الطموح و العمل والمثابرة والالتزام وقليل من المشاغبة تكون الحياة ناجحة

Friday, June 22, 2007



شوية من كل مكان


كهرباء

لا أعرف الوزير العليم ولا انتمى له فى بحر او بر ولكن الرجل اثبت نجاحا فى ادارة ازمة الكهرباء فبالرغم من التخبط الحكومي السابق فى السنوات السابقة الا ان الرجل اتى وتدارك الموضوع وحاول من خلال الامكانيات الموجودة والحملات الترشيدية أن يتدارك الازمة وأن يقلل من مخاوف المواطنين بقصة القطع المبرمج وذلك بعد أن انخفض معدل الاستهلاك فشكرا يا أخ محمد

الخبر نقلا عن القبس


مصداقية



يعني فكرت يوم قريت الخبر أول مرة قلت شنو هالمصادر ( وبينى وبينكم خفت ) قلت لو طلع صج وين نروح؟ مالنا الا المملكة العزيزة لان احنا اول من راح يحوشنا الطشار والغزو علمنا قعدنا وكلينا هوا واخر شى هاكم 500 دينار قيمة صمودكم ( مو هذا موضوعى) يعنى يا أحمد يا ولد الجار الله فى مبدأ اساسى بالصحافة تدري شنو اهو ؟؟ ( مصداقية الخبر ) يعنى حضرتك اللى كاتبته رأى بصيغة الخبر ما تفهمنى شنو هالتحليل الفنكوشي

وبعدين شنو هالمعلومات القوية والمصادر الخطيرة اللى عندك ( يالله ارزقنا )



Hooters



يعني عندنا القدرة الرهيبة والعجيبة علشان نكون سباقين للفساد لنا لا مو بس لنا لنقله الى غيرنا يعنى يا أخ

( جمال شاهين ) كما نقلت العربية ليش؟

سؤال قلت المطاعم؟ فلوسك الله رزقك اياها علشان تخلى مطاعم الدنيا كلها و تقوم بجلب مطعم فيها شوية حريم عاريات ما هي حكمتك ؟ فرحان بالسبق ؟ وصمة عار على جبهتك وعلى جبهة الكويت

واذا انت مقتنع بفكرة المطعم اتمنى انك تخلى زوجتك وبنتك واختك يشتغلون فيه واهم كانزات الصدر ومرتديات الشورت ( ولو سويتها ) أتمنى ترجع للقاموس وتعرف الكلمة اللى من ثلاثة حروف تطلق على أشكالك


لبنان وفلسطين


الاسلام بنظري دين رقي وحوار و ايضا عدم ذلة ولكن ما يحدث فى عالمنا غريب ( مسلمين يقتلون بعض فى كل انحاء العالم الاسلامي ) الاسلام يتشوه يايدى ابناءه والمشكلة ناس باسم الدين تشوه وناس باسماء أخري معادية للدين تشوهه يعنى خريطة مستقبلنا غائمة جدا

يعني هل معقول الفلسطينيين نسوا عدوهم وانشغلوا بانفسهم وبقتل بعضهم البعض؟

لبنان البلد الذي يحمل بين حدوده العديد من المسلمين هل يعقل أن يكون ما يحدث باسم الاسلام ؟


52 comments:

om-bukhnag-zare said...

صبحك الله بالخير اخيي مشاري :)ا
شوية تعليقات على شوية من كل مكان :)ا
بالنسبة للوزير ولغيره من المسؤولين فاكيد نتمنى لهم التوفيق .. وان شاء الله يكون على قدر من المسؤولية بس ياليت ينفض موظفينه اللي على تحصيل الفواتير :)ا

والنسبة لمصداقية السياسية فوالله مايندري عن الجار الله :) الظاهر والعلم عند الله ان اعروقه تقوت وصارت بالماي بس مو اي ماي !! ماي اموصل ابيايبات ليما البيت الأبيض :)واثريه مو هين الجارالله

اماعن صاحب مطعم الكواعب :) فما اعتقد ان السالفة صج !! ممكن ابلعها في اي ديره بس عندنا وبالخليج بعد !! قوية اشوي :) ايتراوالي ماراح يخسر اكل لأن اربيعنا بيفجون احلوجهم بالكواعب مو بالأكل :)ا
سؤال مشاري .. متى بيحطون جسر ؟؟!! :):)ا

أما عن الأخوة الأعداء فهو جرح كان ومازال ينزف :( ماذا تتوقع عندما يكون النزاع من أجل السلطة والمصالح وليس لشي آخر ؟؟
وياليت نزاعهم اقتصر بين طرفين مختلفين بل امتد الى خلاف في البيت الواحد:( يحضرني الأن حديث لرسول الله صلى الله عليه وسلم قال‏: ‏
سألت الله ثلاثا فأعطاني اثنتين ومنعني واحدة سألته أن لا يظهر على أمتي غيرها فأعطاني وسألته أن لا يهلكها بالسنين فأعطاني وسألته أن لا يجعل بأسها بينها فمنعني

حافظك الله

nEo said...

مشاري


ليش معصب الريال من حر ماله


كيفه


مسويها وصمة عار بجبين الكويت

شدعوة


الله يعين لو يايبهم الكويت جان شسويت ؟



كيفه كيفه


فلوسه ، ان شاء الله حطهم و حرقهم



ليش محتر


ربك بحاسبه

أم النمل said...

gowa mishari

lo00o0ol 9ij efta7aw Hooters in kuwait ??

Dana__23 said...

والله يا مشاري بالنسبة لتوفير الكهرباء ... أنا معاهم لكن لازم ياخذون بعين الإعتبار إنه وقت قطع الكهرباء كلش موملائم !!
يعني إنت راد من الدوام تعبان تبي تنام وتريح .. والكهربا طافيه !!
ليش يقطعونه وقت الظهر وبعز النار ؟؟
عالأقبل قطعوها بليل ..
وأكيد ( من حبنا لها بنوفر لها ) يا كويت :)

وبالنسبة للمطعم ..
صج إفتحوا جذي بالكويت ؟@@؟
وين الرقابه ؟؟

al_tariq2009 said...

بصراحة الوزير العليم وبغض النظر عن الانتماء الحزبي ، رجل أثبت جدارته وتحمل الوزارة بمسؤولية عالية ومثال للوزير التكنوقراط .

ولا ننسى أنه ورث تركة ثقيلة من المشاكل بل المصائب التي تنخر في وزارات الدولة بعمومها ، ووزارة الكهرباء بشكل خاص لمساسها بحياة المواطن مباشرة .


نسأل الله له التوفيق والعون على استكمال مسيرته .

تحياتي

om-bukhnag-zare said...

اخوي مشاري .. خلف الله علي اثاريني آخر من يعلم يقولون والعهده على الرواي ان صج واحد من اعيالنا البرررررره ماخذ وكالة هالبومه العووووووووووبه في الشرق الأوسط @@ همممممممممم انا اذكر بالزمانات من قبل عشر اسنين اظن .. لبست بالغلط كاب عليه هالبومه العووووبه وزفني عمي وشرح لي ليش :)عاد انا ام السان قلت له همم شكلك عااااس عند هالبومه والا اشهوووله هالكاب مرتز اهني ؟؟

بس اقولك شي ولا احد يزعل مني وكلامي مو تعميم على كل البنات

انا من اللي اشوفه الحين من بعض بناتنا في المجمعات وغيره من لبسهم اللي يلبسونه صايرين ألعن من هالبومه الفهره

حافظك الله

DaNDoOoSha said...

كلامك كله صح 100% بس خلني اخذها وحده وحده

الكهرباء
هذي صح الى حد ما ، الرجل قدر يسوي أشياء وايد و أولها التوعية الي قاعد تصير بس حل الأزمة راح يبين بعدين أي بعد الصيف

المصداقية
أصلا مو موجوده و لا راح تنوجد بس شطار في التخرع .. صحافة فالصو

HOOTERS
ويــــــــــــــــــــع هالرجل أصلا ما عنده حس تجاري و لا يفهم في التجاره و اذا جاب هالمطعم مالت على الي بيروح له

لبنان و فلسطين
آه ه ه ه ه ه ه ه ه ه ه ه ه ه ه ه ه
هذا الي أقدر أقوله بس على العرب

امبراطـــورة اشعاري said...

مساك الله بالخير اخوي مشاري..

فعلأ الله يعطيه العافيه ماقصر..

اما موضوع المصداقيه وين عايشين؟؟

يا مشاري مافيه شي الحين اسمه مصداقيه الكل يكتب عشان يجذب القراء بس..

والله يعينا :)

فراوله said...

هلا وغلا بخوي العزيز مشاري
والله يامشاري الواحد تعب وهو يتكلم
ويتذمر بس وين الاصلاح والتعديل؟؟؟
لا حياة لمن تنادي
احنا قلوبنا تعورنا علي الي قاعد يصير
وهم ميتين ويركضون وراء مصالحهم الشخصيه!!!!
الله يرحمنا برحمته...بعد مطاعم من هالنوع
لا علينا السلام...البنات بدون شي صايرين ماينقدرون..وفاصخين الحي بالمره..؟؟؟؟
ولبنان وفلسطين الله يكون بعونهم...الوقت اللي بيصحون فيه العرب بكون مابقي بلبنان ولا فلسطين
أي بني ادم
دمت باحترام دائم
:)

AuThoress said...

عادي مشاري :)
دع الخلق للخـــالق

charisma said...

انت هد اعصابك
بس مشارى
فلت العيار على قولتهم
كل شى فلت من ايدنا الحين
الحين سلمك الله تعرف الدميه ام خيوط الى يحركونها من فوق واتحرك!!

خبرتها

احنا جذى صرنا
وشوف عاد من يحركنا
ترى مو ايد وحده الى تحركنا
لالالا نتحذف بالدور يا شباب
:/

بكل نواحى الحياة
بالديره وخارج الديره
الله كريم سبحانه

mtfa2el said...

و الله عن العليم يعني اللي مسوينه بالوزارة لي الحين زين و الله يوفقهم
بس لي الحين الصيف ما خلص و الأزمة ما خلصت فأعتقد الحكم عليه سابق لأوانه
و هوترز
خاربة خاربة اهي وقفت على مطعم
بس اللي معاه فلوس محيره يجيب حمام و يطيره !!
الريال مو عارف شيسوي بفلوسه
و حماس و فتح
الصراحة خل يولون و حسابهم عند ربي عسر

kila ma6goog said...

nice pos6

dont play boy said...

MISHARI

تدري انك خليتني استغنى عن الجرايد واخذ اهم الاخبار من بلوقك مع الشرح
انشالله نشوفك رئيس تحرير اصدق مجله بالعالم

تستاهل

Q8DOLL said...

ماشالله عليك مشاري عشر تعش سالفه ببوست واحد
تصدق احب ارد عليك بس لازم افضي روحي عدل عدل عشان ارد عليك وأحلل كل موضوع
المهم
سالفة الوزير العليم والله ياخوي اظن أزمه الكهرباء المفروض ماتكون ولا تصير في ديرتنا اللي يقولون تعاني من تضخم بالميزانيه لو يخففون بوق شوي صدقني والله الكهربا تلحق
خلونا واقعيين احنا بديره نار وحاره شلون بالله بخفف من الساعه 1 الى سبع المكيفات والكهربا ؟؟ الحين لما نرد من دوامنا شسوي بالمكيف اقعد اطالعها واقضب المهفه عشان بنوفر لها ؟؟
انا معاك ان في ناس بطرانه تلاقي تصرف كهربا بدون حساب لكن والله اغلبيتنا من الحر والقته ما نستغنى عن المكيفات واذا عالكهربا شوف مجمع الافينيوز تالي الليل لما يسكر شوف الكشافات والدنيا والاضاءه خووو ليش ؟؟
وعن مصداقيه اعلامنا بكبره مالي خلقهم صراحه صايره اخبارهم نفس اخبار برجك اليوم ولا شي منها صحيح
المطعم .. اخوي ترى عادي هالاشكال تلاقي مرته وبنته مستعدين يقصون الشريط واهما لابسين شورت يعني ليش لأ ؟؟ دام اهوه جذي عيل اهله شلون ؟ الله يهديه بس واذا ما هداه ربنا يهده بأه هوه احنا ناقصين 3 أحرف من اشكاله

اييييي اللي بره يتفرجون عالمسلمين واهما ياكلون بعض ولاهين عن العدو الرئيسي وعلى قولت عبدالحسين عبدالرضا خل يتكافخون ليمن يظل منهم اثنين وبعدين نروح نفاججهم
اقول !! جنه صار ردي اكبر من بوستك ؟

The Voice Within said...

genuine as ever!


news shagagiya


ma 3alina ta3ligi bs 3ala el last part ..


libnan o falas6een ..

kil illa agdar agola ina "THEY FELL FOR THE GAME "

خالد said...

الله يبشرك بالخير

ونّستني على خبر
Hooters

و عقبال فرع الكويت ان شاء الله

ZoZOta said...

صبحك الله بالخير مشاري

والله ما ادري شقول لك غير صح لسانك
يعني الله على هالخنبقه
من كل مكان وكل صوب وكل ناحية
وين ما تتلفت الحال مو مضبوط

بس تدري
الواحد ياخذ الخبار منك احسن وايد من الجرايد
:)

يعطيك العافية

بوغازي said...

أما عن موضوع الكهرباء... فبيض الله ويه الوزير العليم ومن معه من الجنود المجهولين بالوزارة
.
وأما عن موضوع المطعم (إياه) فالله يسود ويه راعيه
.
وأما عن جريدة السياسة فالله العالم أن الجماعة عندهم حساسية من المصداقية... ويبدو أن هذا المرض مستعصي عندهم من زمان
.
وأما عن فلسطين ولبنان... فالله يرفع عنهم ولا يبلانا
.
وكثر الله خيرك وبارك الله فيك:)

What Will Be , Will Be .. said...

جريده السياسه لما توفى الله يرحمه بورقبه كاتبين ان سوف يعمل عمليه
وصحته زينه

الريال توفى

كلش ماكو مصداقيه

راعيها said...

السياسه عندها ثار مع سوريا و ايران ... كل يوم لازم خبر عنهم ... او اشاعه

امريكا ما راح تضرب ايران ... ايران عمرها ما حاربت الغرب فعليا ... حروبهم دايما مع العرب

a7La eNG said...

HOOTERS !

@@

من الحين قووله راح اكسر درااايشهم

بيمع الحصى ترى

شنو اللي فلوسه و كيفه
!

اذا فتحه بسرداب بيتهم و فكنا من هالبشاعة ما نقول له شي

بس دام انها مو ديرة ابوه و لا شروها

لا والله .. يستريح و يتم يقص تذكرة يروح المطعم و يفكناااا

يا حليله والله .. عجب

Ni3Na3aH said...

ohma lo ykhaloon el deen b7ala o yastakhdemoon mokh'hom o yshoofon shino nateejat af3alhom hathy... bs shnsawee.. the world is going CRaZy o awalhom el 3arab;/
nice post

Fahad Al Askr said...

الحين الفيلم بالكهرباء السليتر اللي حاطينه بالتلفزيون، ماتدري تتابع المسلسل وإلا شريط السوق وإلا سليتر
الكهربا

وبعدين صاحبنا مال هوترز ما سوت عليه، هذا (اب) يفتتح بدببي، وشقيتوه تعليقات، لو بيفتح بالمارينا اشبتسون، مظاهرة

الجارالله ووضع فلسطين لا تعليق

Fahad Al Askr said...
This comment has been removed by the author.
Mishari said...

om-bukhnag-zare : الوزير هذى مشكلته لو فراش اخطأ اهو يتحاسب يعنى المسألة مسألة مسؤولية على كاهل الوزير هذا بخصوص الناس اللى ما تاخذ وتحصل الفواتير

اما الجارالله فالريال يدور له شغلة يبيع فيها جريدته فى ظل التزاحم الموجود

Mishari said...

nEo : صح فلوسه
والله يحاسبه
هذا ما اختلفنا عليه بس هذا كله لو بحالة ان قاعد يضر نفسه بروحه
قاعد بداره يشرب خمر
مواعد بنغالية
يطق اصبع
كيفه
بس لما ينقل الضرر بفلوسه حق الاخرين هذا العيب والغلط وتجاوز الحرية

Mishari said...

أم النمل its in dubai dear ahnee ashwa we have altabtabe jan 3afs aldnya 3leehom

thank you

Mishari said...

Dana__23 : اولا المطعم مو بالكويت ولو بالكويت بيتكسر على راس راعية انشاء الله
بس المطعم بدبى

ثانيا القطع المفروض تطلعون من الوزارة تسكرون ليتات الوزارة ويخف الضغط علشان تستمتعون ببرودة التكييف

Mishari said...

al_tariq2009 sai: اشكرك اخوى الطارق وفعلا حمل هم ومشاكل وتركة ثقيلة جدا والحمدالله ونتمنى له الخير لما فيه صالح البلد

اشكرك اخى الكريم

Mishari said...

om-bukhnag-zare : والله البنات اللى قاعدين يلبسونه لو يدرون لبسهم من يلبسه برة جان يستحون على ويوهم وما يلبسونه

Mishari said...

DaNDoOoSha : المشكلة ان فى ناس وايد راح تركض وراه وعلشان الموضة راح يروحون المطعم الله يعين هالناس على عمرهم

Mishari said...

امبراطـــورة اشعاري : ما اتفق معاج والدليل ان جريدته محد يقراها

Mishari said...

فراوله : والله صدقتى البنات الحين ما يبيلهم طار علشان يرقصون

عادى صار كل شى

Mishari said...

AuThoress : الخلق للخالق فما يضرون انفسهم
ولكن بالغير يجب ايقافهم

وانصر اخاك ظالما او مظلوما

وان كنت لا تعتقدين بهذا الحديث

فمن واجب من يشاطرك المواطنة الخوف عليه من الخطأ الفادح

Mishari said...

charisma : لان احنا بكل بساطة ضعاف ومع الاسف ما عندنا القوة علشان نجابه الناس

Mishari said...

mtfa2el : العليم انشاء الله يوفقه اذا هالشى بصالح الناس

واذا فلوسه مو عارف شيسوى فيها يعطيها حق الفقارة ابرك له

Mishari said...

kila ma6goog :TNX

Mishari said...

dont play boy : حبيب يا اخوى وما تقصر
مشكور

Mishari said...

Q8DOLL : اخذى راحتج :)
بس الحين المشكلة موجودة وزين الريال الحمدالله حلها او قاعد يحاول يحلها

واذا على قولتج يخلى مرته وبنته يقصون الشريط هذا لا بالله يكون منتهى

والله يستر عليه وقبله علينا

Kuw_Son said...

العليم .. ضرب أبلغ الأمثلة في التفاني و العمل من أجل الكويت .. ياليت وزراءنا الباقين يصيرون مثله !!

الخبر هذا ما أدري منين يايبه الحبيب الجارالله !!

الحمدلله مر شهرين و احنا بخير الله يتمم علينا !!

Hooters

قريته في مدونة الأخت حروف
http://www.7rouf.com/?p=223

والله عيب فشلنا الله لا يبارج فيه !!

لبنان وفلسطين ..

أنا اتجهت إلى الإسلام في بلد ..
وجدته كالطير مقصوصا جناحاه !!

Mishari said...

The Voice Within i totaly agree

Mishari said...

خالد : اذا من صجك عيل لا تنسى تاخذ المدام علشان من تخز تشوف ياك شى ما شفته

Mishari said...

ZoZOta : ما راح يظل الوضع نفس ما اهو بس لازم الواحد ينطر شوي والله كريم

Mishari said...

بوغازي : والله ياخوى على سالفة المطعم الواحد يقول الله يعينه على نفسه ويهديه

Mishari said...

What Will Be , Will Be .. لازم يشوفون صرفة بعمرهم والا يروحون ملح

Mishari said...

راعيها اتفق مع تحليلك ولكن المعطيات تشير الى تغيير جديد بالسياسة الايرانية

Mishari said...

a7La eNG : عفية عليج وهذا العشم باش مهندسة صممى دبابة نهدم فيها المطعم:)

Mishari said...

Ni3Na3aH اى والله the word going crazy 7ada b3d

Mishari said...

Fahad Al Askr : السليتر حده يمعود احس لو عنده عيون بتطلع من مكانها

التعليقات على المطعم علشان يعرف ان الناس رافضة هالفكرة الغبية

Dana__23 said...

أشوه إنه مو بالكويت الحمدلله ..
الله يحفظ ديرتنا يارب ويحميها ويحمي شعبها

Dynamic Deeds said...

- Hooters-
Hoo nawee yefta7a laken shkleh m Mabyft7 l2neh el nation is aganist it!!!


http://archive.gulfnews.com/articles/07/06/27/10135209.html

it is not registered, and it is not going to be regsitered at the Department of Economic Development (DED) ;)