الطموح و العمل والمثابرة والالتزام وقليل من المشاغبة تكون الحياة ناجحة

Wednesday, October 03, 2007

أنا و الكهرباء والسبب العبيط

منسدح أطالع التلفزيون ذاك اليوم بفراشي و الا التليفون يرن الساعة 2:15 بالليل ( خير اللهم اجعله خير)

والا الوالدة الحبيبة

الوالدة: مشاري الكهرباء طافية بالبيت

أنا على طول قطيتها براس البوكس مال الكهرباء ان شئ بسيط

قلت حق الوالدة اوكى خلينا اكلم السايق اخليه يتعبث بالبوكس مال الكهرباء

كلمته ماكو فايدة الفقير سوي ما عليه

المهم رحت البيت حاولت تعبثت طلعت اللى تعلمناه ايام الثانوية بالصناعي ماكو فايدة

كلمت طوارئ الكهرباء وخلال ما يقارب الساعة وربع كانوا موجودين طبعا خلال هالفترة انا قاعد بالحوش مع الحجية اللى يطول بعمرها وسوالف عن الفريج والجو بعد كان اشوة حلو

شنو تتوقعون السبب؟

السبب كان بريعيصي

أي والله بريعيصي

تذكرون يقولون ايام العلوم بالمدرسة

جسم الانسان موصل للكهرباء ؟

نفس الشيئ ابشركم

أنا العالم مشاري اقولكم

جسم البريعيصي موصل قوي للكهرباء

ويحرق 3 فيوزات كهراباء رئيسية

طبعا ملوت الطوارئ الهنود بعد ما خلصوا وبدلوا الفيوزات الرئيسية

قالوا ( بابا رمضان ماكو شي يعطي )

يمكن لو ساكت يمكن أقول جان عطيتهم بس يوم تحجي قتله واذا رمضان؟

مو سويت شغلك مشكور وما قصرت

السؤال وزارة الكهرباء يوم ركبت البوكسات ليش ما فكروا امكانية دخول جسم غريب بين الفيوزات وتوصيلها فى بعض ؟

الله يعينك يالعليم

ـــــــــــــــــــــــــــــــــــــــــــــــــــــ

قبل لا أخليكم

فؤاد الهاشم يزف حليمة بولند

ياشماتة ابله طازة فيه

أضغط

39 comments:

فتى الجبل said...

أثاري السبب طلع بريعصي
وبعدين شكوا حليمة تدز مسج حق البيلر
أخاف كانت بتدزه حق ريلها واغلطت

moayad said...

بيت الوالده الله يعطيها الصحة و العافية و يطول بعمرها لما الحين البوكس مالهم فيوزات؟

مو المفروض سويتج؟

kila ma6goog said...

ما اخس من المربوط الا المفتلت

نار البريعصي و لا جنة الضفدع

Aldenya said...

:>

عجيب يا مشاري
طلعت مخترع كبير ومو هين
وهالبريعصية ما إنقرضوا من الكويت :/
ما سلمنا منهم

والمقالة قريتها وفي البداية على بالى يمدح لكن بعدين .. طب فيها

ZoZOta said...

!!!!!بريعصى

الله يانا اكره البريعصية

تصدق مشاري

كان عندنا فلبينية ما ترضى نذبح البرعيصي

تقول حرام

مع انى بالفلبين شايفتهم ياكلونهم

الله وكيلك حمسه

يييييييييييو

الله يغربلهم

ما عفوا عن شي

اما سالفة حليمه

اسمح لنا نتعفف عنها

اللهم انى صائم

Very.Q8ya said...

LOOOOOOOOOOOOOOOOOOOOOOOOOOOOL!! shakla il Brai3sy kan ma7kom 3aleih bil e3daam bil kahraba faqeeeer :P

3asa allah ykhaleellik il walda gol ameen :)

o 3ala zaffat 7aleeima, fa hathy mo zaffa 6aal 3omrk hathy kaSrrrah qawiyya, tigdar tgol enha aqwa mn il zaffa ib 7abbetain =p

ButterFlier said...

الحر يذكرك بالماضي الجميل

مايشوف شر الماضي

لوووووووول

someone_q8 said...

السلام عليكم

صحيح من قال كل قصير فتنه وكل طويل هبيل :))))))))
هذا بريعصي وشوف شمسوي بالبيت هالنزغه مو هيين بعد

لكن هذا ما يعني ان لازم اتغيرون بوكس الكهرباء الظاهر هذه قرصة للتغيير :)))
ولك مني كل تحية
آل أيه آل برعص :))

حسام بن ضرار said...

زين سواا الخرتيت بمليقه بولند

الهبله مستانسه دازتله مسج تبشره بخرقها لإتفاقها مع روتانا

و حاطه ويه يضحك


اتعب
عالملاقه والاستهبال و الاستيهال

Sowhat said...

هممم بس انا للحين مو قادر احدد

اي تيار ينتمي له البريعصي ..

هل الهدف من قطع الكهربا استجواب العليم ؟؟

سؤال للأسف اندفن مع موت البريعصي و اصلاح الخطأ


والمقالة ... ما اردى من المربوط الا المفتلت

3atreis said...

.,

مرحبا مشاري .,

البريعصي الانتحاري
مات وراح من صيد امس :\

بس تراني مو مصدقة
انقطعت الكهربا بسببه .!



اما حليمة
الاخت مستانسة بانجازها .,’!
@@

فريج سعود said...

هالثولة ما عرفت ان هالاثول يبيها من الله علشان يطبل حق الوليد وياخذ العيدية ومنها يغث الراي بالطريج
زين سوى فيها تخيلوا ردت فعلها بالمقال صج طراق حلو

بو حامد said...

اول شي الله يطولك بعمر الوالده

ثاني شي خطاكم السو

ثالث شي صج صج صج فؤاد الهاشم مقاله كان ( شنب ) ما توقعت يوقف مع اي شخص ضد انثى بغض النظر عن شكلها .

AuThoress said...

مشــــــــــاري :


أولا سلامة الكهرباء، ثانياً وهذا الاهم ، ليش شاقي نفسك مع حليمة؟

احسن دواء للتخلص من حليمة "سندروم" انك تهملها ولا تتابع ما يُكتب عنها، أصلا صرت افتشل اقول كانت زميلتنا في الجامعة واظن ان اساتذتنا يعانون الامر نفسه

اهملها وانا اختك، وعيش حياتك

Q8i_Blogger said...

الصراحه انا ضاق خلقي على البريعصي ولا اذا على الكهربا ... سهالات صار شي عادي بالكويت

بس البريعصي رمز وطني يجب المحافظه عليه

Najmah said...

لووووووول

مادري شسالفة البريعصية هالايام =\

تعقدت كل ماابي أطلع أجيّك على طريجي
آمن منهم ولا لأ :\

Q8DOLL said...

انزين البريعصي مات ؟؟
اهم شي عندي بالموضوع أرواح البريعصيه
ممكن يستجوبون العليمي اذا كثرت حوادث البريعصيه
ويصير استجواب الموسم

حليمه تحب تبين روحها انها قويه ومحد يقدر يزعلها
وبعدين فؤاد الهاشم هالمره ترى وايد رقيق بنقده
شوف اهيا ماراح تزعل كلش تدرون ليش ؟؟
لانه قال انثى جميله وهذا اكبر همها

al_tariq2009 said...

الله يعين العليم ، لا تستبعد ان هالبريعصي مدزوز عليكم عمدا ، وباجر يكبر الموضوع وتطلع لنا حملة ( نبيها بريعصي ) :)

::heba:: said...

والله البريعصي مسوي بلاوي
يبيله حمله على مستوى ترشيد
للقضاء على البراعصه :p

وبالنسبه للمقال
اشوف الريال ماقصر في بنت بولند
لكن هم مانبي نظلم البنيه احنا ماندري
شنو نص الاتفاقيه بالضبط :)

loyalty said...

مات البريعصي؟ :)

بعثرة مشاعر said...

بريعضي ارهابي فجر نفسه عشان يطفي الكهربا

;PpP

بوصالح said...

مشاري

عسى يطول بعمر الوالدة و يخليها لك .. هم بركة البيت

مشتاقين ياخوي :)

Mishari said...

فتى الجبل : والله يا اخي الظاهر كانت تبيها طرب صارت نشب:)

اي والله بريعيصي

Mishari said...

moayad : ياخوي شنسوي بيت حكومة واحنا على قد الحال ما حاشنا ناقله والا بير تحت بيت الوالد
:)

Mishari said...

kila ma6goog : الضفدع مالى تجارب سابقة معاه بس هذا ملعون الخير مزعج

Mishari said...

Aldenya : انا مثلج حسبت يمدحها اول
:)
بعدين انا مخترع من زمان
بس ماكو احد يتبنى
/:P

Mishari said...

ZoZOta : تخيلى قاري تعليقج وانا صايم

حمسة بريعصي لييييييييييييش
الله يهداج شلون الحين اكل نص كيلو تشريبة
ونص كيلو هريس
ونص كيلو يريش
و17 سمبوسة
:)

Mishari said...

Very.Q8ya : يا حلو دعاويج
:) تونس
مشكوووووووووووورة

وتبون مجبوس بريعصي
:))

Mishari said...

ButterFlier: الماضي غبار وشمووس

Mishari said...

someone_q8 : والله الظاهر جذى لازم الواحد يجيك على كل شى

صدقت يا خوي

Mishari said...

حسام بن ضرار : حلوة الاستيهال عجبتنى يا بوضرار بس يا خوي برمضان جنك وايد عصبي

:)

Mishari said...

Sowhat : البريعصي ليبرالي كان ومسوي عملية انتحارية علشان يشجع اخوانه للاستجواب العليم ولكن كومار الهندي افشل المحاولة

Mishari said...

3atreis : والله هذا اللى صار جدامي ومحد قالي شفت البريعيصى واصل بين الثلاث فيوزات ومتجمد وميت من الصعقة

Mishari said...

فريج سعود : والله انك يبتها ييب
الصراحة نفس السبب اللى قلته

Mishari said...

بو حامد : خطاك اللاش ما تقصر يا بوحامد

بعدين لعيون الوليد كل شى يصير

Mishari said...

AuThoress :تصدقين يا زميلتى لله فى لله عمري ما كرهت احد ولا عمري شلت على احد
ولكن هي الان شخصية عامة
وهذا نقد علها تعي ما تفعله خطأ
:)

Mishari said...

Q8i_Blogger : لو محنطه ويايبه لك
:)

Mishari said...

Najmah :ديري بالج عيل لا يطلعولج
:))

EarthQuaker said...

لو انا منك جان معطي الهنادوه البريعصي