الطموح و العمل والمثابرة والالتزام وقليل من المشاغبة تكون الحياة ناجحة

Saturday, May 05, 2007

دعوة للتفاءل بس بالمقلوب

محليا

اصحاب النظريات اللى فى مجلس الامة يطلقون اشاعات لاثارة زوبعة جديدة واهيا الحل دستوريا

( انا اقول صيروا عجال وبدون مشاكل)

حملة وفر لها اللى ما خلو احد ما حطوه فيها ( حتى حليمة الباصجة)

اشكرة تهويشة قبل قطعة الكهرباء

ذلوا المواطنين على سالفة زيادة الرواتب ( ياجماعة لاتزيدون الرواتب اذا فيها عبء انا اقول خفضوا سعر البنزين علشان تصير الفايدة للكل )

الرياضة عندنا تفشل والملاعب لى الحين على حطة ايدك من السبعينيات

يطلع المسلسل بالتلفزيون ويقال ان مسلسل كويتى اطالع المسلسل القى ان ما يتعدون اصابع الايد الوحدة الكويتين

اقليميا

ايران لو انطقت من امريكا بنيدالقار بتصير معسكر تدريبى واللى في امه خير يمر يشوف صراويلهم المعلقة على اخر طريق الفحيحيل السريع

السعودية تناقش تخفيض ديون العراق80% يعنى يالكويت نغزة وخفضوا

انتقادات خليجية بسبب تطبيقنا الخاطئ للديمقراطية ادى الى تراجعنا

اليابان تصرف 1% من الدخل على الدفاع

امريكا 5%

كوريا الشمالية 20%

احنا لو نصرف 50% بس السؤال ليش؟

راح نقدر نسوى شى؟

رسالتي

اتيت حاملا فكرا

جديدا

قديما

لكى اغير مفاهيم

المجتمع

بعد ان صارت

غوغائيتنا

هم نواب

مجلسنا

31 comments:

AuThoress said...

موضوع الكهرباء يبعث على التفاؤل فعلا، مادام حليمة و منار الحشاش، رافعين الراية ، ما ينخاف علينا في هالصيفية يا مشاري، افا عليك بس، كلها ساعتين قطع "مُبرمج" يعني راح يطول الكل ( الكل) حتى عيال اكبرها واسمنها، لا تقلق يا صديق

حضروا الشموع،ولا احد يشتري مولدات كهرباء، لأن لازم نعيش اللحظات بـ طبيعية

سلام على الكويت

Nora said...

الكويت الأولى عريبا في حرية الاعلام

بمعدل 56

اعتبر هالشي احلى ديمقراطية

مجلس الامة قررت ما ابيه ما ابيه
:)


اخ مشاري .. تبي تستوعب مأساة الكهربا اقعد مع مهندس يشتغل بالوزارة

انا كنت اتحلطم .. بس لما فهمت قلت صج ماندري حقيقة الموضوع و هم ما غير التشكي و التعذرب

السالفة فيها حسبة طويلة ما تخلص

يعني توصل لي انفجار كل الاجهزة بالبيت
و حتى المحول ممكن ينفجر

اذا ما تم القطع المبرمج المدروس من قبل مهندسين متخصصين

بيتنا يم المحول من قلب بوووفر لها
;Pp


اقليميا .. تخوفني من صج جني ما قريتها
:)


أتيت حاملا فكرا محبا لوطنه
هلا فيه و فيك

SAJA.S said...

سؤال .. ليش الوزارات والهيئات والمؤسسات اللي في الكويت ما يطوفون ليتات مبانيهم بالليل
؟؟؟؟؟


وعلى سالفة المجلس
شوف يبيلهم عشر سنين اذا مو اكثر راح يعلقون على سالفة انحل المجلس والا لا

وينهم هالمسلسلات .. كل اللي اشوفه صراخ وطراقات وهواش ومكياج ولبس .. سواء للممثل والا الممثله .. الربحان الوحيد مصممين الهدوم و االلي يحطون للمثلين المكياج
دعايه البلاش

عيل كويتيه .. كل يوم تلبس دراعه يديده شك من فوق لي تحت .. والمكياج الصبح غير وبالليل غير ولما تنام غير

AseeL said...

حملة وفر لها... حق الشعب المسكين
القصور كهربتها ما تنقطع

ولو ينزلون بعد اسعار السلع الاستهلاكية وايد احسن

الملاعب ما تفشل صبروا عليها في استاد جابر وملعب التنس الدولي عطوهم فرصة

هذا شرطي
هذا جندي
عدة وعتاد بدون قوة بشرية شالفايدة
اقول.. ديرتنا اتكالية من عمر حتى في الدفاع عن نفسها ويقولون الشعب من وين ياب اتكاليته

Q80MINI said...

يا جماعة مانبي يطيحون القروض ومانبي زيادة معاشات
حتى البنزين مانبي يخفضون سعره
نبي بيوووووووووووت!
خل يشوفولهم طريقة يخفضون فيها اسعار العقار والأراضي
ال70 الف والله ماتسوي شي
اخذ قرض ثاني 70 الف عشان تصير 140 الف واشتري بيت بالقرين؟!
لا بعد حتى البنوك الحين مايعطون 70 الف من بعد سالفة القروض:(

ام الحفيز said...

مشاري

حبيبي طالما الميلس فيه مفاجيع ويواعه اقبض من دبش تشوف تطور وانجازات

وحملة وفر لها........سخيفه وبلا طعمه والشخصية الي فيها الله يزيد النعمه ماعده كم واحد وووحده قيهم...مالي خلق اتحمل اثام

قبل لا تزيدون الرواتب شوووووف الانتاجيه....ليش في فرصه حق عيالنا يبرزون ويستعرضون انتاجيتهم خوووو كله تجعم وعقدة الاشقر هي السائده
وماضحكوني الا اذا قالوا الكويتي انفع؟؟ دام انتوا تقولون جذيه روحوا شوفوا دوائركم الحكوميه والخاصه اشلون يقردمون ويجعمون اعيالنا وعقب يقولون الكويتي ما يحب يشتغل...وش العبوووووه

الرياضه....معروفه هي مخدر الشعوب شوفوا البرازيل والارجنتين وغيرهم ومشاكلهم الاقتصاديه والاجتماعيه بس الكره هي المسكْن لمعانات الشعوب...وحنا اسمالله علينا ما عندنا مشاكل بالقياس بمشاكل العالم فصارت لعبة الطباخيه بالنسبه لنا هي المنشط مو ضروري نفوز او نكسب المهم انشط الوجاهه الاجتماعيه من خلال الاتحاد بعد الطمباخيه مايبيلها شهادات وماجستير يبيلها ناس جمبازيه رياضياً وفكرياً...فلا تعورون راسكم

مسلسلاتنا يادافعه البلا نوعها من نوع كيف تتعلم البدليات والشتايم من غير معلم من خلال ثلاثون حلقه

اقليميا مالي شغل ماعرف شي وعلى قولة المثل الشيوخ ابخص

ام الحفيز said...

مشاري

ويـــــــــــــــــه نسية رسالتك
لو حجت البقر على اقرووووووووونها ما رح تغير شي من افكار بعض نوابنا اللفوووا...ومن شب على شي شاب عليه
وسلامتك

Cr8ivia said...

انا اللي بعرفه
سالفة هالقطع المبرمج
ليش توها تطلع لنا؟
وينها من سنين؟
شالسالفة؟

Kuw_Son said...

كلنا أمل أن نساهم في تغيير بعض المفاهيم في رؤوس بعض النواب !!

استفدت من الحقائق :)

يمكن راح يعجبك موضوع المواطن الصالح في مدونة شباب كويتي

shababq80.blogspot.com

Dana__23 said...

ماقول غير الله يحفظج ياكويت ..
موضوع يحير والله ..
عساك عالقوة يامشاري :)

KQ8 said...

الكهربا اكتشفو ان اللي يسبب الحمل الزايد هم الجاليات مو المواطنين
==
وامريكا مهي طاقة ايران مو وقته هم بورحهم حايسين بالعراق وافغانستان

Mohammad Al-Yousifi said...

less than 50% cant be

yabe yboogon

أبو إسحق said...

انامتفائل وايد وايد وايد انه شباب الكويت الحلوين راح يقعدون بالظلمه لعيون حليمه

متفائل وايد وايد وايد انه ملعب جابر راح يرد لنا امجاد الكره الكويتيه

متفائل وايد وايد وايد انه مسلسلاتنا راح تكون كويتيه قح مو وحده تقول صوتك وصل نهاية الشارع - او واحد يقول هذا موضوع مهم فعلا -- بالله في كويتي يقول فعلا

تحياتي لك

sologa-bologa said...

يعطيك العافية

مواضيع وايد كلها تشغل البال

بس بعلق على نقطة وحدة
وهي زيادة الرواتب

ما أدري ليش نعتقد إن بزيادة الرواتب
راح تكون الحياة المعيشية أفضل

لو كل واحد حسب دخله الحقيقي
يعني مقارنة الراتب بالأسعار راح يعرف فعليا إذا كان راتبه زاد ولا لأ

يقولك في اليابان
العمال يطلعون مظاهرات يرفضون زيادة الرواتب
لأنهم يعرفون عواقب الزيادة
لكن احنا مو باليابان
ولا يابانيين

ودمتَ بحب وود

Unknown said...

AuThoress : انا ما عندى مشكلة اقعد بالظلمة ولا عندى مشكلة اشترى شموع ولا عندى مشكلة باى شى بس يا عزيزتى عندى مشكلة وحدة بس؟؟؟؟؟؟؟؟؟
ما اقدر اعيش بالحر مو لان جلدى رقيق ولكن من صجى اكره الحر يعنى المسألة اجازة وسهر وقعدة على البحر وطب بالماى ورد نام خيس بفراشك لى العصر

Unknown said...

a7La eNG :مشكلة الحرية عندنا مشكلة فالناس ماخذة الحرية شماعة علشان تمارس فيها امور خطأ يعنى انا اؤمن بحرية الفكر ولكن الحرية مو يعنى مجلس امة اللى حده ويع

وبعدين زين قلتى بيتكم يم المحول علشان لى طفت الكهرباء نشتكى عليكم :))

Unknown said...

Smile : والله تعليقج الصراحة ملئ بالمعلومات فافضل ما ارد عليه واقول انه شامل وافر وكافى ويعطيج الف عافية :))

Unknown said...

AseeL : كل تعليقج بصوب واستاد جابر بصوب هذا صار جذى بيض الصعو يا عزيزتى يا اسيل
تدرين ان استاد جابر مخصص علشان يدشه 100 الف وفيه مواقف سيارات حق 5 الاف سيارة؟؟؟
يعنى الباجي شلون بيدشون الملعب؟ انزل جوى مثلا؟

Unknown said...

Q80MINI : تصدق ضحكتنى يا بعد جبدى اى بيوت الحين علشان تشترى بين لازم تكون مليونير نعم مليونير
علشان تشترى بيت لازم يكون بايدك 300 او 250 الف دينار
واذا تبى تشترى بالقرين يعنى انتى نص مليونير ما ادرى ما يقوللى بالله على هالحر والصبخة اللى احنا فيها شحقة الاسعار جذى؟

Unknown said...

المجلس يلوع الجبد طول ان متروس هالاشكال اللى تلوع الجبد واخلاق سياسية ماكو
لما كانوا يقولون رجالات دولة كانوا بالفعل رجالات دولة بس الحين خوارة بخوارة

Unknown said...

Cr8ivia : لان المكاين الحين خلاص انتهى مو بس عمرها حتى وايرتها خلاص ماتت
الناس لا صيانة ولا اهتمام يبون يخففون الضغط على قفانا

Unknown said...

Kuw_Son : تغيير مفاهيم النواب شئ صعب ولكن تغيير النائب بنائب جيد هذا هو الحل

Unknown said...

Dana__23 : الله يقويج واللهم امين

Unknown said...

Krakatoa يعنى هذى حالة اهم يستخدمون واحنا تطفى علينا لو يقطعون عنهم جان قلنا بس احنا لنا الله

Unknown said...

kila ma6goog : خل يبقون بس خل يصلحون بس بوق وخراب ما يصير يا مطقوق

Unknown said...

أبو إسحق : الصراحة تفاؤ ل فى محله
وزيد عليهم اسقاط ديون العراق ينعش اقتصاد الكويت :)

والله ابتلشنا

charisma said...

ذابحتك هالحليمه
ههههههه

مشارى عندى علاج

تجاهلها جنك ما تشوفها
لى طلعت صد صد
:))))


ومهى بشاره على قطع الكهربا والماى بهالصيف
يحسرتنا
عليل انزهب مراوح الماى وارقام التناكر من الحين
ما يندرا

Unknown said...

sologa-bologa : صدقنى يا عزيزى المسألة مو مسألة رواتب المسألة مسألة مبدأ يعنى لو فى دعم حق المنتجات والمواد الاساسية جان قلنا ميخالف
شوف التطبيقات بدول المنطقة وقارن يعنى الرواتب مو ضرورة بس الاهم ان ما يكون فى غلاء بالمعيشة

Unknown said...

charisma : باصجة
مليقة
دم ثقيل
ومياعة زايدة وين تنحب؟؟؟

وبعدين فى مكيفات ماى اشترى منهم وشكلى بسوى مشروع منهم

Q8LoVeR said...

اخوي مشاري
ابشرك بقولك حافرين خنادق حوالين بنيد القار لاداش ولا طالع فلا تحاتي

وعلى سالفة الكهربه قبل جم يوم بالوطن كاتبين عن الي طاحوا عليهم يبوقون كهربه وبملايين الدنانيير جانك قريتها
سألت شخص من معارفي عراقي الجنسية
بما ان العراق دولة شقيقة ولها سوابق في القطع المبرمج والغير مبرمج في العراق
يقولي بعد الغزو صدام قال حق جماعته خلال 3 اشهر ابي العراق فيها كهربه
ومدام الكل يدري انه ان ماصار هالشي بتطير الرقاب صار فعلا خلال 3 اشهر
فيقولي كذلك على سالفة بوقة الكهربة جان ودك اعلمك الطريقه سهله كنا نبوق من الفرجان الي يمنا لما يقطعون عن فريجنا الكهربه
فشرايك اتعلمها وتشاركني
خو الي كانوا يبوقون مو كويتين وخسرت الديره ملايين ولي الحين ماصادوهم او بالاحرى مافكروا يصيدونهم
فإحنا كمواطنين كويتيين اولى لنا هالكهربه
انا اعلنت والبيع الفلولت ب 50 فلس
تبي شراكه حط راس المال 50 الف
وانا شريك بالعمل :P

اسمحلي على الاطاله

Unknown said...

Q8LoVeR : والله انك رجل قول ليش

هذا اللى يتذكر الرياييل ويشاركهم بمشاريع طيبة جذى
خلاص تم واعتمد بس خل نشوفلنا بنغالى يعلمنا ومشروعى الثاني نشترى تناكر ونبيع ماى احسن من دخل عمارة راح يصير بالصيف

وبعدين بنيد القار خنادق افا يعنى ماكو بدر البدور