الطموح و العمل والمثابرة والالتزام وقليل من المشاغبة تكون الحياة ناجحة

Friday, November 09, 2007

من هنا وهناك



مفتي سوريا: أنا سني باقتدائي وشيعي بولائي وسلفي بجذوري

خوش حجي ؟ لما قريت الخبر عرفت قصده
وما أقصد التطنز والله بس تذكرت اعلان ((زين))

لقراءة الخبر



هوشة نيويورك

سنة وشيعة يتهاوشون فى سجن فى نيويورك ويطلبون مكان خاص للصلاة فيه بروحهم؟


يعني غير انكم مساجين وديرة غربة قاعدين تتفلسفون على خلق الله؟

شوفوا الخبر




المجلس البلدي

اللى صار فى المجلس البلدي من كم يوم شئ مضحك
يا أخي المسيحين عطوهم كنائس اذا تبون لان هالشى دستوري أظن لانهم

ديانة مختلفة
ولكن البهرة أنا ضد اعطاءهم مكان خاص فيهم
وأكرر واقول أهم 30 الف واحد بالكويت وكلهم هنود مسوين هاللوية عليهم شحقة؟
بتقولي حقوق انسان؟
يا اخي عطونا حقوقنا أول شى احنا قبل الهنود


معلومة على جنب علشان الاخوان الشيعة يخفون علينا من سالفة البهرة

السنة فى ايران 15 مليون ويشكلون تقريبا 11% من مجمل السكان
فى مدينة طهران لا يوجد مسجد واحد للسنة ومناطق ايران الكبري

ولكن كنائس موجودة حق المسيحيين

أنا ما احب اتكلم بهالموضوع ولكن لا تفتحون بيبان مسكرة وخصوصا أن اهم واقصد البهرة يوم كانوا بيشتغلون بالكويت يدرون شنو الوضع
وخفوا علينا شوي باسم الحريات


وعاشوا بني قادس بالرغم من الخسارة والمستوي اللى يلوع الجبد

44 comments:

Q80 Blogger said...

ليلحين بهره

احس الديره مافيها مواضيع

بس مفتي سوريا صج ابداع
اشلون قسم السنه عن السلف
هذا اشلون صار مفتي
امام مسيد بالعبدلي .. اذا كثّر صار امام على اربع بنغاليه .. افهم واعلم من هل مفتي الله يهداه

qesat_5ayal said...

وش ذا المفتي

:\

حد القلم said...

الله و سوريا ، شعب جاهل و فقير و متخلف و مو غريب عليه تتصدر هالاشكال للفتوى

بالنسبة للبهرة فخل يفتحون لهم مسجد بايران حامية حماهم بعدين خل يكلموني و هالحكي يفتح الباب حق طوائف ثانية انها تتكلم

وجهة نظري اذا ما عجبهم الوضع بالكويت خط كويت بمبي اتجاه واحد مفتوح خل يتوكلون على الله و الي يحبهم معاهم

و الشيعة و السنة متى اتفقوا على شي ، اصلا الشيعة يكفرون السنة و يحرقون مسايدهم شلون يجتمعون بمكان واحد

الله يخلي التقية (؛

تمت كل هالسنين كامنة و اليوم اعلنوا الجهاد و الهجرة و التكفير و قررو يفتتحون لهم مسجد امامي بالسجن .. !

الله يتمم عليهم و يهنيهم بسجن نيويورك و العراق

AliMorning said...

بوعبدالله,
نفس الكلام اللي قلته عن البهرة ينطبق على النصارى.

اثنينهم مقيمين, وفي كنائس ﻷكثر من مذهب نصراني ممكن يصلون فيها باقي النصارى.

العرزالــــــه said...

أبنـــــــــــدرادو

Hasan.B said...

ما دخل إيران مع شيعة الكويت..إذا إيران ما عندها إحترام لحقوق الاقليات لازم إحنا نصير نفسهم؟ لا و يعني صايدها و تقول
لا تفتحون علينا بيبان مسكره! اي بيبان؟؟ إحنا شكو فيهم وبغيرهم؟! إنت ولائك الاول و الاخير للكويت والشيعه ما يختلفون
معاك إب هالشي

Anonymous said...

وازيدك من الشعر بيت ،،، غير الكنايس
معابد الـمجوس اللي تارسه طهران وغيرها،ومعابد اليهود الايرانيين

Anonymous said...

عجيب ها السوري :)

حسام بن ضرار said...

موضوع البهره مو هين

اذا ربعنا اسمحوا لهم يفتحون معبد

باجر كل طوطيّن يطالبون بمعبد لهم

و تصير الديره سلطه

و بالمناسبه،، علماء السنه و الشيعه متفقين على بعد البهره و افعالهم من الاسلام

فما ادري ليش الاستذباح من الاخوان الشيعه على معبد البهره؟

-------------

اما مفتي سوريا الظاهر انه يبي يلعب على اكثر من حبل

انا خابر هذي سوالف المصاروه ... مادري شوصلها حق السوريين

Sowhat said...

هممم ما توقعتها منك بس الظاهر صارلي فترة مو متابع ...جانبك الصواب يا استاذنا

"معلومة على جنب علشان الاخوان الشيعة يخفون علينا من سالفة البهرة

السنة فى ايران 15 مليون ويشكلون تقريبا 11% من مجمل السكان
فى مدينة طهران لا يوجد مسجد واحد للسنة ومناطق ايران الكبري"

الجملة هذي احتج فيها وليد الطبطبائي .. على بناء مسجد للشيعة في القرين على ما اظن ...

على العموم ... مادري شنو دخل ايران بالسالفة .... علشانها دولة شيعية ؟
ولا لانه تعتقد ان الشيعة بالكويت ولائهم لايران ؟فتقارن الوضع الشيعة بسنة ايران ؟

يعني شتبي الشيعة يسوون ؟ يتصلون على رئيس ايران يقولة ترى احنا من الجماعة خل السنة يسوولهم مسيد علشان يسوولنا مسيد اهني ؟

ربط الشيعة بايران على فكرة ... فكرة خاطئة جدا جدا جدا تشيع ايران يعتبر حديث في تاريخ نشاة الشيعة و معظمهم كانو يسكنون جزيرة العرب و لكن تم التهجير لأسباب دبنية معروفة ...وحتى في الأرتباط الديني للناس لا يرتبط ابدا بسياسات ايران الخارجية ولا الداخلية ولا عيل اربط كل سلفي بأفغانستان ولا السعودية و اشتكي على حدس اذا صارت مشلكة بمصر.. ارتباطك بشيخ دين و لا سيد و لا مقلد ديني لا يعني ابدا انك تمشي على نهج بلادة سياسيا

بعدين ... خفوا علينا ؟ باسم الحريات ؟
شفيك مشاري ؟

ورحم الله والديك صكر كنايس الكويت و انت ماشي .. لانه ترى ماكو الا عايلتين مدري ثلاث كويتيين مسيحين افتحلهم دير صغير على قدهم ومو مشكلة الباجي

في النهاية ... احب اقول
عامل الناس ... كما تحب ان تعامل

Anonymous said...

سلام
اول شي من وين يبت معلومة او شلون استنتجت ان الشيعة يدافعون عن البهرة
ثاني شي ابي اعرف من وين يبت عدد مساجد السنة و عدد الكنائس بطهران
ولا بس تسمع و تكتب
ثالث شي تدري يا الحبيب انه عدد الكنائس بالكويت اكثر من عدد مساجد الشيعة و اذا تبي تتاكد روح عدهم
رابع شي ترا كتاباتك صايرة طائفية 100% و هالشي مو من صالحك كلش و راح يوديك بطريج كلش مو شي
اخير شي اذا تبي تتاكد من المعلومات الي قلتها انا حاضر لاني ما اقول شي مو متاكد منه

Anonymous said...

سلام
اول شي من وين يبت معلومة او شلون استنتجت انة الشيعة بدافعون عن البهرة
ثاني شي شلون عرفت عدد مساجد السنة و عدد الكنائس بطهران و لا بس تسمع و تكتب و بعدين شنو الربط بين الشيعة و البهرة و طهران
ثالث شي تدري يا الحبيب ان عدد مساجد الشيعة بالكويت اقل من عدد الكنائس و اذا تبي تتاكد روح عدهم بنفسك
رابع شي كتاباتك صايرة طائفية مئة بالمئة و فيها نتاقض عجيب غريب
اخير شي انصحك توخر عن هالشي لان مو من صالحك و لا راح تسير مشهور اذا كتيت مواضيع طائفية بالعكس راح تسير ونبوذ يا حلو

someone_q8 said...

السلام عليكم

يا جماعة الخير حبيت انوه لشيء وهو ان اللي يقول هالكلام هو عبارة عن عالم وليش شيخ دين عادي مهما قال فهو رأيه لنفسه , لنحترم العلماء مهما كانت آراءهم لان العلم يرفع من شأن الانسان ,
وبعدين اهوه ما اصدر هذا الكلام كفتوى !!!!!!
فقد قال هذا الشيء كرأي خاص
ولا ننسى قول الله تعالى : ( إِنَّمَا يَخْشَى اللَّهَ مِنْ عِبَادِهِ الْعُلَمَاءُ إِنَّ اللَّهَ عَزِيزٌ غَفُورٌ ) فاطر/28 .

فالفاعل هنا : (العلماءُ) فهم أهل الخشية والخوف من الله .

فالعالم ان اصاب فله اجران و ان اخطأ فله اجر واحد

###################################

اما بالنسبة لبناء الكنائس فيجب ان لا ننسى قول رسولنا الكريم صلى الله عليه و آله وسلم :
(لايجتمع في جزيرة العرب دينان )
اعتقد ان الحديث واضح ليس فيه شيء غامض واللي يبي تفسير الحديث ومعناه يقدر يبحث ويقرأ
ولكم مني كل تحية واحترام

Unknown said...

Q8i_Blogger : فى مواضيع بس لان قريت موضوع المجلس البلدي عن الكنائس وهذا اللى كنت ابى افرق بينه وبين اللى قاعد يصير بموضوع البهرة

وتأكد عزيزى انا ما كنت ابي اتطنز على المفتي لان مهما كان هذا شيخ جليل وله مكانته وما يصير نتطنز عليه

Unknown said...

qesat_5ayal : يمكن احنا ما فهمنا المعني من كلامه

ابن زيدون :والله يا بن زيدون كلامك يدل على انك مطلع وايد على هالامور بس تأكد وقبل اي شئ انا احاول اكون ماسك العصي من النص وايد ولكن اللى ينطرح من البعض يخلى الواحد مستغرب شنو هالدفاع المستميت على جم واحد هندي يعفسون علينا الديرة؟ وانا سكت فترة والحين قلت لازم الواحد يقول رأيه
اما سوريا فتأكد عزيزي انهم مو شعب فقير ولا جاهل بس يمكن هالفتوي انأخذت اعلاميا بهذه الصورة ولكن احنا ما فهمناها

Unknown said...

العرزاله : على اى فقرة ؟

حسام بن ضرار : ترى هم منت هين يعنى معبد ؟
والا مسجد؟ الحين تري تفرق اتوقع
اذا معبد اتوقع ان ما يسمي للمسلمين
واذا علماء السنة والشيعة متفقين على أنهم بعيدين عن الاسلام ليش هاللوية ؟

Unknown said...

Sowhat : دكتورى العزيز
انت تدري ان لا يمكن اكون بيوم طائفي لان عندي قناعة تامة بالوسطية وكيفية التعامل مع الاخر واحترامي لجميع انماط الفكر
ايران حطيتها كعامل مقارن
لان خل اقولك شلون
الحين بالكويت
البهرة على اساس انهم مسلمين صح
يعنى المسألة مسألة اختلاف مذهبي او طائفي
يعنى طائفة -طائفة
احنا بالكويت طائفتين فقط المعترف فيهم
شيعة وسنة
ونصلى بمساجد بعض ولكن هذه الفئة تبي مكان خاص فيها وما تبي احد يدخل فيه غيرهم وهذي علامة الاستفهام
واللى كان من المفروض ان الشيعة يسونه انهم بس لا يدافعون عن هالفئة ولا مطلوب منهم انهم يطلبون من احد للتوسط للسنة بايران
واكررها مرة ثانية يا عزيزى وانت المفروض تعرف اخوك مشاري عدل لايمكن اكون طائفي او متعصب لرأي

Unknown said...

Hasan.B: ولا اختلف على ما تفضلت فيه عزيزى اختلافي هو على نقطة واحدة وهي دفاع بعض الكتاب وغالبيتهم لو لاحظت من الاخوة الشيعة ونواب مجلس الامةايضا
ولا احد يشكك في ولاء الاخوة من اصحاب المذهب الشيعي نحن جميعينا فى مركب واحد عنوانه الكويت

Unknown said...

Anonymous : انا ما ثرت المسألة لكي اركز على ايران ولكن هذا الواقع

Unknown said...

ابو شملان : صدقنى ما اقصد اتطنز عليه ولكن استغربت من التصريح

Unknown said...

عيسى : وعليكم السلام
عزيزى اولا شفيك داش جنه استجواب وانت النائب وانا الوزير
هدي شوي واحنا قاعدين نتاقش مو نهاجم بعض :)

طيب من يبت ان الشيعة يدافعون عن البهرة
شوف اولا منو من نواب المجلس اللى تكلموا عن القضية ودافعوا عنها اولا
وشوف عدد الكتاب اللى تكلم عنهم وسو المقارنة

وعن عدد المساجد فى طهران
http://arabic.islamicweb.com/shia/sunnis_in_iran.htm
تقدر تشوف بهالرابط
بعدين يا عزيزى لا اروح اعد ولا هم يحزنون ووزير البلدية موجود والحكومة تسمح لاي كويتى بمخاطبة الوزير لا وازيدك بعد الوزير منكم وفيكم يعنى الرجل يتفهم وضع الشيعة بالكويت

ويا ريت توضح هالجملة اللى تفضلت فيها
((رابع شي ترا كتاباتك صايرة طائفية 100% و هالشي مو من صالحك كلش و راح يوديك بطريج كلش مو شي))

اذا كنت فعلا متابع لما اكتب فالمفروض تعرف اني عمري ما كنت طائفي

واخيرا
لا اكتب موضوع قبل قراءة ومصادر

تحياتى اخى الكريم عيسى

bo bader said...

في ذكرى ولادة الدستور
يدعوكم المنبر الديمقراطي الكويتي لحضور المهرجان الخطابي بعنوان:
( يوم الدستور )
يوم الأحد ١١-١١ الساعة ٧:١٥ مساء
بديوان النيباري بالضاحية
بمشاركة كل من:
عبدالله الرومي
أحمد المليفي
عدنان عبدالصمد
أحمد الديين
د.دلال الزبن
خالد الخالد
عبدالكريم حيدر
=====
حضوركم مهم

مشاركتكم واجب وطني

فنر said...

اظن هالمفتي حدده ستايل ويمشي ع الموضه
وفي مثل يقول مضيع المشيتين
ربي يصلح الحال
اما.. البهره كل يوم فنتق
ولاحول ولاقوة الا بالله

Q80MINI said...

صح لسانك

Um El-Zain said...

لول... جنك فتحتلك البيبان المسكرة

سدرة العشـــاق said...

ليلحين ما سوينا المسيد مادري المعبد للبهرة و شوف شسووا بالمدونات !!!!
-----------------
و بتصيرون أفهم من الرسول _ صلى الله عليه و على آله و سلم _ لما قال : "لايجتمع في جزيرة العرب دينان "

الله يهدينا و يهدي الجميع إن شاء الله

فتى الجبل said...

مشاري ما لقيت تضرب مثال الا ايران
من زود الحريات فيها

om-bukhnag-zare :) said...

مفتي سوريا او غيره .. كل له رأيه وتوجهه وعلينا احترام هالرأي أو هالتوجه مهما اختلفنا معه
وأما عن موضوع البهرة
فآنا رأيي لو الحكومة بتفتح المجال لهم ماراح انخلص لأن بإييك يوم تسمع بعبده الشيطان بيطالبون بنادي خاص لهم والمثلين وغيره وغيره .. وبروحهاالكويت لقمه يعني نبني بيوت ومرافق لنا والا معابد ومساجد وكنايس لهم ؟؟ والله ناس بطرانه

tweety said...

الله يعينك يا ميشو
بروحك مو ناقص إتهامات بالعنصرية

انا برايي وهو رأي شخصي إن يسمحون لهم ببناء المعابد مادري المساجد مالتهم مثل ما من حق المسيحيين يكون لهم كنايس مثل ما نبي دول الفرنجة تحترم ديننا ومقدساتنا لازم نحرتم عبادة غيرنا دام إنهم مو كفار
وخلوا القرعا ترعى اهي الديرة تمشي سماري يات على البهرة الحين

المهم إن ماهو موضوع يسوى يكبر وتتخلله خلافات بين سنة وشيعة ومعارض ومؤيد

SHAHAD said...

خوش مفتي .. يحليله لوول
أما المساجين حدهم بدعوا لوول
شر البلية ما يضحك

mowa6en said...

مسالخير .

العربو دايما بتاع كلو ، وهذي اعتقاد لا يتجزأ من طريقة تفكيرهم ، بس نسى يقول انه بعثي بتفكيره .

...

وجماعة نيويورك الله يهديهم

...

وقصة طهران هي شوكة في زلاعيم اخوانا الشيعه في ايران


ونسني موضوعك يا مشاري
شكرا

Anonymous said...

سلام
حبيبي انا مو معصب و لا شي
حبيبي شنو الربط بين الشيعة و البهرة و طهران ما قتلي احنا شكو بطهران
مو انت في مقالك بعنوان (من يضمن ايران)تقول العقيدة مالها شغل بالدول
بعدين حبيبي نائب شيعي واحد تكلم عن القضية ليش تعمم على كل الشيعة؟؟؟
يكون بعلمك ان البهرة يعتبرون منحرفين فكريا و الي يدافع عنهم يدافع من باب اعطاء الحقوق للجميع خصوصا و انهم يومنون ب لا اله الا الله محمد رسول الله
و بالنسبة لموضوع عدد المساجد بطهران انا مالي شغل بطهران و لا بلاويها بس لازم اوضحلك بعض الامور
مثل ما عندك رابط انا عندي (مع تحفظي على الرابط ) لان مو كل شي ينكتب بالانترنت يعتبر صحيح خصوصا بمثل هالمواقع
في زيارة قام فيها السيد عبدالرزاق رهبر و هو كبير علماء السنه في ايرا قام بزيارة الكويت في شهر 4 الفائت و اجريت معه مقابله في جريدة الوطن (العدد ما اذكر تاريخة بس بشهر 4 تقدر ترجعلة)يقول انة في طهران يوجد 250 مسجد سني و تحدث عن حسن المعاملة و وجود الحريات الكافية للطائفة السنية في ايران اقرا المقابلة بنفسك و شوف
بعدين انا لمن اقول انك صاير طائفي انا ما قلت هالكلام من فراغ انا متابع مدونتك من سنة تقريبا و قاعد اشوف النفس الطائفي في كتاباتك و هالشي يخليك شخص منبوذ و فاقد للمصداقيه و شكرا

Kuw_Son said...

اللي في السجن ..

مقضوض و يبرد !!

و مفتي سوريا .. هذا أكيد سامع أغنية راشد الماجد ..

أنا صاحي لهم و بلعب على المضمون !

إيلاف said...

ابتسمت ابتسامة استهزاء وشفقة عندما قرأت في الجريدة خبر عراك السني والشيعي في السجن !

الى متى ستظل أحوالنا يُرثى لها ! ألن نتفق حتى بالسجن ؟


ما شاء الله 15 مليون في منطقة واحدة ويشكلون فقط 11% اللهم زد وبارك

Unknown said...

مناره : يا اختى منارة ظلمتي الرجل اقرى الخبر وتعرفين
:)

Unknown said...

Q80MINI صح بدنك

Um El-Zain : يا حيل الله يا بنت الحلال

Unknown said...

سدرة العشـــاق : اهم زعلانين ليش احنا قاعدين نقول هالكلام ويسمونه عنصريين وارهابيين

Unknown said...

فتى الجبل : انا ما ضربت مثل
انا قارنت بين الوضع عندنا وعندهم وعدد الفئتين الموجودة اهني واهناك

Unknown said...

أم ثـوب النـَشـِلْ : احترامه موجود على العين وعلى الراس

ورأيي مطابق لرأيج تماما فى موضوع البهرة

يعطيج العافية

Unknown said...

SHAHAD : صدقينى ما قريتى الخبر لو قاريته ما تكتبين لوول


اما المساجين فاحنا فعلا مبدعين

Unknown said...

moowa6en : والله مو مال تطنز عليه ولو قريتله صدقنى راح تفهم شنو يقصد


ونستك العافية ولد عمي

Unknown said...

عيسى : ما راح اكثر عليك
البهرة يصنفون ضمن احد الفئات الشيعية
واذا نائب واحد ماشى واحد
جم كاتب شيعي كتب بالموضوع ول ول علي موضوع الحريات ؟

هدي اللعب اخوي عيسي وصدقني اللى تقوله كلش مو منطقي ولا انا من الناس اللى تدعو الي العنصرية والله يشهد ان دائما ابحث عن نقاط مشتركة للحوار

Unknown said...

Kuw_Son : انتى فرطتها عاد
صاير مطوع خفيف
:))

انا اقول اقري الخبر بعدين تعرف شنو المقصد منه لا تطنز عليه

Unknown said...

Ealaf لن نتفق الظاهر المسألة تتجه فى قضاء النصف على النصف

اما العدد فطبيعي لو علمنا ان عدد سكان ايران 70 مليون يمثل السنة فيها من 15 الى 20 مليون سنة

وانا اخترت النسبة الادني تحرزا