الطموح و العمل والمثابرة والالتزام وقليل من المشاغبة تكون الحياة ناجحة

Tuesday, November 13, 2007

يا أخي جان زين يصير كلامك صج ويطبقونه



مسرحية حامي الديار كانت تحمل هموم وطموح الشارع الكويتي
والكلام اللى كان بذاك الزمن نفسه يتطبق اليوم
كل شئ جميل قيل في هالمقطع ما عدا
موضوع نوط بو الف لان راح يكون وقتها جيس الخبز بعشر دنانير

اذا في احد يقدر يحصل مقطع ( ابشركم الحكومة بتطيح القروض لا يبخل علينا فيه ) مشكورين

تقفيلة
لا تسمع كلام الناس وشوف الافعال معاك
واللي حجوا فيني يا صاح
بظهرك حجو فيك



21 comments:

الوجد said...

هالمسرحيه تحاكي واقعنا ومستقبلنا المؤلم



وكانت نظرة كاتبيها صحيحه للمستقبل



وها نحن نرى بعض ما تم تمثيله



يتحول الى حقيقه وواقع

7saweya said...

والله انا مو باط جبدي الا العرب.. صج الاجانب وصلوا القمر و اليابان عقب قنبلة هيروشيما امبراطورهم سوا حركة وحدة غيرت مجرى حياتهم و خلتهم من أكبر الدول الصناعية
بعد ما أعلن استسلامه نزل الى الشارع و كنس الشارع! طبعاً اهم لما يشوفون امبراطورهم اللي يعشقونه لي درجة الموت يكنس الأرض يسوون مثله وبعدين نادى بالتكنولوجيا
واحنا عندنا برميل النفط وصل 3 أرقام ماشوفهم يتحركون!

7saweya said...
This comment has been removed by the author.
moowa6en said...

بناءا على كلامك ، انا أعتقد أن بعض النواب راح يطالبون بتحويل الكويت إلى طبقات وإلا راح يستجوبون رئيس الحكومة .

بعد هذي موضة هالأيام ، اذا توهق النائب قطها على استجواب رئيس الحكومه .

ديرة بطيخ وانا اخوك يا مشاري

Q8i_Blogger said...

هذا شي طبقوه بعد الغزو
وتم اسقاط القروض
ما اعتقد الشي راح يتكرر .. ولا نبيه يتكرر

لأنه اذا اليوم طيحوه وانا ماعندي قرض ولا استفدت

باجر انا وجيلي بعد مانبلش بنيان وعوار الراس والقروض

راح نقول اشمعنا سنه 2007 سويتوها

ولا اهما ناس وطنيين واحنا عيال الهنديه ؟

هذا باب ماودنا نبطله

تحياتي

EXzombie said...

http://www.youtube.com/watch?v=ZChal98ExuI

عاد امس كنت قاعد اطالع المسرحية باليوتوب

تحياتي

حمودي said...

:)

Krakatoa said...

على طاري المسرحية ..مقطع سياسية العوده...على فكره راح يتطبع في منطقة شرق السكنية بيشيلون الكراجات اللي بشرق وبيخلونها طبقات وعماير سكنية وكذلك البراحه اللي جبال مجمع الاوقاف..اشك ان اللي يخط حق البلد مخلي مسريحة حامي الديار دستور له

EarthQuaker said...

يقولك الحكومة بتسحك احتياطي الاجيال القادمه بتسحك بتسحك بتسحكها

ايه نعم



على فكره انا ماني عارف الناس ليش ميتين على اطاحة القروض يعني مثل ماقال q8i_blogger
في ناس ما خذو شنو ذنبهم ؟ او القرض مو ذنب الحكومة لان محد طق احد على ايده وقاله اخذ قرض , بس اذا يطيحون الفوائد الزايده ممكن لكن القرض الاساسي مو عداله انه يطيحونه يعني واحد ياخذ قرض عشان يسافر ولا يكشخ او عقب ما يشبع يقول يا حكومة دفعيلي؟ او هذا الي حاصل مع اكثر الناس

يعطيك العافيه بوعبدالله
بو بدال لا تتكلم عن القروض تكلم عن مشكلة البري بيد كاردز الي ماني قادر اشتري فيهم بالنت

يعقووبوو said...

انا على نهاية الدوام

ضحكني وايد المقطع


والمسرحيه عندي بالبيت. ولكن ماعرف اشلون ادخل المقطع للكمبيوتر


بس احاول اني انزلها

kila ma6goog said...

المسرحية تحاكي واقعها و زمنها

احنا اللي مو قاعدين نتحرك و نتطور

فريج سعود said...

كون ان في مسرحية عرضت قبل 21 سنة وتحاكي وقاعنا ومشاكله الحالية هذا معناه ان احنا على طمام المرحوم

ZoZOta said...

ربي يفرح قلبك دنيا وآخرة يا مشارى

اما مقطع حامى الديار عدل لي مودي

:)

الله يرحم ايام اللي مسرحياتنا كان لها معنى ونكهه خاصه

rwatan said...

تخيل أن مبالغات المسرحيه أصبحت واقع :)
ما بقى لابعد كم سنه يطالبون بأن يكون للحامل صوتين

ButterFlier said...

مكانك راوح يا وطن

فتى الجبل said...

عدل
اللي يحجي فيني
أكيد بحجي فيك

Ealaf said...

ههه اتفق بدة مع الأخ كله مطقوق !!

بالفعل المسريحة كانت تحاكي زمانها , ولكننا نحن الذين وقفنا عند ذلك الزمن ولم نتقدم

أم الثـوب النـَشـِلْ said...

همممم انا معلقه من أمس !! وين إختفى تعليقي ؟؟ اعترف!!ا

Q80MINI said...

على قولة النفيسي
كتاتة فال مو ديوانية

أم الثـوب النـَشـِلْ said...

أبدع الثلاثي عبدالأمير التركي والفرج والنفيسي رحمة الله عليه فقداستطاعوااستشراف المستقبل بينما حكومتنا الغير رشيدة عالم نيام نيام ..واستطاع الثلاثي بقدرته على مزج الطرح السياسي بالكوميديا الهادفه على خلق وعي سياسي لدي المجتمع الكويتي
هممم اقتراح ورا هالحكومة مااتسوي اشتراك عند بوعدنان وتأجر جميع مسرحيات ذلك الزمن الجميل أيام ما كان الفن فن برهابس أقوووول برهابس يطلعون بأجندة واضحة لمستقبل مشرق!!ا

Kuw_Son said...

Have a nice week end :)

wannastna Allah ywansek eb hal video clip ;)