بعد قصة صاحبنا العزوبي كان هناك نداء بالكتابة عن المرة اللى فاتها قطار الزواج وبدأت تتحلطم
وليسامحنا الاخوات لان كل اللي قاعد ينكتب مجرد غشمرة
العمر عدي يا كومار وصل اربعين
والقلب شيب والحالة حالة
ما غير افرفر بالمجمعات كل ضحي وحين
من مجمع الفنار وزهرة والصالحية
وكل ما دخلت مجمع يا كومار يا الشين
صادفت ذاك المزيون اللبناني بالكلام الزين
وقال تؤبرني عيونك شوي حليانة
ولي دخلت عند الشيفة المصري اللعين
رددها وعور قلبي وقال
ازيك يا حجة شلونش مرتين
خلاني احس ان الدنيا تعبانة
عمري مر افرفر
من خطابة لي كتاتة فال لى ام حسين
ولا اكو فايدة
رحت المجلس وترززت بالجلسات وقلت ليل يا عين
يمكن يقولون سياسية ويخطبوني وتصير الحالة صاجة
كمو علي وقالوا صج خبله محد يبيج
وشلت شلايلي وقلت مالي الا الجمعية
من الرميثية لى العارضية وبسطت اخرتها بالشامية
ما غير هاليهال والدقة والميانين
ماني طالبة زود
طالبة القرب يا معفنين
واحد اضفه ويضفني بهالزمن الشين
والشباب شباب القلب يالمزايين
ولكن للنداء ماكو اذن صاغية
تدري شلون يا كومار
قم خل نروح ديرتك واشتريلك بيت زواية
وايب منك جون وكومار صغير
دام هالديرة نصيب ماني فيها لاقية
33 comments:
من صباح الله خير قاعده
دشت رفيجتي تقولي قريتاي بوست مشاري
قلت لا عسى ماشر
عطيني اللينك اشوووفه
يوووووم قرييييييييت
مت مت مت ضضضضضضحك
غشيييييييييييت
مو عشاااااااان شي
عشاااااااااااان خبرك انا بايره
بس مافاتني القطار لي الحين :PpP
و عشااااااان كان محوووور حديثنا في الويك اند
لوووووفاتنا القطار كلش كلش كلش
هل بنتزوووووووج غير كويتين
خبررررررك يا مشاااااااري النفس ما تميييل لغير كويتي
يعني يعني تأبى المروووووءه عرررررررفت
بسسسسسسس بصراااااااحه بووووووووست عجيييييب والله
ووووووووووليش يزعلووووون
يبااااا اكو احلى من وساااعه الصدر؟؟؟
حفظك الله
الله يقطع سوالفك يامشاري
والله هلكت من الضحك وأنا في المكتب
وماخليت وحده من البنات التعبانات عندي في المكتب إلا وطرشتله لها
صدق عاد ترا البنات سوها وآخرتها خذن كومار وراجو
هالله هالله ببنات ديرتكم لا إييكم يوم ماتحصلون حد
روفوا بحالهن
lawyer : الله انتى من وين طالعة :)
يا حيالله الحجية شخبارج
المهم خلج على الكويتي انفع :)
بس اذا حدج الزمن ما يضرش من اي مكان المهم الستر
واشوي صدوركم وسيعة علينا مالنا خلق لوية :)
عــــاشــــه : والله يا بنت الحلال النصيب يصيب حتي لو بالتسعين ما سمعتي قصص اللى تزوجوا واعمارهم بالثمانين؟
ههههه أضحكتني أضحك الله سنك :)
تذكرت مسلسل رقية وسبيكة حين تقول سعاد عبد الله:
"أصوم أصوم، وأفطر على بو بكلة"
يبدو أن بطلة خاطرتك، صامت، صامت، ثم ستفطر على كومار في بلد البهار :P
وفي النهاية، أنا من المؤمنين أن لا بديل عن المنتج المحلي.
عندي واحد يبي يتزوج وحدة غنية
عندها فلوس والا لأ؟
مشاري
و بكل صراحة جاوبني
شنو حل مشكلة العنوسة؟
لا تقول كومار!
Catism رقية وسبيجة كان عندهم مليون :)) لما باعوا البيت بس المنتفة شتسوي :)
فتي الجبل : باقيلها قسط واحد ويصفي راتبها :P
ماخذة شاليه حق الوناسة المستقبلية
بو سلمي حبيبى انت
الحلول اللى عندي ما ترضي مجتمعنا ويطلعون لها مليون علة وعيب
الشرع موجود بس الناس غلبت الشرع على الامور الاجتماعية
وامتنع عن الاجابة الا في حالة عزيمة منك لي حق فيلم ويل سميث اليديد
سي يو
هههههههههههههههههههههه
يحليلك يا مشاري في هالبرد ضحكتني
يا حظ كومار ببيت الزاويه
مشارى صج راايق....الله يهنيك
ونستنى من الصبح ....الصج غشيت من الضحك......كومار
عاد الله يهداك كومار....وبيت وزاويه
وبعدين كومار يتزوج عليها
وتصير شريجتها بنت عم كومار
وياخذون البيت وزاويه ويسكنونها بالملحق
مسكينه....ما فى احد عنده حبت شهامه يتزوج هالمقروده
=====
وبعدين انت يالمقروده شتبين بالزواج
حسبالج زواج اول
الحين كل شيئ بربس ا.....جنه لعب بروي
ترا جذى اريح لج واونس لج وانت حرة نفسج......ترا زواج المسيار
زين هالايام....لا حنه ولا رنه
كله اناسه بوناسه
=======
تسلم ايدك
مــــــــــــــت مــــــــــت من الضحك ... والله مسكيـــــــنة هناك فقر و نقر ... تروح انجلترا لجــــــوء انساني احسن :p
هاهاهاهاي
خلاص ماكو غيرك مشاري
كل سنة تاخذ اربع و يتم التجديد السنة اللي بعدها .. وهكذا
علشان تنحل هالمشكلة و ما تصير ديرتنا ديرة كووماار و ربعه :)))
تحفة
موهبة ما شاء الله
والاخ مطقوق
يليت انت الي تعطي الحلول
ونشوف شلون ممكن تنحل مشكلة العنوسة
ودمتم
بعد شيبي كومار
يت من نصيبه
صج الحظوظ عند الهنود
هم كومار وهم بيت زاوية
يا أكشخ
النصيب نصيب ماله شغل
وما اظن فيه في حل لمشكلة العنوسة
نصيبك يصيبك
تسلم ع البوست
غيرنا المود على هالبرد
الواحد لما يكون عزوبي
يقول ابي اتزوج
ولما يتزوج يقول ابي ارد عزوبي
مافي حل وسط ؟
هههه
أما صاحبتنا زوجة كوما
أحسن لها تظل عزوبية
:)
الصراحة مشكلة العنوسة أنا اشوفها اصعب مشكلة لازم يلقون لها حل
خصوصا بالنسبة للبنات
لأن البنت أو أغلب البنات قمة أحلامها إنها تتزوج
مادري ليش
هالشي نصيبة
والمفروض الواحد يرضى بنصيبة
اذا تزوجت البنت خير وبركة
واذا ما تزوجت بعد خير وبركه
مو نهاية العالم إنها ما تتزوج
**
وشكرا على هالبوست الحلو إللى يوسع الصدر
اوه اووه اوووه .. خلصنا من الفيليبينية و الحين هندي!
الحين قلنا انها بالاربيعينات .. و اللي بالعشرينات مثلي شتقووول؟؟
:/
a
السلام عليكم
تصدق اخوي مشاري لو هالبنت اتزوج كومار اتصير فضيحة ولووووية , وشكو ماخذه هندي واشمعنى هالهندي وراح تطلع عليها اشاعات وبلاوي , ولا تنسى في اكثر من قصة حقيقة صارت بالكويت ان كويتية خذت هندي وسافرت معاه وانا اقول اكثر من وحده , وهذه مافيها شيء لان هذا نصيبها واذا اهيه مستانسه وياه و مو امقصر عليها شيء الله يهنيها :))))))
بس انا اقول حق الكويتية تره مالج الا الكويتي لانه انفع وولد ديرتج يستاهل , بس لا اتنحشون المعاريس بكثرة الطلبات والمهور :)))))
شكلي على كلامي هذا بيرفعون علي قضايا قذف :))))))))
لك مني كل تحية واحترام
خل يقرون قانون المراة والي فيه تاخذ الكويتية حق السكن وغيره من حقوق كاملة حالها حال الرجل الكويتي
وهي تتزوج اقدع سكيوريتي بالكويت
ما عندها سالفه يا حلو العزوبيه
وسألني
العزوبيه = الحريه
بوست رائع
تحياتي
جميل جدا يا مشاري ..
الله يكون في عون العانس
:P
لوووول موطبيعي البوست , وانت مميز أصلا بالبوستات اللي تكتبهم , أهنيك
تحياتي :)
Smile : ضحكوا يبه شماخذين من الدنيا لا تضيقون خلوقكم :)
بنت الشامية : على هالضغط اللى نمر فيه وما تبين نروق؟ وبعدين المسيار جنه بيعم بالكويت نطري بس
`~MnO YeNSa! ~` : الموضوع اذا لجوء لجوء بس لازم وياه ريل
乂♥Not.ViRGo♥乂 : ممكن نساهم ؟
ManalQ8 : شكرا شكرا :) وعادى الحلول موجودة بس ما يتقبلونها
Eng_Q8 : الهنود مشنصين :)
جنون احساس: الصراحة كومار الظاهر امه مسلمة وداعيتله بليلة القدر:)
7osen : حبيبي بو عليى فى حلول نص بس ما تنفع لنا احنا كمسلمين
والا جان تلقي نص الكويتين ما عندهم بيوت ومأجرين شقيق وكل يوم حب يديد
someone_q8 : كلامك صحيح وفعلا صارت اكثر من مرة ولا زالت وراح تصير بس المشكلة الشروط الموجودة عسرة والناس صارت تتطلب وعندها عادى ان البنت تقعد بدون اسرة
ShamiYa_RockS : خلينا يوم جذى ويوم جذى نوسع صدور الناس
فريج سعود : والله عاد اذا اقرو ال 70 الف الحين حق الحريم
عز الله الحريم بتلاقهم بسوووق 24
مو حق التسوق لالالا
حق الصيد :))
صبا: شكرا صبا والعزوبية حرية ؟
اتفق وما اتفق معاج :)
Kuw_Son : انت اللى جميل ;)
غاط كلش ما تبين
pop_cornaaa : شكرا شكرا :))
وانا اهنيج بعد
:)
مساء الخير على الجميع
غشمرتك واايد حلوه اخوي مشاري
بالذات
(صادفت ذاك المزيون اللبناني بالكلام الزين
وقال تؤبرني عيونك شوي حليانة )
هالكلمه ذوبت بنات واايد مو عيااايز
ومايدروون ان يقولها للكل
يسلمووو على البوست
Post a Comment