الطموح و العمل والمثابرة والالتزام وقليل من المشاغبة تكون الحياة ناجحة

Tuesday, January 15, 2008

بعد قصة صاحبنا العزوبي كان هناك نداء بالكتابة عن المرة اللى فاتها قطار الزواج وبدأت تتحلطم

وليسامحنا الاخوات لان كل اللي قاعد ينكتب مجرد غشمرة




العمر عدي يا كومار وصل اربعين

والقلب شيب والحالة حالة

ما غير افرفر بالمجمعات كل ضحي وحين

من مجمع الفنار وزهرة والصالحية

وكل ما دخلت مجمع يا كومار يا الشين

صادفت ذاك المزيون اللبناني بالكلام الزين

وقال تؤبرني عيونك شوي حليانة

ولي دخلت عند الشيفة المصري اللعين

رددها وعور قلبي وقال

ازيك يا حجة شلونش مرتين

خلاني احس ان الدنيا تعبانة

عمري مر افرفر

من خطابة لي كتاتة فال لى ام حسين

ولا اكو فايدة

رحت المجلس وترززت بالجلسات وقلت ليل يا عين

يمكن يقولون سياسية ويخطبوني وتصير الحالة صاجة

كمو علي وقالوا صج خبله محد يبيج

وشلت شلايلي وقلت مالي الا الجمعية

من الرميثية لى العارضية وبسطت اخرتها بالشامية

ما غير هاليهال والدقة والميانين

ماني طالبة زود

طالبة القرب يا معفنين

واحد اضفه ويضفني بهالزمن الشين

والشباب شباب القلب يالمزايين

ولكن للنداء ماكو اذن صاغية

تدري شلون يا كومار

قم خل نروح ديرتك واشتريلك بيت زواية

وايب منك جون وكومار صغير

دام هالديرة نصيب ماني فيها لاقية

33 comments:

lawyer said...

من صباح الله خير قاعده

دشت رفيجتي تقولي قريتاي بوست مشاري
قلت لا عسى ماشر

عطيني اللينك اشوووفه

يوووووم قرييييييييت
مت مت مت ضضضضضضحك

غشيييييييييييت
مو عشاااااااان شي

عشاااااااااااان خبرك انا بايره
بس مافاتني القطار لي الحين :PpP

و عشااااااان كان محوووور حديثنا في الويك اند

لوووووفاتنا القطار كلش كلش كلش

هل بنتزوووووووج غير كويتين

خبررررررك يا مشاااااااري النفس ما تميييل لغير كويتي

يعني يعني تأبى المروووووءه عرررررررفت

بسسسسسسس بصراااااااحه بووووووووست عجيييييب والله


ووووووووووليش يزعلووووون
يبااااا اكو احلى من وساااعه الصدر؟؟؟


حفظك الله

عــــاشــــه said...

الله يقطع سوالفك يامشاري

والله هلكت من الضحك وأنا في المكتب
وماخليت وحده من البنات التعبانات عندي في المكتب إلا وطرشتله لها

صدق عاد ترا البنات سوها وآخرتها خذن كومار وراجو

هالله هالله ببنات ديرتكم لا إييكم يوم ماتحصلون حد

روفوا بحالهن

Unknown said...

lawyer : الله انتى من وين طالعة :)
يا حيالله الحجية شخبارج
المهم خلج على الكويتي انفع :)
بس اذا حدج الزمن ما يضرش من اي مكان المهم الستر
واشوي صدوركم وسيعة علينا مالنا خلق لوية :)


عــــاشــــه : والله يا بنت الحلال النصيب يصيب حتي لو بالتسعين ما سمعتي قصص اللى تزوجوا واعمارهم بالثمانين؟

Catism القطويّة said...

ههههه أضحكتني أضحك الله سنك :)

تذكرت مسلسل رقية وسبيكة حين تقول سعاد عبد الله:
"أصوم أصوم، وأفطر على بو بكلة"
يبدو أن بطلة خاطرتك، صامت، صامت، ثم ستفطر على كومار في بلد البهار :P


وفي النهاية، أنا من المؤمنين أن لا بديل عن المنتج المحلي.

فتى الجبل said...

عندي واحد يبي يتزوج وحدة غنية
عندها فلوس والا لأ؟

Mohammad Al-Yousifi said...

مشاري

و بكل صراحة جاوبني

شنو حل مشكلة العنوسة؟

لا تقول كومار!

Unknown said...

Catism رقية وسبيجة كان عندهم مليون :)) لما باعوا البيت بس المنتفة شتسوي :)

فتي الجبل : باقيلها قسط واحد ويصفي راتبها :P
ماخذة شاليه حق الوناسة المستقبلية

Unknown said...

بو سلمي حبيبى انت

الحلول اللى عندي ما ترضي مجتمعنا ويطلعون لها مليون علة وعيب
الشرع موجود بس الناس غلبت الشرع على الامور الاجتماعية
وامتنع عن الاجابة الا في حالة عزيمة منك لي حق فيلم ويل سميث اليديد

سي يو

SAJA.S said...

هههههههههههههههههههههه
يحليلك يا مشاري في هالبرد ضحكتني

يا حظ كومار ببيت الزاويه

بنت الشاميه said...

مشارى صج راايق....الله يهنيك
ونستنى من الصبح ....الصج غشيت من الضحك......كومار
عاد الله يهداك كومار....وبيت وزاويه
وبعدين كومار يتزوج عليها
وتصير شريجتها بنت عم كومار
وياخذون البيت وزاويه ويسكنونها بالملحق
مسكينه....ما فى احد عنده حبت شهامه يتزوج هالمقروده
=====
وبعدين انت يالمقروده شتبين بالزواج
حسبالج زواج اول
الحين كل شيئ بربس ا.....جنه لعب بروي
ترا جذى اريح لج واونس لج وانت حرة نفسج......ترا زواج المسيار
زين هالايام....لا حنه ولا رنه
كله اناسه بوناسه
=======
تسلم ايدك

`~MnO YeNSa! ~` said...

مــــــــــــــت مــــــــــت من الضحك ... والله مسكيـــــــنة هناك فقر و نقر ... تروح انجلترا لجــــــوء انساني احسن :p

乂♥Not.ViRGo♥乂 said...

هاهاهاهاي

خلاص ماكو غيرك مشاري
كل سنة تاخذ اربع و يتم التجديد السنة اللي بعدها .. وهكذا
علشان تنحل هالمشكلة و ما تصير ديرتنا ديرة كووماار و ربعه :)))

Manal said...

تحفة

موهبة ما شاء الله


والاخ مطقوق

يليت انت الي تعطي الحلول
ونشوف شلون ممكن تنحل مشكلة العنوسة





ودمتم

Eng_Q8 said...

بعد شيبي كومار

يت من نصيبه

صج الحظوظ عند الهنود

جنون إحساس said...

هم كومار وهم بيت زاوية
يا أكشخ

النصيب نصيب ماله شغل
وما اظن فيه في حل لمشكلة العنوسة
نصيبك يصيبك

تسلم ع البوست
غيرنا المود على هالبرد

7osen said...

الواحد لما يكون عزوبي
يقول ابي اتزوج

ولما يتزوج يقول ابي ارد عزوبي

مافي حل وسط ؟

هههه

أما صاحبتنا زوجة كوما

أحسن لها تظل عزوبية
:)

الصراحة مشكلة العنوسة أنا اشوفها اصعب مشكلة لازم يلقون لها حل
خصوصا بالنسبة للبنات

لأن البنت أو أغلب البنات قمة أحلامها إنها تتزوج

مادري ليش

هالشي نصيبة
والمفروض الواحد يرضى بنصيبة

اذا تزوجت البنت خير وبركة
واذا ما تزوجت بعد خير وبركه
مو نهاية العالم إنها ما تتزوج

**
وشكرا على هالبوست الحلو إللى يوسع الصدر

eShamiYa_RockS said...

اوه اووه اوووه .. خلصنا من الفيليبينية و الحين هندي!


الحين قلنا انها بالاربيعينات .. و اللي بالعشرينات مثلي شتقووول؟؟
:/

Unknown said...

a

someone_q8 said...

السلام عليكم

تصدق اخوي مشاري لو هالبنت اتزوج كومار اتصير فضيحة ولووووية , وشكو ماخذه هندي واشمعنى هالهندي وراح تطلع عليها اشاعات وبلاوي , ولا تنسى في اكثر من قصة حقيقة صارت بالكويت ان كويتية خذت هندي وسافرت معاه وانا اقول اكثر من وحده , وهذه مافيها شيء لان هذا نصيبها واذا اهيه مستانسه وياه و مو امقصر عليها شيء الله يهنيها :))))))
بس انا اقول حق الكويتية تره مالج الا الكويتي لانه انفع وولد ديرتج يستاهل , بس لا اتنحشون المعاريس بكثرة الطلبات والمهور :)))))

شكلي على كلامي هذا بيرفعون علي قضايا قذف :))))))))
لك مني كل تحية واحترام

فريج سعود said...

خل يقرون قانون المراة والي فيه تاخذ الكويتية حق السكن وغيره من حقوق كاملة حالها حال الرجل الكويتي
وهي تتزوج اقدع سكيوريتي بالكويت

صبا said...

ما عندها سالفه يا حلو العزوبيه
وسألني

العزوبيه = الحريه

بوست رائع

تحياتي

Kuw_Son said...

جميل جدا يا مشاري ..

الله يكون في عون العانس
:P

Anonymous said...

لوووول موطبيعي البوست , وانت مميز أصلا بالبوستات اللي تكتبهم , أهنيك

تحياتي :)

Unknown said...

Smile : ضحكوا يبه شماخذين من الدنيا لا تضيقون خلوقكم :)

بنت الشامية : على هالضغط اللى نمر فيه وما تبين نروق؟ وبعدين المسيار جنه بيعم بالكويت نطري بس

Unknown said...

`~MnO YeNSa! ~` : الموضوع اذا لجوء لجوء بس لازم وياه ريل

乂♥Not.ViRGo♥乂 : ممكن نساهم ؟

Unknown said...

ManalQ8 : شكرا شكرا :) وعادى الحلول موجودة بس ما يتقبلونها

Unknown said...

Eng_Q8 : الهنود مشنصين :)

جنون احساس: الصراحة كومار الظاهر امه مسلمة وداعيتله بليلة القدر:)

Unknown said...

7osen : حبيبي بو عليى فى حلول نص بس ما تنفع لنا احنا كمسلمين
والا جان تلقي نص الكويتين ما عندهم بيوت ومأجرين شقيق وكل يوم حب يديد

Unknown said...

someone_q8 : كلامك صحيح وفعلا صارت اكثر من مرة ولا زالت وراح تصير بس المشكلة الشروط الموجودة عسرة والناس صارت تتطلب وعندها عادى ان البنت تقعد بدون اسرة

Unknown said...

ShamiYa_RockS : خلينا يوم جذى ويوم جذى نوسع صدور الناس

Unknown said...

فريج سعود : والله عاد اذا اقرو ال 70 الف الحين حق الحريم
عز الله الحريم بتلاقهم بسوووق 24
مو حق التسوق لالالا
حق الصيد :))

Unknown said...

صبا: شكرا صبا والعزوبية حرية ؟
اتفق وما اتفق معاج :)

Kuw_Son : انت اللى جميل ;)
غاط كلش ما تبين


pop_cornaaa : شكرا شكرا :))
وانا اهنيج بعد
:)

swan.beach said...

مساء الخير على الجميع

غشمرتك واايد حلوه اخوي مشاري

بالذات

(صادفت ذاك المزيون اللبناني بالكلام الزين


وقال تؤبرني عيونك شوي حليانة )

هالكلمه ذوبت بنات واايد مو عيااايز
ومايدروون ان يقولها للكل



يسلمووو على البوست