**تحديث أسفل الصفحة**
حوار بين والدتين
أم خالد : شللي يصير لج يا أم راشد ليش السواد
ام راشد : شسوى يا ام خالد عيالي كلهم نسوني ولهو بالدنيا و أنتِ مثل ما انت شايفة حالتى صعبة مع ان عندي خير من الله
أم خالد: غريب اللى يحصلج مع اني تزوجت اكثر من 7 رياييل وكل واحد منه عندى اكثر من ولد الا انهم كلهم على قلب واحد وما تصير بينهم الا امور بسيطة
أم راشد: عيالج يا ام خالد واعين بينهم العقل وميزانهم عملهم بين بعض وعليه يتفاهمون
ام خالد : وانتى عيالج شفيهم ؟
ام راشد : عيالي كل واحد بوادى اللى صاير متطرف بافكاره واللى يبى يصير تاجر واللى شط بمخه ويحسب العالم كلهم متخلفين اللى حتى انا امه يقولى يا تقطين العباية يا ما اصير ولدج
ام خالد: هو هو وهذا ما يستحى وين عادتنا وتقاليدنا شلون يقول هالحجى
تصدقين انا عيالى غير عنج اثنين منهم كانوا ممثلين ويوم اشتهوا يصيرون سياسين صاروا باعلى المراكز
وشوفى هذى
ام راشد : هذا اللى اقولج اياه يا ام خالد وانتي عيالج الحمر والاسمر ومن كل وادى لون الا انى ما اشوف فيهم هالسوايا
هذا الحوار بطريقة مبسطة يعبر عن الكويت وأمريكا
بكل بساطة أمريكا قامت على مهاجرين من الظلم والجوع يعنى بالمفهوم الكويتي ( الهيلق) اللى هلكوا من الظلم الموجود فى اوربا وأقاموا أقوي دولة بعد المحيط
والكويت التي يشترك ابناءها بالعديد من الخصال ولا يتجاوزون نصف بالمائة من عدد سكان الولايات المتحدة يتشاطرون الصراع والضرب ما فوق الحزام وتحت الحزام ضمن صراع مرير
الميزان موجود
(( لا فرق بين أعجمى واعرابي الا بالتقوي))
أما الجماعات التي تسعى دائما لوأد الفكر المقابل و فقط القول انه متخلف ومتحجر ورجعي و في نفس الوقت ينادي بالحرية كيف لا أدري
ميزان العمل والعطاء هو الميزان الصحيح اما ميزان النظرة الدونية والاعتقاد ان بلد لا تتجاوز مساحته 18 الف كيلو متر حكرا على أحد نظرة غبية ودونية فالكل مسؤول عليه واجبات وله حقوق
ــــــــــــــــــــــــــــــــــــ
ما يحدث من اعتقال من قبل امن الدولة هو أمر مرفوض قطعيا للاخوان بشار وجاسم ومهما كان ما تم لا يجب ان يكون بالصورة التى ذكروها الكويت بلد الحرية والعطاء ولم تبخل يوم على ابناءها قيد انملة بهذا الحق
أناشد سمو ولى العهد سمو الشيخ نواف الاحمد وأعتقد انه متواجد على أرض الكويت بالتدخل وايقاف ما يحدث لاننا نعيش فى وطن علمنا ان نحترم الجميع ونمارس فيه حريتنا دون المساس بما جاء بالدستور او ممارسة التقاذف المخل
60 comments:
fi3lan la farq bayn 3ajami wla 3arabiyin ila biltaqwa,
wi law kil wa7d 76 edah beed o'7oh ilkuwaiti bi'3ath ilnathar 3n 6a2iftah aw aslah aw faslah aw 7izbah 3shan nabni haldeerah chan deeratna min a7san ildiyar mithil ma kant fi fatrah min '7lal il 70's wi bidayat il 80's
والله انت نابغه
:)
روح النضال اللي فيك
تودي بداهيه
استمر يالحبيب
وبالتوفيق
دكتور
ضربت على الوتر و البوست الي فات مال تركيا كنت راح اكتب عنه يعطيك العافية
طبعا حالنا مايسر الكافر وطول ما احنا نقول ما يصير نحاكم فلان لانه ولد فلان وعلان وفلان يقول ترى عيب تشرشحون الريال ترى ولد حمولة ودام ديرتنا فيها خمسة عشرالف مادة للجنسية
و نتحلطم ونقول وية ما بقى الا هالعراقي ولا البدوي و العيمي معنه هذول من اسسوا البلد في الأساس .,, كتبت من قبل عن العنصرية و مانقول ان الأجانب ماعندهم عنصرية بلى عندهم بس ما ادت الى تأخرهم مثل ماموديتنا الأرض .. كفاية انه قريب نصير نفس لبنان لازم وزير من كل طائفة
والله حرام
يعطيك العافية على الموضوع الحلو
ومدونة راعة
رساله اكثر من رائعه
انا استغرب شلون قامت امريكا.. شنو اساس النهضه اللي عندهم؟
مع انه عندهم انحلال اخلاقي - تفكك اسري - لا يحبون الدين
واحنا اللي عندنا كل هالقومات مانقدر نقوم علی حيلنا شالسبب؟
لكن هذي سنة الله في الارض ..يرفع اقوام ويذل اقوام
(وتلك الايام نداولها بين الناس)
----
لو لاحظنا..
كل الامم اللي ارتقت وكانت اقوی الامم في زمانهم .. ماتت
الا امه الاسلام .. لاتموت
مرت علينا ازمان نصحو ثم ننام نصحو ثم ننام ،، لكننا لم نمت
ولازم يي اليوم اللي نصحو فيه لان الارض لله يرثها من عباده الصالحون
هي الامور كما شاهدتها دول من سره زمن سائته ازمان
شاكره لك الموضوع الراقي
ولا عزاء لام خالد في ولدها العود
كم عمرها اهي علي هل حسبه ؟؟
عندما اذكر حال وطني وحجمه اجده بوضع اسوء من وضعكم
واكرر
الي متي تعبنا
لكن لا تنسي يا مشاري ان امريكا قامت الي اساس المهاجرين فيها
هل يوجد في امريكا شخص الا مستوطن الا الهنود الحمر ؟؟
هم يحكمهم النجاح والكفاح للوصول في البدايه -ثم المال والشهره
اما نحن فالواسطه والمال والعائله هم الاساس
ومن يتغرب عن بلده فهو يبحث عن طموحه ويود تحقيقها بمكان اخر
اما نحن فنعيش بأوطننا قانعين بما لدينا
اقصي طموح الشخص فينا بيت وعيال وسفره سنويه
سالفه الطوائف و المذاهب و الاصل مو مخلصة في ديرتنا، وين ما تلف ويهك موجودة حتى في الجامعة لاحقتنا
و دايما لما نتكلم عن المذاهب و الطوائف اتذكر مسرحية حامي الديار، حاولو يوصلون رسالة بس وين من يسمع عندنا
عجبني توظيف القصه لتوصيل المعنى و الكسره اللي تم فيها الاستنباط و التشبيه آخر شي
شفيه بوضرار قام يتفلسف؟
:)
GO AHEAD
انا من قريت الحوار قلت والله في قمنده سياسيه بس خل اصبر
وفعلا
كلامك صح
وضع يعور القلب
كل واحد فازع لقبيلته والا ملته
والا تياره
وينسون البلد الواحد اللي جمعم
لمست الجرح مشاري كما هي العاده بمواضيعك
قواك الله
مساالخير والكرامة
اخي العزيز مشاري
والله ياخوي صدقت..شنو مودينا وطي غير هالنظرة الدونية لفلان ..ولعلان
الطيور طارت برزاقها..واحنا مكانك راوح
دمت بحب وود ابدا
ياصاحب القلم الشريف
:)
الدول الغربية عموماً على انحطاطها
واحنا على كثرة الالتزام والأخلاق عندنا
النهضة عندهم والتخلف عندنا
اللي عندنا دايماً ينظرون لهم
وبالذات الإنحطاط
ويتركون النظر للمستقبل والطموح
يمكن واحد عندنا يكون صج
مبدع, بس مايدري إن التغيير ربما يبتدي من عنده
تسلم ..
ذكرني موضوعك بمقالات يوسف الجلاهمة بالراي يوم الجمعة
والله يا اخ مشاري حطيت ايدك عالجرح
مشكلتنا مشكلة هالعنصرية والطائفية والله يستر ويحمينا من شرهم
الصراحة وضع يعور القلب والأكثر لما تشوفه بالانتخابات والخطابات النقابية ان كان بالجامعة او خارجها الكل همه يجرح بخصمه وين المنافسة الشريفة وين الاخلاقيات كلها تنمسح وتنسي للأسف
سلام وقواك الله
تمثيل رائع للواقع :}
خطوه موفقه للنصح و الاصلاح
وفقت باذن الله
وااااااو حوار حلو
يوضح الصوره عدل
خخخخخخخخخخ وصورة الولد الصغير والكبير ضحكتني
بس عدل كلامك
متى بنكون على قلب واحد متى
يعطيك العافيه
لمتابعة آخر اخبار الأعتقال الآثم
www.secularkuwait.net
القصة رائعة لإيصال المعنى المراد ,,
لا أدري لماذا نربي أبنائنا على العنصرية
وهذا شي ملحوظ لا ينكره احد
فالبدوي يفتخر بأصله , والحضري يفتخر بعائلته , والغني بماله والعيمي ببلاده وذاك بحيبه وغيره بنسبه
وحتى ابناء القبيلة الواحده يفتخر كل منهم بفخذه وعائلته
بل حتى ابناء العائلة الواحد يفتخر كل منهم بأبيه او جده
ياااه , عقول لا أدري كيف تفكر
!!
اسقاطات رائعه
اخى مشاري
استمر بهذا الاسلوب
الراقى
المشكله مو بالاعتقال
المشكله شنو اهي الاسباب
انا اللي فهمته انه تعيلق على احد المواضيع من قبل شخص غير اللي تم اعتقالهم
؟؟؟؟؟؟؟؟؟؟؟؟!!!!!
من صجهم
الربط قوي ورائع
ووصل المفهوم بشكل رائع
وفيها جلسة مطولة للمقارنة
ويا حسرة عالنتايج
::
الأخ جاسم والأخ بشار
شي ما نرضى فيه
دولة حريات
!
ماذا تبقى ؟
والله إنك يبتها فالصميم
مايمزك عن باقي المدونات
سهوله طرحلك للمواضيع هذي
انا اول ماقريت الحوار الي دار
على طول خطر بالي الكويت وامريكا
من دون ما ادري ان القصد هي امريكا والكويت مثل ماذكرت
الفرق بينه وبينهم الفكر
امريكا دايما هدفها المصلحه العامه
الكويت المصالح الشخصيه والي مساعد هالشي الدوله ..!!
شي غريب ...لكن هذا واقع
أبدعت يا مشاري في اسقاط هذي القصة على واقعنا ..
فعلا أستغرب من عيال ديرتنا .. و أخص بالذكر اللي ينادون بالحرية و الديموقراطية .. و هم أول الناس فيهم دونية و تقسيم للناس و كذب و تدليس حقائق !! ..
مبدع في فكرتك و في ايصالها بعد
=============
على فكره في الموضوع السابق سألتني عن كتاب المسيري و تلقاه على جزئين في دار العروبة للنشر في حولي مقابل مجمع النقره و يم خياط لاهو و مكتبة العجيري
ماشالله
كتاباتك دايما
تشد الإنتباه
والله يفرج عن أخواني
يا رب
انعكاس فعلي لواقعنا
ببساطة ووضوح
و الى المزيد
انعكاس فعلي لواقعنا ببساطة ووضح ودون تعقيد
الى المزيد
الله يحفظ لكويت ان شاء الله
ويفكها من القبليات اللي كاثره هذه الايام وبزود
في احدى البرامج ... لفت نظري كلام الممثل نور الشريف .. قاعد يقول ..
ان احنا ليش متخلفين ومـو قادرين نطور ..
لان احنا مو قاعدين نترك لاجيال القادمه خبراتنا العلميه والعمليه
الا حق اعياله
بس المصلحه الشخصيه هي اللي تهمه
يعطيك العافيه على الاسلوب الحلو والممتع
الساكت عن الحق شيطان اخرس
بس تعرف تلعلع عن النواب واعضاء الحكومة وللحين ما كتبت شي تآزر اخوانك المدونين والصحفيين؟
والا حجاب التركية اهم؟
متألق كالعادة ماكو موقف؟
بس بارد على الانانومس واعذورنى راح ارد عليكم واحد واحد
يوم انك فتحت الصفحة من امس بالليل واول ما صار الحدث
ما شفت مكتوب تحديث اسفل الصفحة ؟؟؟
اوكى نقول ونحسن الظن نقول ما شاف؟
يوم قريت التعليقات ما لمحت بينها شئ عن الموضوع؟
اذا انت عمي وما تشوف مو مشكلتى مشكلتك
ومرة ثانية شوف وتيقن قبل لا تطعن بالناس
وماله داعي طوالة اللسان
salfa3ajeeba : ما يبون يتعاونون مع بعض ودايما عناد على غير معنى
والكل يقول انا صح
MANAF : ماكو داهية ولا شى
مو انت كاتب
ياجبل ما يهزك ريح :)
Sowhat : ما هذا العيب هالتنابز بالالقاب اللى فعلا ما تدل الا عن عمق جاهلى بالناس
مشكور اخى الكريم
b9mah : امريكا قامت لان امنوا بان الحياة عمل وجد ولا وقت لا تناطح للامور سخيفة
layal : ما الاجيال تغيرت يا ليال
وفوق هذا ما تأخروا بل زادوا التطوير
يعنى الاجيال التى هاجرت انتهت من قرون
Dental : كان فى قراءات كثيرة و تنويهات لما سيحدث ولكن لا حياة لمن تنادى
حسام بن ضرار
يا اخى لما انت تتفلسف على الاقل طلعت الفلسفة من شخص حكيم ولكن هناك من يتفلسف دون اى علم
بو ضرار هالمدونة مدونتك وتفلسف على راحتك
:)
Q8DOLL : مشكورة :) وانا تعمدت علشان اغلب الناس تقرأ الموضوع
وهالجرح ما راح ينتهى
فراوله : ملينا من كثر من كثر ما نقول الطيور طارت بارزاقها
جنون إحساس : الاخلاق مو كل شى علشان نتطور
شفايدة الاخلاق بدون عقل
؟
اتعامل بادب بدون ما اتطور؟
Fahad Al Askr : والله يا عزيزى رحت شفت الموضوع ودورت ولقيت ان نفس الفكرة
مو من قراء هالكاتب ولكن هذا نمط بالكتابة يستخدم بكل مكان
PinkOcean : مو مخرب مجتمعنا الا هالامراض والنظرة الدونية
Shather : شكرا شذر وانشاء الله تنصلح النوايا
Ealaf : هذا اهو بالضبط التفكير الذي ذكرتيه خاطئ ويجعل الاشخاص من ادني الى ادني
ابو شملان : اشكرك اخى ابو شملان ومرورك يحفزنى
kuwaitya_7saweya: السبب سخيف جدا شنو ذنب الولد اذا نكتب عنده تعليق
قمة التخلف محاسبة الشخص على ذنب لم يرتكبه
qesat_5ayal : الحمدالله ان المفهوم وصل صح لان المقارنة صعبة بين ناس تنتهج المنهجية السخيفة فى تقييم الاشخاص وبنفس الوقت اهيا نفس المنهجية اللى تنادى بالحرية
شئ غريب
وبشار الذى حصل له امر مرفوض جدا جدا
عــــاشــــه : وايد اللى يايبينها يا اختى بس الحل نبيه يتطبق
::heba:: : بالضبط امريكا حتى لو بالجذب تقول هدفها المصلحة العامة
احنا
الكل يقول انا ومن بعدى الطوفان
Kuw_Son : مو هذا العيب لما يأتى الموضوع من نفس الناس اللى ينادون بالحرية ويقولون عن الناس الاخرين انهم متخلفين
أبو إسحق ": الكتاب مشكور رحت وشريته والبركة بالغالين
:)
واشكر مرورك عزيزى وترجع بالسلامة
hamdool : الله يفرج عنهم ومشكور يا عزيزى
حركية : واقعنا مؤلم ويحتاج تغيير
Smile : شفت البرنامج
مال كلام نواعم وفعلا كلامه صحيح وكل واحد قاعد يحاول يحتفظ بالمعلومة حق نفسه ولا يبى يساعد غيره
http://7ilm.blogspot.com/2007/08/blog-post_20.html
mishari
momkin afham shino salfat bashar wi jasim wi leesh maskeenhom???
السلام عليكم
عين العقل كلامك يا أخ مشاري
سالفة التطرف والتفرقة هذي متشعبة فينا وتمشي بدمنا!! الياهل من يداوم بالمدرسة يلحظ هالشي ويربى ويكبر وتكبر هالتصنيفات وياه. وهذا احنا نتوارث هالأفكار الماصخة أبا عن جد!! ـ
تهقى في أمل يتحسن هالوضع المرير؟
salfa3ajeeba : راح ينزل بوست انشاء الله الليله فيه اكثر ما يمكن عن الموضوع
S. : صحيح كلامك عزيزى شنو اللى صار معقولة يعنى يهال بالمتوسطة والابتدائى يتكلمون سنى وشيعى وحالتهم حالة
شنو هالتربية ما ادرى
طريقه عرض الفكره وايد حلوة!
اهم بنو ديرتهم من الصفر
احنا اجدادنا بنو هالديره
اهم مازالو يبنون
احنا نييبهم,نييب الهنود,نييب العرب عشان يبنون هالديره
الساكت عن الحق شيطان اخرس
تسلم على هالموضوع اخوي مشاري :)
Post a Comment