الطموح و العمل والمثابرة والالتزام وقليل من المشاغبة تكون الحياة ناجحة

Monday, October 22, 2007





شقصة هالحلوين ؟؟؟ ونظام الكوتا




الشباب الحلوين هذيل مثل ما انتوا شايفين على بلوزاتهم حاطين صورة حمار أجلكم الله طبعا هؤلاء الشباب من المغرب وواحد فيهم يعمل مهندس ( تحياتي يا هندسة) والاخ يقول ان بعد ما لقي كل شيئ بحياتي متوفر لم يجد شيئ يميل اليه فهو متزوج ويعمل مهندسا ويمتلك السيارة مثل ما يقول فالظاهر كل هذا ما برد جبده ( الله يرحم حالج يا ام عياله) طبعا الخبر لم قرأته قعدت أقول صج عندنا شباب بالوطن العربي تفرح
مشكلتنا صرنا الخليجيين صاروا امريكيين اكثر من الامريكان نفسهم والشاميين واهل المغرب العربي صاروا فرنسيين أكثر من الفرنسيين نفسهم وضاعت الطاسة
الخبر


الكوتا أو نظام المحاصصة
هو نظام بأن تكون نسبة معينة مقطوعة ومخصصة للنساء فى مقاعد مجلس الامة وهناك اصوات تنادي بتطبيق هذا النظام وانا اقول عاد مصختهوا اشكرة تبون تظلمون الرجل ؟؟ وتقولون بعد حقوقكم مهضومة أشكرة صارت الشغلة أنا اقول خل المنافسة شريفة وهذا الميدان يا حميدان

من قائل هذه العبارة
me know english me this?




46 comments:

EarthQuaker said...

مستر فرايدي
شارد بن جمعه

الحاسة السادسة said...

صباح الخير مشاري


هههههه يا سعد قلبي ويافرحته
بس عادي
لأن اساسا هالعقليات حميرية أجلك الله وأجلّ القاريء بتقول شلون :

1. تتحدّر من عقليات تحب اللي يركب راسها ويستعبدها ويكرفها كرف اليهد

2. منبع وأصل القطو مايحب إلا خنّاقه = تشبه العلاقة ما بين الحمار أعزك الله ومابين سيده

والى آخره



بالنسبة للكوتا
:)


me know English me this ?
فيلسوف كويتي الله يعطيه الصحه والعافية

esTeKaNa said...

صباااح الخير
صباح العقل والثقل والسنع
:)
الحين انووو المهندس؟
بو كشه ولا البشوش اللي يمه؟
وشيبون الحين شنو هدفهم بالحياه؟
الله يفتح بصيرتهم..في ناس يستخفون عقب ما يحصلون كل شي بحياتهم حلاتهم ما يحصلون شي ويقعدون بكراف طول عمرهم ولا اييهم زمن يلبسون هالتي شرت
!!
نظام الكوتا تطبق لعده اعتبارات في دول ما نجحت فيها المرأة ولضمان وجودها
بس في تجربتنا السياسيه حديثة الولاده..أعتقدد تو النسا على الكوتااا


السؤال اللي يطرح نفسه مع تدربحك للسؤال الأخير...شايف باي باي لندن امس مادري اول امس؟:Pp~

Barrak said...

على الاقل عندهم شعر

مو انا

فتى الجبل said...

احنا يعلمونا بالمدارس عن طريق التلقين وعلشان جذي تلقانا بحياتنا نقلد وبس
ومعاك بالنسبة للكوتا...آنا اتمنى ان المرأة توصل للمجلس بس بجدارتها مو بالكوتا
وأكبر دليل ان د.رولا دشتي يابت خوش رقم بأول انتخابات تخوضها اهيا والمرأة بشكل عام

كويتي said...

جان زين الكل يأمن بهذه المقولة ويطبقها
Me know English me this?
يعني جان زين الواحد ما يتكلم ولا يفتي إلاّ بالشيئ اللي يعرفة، بعبارة أخرى ما يدخل عصّه بشيئ ما يخصّه
عبد الحسين عبد الرضا كلامه يضحك وخلي الواحد يفرفش وفي نفس الوقت (عادتاً) لا يخلو من مضمون وعلشان جذي أغلب مسلسلات هذا الوقت مثل البالون الفاضي

Very.Q8ya said...

LOOOOOOOOOOOOOOOOOOOL!!
illy 3al yemeen sha3rah baroka wila 6abe3ey? ... Khalf allah 3al handasa etha hathy 6alabat'ha! :p


check :p [http://www.youtube.com/watch?v=lNyP44pL0Ks]

Sowhat said...

ياليتنا صرنا هيبيز :) الي يقرون كتب بالقطارات
صارو بالشكل بس حلاة الكشة

ورفض الكوتا اذا المرأة مو كفو توصل مافي داعيي توصل اذا كفو على راسنا من فوق

Smile said...

shared bin jom3ah
byebye london

someone_q8 said...

السلام عليكم

بالنسبة للحلوين والمزيونين اعتقد ان التقليد مو توه اخوي مشاري التقليد اذا تبي اتعرف بالضبط صار بعد ظهور النفط وانتعاش المعيشه بالكويت خاصة وبأي دولة ينتعش اقتصادها عامة
وبعدين ياخوي ياشين السرج على البقر , بعض شبابنا ةبعض شاباتنا ما يقلدون الشيء الزين اللي منه منفعة تلقاه على طول يقلد الشيء الشين واللي يخليه كأنه امعه
الغرب وامريكا خاصه وباقي دول العالم مو كلهم يرمزون للدمار والخراب والفساد الاخلاقي , بل العكس عندهم حضارة لابد ان نعترف فيها بأنها حضارة كبيرة وقييمه ولابد ان نستفيد منها وناتي بها الى بلداننا , خل ناخذ المفيد منهم خل نتعلم الصح منهم وانخلي الفاسد والمدمر



وبالنسبة لنظام الكوتا اعتقد هالنظام موجود للضعفاء اللي مو قادرين يوصلون بقناعة الشعب الى مجلس الامة
والمثل الكويتي يقول اللي بالجدر يطلعه الملاس وهذا الميدان ياحميدان , مو يبون الحقوق السياسية خلهم ياخذون هذا الحق بجدارة واللي تستاهل راح نعطيها صوت

kila ma6goog said...

الموضوع الاول يمكن غشمرة


الثاني انا ضد الكوتا

الثالث مثل ما قالوا الشباب شارد بن يمعه

محـــــارة said...

خلق الله حسن ماعندي تعليق لأنهم مو كفو الواحد يحجي عنهم

بسالفة نظام الكوتا أنا معاك 200% كلش ما أتفق ويا هالنظام لأن مو طالبوا بالديموقراطيه عيل يتحملونها السالفة مو أجبار يأخذون نسب إجباريه للوصول إذا الغالبيه رافضه تخصيص مقاعد مو غصب !!

وثنيكو أخوي

أبو إسحق said...

بو شعر اللي لابس اسود صاير جنه مقاتلي فتح في السبعينات بالشعر و النظاره :)

بوصالح said...

توقعتها صورة 2 بالمرينا مول

عاجل said...

كوتا حق الكشيش
والقنابر

Fahad Al Askr said...

عبد الحسين عبد الرضا

الحارث بن همّام said...

الشباب الحلوين اللي فوق فيه منهم وايد عندنا .. ياليت بس لو يدلّون طريج الحلاق..

الكوتا ..
لا وألف لا

me know English me this ?
بو علاوي

جنون إحساس said...

عادي ابتسم انت في الكويت

كويتي said...

التاريخ يقول إن أيام الجاهلية قَطاّعين الطرق كانو يرّبون شعورهم إلى مستوى الكشّة علشان يخرعون الضحية (ولأن الشعر يصير وصخ ومو كل واحد يقدر يغسل شعرة كل يوم) يتكاثر (القمل) فعلشان يذبحون (القمل) يحطّون عسل أو دبس في شعورهم علشان يختنق القمل ويموت وفي نفس الوقت يصير شكلة يخرع أكثر وما شاء الله على الأغلبية هذه الأيام بدال لا ياخذون الزين من الغرب ياخذون العادات الجاهلية والمنحطة، صدقوني في الغربي التّكانة يشمئز من هذه الأشكال ومشكلة بعض الناس انهم مقتنعين بالجهل مع إنه لا فقر ولا ظُلمة مثل الجهل وما يدرون أو يدرون بس يطنشون إن التقليد الأعمى يقود إلى التمسك بالعرض دون الجوهر

كويتي said...

الكوتا هي دكتاتورية ولكن بقانون والديمقراطيةلا تتحقق بتغليف التصرف الدكتاتوري بالقانون قيصبح الظلم قانوني

Q8i_Blogger said...

كوتا هههه
يصير خير

عبد الحسين جوابي :)

Ra-1 said...

في ناس مو صاحين!
الحمدلله الذي عافانا :/

الكوتا مو نظام القوائم؟

EarthQuaker said...

ناس سطحيين لا اكثر ولا اقل وقد مر علي الكثير منهم ولكن عند سؤاله بلماذا تفعل ذلك ؟ يكون رده بكل بساطه "شعرفك بالموضه يالهيلقي" مممم


السطحي صار متطور وراعي موضة والعقلاني صار هيلقي ؟

بكل بساطه ما شفت دكتور , عالم , مليونير , رجل اعمال بارز
او اي احد له مكانه يسوي جذي , هل لان اهم هيلق مثلا؟

يجوز

على نفسها جنت براقش said...

لا كوتا و لا بطيخ .. كافى جربوا الوزارة ثنتين
و بعدين و بدون زعل قلت شغلات الحريم اللى تبى ابداع و اتقان علشان نزاحم الريايل؟؟
ترى مفهوم المساواة مو جذى
و اللى المقولة للشهير عمر الشريف بدعاية جين لوووول

ray said...

ترى حلوة فكرة التي شيرت ;)

ما أفكر ألبسه , بس ذكيه الفكرة

و بالنسبة لنظام الكوتا ... انا ما أقدر أتكلم عن هالموضوع لأني سمعت المؤيدين و اقتنعت بكلامهم و سمعت المعارضين و هم اقتنعت

مانبي
double standards
و بنفس الوقت ... نبي صوت المرأة يوصل للمجلس

sologa-bologa said...

تصدق عاد ان مسرحية باي باي لندن
لا المؤلف كويتي ولا المخرج
المؤلف نبيل بدران - مصري
والمخرج المنصف السويسي - تونسي

ودمت بحب وود

فراوله said...

صباح الورد والجوري
اخوي العزيز
بالنسبه للموضوع الاول
اللي يعيش ياما يشوف
والينون فنون
:)
والموضوع الثاني انا افضل الديموقراطية
بجميع الاحوال
:)
والمقولة
معروفه طبعا
وقالوها الاخوان قبلي
دمت ياصاحب القلم الشريف
:)

Mishari said...

EarthQuaker عدل شغلك

Mishari said...

الحاسة السادسة : شرايج فيهم مو تحف ؟
الله يهديهم

Mishari said...

Barrak وايد يحبون الاصلع عادى
:)

Mishari said...

فتى الجبل هذى اهي نتائج التقليد

والكوتا مرفوضة جملة وتفصيل

ونموذج صحيح

Mishari said...

كويتي يبتها ييب يا اخي الصراحة
:)

Mishari said...

Very.Q8ya لا والله الهندسة فيها شباب وايد زي الورد
بس هذا الظاهر كانت ظاهرة

وبعدين ارد البيت واشوف هاللينك لان بالدوام ما اقدر ادش يوتيوب
:(

Mishari said...

Sowhat احنا اخوي ناخذ الكشة ونقط الكتب

Mishari said...

Smile exclent answer :)

Mishari said...

someone_q8 صحيح كلامك 100% ولكن مشكلتنا باختصار
فلوس طاحت بايد ناس ما تعرف تديرها شتقول وبالاخير يقولون الغرب تعابة
ندري يبه عندهم مشاكل بس اخذوا منهم الزين

Mishari said...

kila ma6goog : الاول جان زين غشمرة
الثاني انا معاك بعد
الثالث احسنت :)

Mishari said...

محـــــارة : الميزة اللى فيج اختي انج تشوفين المواضيع بحيادية

Mishari said...

أبو إسحق اى والله تصدق شفتها من قبل مرة :)

Mishari said...

بوصالح طالعين عندنا هاليومين
:)

Mishari said...

عاجل : خوش كوتا

Fahad Al Askr : صحيح


بو همام : اقولك شنو الحل ؟
تغافله وشغل مكينه وقطها براسه
:)

Mishari said...

جنون إحساس : ابتسمت :)

كويتي : الصراحة تحليل تاريخي ولا احلي للظاهرة المضحكة :)


Q8i_Blogger : وجوابك صح :)

Mishari said...

Ra-1 : الكوتا نظام يطبق فى المجالس لتخصيص نسبة معينة لمقاعد نسائية فى المجلس وهو معمول فيه في مصر والاردن اعتقد

Mishari said...

EarthQuaker : كلام جميل فعلا فعلا
:)

على نفسها جنت براقش : قبل كانوا يقولون فى الافلام بلد بتاعت شهادات بصحيح
والحين الظاهر بلد بتاعت نسوان

Mishari said...

ray : صوت المرأة لازم يوصل بالطريقة الصحيحة مو على ظلم الرجال

sologa-bologa : انا سمعت انها مقتبسة من مسرحية اجنبية ؟

فراوله : يا اهلا اختي العزيزة فراولة وين هالقطعة يا خوج
على العموم عودة حميدة
:)

Kuw_Son said...

الحريم ..

حيلة الضعيف يا مشاري !!

شيسوون غير جذي
:P