كنت ذاهبا من قبل يومين لاجدد الاشتراك في النادي مستعجلا
واقفا عن مكتب الاستقبال واذا بالموظف يقف مع شخص اخر
من ربع العضلات وكان الحوار كالتالي وليعذرني القراء على مستوي الحوار
الشخص : تصدق أمس أخذتها وخلصنا وبعدين لقيت نفسي أن عاشرتها معاشرة الازواج ( طبعا أنا معدل بالكلام لان الكلام كان غير) علي كلام قذر
موظف الاستقبال : وبعدين شنو سويت
الشخص : ذهب للصيدلية وشريت حبوب منع الحمل واتصل فيها كل شوي
تأكدي ما نزل منج شى مرددا قول البنت
مالي شغل اذا حملت تتزوجني
موظف الاستقبال: أنا صارت فيني من قبل وقتلها ما اقدر اتزوجج
انا متزوج ؟؟؟؟
طبعا هالحوار صار وانا واقف ولا جني واقف بالنص بينهم
وكانت مدته سريعة لا تتجاوز الدقيقتين
فقاطعتهم وكنت متوقع اني احصل زفة والا كوع من صاحب العضلات
بس قلت الوضع ينفرز
قتلهم شباب أنا اسف انى اتدخل بينكم بس الصراحة شباب هذى سوالفكم خاصة جدا
وانت غلطت استر على نفسك مو تتكلم اشكره
صاحب العضلات يضحك بوجه مستحي محمر
والله صح كلامك يا اخوي وتأسفوا
تعليقي
ماني عارف شنو هالجرأة بالشباب اللى قاموا يتكلمون بالغلط لي هالدرجة
يعني كلنا نغلط بدرجات مختلفة من الخطأ
ولكن الواحد يستر علي نفسه يعني ماله داعي هالكلام
ولكن صحيح ان لم تستح أفعل ما شئت
سؤال اليوم ؟
أكله لذيذة يتم أكلها مع الخبز الايراني وقلاص جاي
اذا كليتها بالشتا دفيت
واذا كليتها بالصيف حاشك عطش مو طبيعي
عرفتوها؟
48 comments:
المشكلة الكبرى مو التحدث عن الموضوع .. بل هي الفعل نفسه! و الله يا أخ مشاري أسمع عن قصص بنات من اللي يفعلون هالأمور و أستغرب و ما أصدق.. معقولة البنات بالكويت وصل مستواهم لهالمستوى
و لا .. استغفر الله .. يروحون الحج بعد
انا ركزت أكثر شي بالقصة عن البنات .. شي يديد اني أسمع هالقصص عنهم .. أما الشباب سمعنا قصص وايد عنهم مع الأجنبيات
-------
و عن سؤالك .. دام انه مايقدمونه بلورينزو أو حتى ماكدونالدز .. فما أقدر أجاوب
:Pp
قلة ادب والله
الله يستر علينا هذا ما يستحي انزين انت سويتها اسكت
يا مود زين رد عليك باحترام زين درا انه غلطان لو واحد غيره جنه الي مسويه عادي ياكلك بقشورك
الحيا ضاع ياالمشري
اول الواحد او البنت يستحون اذا تكلموا مع الصاحب او الصاحبه الحين اشكره وبصوت عالي واللي يعجبه يعجبه
الحين يطلعون مع بعض وجدام الناس ولايسترون على روحهم وعيني عينك وصوتهم اعلى شي بالمطعم او المكان اللي اهم فيه
اول الواحد يستر على روحه لاسوى شي الحين دش بعض هالدواوين ماعندهم الا انا سويت وانا عملت والمشكله كله جذب
وجواب الاكله اعتقد كورن فلكس
ذكرتني بسالفة صارت لي اليوم
إذا بليتم فاستتروا .. أحنا محنا بغسلينا بالكوثر بس مو على عينك يتاجر
اليوم كنت رايحه مع الأهل مشوار وعقبها قمت اتمشى على البحر بوقت الغروب ومعاي ولد اختي تخيل اني مستحيه من البشر الي تمشي لأن اغلبهم شباب من بنات وصبيان فكنت اتسلى مع ولد أختي عشان يبين وكأنه ولدي
المهم وانا امشي ولا اشوف قصص غرام وعلاقات الحب قبال العالم وتركيب علاقات على الملأ
يمكن فوق 6 بنات ورفيجتهم مناديه صاحبها ومعاه رفيجه شويه يخلونهم بروحهم شويه يمشون وهذولا معاهم وعقب يمشون وهذولا بعاد عنهم
انا الي وضعطي طبيعي حسيت اني غلط امر صوبهم من بعيد كسرت ورديت لسياره قلت عسى مامشيت هذولا مايهم الناس
الله يعافيهم ولا يبلانا .. ويعافينا من مبتلانا
والجواب ؟؟ كباب
والله زين تسوي فيهم وتدقرهم
جان زين وقفت على جذي
الكارثة الحين صار شي عادي
المتزوج يخون مرته
والمتزوجة تخون ريلها
وتلاقيهم مصلين مسمين
بس لازم يعرفون ان الصلاة المقصودة بحديث النبي صلى الله عليه وسلم انها تنهى عن الفحشاء والمنكر غير عن صلاتهم اللي يمارسونها كعادة مو عبادة
يعني ولا مرة تذكروا شنو عقوبة
الزاني المتزوج
والزانية المتزوجة
؟؟؟؟
العقوبة هي الرجم حتى الموت
وتعتبر بالاسلام من الكبائر
أعوذ بالله
واسف على الاطالة
شكرا
الجواب جبن كرافت :)
magool illa la7awla wala qowata illa billah
Allah yastir 3alaina dinya o akhra
استغفر الله العظيم
لا حول و لا قوة الا بالله ، يا مشاري هالحال الي وصلو له شبابنا مزري و يقولون ليش طقة المسلمين ببيزه .. يا اخي دامك فعلت فعلتك التي فعلت استر على روحك .. ما يجوز هالحكي و انا احب اذكر كل زقمبي من هالجماعة ببيت الشعر القائل :
ان الزنا دين فان أقرضته // كان الوفى في أهل بيتك فاعلم
و الله لا يغير علينا النعمة الي احنا فيها بسبب تصرفات هالحثالة .. ربنا لا تؤاخذنا بما فعل السفهاء منا
الجواب : كباب
الجواب:
رهش
وخبز ايراني
على الموضوع الاول اقول اذا لم تستح فافعل ما شئت
الموضوع الثاني: رهش؟ :P
رهش ... غرامي الأول و الأخير بالأكل طبعا بالصج فتى الجبل
:P
من امن العقوبه اساء الادب
و الاكله آش
لووول
أو رهش
رهش يا مشاري رهش
لو انا منك جان قلت حق بو العضلات لا حبوب منع الحمل ولا شي انت ما فيك حتى عصعص منوي
من هالهرمونات الي تاخذها
بس ذيك الساع تحمل الكوع عاد يا مشاري
السلام عليكم
حبيت اقول ان الله يستر على الاخ والبنت وان شاء الله يهديهم الى الطريق الصحيح وبيعد عنهم طريق الخطأ
قال رسولنا الحبيب صلى الله عليه وآله وسلم : ( اذا بليتم فاستتروا ) و عن عبدالله بن عمر بن الخطاب رضي الله عنهما عن النبي صلي الله عليه وسلم
( قال: ان الله عز وجل يقبل توبه
العبد ما لم يغرغر) رواه الترمذي
واعلم يا خوي أن الله يستر العبد يستر العبد يستر العبد حتى إذا اغتر العبد بستر الله كانت الفضيحة وعلى الملأ أيضا .. واعلم أنه كما تدين تدان .. وأنه من ترك شيئا لله أبدله الله خيرا منه
ولك مني كل تحية
الحيا شعبه من شعب الايمان .. و بعدين هذا واحد ما استحى من ربه و من فعلته .. بيستحي من الناس
اما سؤال اليوم فصعب الصراحه .. مافي اختيارات لول
الباكه
كباب
جبن كرافت
والله الحيا من زماااااان انقرض واذا ماانقرض فهو مهدد بالانقراض .. عموماً من الشباب والبنات .. من شاف سوالف اللي معاي بالدوام !؟ يعني آنه مادري إذا فيه شي بعد ماقالته
--
الوجبه اتوقع إذا ماني غلطانه خبز ايراني ورهش .. مع اني مااحب الرهش استغفرالله !؟
بس أكلتها يوم كنت صغيره مع جاي وحليب بعد :)
رهش ;-p
!!!!!
مصدومه والله مصدومه
ماني قادره اعلق
واكثر شي صدمني الاكله اللذيذه
حسبي الله على ابليسك
يمكن كباب ؟؟ الكباب يعطش مو؟
ياخي ماله داعي التفصيل في كلامهم. الاشارة تكفي عشان نعرف انه يقعون بالمحظور
أصعب شي ممكن الواحد يتخيله ان يتكلم عن نفسه
استر يا اخي استر على نفسك
الله يكثر من أمثالك اللي يتكلمون بالحق
:)
ee walla el nas ef9akhaw el 7aya mo leyyah ... allah yaster 3alaina o 3alaihom o yahdena o yahdehom o yer7amna o yer7amhom gooloo ameen :p wel jawab shawarma ymkn
لا حول و لا قوة إلا بالله !!!
" حسبي الله و نعم الوكيل "
و الله احس شعر راسي وقف !
في ناس بهالمستوى !
من جد
ان لم تستحي افعل ما تشاء
ما عاد في الناس حيا استغفر الله
وجزاك الله الف خير
حلمي معي
المجاهره بالمعاصي له اثم كبير
..
تخيل الله يبي يستر عليه واهو ما يبي
سؤال
!!شتتوقع بيصير فيه اذا جد احملت
ولو اني اشك بحملها
دام الحبيب بو عضلات يعني
.....
من الهرمونات
!!
فاهمني بو جود
:))
____________
عام سعيد لك وللأسره
الصبوووووور
إذا بليتم بالمعاصي فاستتروا !
يعني إلي يسوي شي غلط يسكت
مادري شلون هالناس يفضحون روحهم
ويفتخرون بالذنب
شي غريب :/
إنت ليش مستغرب؟
في ناس تتفشخر جنه إنتصار
الله يستر علينا وعالمسلمين
الشره عالمجتمع اللي معلمهم الريال شايل عيبه!
جواب سؤالك... تمرية
استغفر الله امبي من صج جذي يسولفون قبال الناس
والله فشله
الله يستر على الجميع يارب
و على السؤال لوول مادري بس يدتي تاكل رقي مع الخبز الايراني و الجاي
و انا اكله مع جبن كرافت
واحد منهم انت اختار
شكله الاثنين غلط لوول؟
كل سنه وانت بالف خير و انشالله تكون سنه حلوه عليك يارب
salamz dear friend...
تدري متى تصير الطامة الكبرى والانحلال الاخلاقي بنظري ؟؟
لما المعصية تصير والناس تعتبرها شي طبيعي
هني اقرأ على أمتنا السلام
مثل ما قال احمد شوقي :: واذا اصيب الاقوم في اخلاقهم فأقم عليهم مأتما وعويلا ..
شكر عالموضوع
والأكله آآش ما يبيله :)
حيا الله اخوي مشاري
الناس فاضحين روحهم .. مو بس فضيحة الجماعة يتفاخرون بعد
خلها على الله
اعتقد الرهش ..عدل؟؟
كل عام و انت بخير يا خوي
:)
السلام عليكم
والله يا مشاري العاهات زادت بالديرة .. صاروا حتى البنات أشكره !!
الله يستر علينا وعلى الجميع
والجواب : كباب على ما اعتقد بس حيرني جلاص الجاي لووول
تحياتي ،،
يقولون الحيه نقطه
فأذا راحت خلاص
اما الاكله فما يبيلها مهيوه
ما ادري اذا كان لها شعبيه بالكويت
نفس اللي عندنا
كل عام وانت بخير
والله يا المشري الجواب
يا الرهش
او
القبيط
او
الخريط
جنهم اسامي ينانوه .. مو ؟
:)
يقول الرسول صلى الله عليه وسلم :
كل أمتي معافى .. إلا المجاهرون !!
الله يستر علينا و عليه
و أكلتك هذي تحير !!
شكله رهش
الإشهار بالمعاصي من علامات آخر الزمان
الله المستعان
ويزاك الله خير إنك وقفت وتكلمت
كل عام وانت بخير حجي
ييت اقول...
u r needed!
كباب
استغفر الله يارب
موقادرة استوعب
شلون جذي وصل الحال
يااارب تحفظ شباب وبنات المسلمين ياارب
لا حول ولا قوة إلا بالله
يعني هم زاني وتتكلم وبفخر !!! والله نشفق عليه ترى والله مسكين يظن إن رجل
ونعم الرجوله إن كانت هذه نظرة للرجوله وكما قال الرسول صلى عليه وسلم :
(كل أمتي معافى إلا المجاهرون )
الله يهدي إخوانا وأخواتنا ويردهم للإسلام ويحببهم بكل خير أمين ياارب
الحمدالله والشكر مالت عليهم أنت من قلت مجسمين عرفت مستوى النضج
ومالت على هالبنية اللي متعرف عليها
حشا مسلسل الراي اللي يحطونه هالايام !
ممكن تكون الاكلة الباجةأو الباكة اللي تعجبك فيهم مادري
صج كل عام وانت بخير
وعيد مبارك يا الحزرة تختفي وقت الاعياد عن العيادي أعرف سوالفك
:p
اول شي كل عام وانت بخير
وعساها سنة حب ومحبه وخير علينا
اما بالنسبه لموضوع الشباب::
استغفر الله العظيم لاحيه ولا حشيمه
والاكله اعتقد انها مهياوه مع بيض والله اعلم
تحياتي
الرهش
لووووووووووول
تعليق فريج سعود لطيف .. وكان المفروض تقوله هالكلام فعلا
اش ؟
حبيبي بو شروة
مشتاقلك والله
بصراحة مدونتك رائعة ومميزة وانت قمة في الرقي والأدب والجودة في اختيار الكلمات
بس هالبوست بتاع الكلام بين الشخصين اللي أقل ما يقال فيهم - منحطين اخلاقياً - انت اكبر وارقى من ان تذكره في مدونتك
اما الاكلة فالله واعلم الله واعلم .. دجاج على الفحم لأني مرة برمضان تسحرتها وذبحني العطش
حبيبي بو شروة
انت جميل في طرحك رائع في مواضيع
وكل كلمة تكتبها تخفي خلفها انامل ذهبية .. تحول الكلمات لشيء ما رائع
وبصراحة انت ارقى من نقل حوار هالمنحطين اخلاقياً ..
Post a Comment