الطموح و العمل والمثابرة والالتزام وقليل من المشاغبة تكون الحياة ناجحة

Sunday, July 20, 2008

نشفان عاطفي ومهند


هاليومين ما عندنا سالفة الا هالمهند ونور


واحد حابله وحدة وجان زين صج


والحريم سب بالبيوت والخدامة تقولها يبي ماي مالها خلق تتحرك


علامكم شفيكم استخفيتوا


كل هذا نقص عاطفي فيكم ؟


مشكلة الحريم يصدقون هالمسلسلات

حمدوا ربكم على النعمة


واللي سمعته بعد ان حالات طلاق صارت بالسعودية والاردن وسوريا

وحالتنا حالة وخبة


علامكم ينيتوا وقعدتوا؟


الرجل خطأ أن ما يقول كلام طيب وسنع حق المرة

والمرة لا تصير سخيفة وتصدق اللى بالتلفزيون وايد
نصيحة للحريم قعدي مع زوجج وطالعي توم اند جيري وايد افيد واحلي يعطي جو تري


يعني المسألة خالصين وكبروا عقلكم


موضوع كتبه الصديق العزيز طلال فاخر في جريدة الرؤية يوم الجمعة الماضي عن نفس الموضوع بأسلوب جميل وسلس

أو كبر الصورة

30 comments:

محـــــارة said...

معاك أخوي مشاري المفروض يكبرون الحريم وماينينون مع المسلسل وتوصل لي حالات الطلاق أو تسفيه الزوج لكن

على الزوج الكويتي يصير بعد سنع وذرب ويعدل كلامه الحياة مو أكل وشرب ونوم وطلعه ودخله وسفره .. أجمل ما بالحياة ارقى المشاعر وأرقاها الحب حلو أن يعبر عنه بالكلمات مو معقوله بس عايشين على الفعل أبلغ من الكلام

مافيها شيء لما يكون هذا وهذك

مهند لحد يغار منه جمال وكلام صح تمثيل بس أحنا قلنا مهند ماقلنا اسم البطل الصجي .. عاد لا تغارون مثل مافيه مهند أكو اهناك لميس يالله من فضلك

الحجوزات على تركيا من شويا !!! يتهم بارده مبرده المفروض ام بي سي تأخذ نسبه على السياح العرب

ومرسي كثير العقل نعمه بس صار جفاف بحياتنا مثل جونا

تراب الكويت said...

I agree

:)

thnx

والموت يعشق فجأه مثلي..والموت مثلي لايحب الإنتظار said...

اخي العزيز مشاري...

سبقتني حقا في طرح الموضوع..لماذا كل هذة الضجة حول مسلسلات تركيا..وخصوصا حول أبطال هذة المسلسلات..وعتبي ليس للسيدات والفتياة فقط ايضا للرجال..هل يعاني شعبي والشعوب العربية من نقص عاطفي؟ ام هي موضة مؤقتة وستزول بانتهاء هذة المسلسلات؟؟

حقيقة ان كانت هي مجرد موضة فهذا شي تعودناه من شعوبنا..لكن ان كان نقص عاطفي..فهذة مصيبة..

ارى الحل هو ان تتوقف هذة القنوات الفضائية التي اعلم والجميع يعلم من هم اصحابها بوقف هذة المهازل او على الاقل ان يزرعوا الوعي والثقافة الدينية المفقودة..اذكر ان هذة القناة كانت تبعث اعلانات حقا جميلةة وذات معنى عميق تنصح بالصلاة وعدم تركها و النميمة بين البنات وبر الوالدين والسرعة ..كانت حققا لها تأثير كبير على مشاهدين هذة القناة التي قد يصل عددهم الى ملايين المشاهدين!!! لكن ابليس اشطر..هذة الاعلانات لا تعود عليهم بالمنفعة المادية بينما هذة المسلسلات تعود عليهم بالمنعة المادية حتى انهم فتحوا قناة جديدة تبث فقط على الشوتايم!!!

الله يهدي شعوبنا

ودمتم سالمين

والموت يعشق فجأه مثلي..والموت مثلي لايحب الإنتظار said...

انتقدوني على الاخر بالمقال الاخير هل معقولة الناس ماتتحمل الرأي الاخر ام الناس تستعر من الحقيقة وتدفن راسها بالرمل؟؟

كويــتي لايــعه كبــده said...

مهند يشابه "بنجرجي" بحولي اتعامل وياه قبل... صج ترى!
:)

---

بالنسبة لموضوعك عن الملحدين...

ما قول الا بيض الله وجهك


تقبل مروري الأول من احترام وموده

Kuw_Son said...

و الله الشيخ طلال صاج .. و انت كمان .. صج بعض الحريم عندهم من السذاجة ما يكفي ديرة !!

Ducati said...

اهمه مو ذابحهم الا ان هالمهند عاطفي وحنون وملك جمال تركيا

ترا بس هذا الي ذابحهم ولا ما في شي زود

ولا اشفينا احنا شباب الكويت والله شحلاتنا ولا شتقول مشاري:)

بـنـت بـطنـهـا said...

مشاري اولا يعطيك العافية على هالبوست
وشكرا على اضافة المقال فيه

ولو اني ما اتابع المسلسل ولا اعرف احداثه وما دريت عنه إلا من سوالف المدونات إلا اني ما اشوف ان حريمنا ينلامون يا جماعه

انتو تقولون هذا تمثيل .. والمره عارفه انه تمثيل ومو غافلة عن هالشغله لكن حالات النقص العاطفي اللي في حريمنا بمساعدة الجفاء والحدة والجفاف اللي في رياييلنا اقولك بكل اختصار ما الومهم ..
الانسان بحالات المشاكل ينحاش من همومه باي شي وهذي طبيعة بالانسان فطرية .. الحريم نفس الشي قاعد يتهربون من الواقع بمشاهدة المسلسل هذا .. واجزم لك ان بعد ما تخلص الحلقة في كل مرة يمكن يتحسرون على عمرهم
انا اشوف ان مافيها شي لو الرجل "يتلحلح" شوي ويعامل مرته مثل ما يعامل حبيبته
عموما
عسى الله يصلح الحال
ويعطيك العافية على هالبوست

bo_sale7 said...

الله بالخير
حبيت اقولك ان مقالك اليوم عن حزب الله وايد ممتاز وسبقتني بطرح التساؤل
تحياتي

بـنـت بـطنـهـا said...

نسيت اضيف شغله

المسلسل هذا طفرة مثل طفرة مراهقاتنا مع روايات عبير
الكل يبحث عن شي فاقدة :)
تحياتي

ام الحفيز said...

مشاري

ابشرك الحين اكو مسلسل يديد (لميس ويحيى)الله يزيد النعمه....ترى مو من الحريم من قل مصادر العاطفه الشكوه للله ..زمان عنتر وعبله وقيس وليلى وقيس ولبنى وفارس ونجود اما الحين زمان مهند ونور والحبل جراررر

ام الحفيز said...

بالله عليكم هذا الي ينقال عنه مهند فيه حلات!! خلوووووه ابلق اشقر امخمخ مادري اشايفين فيهجنه من هاليبيعون بمحلات النوفوتيه....دخلك شو مئاس المحروسه خلوووووووووووه

MuLaN said...

totally agree! ely mtab3en 5a9tn elmtzwjen ybyn ena fehm n89..

Najmah said...

صرت لما اسمع اساميهم راسي يعورني
!!
بس ملييييييت
كل يووم
كل مكان
كل يمعه
كل طلعه
من صجهم والله
!!

المقال وايد حلو
شكرا

secret said...

تعال فهمهم عاد ان هذا تمثيل :)

U-Turn said...

ايي والله @@
الصراحه ما أنكر إني أشوفه
بس حشى والحشا عن ألف يمين ما أصدق خرابيطهم :p

يعني أشوفه بس من باب التسليه وتوسيع الصدر
ولأن محكوم علي أشوفه مع الأهل ;p

وإنت الصاج هذا يسمونــه "هبـــل عاطفي " ;p

الله يهدي الجمييع
ويكبر عقولنا :]

يعطييك العافيه أخوي وعساك على القوة

the.thinker said...

الحمد لله والشكر :)

فراغ وفضاوه .. شيسون يعني ، وياليت يستفيدون أحسن من التركيز على هالنشفان :)

Faisal said...

وين تحصلك مره ماعندها هالتفاهه
قاعد ادور بتزوج :P

المشكله اذا الريال متابع

قلت الهموم وزاد الفشل الفكري

تبي الصج توم وجيري والله وايد اونس واحلى

حسام بن ضرار said...

شوف يا اخي العزيز

مشكلة بعض البنات بمجتمعنا، انهم يهال و عقلهم صغير

يطالعون مسلسلات و افلام

mbc2 و mbc4

و تمثيل الامريكان، مع الممثلات الزفت

و يحلمون بزوج مثل هالممثل الامريكي و يمقتون شخصية الرجل العربي

ما يدرون في الواقع ان هالامريكي الرومانسي ثلاثة ارباع علاقته من ورى زوجته او حبيبته ... خيانات

فئة من البنات مخها صغير، و يهالوه

|:| DUBAI |:| said...

استغفر الله

يا مشاري

و كأن الدنيا بس حب

و عشق

و وله

لا و اذا شيء يديد على الساحة

افلام

مسلسلات

اغاني

العرب يتخبلون عليهم

الله وكيلك عيايز يتابعون هالمسلسل بعد

يا قردي بس على الناس

اللي مب عارفة كيف تقتل وقت فراغها

!!

White Wings said...

حتى الرجال مجنونين بنور ولميس
أعتقد، صح الأسماء؟؟
ما في مشكلةن خل الناس تنفس
:))

فريج سعود said...

انا كاتب فيهم شعر بس ما نزّلته لانهم مينن وما يفيد فيهم

chatterbox said...

السلام
ايييي ويييييييييع شالملاقة اللي الناس عايشين فيها؟؟
اعرف وحده ما تطلع من البيت وقت المسلسل وهم وحده مخها معفن تطالع الحلقة وتطالع الاعادة
ما اقول الا الحمدلله على نعمة العقل :)

chatterbox said...

وبيني وبينك في حريم قاعدين يطلعون حرة نانسي عجرم وهيفاء وهبي بمهند ويحي
يعني يكون وحده بوحده :)

5roofa said...

لوول تصدق مشارياقولك شس المرة الي فاتت كنت في عزيمة

ولا اسمع وحده تقول اييي مثل ما يحرني احره ولا انا شنو هامني

عاد قربت عشان اسمع الحوار ولا كل الي قاعد يصير على قولت الي تحجه

مثل ما اهو يحرني بهيفاء و اليساا انا احره بمهند

والي معاها موافقين

تره اكتشفت انه اغلب الحريم شافوها فرصه يردونها لريايلهم طبعا الي كل شوي معايرها في بنات التلفزيون لول

و بس

salamz dear....

kuwaitawy said...

الاخ الكريم مشاري


تعال فهمهم عاد


والله اللي مقتنعه بالمسلسل

صعبه تقنعها بانه مسلسل



ترى صج






تقبل مروري

فتى الجبل said...

شكله من كثر الكبت العاطفي بالديرة الناس صاروا ينفجرون

The Voice Within said...

7adda mushkila illi y3ish jaw ilmosalsalat wilgi9a9 wi7awil y6abbig'ha 3al waagi3 .. only naive ppl would do it.

for most of us - gals mainly- infita7 bab yidid 7g ilsowalif wilhathra .. mo akthar bs hatha ma ya3ni ina fi fi2a mari'6a t3ayyish ro7ha bjaw ilmosalsal ota36i ilsalfa akthar min 7ajimha ...


nice topic ;D

yislamo

kuwaitya_7saweya said...

اللي يبط الجبد انه شكل مهند جنه زلمه يبيع بسوق المعلم
ونور عيوزه يعني وييع
والمشكله انه تمثيل يعني من صجهم يتطلقون على شانهم صج شي تافهه

CeCe said...

ما شفت المسلسل ولا أبي أشوفه‍!

من كثر ما أسمع الناس يسولفون عنه لايع جبدي خلاص!!!