أخبار وتعليق
حسين فهمي يطالب بعودة الملكية الى مصر
الظاهر يمهدون لجمال مبارك يصير ملك
أنا أقول لو كان هالكلام من قبل 20 أو 30 سنة ممكن
بس خلاص مصر لازم يقسمونها ويوزعون شوي حق السعودية وشوي ليبيا وشوي السودان
سعودي يطلب طلاق زوجته لانها (( أختلت بالتلفزيون لوحدها))
أنا أقول لا تعليق والله الهادي لان هذا ماله حل
الخبر قبل الاخير
هذه الصورة نشرت فى صحف يوم الاحد واللى ما يعرف اللى الاخت اللى قاعدة بالنص أقوله هذه دكتورة فريدة حبيب اللى صارلها سنين تحاول أنها تصير وزيرة وطبعا ذكية جدا تدرون ليش أقعدت يم مسلم البراك كأنها رسالة حق رئيس الوزراء تقوله حطنى وزيرة وأنا اخلي هالشنبات اللى قاعدين يمك كلهم ما يصرخون على بالمجلس
الخبر الاخير
شقصة المحيلبى مصمم على أن يمسك وزارة الصحة ؟ فى أحد يقدر يفسر لى اياه؟
47 comments:
ما اعتقد ان الموضوع فيه رسالة
خلهم يوزرونها
جربنا الرياييل وزراء ومانفعوا
عيل خلنا نجرب د.فريدة
اذا ما سوت شئ فهذي مو يديدة علينا
ومتى الحكومات المتعاقبة سوت شئ
على الأقل ويهها يفتح النفس
وليش متغلغصة جذي
الظاهر النيباري ما منه خوف
:)
حسين فهمي يبي الملكيه !!1 علشان يرد حلاله وحلال اهله اللي ليلحين مو قادر ياخذه
يحليله شكله متأثر في مسلسل الملك فارق
!!!!!!!
هذه نفس الفتوى اللي اطلعت
اذا المراه تبي تستخدم الانترنت لازم معاها محرم
!!!! ناس ناقصه عقل
المحيلبي يبي وزارة الصحه عشان ينقل عيال أحد المناطق بالكويت للعيش في لندن وباريس
shof ya mishari trani ga3da agra ilblog wi labsa 7jabi tadri ba3ad ma ijoz ili'7tila6:))
9ara7ah 3rofat til3abha 9a7 aham shy ilseeqan iljameela:)
ama wizarat il9i77a fa3afya golohom abeeha '7a6ri assafir il3ayla kilha asawweelhom 3laj 7awl il3alam fi 80 yawman:)
عشان الاعلام الواسطات فيها خفيفه انا الصحه فيها علاج بالخارج والداخل وفي المنتصف ايضا ..
وبعدين السعوديه هل كيف تختلي لوحدها ؟؟
لو كان التلفزيون ابيض واسود لتغير الموقف لكن مدام ان ملون فالريال معاه حق
مصر ما انقردت إلا عقب ما قبيح العبد الخاسر إنقلب على الملكيه
ففقر الشعب و قرده و ذله
و تسبب بالهزيمه تلو الهزيمه لمصر و العرب في ايام الصراع العربي الاسرائيلي
اما اللي يطلب الطلاق ليش زوجته اختلت بالتلفزيون
هذا عن جد لازم ينعرض على لجنة من امهر الاطباء و الاختصاصيين النفسانيين عشان يشوفون حالته
فريده حبيب
من قلب لا تعلييييق
يا رجل، تحكم على نية فريدة حبيب؟؟
:)
والأخت السعودية لو مشغلة الراديو وقت مشاهدتها للتلفزيون ما كان يبطل الخلوة؟؟
الي يعيش ياما يشوف
؟ما عتقد انها فريده الحبيب
هذى تختلف عنها
الا اذا طقت لها جم عمليه تجميل يمكن
:)
aham shay il khabar mal il so3odi elli 6allag murta LOOOOOOL! staqfffar alllaaah, akhaf hathy nikta?? =/
il khabar illi gabil il akheeer, WA-KHEZYYAAAAAAAAAAH =/
il khabar il akheeer, yabon flos :P
aham shay il khabar mal il so3odi elli 6allag murta LOOOOOOL! staqfffar alllaaah, akhaf hathy nikta?? =/
il khabar illi gabil il akheeer, WA-KHEZYYAAAAAAAAAAH =/
il khabar il akheeer, yabon flos :P
تعتقد احد برد على كلام حسين فهمي
استغفر الله يطلقها لانها اختلت بالتلفزيون هذا وين عقله التلفزيون يعتبر جهاز كهربائي ليش الكهربا حرام
خلوها تصير اللي صاروا احسن منها
بس لبسها عجيب
اما سالفة المحيلبي ماسمعت عنها بس يمكن الوزيره الحاليه مو عاجبته
مواضيع قويه ناشرها ..
وسالفة السعودي إلي طلب الطلاق لأنه زوجته اختلت بالتلفزيون .. هذي سمعتها وحدي ضحت عالسالفه السخيفه هذي ..
صراحه هذا مرض نفسي للأسف ..
الله يبعدنا عن هالمرض ..
وبالنسبه للصورة ..
اي أعرف الدكتورة فريده لأنها دكتورتي الي تعالجني :)
وانا من زمان قايله لأهلي انها تبي توصل تصير وزيره بأي شكل ..
شاده حيلها وايد ماشاءالله ..
وقصة المحيلبي .. صراحه اول مره اسمع فيها @@
يحليلها والله
كله كوووم واللي طلق زوجته عشان التلفزيون كوووم..بعيد عنكم هذا بدون اي عقل
المحيلبي قاعد الحين يمشي صح بالصحة عشان يوزرونه و بعد ما يتثبت يستخدم وكيل الوزارة لشؤون الوسايط و المحسوبيات : د. خليفة
اذا فيه خير و يبي الوزارة خل يقيل هالوكيل و يحيله للنيابة
و هذا ما هو وراء رفض النواب الاسلاميين حق توزيره
المحيلبي مكانه بالبلدي احسن
نبي وزير اختصاص
وزيرة المستقبل , لماذا تجلس هكذا !
وبخصوص طلاق السعودية , خيرًا لها ماجام زوجها يفكر بهذه الطريقة الغريبه
سنكنهم مساكنهم
عاد تو الناس على الخميس
تُــــــــحَــــــــــــف
السلام عليكم جميعا
الملكية : يمكن مسلسل الملك فاروق أعاد عليه حنين الملكية من بعد الشقاء بالعصر الجمهوري
السعودي : يبيله علاج مسكين
دكتورة فريدة : صح دكتورة قلب تعرف شالون تضبطهم ليقالوا استجواب عطتهم علاج خلت قلبهم يرقع ويروح حيلهم وعقب يؤجلون الاستجواب
المحيلبي : يدور على الشقاء بالدنيا والآخرة
اذكر ان حسين فهمى تكلم بالتلفزيون من فتره عن هذا الموضوع
وكان يضرب مثل على الدول الملكيه
بقوله
امشى في شوارع اي دوله ملكيه مثل بريطانيا او حتي دول عربيه مثل
الاردن والمغرب
وانظر الفرق بينها وبين شوارع اي جمهوريه
بأختصار نفسيات الناس مرتاحه وارقى من الجمهوريات
هذا كلامه
والله اعلم
ليال
اشفيها داشه جذي بالنص
من قبل لا يوزرون معصومه واهما يقولون الدكتورة فريدة بتهد عيادتها الي بشارع البلاجات وبتمسكلها زاوية بقاعة عبد الله السالم
انا اقول خلج على عيادتج أحسن
هذيل قاعدين يمج الحين مستانسين
بس لاتشيلين ولد عم واحد
ولا ما تمشين معاملة ثاني
ماتسلمين منهم
الصراحه
لاتعليق على سالفه المملكه المصريه
وحسني مبارك يزاه الله خير محولها مملكه
ولكن مو على المكشوووف
فريده تبي توصل للوزراه
وصراحه من حصل شي يستاهله
واهي مرأة كفؤ وتستاهل الصراحه
المحيلبي
راي من راي اخوي براك
kila ma6goog : اتمني ذلك
:)
فتى الجبل : الله يهداك يا فتى الجبل
يعني هذي حالة بس نجرب لي متى بس نجرب؟
فريج سعود : عادي يا خوي ديمقراطية افا عليك بس
Smile : الظاهر فقير احتر لما شاف المسلسل
:)
Barrak : اذا هذا السبب صج الصراحة كدين خير
salfa3ajeeba : خلاص بس يحطوني وزير حق الصحة احاول اطلعلج سفرة السودان
:))
بو حامد : ترى هم الاعلام واسطاتها مالها والي بس الظاهر المحيلبي بنادول صاير
وتصدق نحتاج نتأكد من سالفة ابيض واسود
حسام بن ضرار : وانا معاك بهالرأي مصر ما تخلفت الا بسبة هالثورجية
وفريدة كمان انا معااااك
:)
صايرلك بصام بعد شتبى
:)
White Wings: يا عزيزتى يا من اخالفها بالرأي واحترمها بالعقل يا استاذتى
نعم نعم نعم
هالمرة احطها بنيتى شلون؟
:)
لان فريدة ساعية للوزارة من زماااااان من قبل لا يحطون معصومة واهيا تحاول
بس الظاهر ظهرها ضعيف وقالت مالى الا مسلم والصقر
ابو شملان : افا عليك بس فريدة ونص
بس الحين النظرية الحريم وهم صغار يبون شكلهم كبير واذا كبروا يبون شكلهم صغير
:)
Very.Q8ya : شفتى شلون بالله؟
تعيش يوم وتشوف علوم
kuwaitya_7saweya : اتوقع ممكن مصر ترد ملكية بعهد جمال مبارك
كل شئ جايز بالدول العربية
Dana__23 : خل تشد حيلها بس كل شي وحسبته عند الحكومة
والاهم سلامتج
:)
ray : يحليلها عيل؟
محمد بن سالم :وياما حن نشووووف
جرة الفطائر : اول شى لا تكتب تعليق وانت صايم يا اخي الاسم يخلى الواحد يبى ياكل
:)
ثاني شى ودي افهم شنو قصة الدكتور عيسى الخليفة
ابن زيدون : اختصاص زائد مواصفات ادارية عاليه
Ealaf : اجابتى لسؤالك
لاأعرف
والثاني الله يستر على العالم
The Voice Within: بس تحف؟ من زمان وانا اخوج اهم تحف
:)
الحجـــيّه : صحيح هو الموضوع كان نتيجة المسلسل
وامنيات الوزارة تتحطم عند صخور النواب
Anonymous : ليال اتوقع صحيح كلامك لان هو منتقد الوضع الحاصل فى مصر كلية
Q8i_Blogger : والله كلامك عدل
لو شالت واحد من اهلهم نتفوووهاا
::heba:: ما اعرف فريدة علشان جذى ما راح احكم على ادائها
والملكية صحيح حولها على المكشوف حسنى الحين
Post a Comment