الطموح و العمل والمثابرة والالتزام وقليل من المشاغبة تكون الحياة ناجحة

Saturday, June 09, 2007


تحديث

الحمدالله على سلامتى

ـــــــــــــــــــــــــــــــــــــــــــــــــــــــــــــ
مايكل الكويتي؟؟؟
وكله سلف ودين ؟؟



صور تتكلم عن حالنا
يعنى استغرب فى بلد ميزاينته

بحسبة بسيطة تتجاوز فيها الايرادات على المصروفات يعنى البلد غنى ؟
ليش المواطن يصير فيه هالشئ
الاجابة

انا التجار والشركات وقبلها
الزيف الاجتماعي وحب الظهور بأننا كشخة بس علشان ما ينقال عنا ان ما عندنا فلوس كلها اسباب اجتماعية سخيفة
خلت الناس تتكلم بوقاحة عن امور تافهة لا تحتاج انها تكون موجودة اساسا فى مجتمعنا


ليش القرض اذا ما راح تشتري فيه بيت ؟ او انك تقترض لحاجة ملحة ؟

علشان كمالية اجتماعية
شنو العيب ان اقول ما عندى فلوس؟
يوم ابوى توفى ما ورثنا الا شئ بسيط جدا
ولى اليوم افتخر بهالشئ لان يمكن عطانى دافع اكون نفسى واعرف معنى الفلس
بطلوا عنطزة وعيشوا واقعكم لا باجر نصكم محذفين بالسجن ( رجال ونساء) صح ؟






الصراحة ضحكنى ( بوفهد) لان بوفهد اهو من دزلى الصورة وقال المشرى ابيك تحط هالصورة فى البلوق وبو فهد ما ينرد لان حبيب

والصراحة معاه حق
مايكل الكويت
او
مايكل الهدهود
المزيون
شفيه؟
عسى ما شر يا نظر عينى؟
من مزعلك
من شرى شريطك اصلا؟
واللى يحر
لو مقلد مايكل بفلوسه
بشهرته
جان زين
بس ما اقول الا
بليييييه بليييييييه
( ومايكل معلش يا اخى فى الانسانية سامحه ترى الولد متولع ) وسمعنا بالبحرين نحجزه تذكرة ونخليه يزورك
وبعدين شوفوا لوكاته الجديدة
شوفه





68 comments:

What Will Be , Will Be .. said...
This comment has been removed by the author.
What Will Be , Will Be .. said...

مساك الله بالخير مشاري

هذي مشكلة الكويتين الازليه

كل شي فيه تكلف الحين كل شي كلللللللل شي

تعبنا والله العظيم من هالمظاهر

حسام بن ضرار said...

و شفيه الاخ مايكل الهدهود؟

إنعدمت القدوات؟؟ ولا خلصت النماذج من السوق؟

ما بقى إلا مايكل جاكسون؟


هذا احد يتشبه فيه؟



راحت المراجيل بهالزمن

AliMorning said...

مشاري,,, حمدالله على سلامتك
بالنسبة للديون , للأسف التجار يشعون عليها.

tweety said...

انا معاك القروض صارت حق كل شي مع ان المفروض اتكون للضرورة وللاسف محد عنده حسن تدبير لفلوسه لو تقول حق احد حاول اتيمع بينبهر ويقولك اشدعوه فيلم عربي وبحوش حق الشقة ! اي اتوقع راح ايينا هاليوم


الاخ الهدهود صج محيرني مسكين
ليش هالكثر ميك اب وفاونديشن !!؟ يعني مو القبيح او الشين عشان يخفي معالم ويهه واييب حق روحه الحجي

Q8LoVeR said...

شفيه زعلان مايكل الهدهود ؟
صج اسمه جذي ؟
وليش عايش الدور ؟
عسى ماشر الناس مستخفه ولا انا مضيع ؟

طائر بلا وطن said...

صباح الخير

هذي دورة المواطن الكويتي بالطبيعة

بس وين حلقة "رد الدين و السلف" بهالدورة؟؟
:p

Kuw_Son said...

الحمد لله الذي عافانا مما ابتلاه به وفضلنا على كثير ممن خلق تفضيلا !!

شوف مستوى التفكير عند البعض وين وصل !!

قرض علشان يشتري سيارة و لا يسافر ولا علشان يعبي بوكه بويزات !!

ما أقول إلا الحمد لله على العقل !!

وهذا المسخ المسكين شفيه !!؟

والله انك يبتها يييييب .. منو شرى شريطه أصلا !!؟

KQ8 said...

الحمدلله على السلامه مشاري..
==
بخصوص القروض والتفخفخ الزايد..المشكله لو تبي تفكر فيها ترى هاذي شغلة قدر تقول توها يديده علينا قبل مايمنع ان تكون على قد حالك وتقتنع باللي الله رازقك اياه ..والنسا ماتنظر حق هالامور التافهه..الحين صار الآدمي اللي عنده فلوس هو السنع واللي على قد حاله هو اللي موصاحي وفيه بلا..

الفشخره الكذابة بلاء علينا..والمشكله انه فيه ناس تموت على هالبلا

==
بخصوص المردم..الهدهود..ترى مو لله مسوي هالشكل..المشكله ان فيه عقليات علباله ان النساء اذا شافت المظهر غيبت وانجبرت..هذول التوافه من العوام..مايدري ان الحريم..السنعيين ياخذون المخابر مو المناظر

Abdulla Al Ameri said...

مرحبا و سهلا

سيدي الكريم

بخصوص الهدهود هو لا يمثل الكويت بل يمثل الخليج بأكمله

الله يهديه ان شاء الله

ماعندي غير هالكلمة

Anonymous said...

الحمدالله علي السلامه ..الصراحه معاك حق ابسالفه المظاهر .. والمشكله انها قاعده تزيد .. انا كل مارد الكويت القاهم طالعين ابشي يديد .. ماقول الا الله يعينهم والله..

الصريح said...

تسلم على اخلاقك يا مشاري
والطلب لبيته
لا تقاطع
وبالمناسبه عبدالقادر الهدهود
ما يمثل شباب الكويت
لأنه مصري
بس امه كويتيه

Mohammad Al-Yousifi said...

بس صراحة الهدهود مزيون و حلو و صوته جميل و عنده اغنية قديمة نسيتها بس حلوة

ام الحفيز said...

مشاري

الاوليين قالوها (مِدِّ رْجُولِكْ عَلَى قَدرْ الحافك)...و(مَقْرُودْ وتْدَوّرْ القَرَادَهْ)وش الي حادك على المر بس علشان الناس تقول عنك كشخه بالمظهر ياربي المخبر شالدنيا فيه اشوف محد التفت له...يا عالم ياناس اخر العمر جفن وارض من الحكومه وماينفع الا العمل الصالح مو السيارات والمزماط والتكشخه على غير معنى وعلى حساب الكرامه
الديون على قولة المثل الدين عمات عين والدين مثل شْجَرَةْ شَرِي تَسْقِيهَا الْحلُو وتْزِيدكْ مَرَارْ والشكوووووواه لله


وبعدين قدور الهدهود اشفيه بعــــــد يا ربي ان ابتليتوا فاستتروا....وش هالعبوا المشوطر مسرع ما نقزت على مايكل جاكسون وينك عن عوض دوخي الله يرحمه يازين صوته ويازين الطرب الي يجي منه مو مايكل خلوووه وقطع

Shaima'a Alkandari said...

هذي حال ديرتنا للاسف المظاهر صارت فوق كل شي وقبل كل شي مومهم جم بتقط وعلى حساب شنو المهم تكشخ وتسوي نفسك شي وانت بالاساس شخص ثاني على كشخته ورزته تلقاه متسلف ومديون لي الراس ا


انزين ليش مد ريولك على قد لحافك

المعاش اول الشهر خالص وحدك مفلس انزين ليش هالتفلسف الزايد ليش على اي شي سخيف تاخذ قرض ولا تتدين من فلان وعلان




ذكرتنى بوحده وياي بالدوام تقول ماعندي وماعندي واليهال وكله تسحب من الماستر والفيزا ومعاشها كله يروووح ويقصونه اول ماينزل

فسألتها ذاك اليوم على شنو تفسفسين بيزاتج جان تقولي رحت شريتلي ملابس ماعندي وشريتلي اغراض والعاب حق اليهال جان اقول لها ليش موضروري كل شوي شاريه صبري


ونصيحتى كسريهم وكنسليهم





وذاك اليوم يايتنى وتقولى ترى كنسلتهم وسددت كل اللى على وخلاص




استانست لها وامس يايتنى وتقولى ببطلع شهادة راتب اقول هلا ليش تقولى بشتريلي همر الي وبسافر وعشان جذي باخذ قرض







يعني ليش هذا كله مادرى صج بطت جبدي وقلت لها انتى وحده مينونه وريلج مطاوعج لانه مثلج يهتم بالمظاهر









مادري لي متى بنتم مهتمين باشياء مالها داعي او معنى





وبالنسبه لمايكل الكويت فهذا التطور ومواكبة الموض




قواك الله ياخوي

Aldenya said...

في البداية الحمدلله على سلامتك ,, عسى ماشر !!

وعلى صورة الكاريكاتير يبتها رايت
اي والله هذي حالة المواطن ألحين
والقروض
قله قليله اللى ما خذوا قرض
أعرف وحدة " زميلة بالعمل والكلية سابقا "
أول ما توظفت على طول قرض وخذت موتر آخر موديل وسعره بالهاي هاي
المشكلة تدري وين
مو فيها
بأهلها اللى أقنعوها بأخذ قرض
بأبوها اللى قالها اي اخذيلج قرض واعتمدي على نفسج

يا حلو البساطة والقناعة

برايي ان القرض للناس المحتاجة مو للبهرجة والتفلسف

ما اقول الا الحمدلله الذي عافانا مما ابتلاهم به

om-bukhnag-zare :) said...

مساك الله بالخير اخوي مشاري والحمدلله على السلامة :)ا

اقول : ما ينفع إمنتف كثر العنطزة والتفشخر ... مسكين لحط راسه براس الهوامير
وده بالماركات والسيارة والسفر ... ما يهمه ان خذاها بقرض او تسلفها من راجو او منير !!ا
عايشن بين اقساط وهم دين يكسر الظهر ... شهره يروح بين الف حسبة وتفكير

باختصار شللي حادكم ؟؟ اللي معندووووش ما يلزمووووش

عيون الحب said...

هذي مب مشكلة الكويتين بس ..
اعتقد هالمشكلة مشكلة الخليج ككل ..
مايقدرون يخلون المعاش لين اخر الشهر ابدا :|

Anonymous said...

مشكور وايد وايد
مشارى: اللحين ارتحت

البارحه
ماغمضت لي عين من المغثثثثثه

اهم شى انه عرف غلطته
واعتذر
حق
بنت الشاميه
وشال بوستاته
مره ثاتيه مشكور

طائر بلا وطن said...

سوري

الكبر شين

توني أثبت ان سلف لأول الشهر

يالله حسن الخاتمة
:)

White Wings said...

كلنا عايشين أعلى من مستوانا
الله يخلي الفيزا
:)

Almas said...

إيه والله صاج يا وخيي

ليش ؟ .. الواحد مومضطر لهالسوالف ترى الناس .. بس تروح بيتها تنسى شصار .. هذا شعنده .. والثاني شسوى .. ترى بس لحظتها

وعلى شنو هذا كله؟؟

وعلى قولة المثل : إلي ما عندوش ما يلزموش

الهدهود .. يحليله .. لاحظ السمتة .. عجيب .. عايش الدور ... عادي عادي .. عطوا فرصة

يستاهل

أصلا هالبرنامج فاشل

عيزنا وإحنا نطلع بما يسمى فنانين

يعني ما كو شغلة غير الفن

الناس وين وصلت برة .. وإحنا بعدنا على آه .. ويا ليل وياعين

قاعد يوجهون الشباب في الإتجاه المعاكس

حتى سئلوا قناة الزجيرة ممكن تدليكم الطريج

عاد الزجيرة مو خوش

لعيونك أرحم

Chai-7aleeb said...

عسى يعرف يرقص مثل مايكل؟

Anonymous said...

ياي مشتط و بكتب رد..


بس ما قدرت صراحة! مافيني شده .. أعصابي ما تستحمل و الطبيب مانعني أتكلم عن الهدهود


الله يهدي الجميع :)

7osen said...

والله ضحكتني مشاري على مايكل الهدهود

زين تسوي فيه

:)

ReLaaaX said...

والله آنه مره سمعت كلمة بمسلسل مصري وصراحه استانست عليها مع اني ماحب اتسلف والدين عماة عين وآنه اختك



المثل المصري يقول :

اللي مامعوش مايلزموش


فعلاً لو نفكر بهالمبدأ راح نكون قنوعين شوي .. يعني ليمتى كل شي نبيه نشتريه ؟ وبعدين صار عندنا .. بس خلاص ملينه منه وبس هذي حالتنا



لاوالله ماأأيد ان الواحد يتسلف عشان اي شي ثانوي

بنت الكويت said...

حمدالله على سلامتك

وبالنسبة للقروض
الناس صارت كلها مظاهر في مظاهر

وغريبه اذا في كويتي بدون قرض


ومايكل الهدهود
لو مشبهه نفسة بواحد ثاني احسن له

أبو إسحق said...

الكماليات صارت اساسيات و المستفيدين بس اللي روجوا لهالثقافه

شكرا مشاري

بوغازي said...

الأقصاد والقروض والنفخة الكدابة والعنطزة صارت جزء من الحياة الإجتماعية ومكون رئيسي من مكونات الشخصية الكويتية... وأنا سمعت والله أعلم إنهم صارو يجيكون على توفر هالمقومات في الشخص قبل لا يمنحونة الجنسية الكويتية... يلا هي ياية على هالسالفة.. خلها على الله يالمشري:)
.
أما صاحبنا بوهدهود وربعة، فالشرهة مو عليهم، الشرهة على هالفضائيات ومحطات الغناء والصحافة الفنية إلى رازينهم بمناسبة وبدون مناسبة... وعلى شنو؟؟!! ما أدري
.
الحمد لله على سلامتك يالحبيب:)

QiYaDiYa said...

تدري شنو المشكلة بالقروض ..
ان الشباب المساكين اهم الي قاعدين ياخذون القروض و يتوهقون بعدين ..

و يتمنون ان قبل لا ياخذون القرض انه احد نبههم و قالهم شنو وضعه راح يصير بعدين !!

وايد من ربع اخوي بالدوام يشتكون عنده يقولون ما سويت علينا هالقرض اول ما اشتغلوا خذوا قرض و شروا احسن سيارة والحين تحسفوا !!


و ابوي دايما يقول ياخذون قرض و بعدين يقعدون يشتغلون صبح و ليل و ان شاء الله طول اليوم بالدوام بس عشان يسدد القرض الي عليه !

و القرض يكون عشان شنو !!
عشان سيارة و كشخة و وناسة ..
مو شي اهم صج محتاجينه !


و الهدهود !
مادري منو قاص عليه و قال عنه حلو !!
الله يهديه..

charisma said...

الحمدالله على سلامتك
:)

الصوره معبره جدا جدا
مشكله هالاوادم
وعسى ماشر الهدهوود
بروحى ما ابلعه من اول
ليش هالتهول لييييش
استغفر الله يا ربى
الله لا يبلينا
مأسااه

SAJA.S said...

شوف سالفة نص الشهر والمعاش خالص .. هذه السالفة شكثر سويتها .. وكل اقول الله يعافي ابونا يعطيني .. وبعدها لاعت جبدي ما يصير جذي كل مفلسه .. وبعد ما رتبت ونظمت الحمد الله ارتحت وااايد

ووسالفة مايكل الهدهود ياحليله ما قى الا مايكل جاكسون انا من شفته في برنامجه البوم لاعت جبدي .ز الكبوس العوي اللي كان لابسه ضحكت عليه ضحك
يحليله مصدق نفسه

Catism القطويّة said...

حمدا لله على السلامة.

يبدو أننا نحتاج إلى حملة توعوية لمكافحة الركون إلى المظهر دون المخبر.

جزاك الله كل خير.

Anonymous said...

أستاذ مشاري

وأقول استاذ لانك استاذ بمعنى الكلمة
بالتعامل والرقي فى الطرح وتقبل الفكر الاخر استاذي الكريم احب ان اقف لك احتراما وذلك لاحساسى بكل ما تكتب وبأن لك خطا مختلف تماما عن كل ما يدار ويقال فى الشارع فعلا انت صاحب فكر نير وخلاصة لشخص مثقف ومتعلم وعالى الاخلاق
قرأت ما يقارب 70 مقالة لك على مدار 3 ايام
وجميعها تصب فى جانب واحد بأنك انسان خلوق وطيب وقوي وهى صفات ندر ما تجتمع بشخص
ناهيك عن الثقافة والرقى بالرد
فعلا اتمنى ان ارى ابناء الكويت جميعهم على شاكلتك فى التفكير

لفت نظرى مقولة قلتها وتكررها عديدا بأننا بشر نخطأ والذكي من يصلح الخطأ فى المستقبل فهى دليل كامل لموضوعيتك بالطرح

اشكر تفكيرك واشكر مدونتك التى تضيف الى العقل السمو

مدون كويتى قديم جدا

Unknown said...

What Will Be , Will Be :لان ما عندنا ايمان بالبساطة وكل واحد فينا يحسب نفسه ملك العالم
والعالم اصلا يضحك علينا

Unknown said...

حسام بن ضرار : مايكل الهدهود طالع طلعه الله يهديه شكله فيلم الصراحة

Unknown said...

BoHSaiN : التجار من حقهم يسوقون حق بضاعتخم بس المخدى اللى يشترى وين عقله

Unknown said...

tweety : انتى وينج مختفيه

يبى يحركم يقول انا احلى من البنات الظاهر :P
بس صدقينى لو الناس مو تيمع بس تقتصد يعنى خل يشترون بس يشترون شى يسوى مو بس ضايعه الفلوس على الكماليات ؟؟

Unknown said...

Q8LoVeR : كلنا مضيعين يا عزيزى
وحالتنا بالويل
واسمه عبدالقادر الهدهود :)

تحياتى لك

Unknown said...

طائر بلا وطن : اهو كل يسوه بحياته الطبيعية سلف ودين ماكو
فايدة فيهم :))

Unknown said...

Kuw_Son : المشكلة يا عزيزى انا مع ان الواحد ياخذ قرض حق بيت
بس
سيارة لو كان ما عندك سيارة
بس بهالصورة اللى تصير
الصراحة الواحد اللى يشوفه يشيب منه الراس

مشكور يا بو وليد على تعليقك

Unknown said...

Krakatoa : تصدق بما ان احنا بموسم صيف شوف التفخفخ الكذاب وين؟
بالسفر
بالشتا الحريم يبدون بهدوم العيد
وشئ يضحك فعلا من قلب
مجتمع عايش على القشرة
وبلوتنا بلوة والله يا كراكاتوا

Unknown said...

الأستاذ بلاليط : الله يهدى الجميع وفعلا هو يمثل الخليج

يا احلى صحن احب اكله :))

Unknown said...

أم النمل : بما انج تدرسين برة
شوفى الناس عندج شنو تسوق الناس وشنو تلبس واهنى شنو تلبس المشكلة ان لو اللبس
محترم جان زين بس فى لبس ما يلبسونه حتى الحمدالله والشكر اللى شلون صايرين يلبسونه اهنى

Unknown said...

dont play boy : ما تقصر وفعلا بيضت الويه واثبت ان اخلاقك عاليه

Unknown said...

kila ma6goog : مدام مزيون وحلو

شكله راح فيها الولد منك :))

وبعد تسمعله

لا اسمحلى يا بو سلمى

Unknown said...

ام الحفيز : حكيمة يا ام الحفيز بس شتفهمين ؟؟
المخبر ما يبونه ويبون التزز
والتعطنز والتعكف بالمجمعات

Unknown said...

Shaima'a Alkandari : الموضة كسرت ظهور الابهات
انا ما عندى مشكلة لما تكون الالتزامات تعليم
بيت
امور لها اهمية
بس اللى قاعد يصير عندنا
الله يعين

ورفيجتج مسكينة الظاهر تبى تفرح عيالها ومو عارفة

Unknown said...

Aldenya : يعنى اذا السيارة حاجة اوكى
بس اذا بس حق مظاهر وتفشخر لا المفروض ما تكون بهالصورة

والله يعين الجميع

Unknown said...

Delete
om-bukhnag-zare : صح اللى ما عندوش ما يلزموش :))

والحمدالله ان الواحد قاط فلوسه بشى يسوى

Unknown said...

عيون الحب : هذا اهو الفكر الرأسمالى يخلى الواحد بس عايش على السلف والدين

Unknown said...

Anonymous : عرفتك الشعم بدون ما تكتب اسمك :))

حاضرين للطيبين امثالكم والشكر موصول حق
dont play boy

Unknown said...

طائر بلا وطن: تمون يا اخوى تمون اخذ راحتك على الاخر

Unknown said...

White Wings : يا هالفيزا اللى تكسر الظهر

امنيتى ان ما عندى ولا بطاقة فيزا
عند ى 3 من ثلاث بنوك مختلفة

Unknown said...

Almas : خليه يتسمت مسكين على المكياج اللى حاطه

الله يعين الماس

Unknown said...

Chai-7aleeb : جان زين يعرف
تبى اعلمك رجعة مايكل :))

Unknown said...

moayad : الله يشافيك :)
ويهدينا اجمعين :)

Unknown said...

7osen : شنسوى يا اخى من الحرة متنا وتعبنا واحنا نشوف هالاشكال

Unknown said...

ReLaaaX : هذا بالتسويق
شطارة الشركات خلت المنتجات تصير حاجة اكثر من ما اهيا كمالية

Unknown said...

بنت الكويت: ما لقه احد يشبه نفسه فيه
وفعلا انا اقول خل الناس تقترض بس لازم على امور مهمة
تعليم
بيت
امور لها حاجة مو المصخرة اللى صايرة

Unknown said...

أبو إسحق ": وكلامك صحيح
وهذى شطارة التسويق بالشركات

Unknown said...

بوغازي : الله يسلمك يا بو غازى
بس اذا هذى مقومات الجنسية الكويتية
عيل لا بالله رحنا ملح

والله يرحم حالنا

Unknown said...

QiYaDiYa : اللى ياخذ قرض علشان لعب وبدون حاجة فعلية هذا انسان ما عنده سالفة الصراحة
ولعب على الفاضى
وفعلا جان زين في احد ينبه الشباب قبل لا يقترضون

تحياتى لج

Unknown said...

charisma : خلاص اذا ما تبلعينه الصورة اهداء منى لج :)))

بس الواحد شيقول غير خليها على ربج

Unknown said...

Smile : والله عفيه عليج اشوة انج ضبطتى امورج لان فعلا لازم الواحد يضبط الميزانية
والدنيا لوووووووووية

Unknown said...

Catism : نحتاج الى نفضة اعلامية وتوعية تجعل الشخص يعى ما معنى النقود

Unknown said...

Anonymous : او مدون كويتى قديم جدا

اولا لا اعرف ما ارد واقول ولكن اخلجتنى كلماتك ويشرفنى ان تكون مدونتى البسيطة نالت اعجابك الى هذه الدرجة ولكن صدقنى انى احاول ان انقل طبيعتى لا اكثر ولا اقل
مشكور ويعطيك العافية

layal said...

بس مرور وسط زحمه ولويه الامتحانات
ابشرك مشاري مايكل يننوه الصحفيين ويوقول طلع من البحرين
ما ندري عنه
يعني المسيكين خله يدوره مكان ثاني
وان كان علي المظاهر
تره عندنا وعندكم خير
المخبه خالي والسياره واخر موديل والبيت يصفر