبني بالبوست أكثر شي نظرتك التفاؤلية
الشاطر اللى يتعلم من اخطاءه
جملتي المفضلة :)
اشاء الله توهيقه مفيده ..
الظاهر كل جيل السبعينات ..
خالطين الذكاء بالشطانه .. وخفة الدم ..
والحياة لعبه حلو بس اللي يعرف يلعبها ..
استمر بالتفاؤل وعقبال الدكتوراه ..
خوش توهيقه :)
خلتنا نتعرف على بعض خفايا شخصيتك
احب الحب وعندى الحياة بدون حب ما فيها طعم ..هذا أكثر شي عجبني
nice post .. great list ;)
ماشاء الله ما شاء الله .. هذا وانت تحل بسرعه تييب 105
حلوه هذه ونستني اول مره اسمع ريال يقول انا احب الحب
أتفق معاك برقم 3
الأكل شي عجيب وخصوصا الفاست فود
لذيييييييييييذ ... إذا كان محمش
بوست ظريف
التاغ عندك غير يا مشاري ..
ما شاء الله عليك .. الله يزيدك من فضله .. تستاهل يا الحبيب
Mishariii ana khalait kilshay wo tana7t 3la a7eb el 7ub ... kelna en7ub el 7ob:P wo mittt the7eek hungryy bunny tethakart mal le3daileya way aroo7 3shan anagezzzz bil nagazeya
"afashil" kanat qemma 3ndi wo 3ugb neshteree mujalad mickey qemma;p
:)
ماشاء الله عليك
كلهم أشياء حلوة
الله يحفظك
مشاري، صديقي القديم،نسيت تقول سر جديد، انا أتذكره، ان لك ابتسامة جميلة وقلب صافٍ أبيض،، بالبكاليريوس ، اتذكرك متفوّق جدا ماشاء الله عليك...
مبروك الماجستير للتو علمت
فخورة بك جدا
يا زين اللي يتوهقون بالتاق
لكن بالأخير يفضحون روحهم
:)
شطانة الطفولة أحلى شطانة
وناسة وبراءة بنفس الوقت
شلون ما أدري
:)
خوش فضايح
ودمتم بود وحب
تدري انك موتني من الضحك
قاعد اتذكر شكلك بالسوق
لما كنت مسوي روحك معوق
تذكر سالفة " يبااا ليش
ما تسأل عنّا احنا مو عيالك" والله
جد رجعتني لي 1993 ايام حلوه
اااااخ يا ريت الشباب يعود يوما
العن خيرك لي معاك ذكرى مو طبيعيه
لوووووووووووووووول
ام كلثوم وفيروز وعبدالحليم من اروع الاحساس والله صدقت اللي يبي يحس بالحب يسمعهم ومو شرط اللحن ممكن الكلمات والعكس...:)
وانا كلي ثقه بانك مليء بالحب وتحب الحب ...:)
======
105 من 100
تف تف تف ما شاء الله عليك لا اله الا الله...:)
======
احلى مطعم الارنب الجائع الله عليه وعلى ايامه..^___^
يعطيك العافيه...:)
والله استانست بس ترى المراهقه و الحب هذيله اعرفهم ...الباجي يعني في شغلات ما اعرفها ...يعني انت مطال بشغلتني الحين
:)
بس فعلا استانست وانا اتعرف على ملامح الماضي عندي ...وقليل من الحاضر :)
يعني ادري انك شيطان ايام المراهقه واعرف مفهوم الحب بالنسبه لك ....لكن البلعه والدراسه و الرياضه ما كنت اعرفهم فأنت مطالب ...بشغلتين زياده ...لأنك قلت ثلاث شغلات ما نعرفها فقط :)
وصلت الفكره ......لاتداحرني ..ترى ما اروح العمره
والله شخصيتك حلوه يامشاري ;")
أهم شي أرنب الجائع أموووت عليه وحسافه إقطعوه ;(
وماشاءالله عليك طلعت شاطر وفلته الخطير ها ;p
لا تحاتي أنا نفسك أدخل الإمتحان وبعد 5 دقايق أخلص وأطلع لي درجه يحسبوني الفلته الخطير كي كي كي ;p
أذكر رفيجاتي يزفوني لأني مستعيله وأخلص أول الناس ;p
ماشاءالله جد استمتعت بكلامك والله ;")
ونصيحه لا تهد الرياضه ترى إهيا غذاء الروح يا مشاري ;)
كل هذا يطلع منك!!!
وأنا اللي مفكرتك طيب وماشي يم الحيط
هذا المثل اللي يقول
لا تخاف من اللي يتحجى
خاف من الساكت
أبدا ما أتخيلك مشاغب
وإلا يمكن شوي بس مو لهدرجة
اما الدراسة والأكل
فكالمعتاد
نظل أضداد في كل شي
إلا الحب
دمت به وأكثر
تحياتي
cute :)
i have to do my tag due newme request :-S
interesting :)
اشسالفت أول جملة؟
:p
ماشاء الله ما باين عليك!
ReLaaaX : هذا اهم شى مدام استانستى هذا شى جميل :)
والتفاءل سمة الحياة لان من كثرة المشاكل الواحد ممكن ينتهى
:)
afyaa2 ": الله يسمع منج
لان احنا جيل خلط بين القديم والجديد كنا بالنص فتلقين كل شى فينا
ولى الحين فينا مثل ما يقولون حلاوة الماضى
ولذة المستقبل :)
الوفـا طبعي : الا انفضحنا وانتى الصاجة :)
يعنى الحياة بدون حب تعتبر صفر على الشمال
ReD Lady™ : THANK YOU and am glad the your like it
انت عجيب
Smile : من كثر ما كنت احل بسسسسرعة كنت اخاف المعلومات تطير من راسى
بس بينى وبينج ما احب احس انى مو متأكد من معلومة فتقلين من الثقة الزايدة ما اراجع لى ما اطب على ويهى:))
Almas : المشكلة الجوع وما ادراك ما الجوع واهم شى قاعد اكتب الرد وانا بالدوام يوعان
Kuw_Son حبـــــــــــــيب
ما تقصر وانت غير واخ عزيز وغالى
shakshaka : انتى طلعتى من ربع النقازية لووووووووول
اللى تنزل بعدين تسوى نفسها كبيرة وتتمشى :P :P
يالله ذكريات حلوة
MiaMi : دعوة جميلة من اخت كريمة
:)
بس ارد واقول واكرر اخطأ واخطأت وسوف اخطأ فانا بشر
AuThoress : اول شى افتخر ان لى زميل/ة
يكتبون وبلوقرز معاى
وشكرا على المديح مع ان الاعتقاد الذاتى لى ان اللى يشوفنى كل يقول شايف نفسه
بس الحمدالله ان نظرتك كانت غير
والقلب الابيض لان على يقين ان الدنيا ما تسوى :)
sologa-bologa: شكرا عزيزى ولولا هذه الخلطة لكنا انفجرنا من الكبت الاجتماعى
فكانت حياتنا عبارة عن خليط استطعنا ان نجعل من انفسنا كيانا يمكن القول عليه جيدا للحياة
اشكرك عزيزى :)
al'7a6er : كااااااااك ضحتنى الله يلعن ابليسك
بس تكفه لا تكمل انا قطيت الخيط وانت سيدة تليته استتتتتتتر
راحت ايام ماكدونالدز اللى على البحر كل خميس كاشخين ومرتزين
Q8ya : الحب =حياة
وليس بالضرورة يكون بين شخصين
حب عمل
علم
طفل
الخير
هذا كله حب
بعدين قولى ماشاء الله بدون تف تف تف
:)))))
الارنب الجائع اخ وما ادراك ما الارنب الجائع راحت الايام الذيذة
3ateeja
العمرة رايحة رايحة انشاء الله مو بكيفج :p
المهم الشغلات الثانية وايد صعبة :))
بس انا اقولج كنت معتدل
ويوم دشيت الجامعة استخفيت شوى وبعدين هديت هدوء مو طبيعى خصوصا اخر سنة ومعروف قبلها انى كنت لوية
رياضة
كتابة
انتخابات
Dana__23 : الرياضة جزء من حياتى
ولكن بالفترة الاخيرة شوي اهملت بسبب الدراسة والشغل
وشكرا على المدح وكل من يرى الناس بعين طبعه فاذا كانت شخص جيد فذلك بسبب نظرتك التفاؤلية
شكرا :)
NewMe: صحيييييح انا ما احتاج شفطة :)))
بس الاكل عندى متعة ولذة وخصوصا وانا اتخيل الحين انا قاعد اكل مجبوس لحم
او مظبى من السعودية
او بخارى من المطعم الموجود فى شارع المعارض
والحب
فانا قلت
لا انا قد الشووووق وليالى الشوووق :)
Miss Writer : am waiting your faedhay7 :D
thank you
Ra-1 : thank you
واى جملة قصدج :)
Cr8ivia : اهو لو ما بدليتج ما باين عليج (تقول ابله عطيات ) جان اسأت الظن ولكن المرة الياية احط صورى
1- وانا بالنادى
2- وانا استلم شهادتى من الشيخ جابر الله يرحمه
3- اصورلج وانا اكل من ماكدونالدز 3 صمونات :P
4- الحب ما ادرى شلون اصور فيه بس يعنى هذا احساس
بعد شنو بقى؟
5- بشوف اى مخفر مسكنى بهوشة وانا مراهق واحاول اطلع من الارشيف عندهم ورقة تعهد كانوا كاتبينها على مع ان ما اعتقد اكو شى محفوظ عندهم
:P :P :P
بس لسلامة النية
شكرا على كلمة ماشاء الله
barrak : والله على الكلام اللى تكتبه عزيزى مو انا عجيب انت عجيب والواحد يستغرب بوجود كفاءات مثلك فى عصر الظلمات هذا
تحياتى لك اخوى
This one
خمسة بعين العدو
والله حاولوا,,
يهوقوني بالتاغ,,,
بس تهربت,,,
جنك شجعتني,,,
بحاول
:)
Ra-1 : اهم يعنى خمس اشياء فطلعت جذى يعنى:)
لا اكثر ولا اقل
Amal:جربى ترى وناسة وتجربة حلوة
موفقة :))
لووووووووووووووووول
والله وقمنا نتعلم منك وايد ولد عمي XP
استمتعت جداً جداً بالتوهيقه XD
يعطيهم العافيه الي موهقينك ;p
ناطرين جديدك كالعاده مشاري =D
FatmaQatar : جديدى موجود فوق:)
وينج كل هالمدة ؟
ابيه =S
اسفه والله يا ولد العم
السموحه منك
ان شاء الله نتواجد احين
سافرنا وتونا رادين ;p
FatmaQatar :الحمدالله على السلامة شلون دبى :)
يسلمك = ")
وااااااو من 4 سنين مو رايحتها صايره اليابان XD
Post a Comment