الطموح و العمل والمثابرة والالتزام وقليل من المشاغبة تكون الحياة ناجحة

Friday, October 10, 2008

أحمد المليفي - حسين الاحمد - القرضاوي - باقر الخطيب

أتوقع اللى قاله بو أنس ( أحمد المليفي) بعشر دقائق يغني عن كلام الوزراء مجتمعين لكن مع الاسف أحنا اخر اهتمامات الحكومة








المغني المشهور !!! اللى يقول راح اعود للغناء بقوة



ومن ثم يذهب الى افغانستان






ومن ثم يعود للغناء



شيبي بالضبط؟



الله يصلحك يا اخوي ما سمعت عن شى



لا افراط ولا تفريط؟

تري صدقني لا انت مشهور ولا هم يحزنون حوستك اللى شهرتك




يا اخي يعني بحياتك يا تصير من ربع افغانستان او من ربع الدنمبكة؟ ما تعرف التكانة ؟









القرضاوي

فهموا كلامه ؟

يا ناس الرجل يقول ما يصير الشيعة يتجهون حق السنة ويشيعونهم

ونفس الشي كمل عليه الشيخ عائض القرني ان السنة ما يسننون الشيعة


يعني كل واحد يمسك طريجه ويصلح نفسه ويتقبل الثاني ؟




أخيرا


الرد اللى اتوقع الاخير على مذكرات الخطيب من الوزير أحمد باقر

أعتقد أن ما يحصل اليوم وبسبب الخطأ الفادح بالنشر والتلقي لهذه الردود القاسية من أشخاص لهم مصداقية بين الناس يجعل من نشر مذكرات الدكتور المحترم أحمد الخطيب حرج شديد ويجعل التاريخ عليه علامات استفهام كثيرة

33 comments:

As YoU LiKE said...

الله يحفظ مستشار الجريدة من كل شر .. ويحفظ دنانير محمد الصقر من الزوال

ؤووول آمين ياحج مشاري

Mohammad Al-Yousifi said...

المغني توه ينشهر

ما اذكر انه كان مشهور

-mate said...

حسين الاحمد إنت قلتها، لا إفراط ولا تفريط

صدقت
:)

الظاهر ولهان على الايام الخوالي، لا تلوومونه

على نفسها جنت براقش said...

حسين الاحمد مسكين

و القرضاوى مسكين

وباقر مسكين

المليفى مسكين

و انا و انت

و دقى يا مزيكه

:)

باختصار اللى يصير تخبط على جميع الاصعده

ترى تعبانه على الاصعده

:)

EXzombie said...

دير بالك لا الفقع يطلع لك بالبلوغ يصارخ:إلهنا لا يشيخ، الهنا لا ينسى، الهنا لا يخرف، بل هو يتأكد ان كنا ناسين و لا لا

اصبر الكتاب خل ينزل هذا اذا راح ينزل، و حزتها راح تشوف العاب نارية تخلي الكل يضحك عليهم

الاحمد منو؟

و القرضاوي دام مفتي مصري عيل لا تسمع اي شي من الي يقوله، و كلامي يعم على كل مفتين هالعصر

enter-q8 said...

طبعا طبيعي

الدســتور said...

حسين الأحمد أشبه بناصر الدويلة
كل يوم لقاء
أذانا اللي يسامحه

Anonymous said...

خرابيط .. بذمتكم ما جنهم خيشة قرقيعان :)


أحمد باقر ماعندي تعليق عليه غير انهم يشيلونه ويقطونه بالمنفى

Anonymous said...

والخطيب لا يدوخنا بعد مو ناقصين أفلام !!!

وحسين هذا لو يحول جنسة ويطلع للعالم ويقول انا حسين الاحمد ماراح ينشهر ..

والقرضاوي.. ماني قايلة ..انا قبل جم سنه قرأت لقاء مع أحد علماء الازهر بدون ذكر أسماء سأله الصحفي شنو تسوي في وقت فراغك .. تدرون شنو رد عليه : قاله أسمع الست أم كلثوم !!!!

بالله عليكم قولولي هذول مفتيين باللا ؟؟

وشدعوة السعوديين مقصرين انا عندي فتوى من مقري وايد احب صوتة سعودي يحرم بالفتوى على النساء استخدام الانترنت بدون محرم تخيل ؟؟؟

ياللا انا لازم اروح الحين ماكو محرم معاي لا يقومون على الحد :)

ودمتم بخير وسلام

Salah said...

عزيزي مشاري:

الضجة اللي صارت بعد تصريحات الشيخ القرضاوي كان المفروض يتوقعها. يعني يقول عن الشيعة انهم مبتدعة وان من يتشيع يخسر خسرانا عظيما، فمن الطبيعي ان الناس يردون عليها. اذا كان تحذيره ضد حملات ايرانية لتشييع الناس كان يجب عليه أن يهاجم الحملات هذه ان وجدت وليس المذهب كله.

صدقني لو كان كلامه هذا قد صدر من شخص اخر معروف عنه التطرف لما اهتم لكلامه الا المتطرفين نفسه.

تقبل تحياتي

Blog 3amty said...

بوأنس رايته بيضة..

وحسين الأمة رايته سودة

وأحمد باقر رايته وردية !

ZooZ "3grbgr" said...

يقال والعهدة على القائل بأن القرضاوي ما غضب هذا الغضب وصرح بهذه التصريحات إلا بعد أن علم بتشيع ابنه.. وكما قال أيضا أن القرضاوي يحمل الجنسية القطرية وله العديد من المجمعات في قطر وتصريحاته تنشر في الصحف القطرية

ZooZ "3grbgr" said...

يقال والعهدة على القائل بأن القرضاوي ما غضب هذا الغضب وصرح بهذه التصريحات إلا بعد أن علم بتشيع ابنه.. وكما قال أيضا أن القرضاوي يحمل الجنسية القطرية وله العديد من المجمعات في قطر وتصريحاته تنشر في الصحف القطرية

حياتي هدف مو عبث said...

كنت كاتبه بوست عن الأحمد
بس هووونت .. :) والله يعلم ما في قلبي

المهم القرضاوي

مأسأة

:)

|:| DUBAI |:| said...

محد يسير عند الثاني

هذي هداية .. أو توعية .. أو حكمة من الله

في مواقف أو ظروف تصير

تجبرك تتبع مذهب أو عقيدة معينة

كلامه جدا ساذج

وجهة نظر

: )

محـــــارة said...

المليفي كل ما أشوف موافقه استانس أن صوتي كان له بقناعه .. الله يوفقه وصدق أحنا تعبنا بيروقراطيه الكويت ماذبحها إلا البيروقراطيه القاتله

...........

الأحمد يكسر خاطري من أول لقاء له بعد إلتزامه توقعت أن الكهرباء فصلت من رأسه لأنه كان مندفع ومو قادر ايمع قناعته ويوصلها صح من جذي الشوط رد ضرب أفغانستان وبعدها شعر طويل وصبغه وسلاسل وأخرها الأخ نزل مادري بينزل شريط .. الله يعافيه ويهديه ولا يبلانا

............

أما حجي القرضاوي يمكن بالواقع الحالي لازم يصير جذي وعلى كل حال أنا ماني مفتيه فما اقدر اتفلسف بهالمجال

...........

باقر الخطيب ولا المعكروني .. أحسن مافيه صاير مفتي بكل المجالات يحق له مو وزير تبارك الله بكل الوزارات

مرسي خيو واصل واحنا بنواصل

Anonymous said...

شنو هذا رجع يغني ؟

لا حول و لا قوة الا بالله

الله يهديه !!

محـــــارة said...

وتتمه لما ورد .. سالفة الخطيب صايره قصه بحد ذاته ماني مقتنعه ينكتب كلام وبلأخر حتى يتم التهرب منه صار مسوده

دامه مسوده ليش ماينطرون عليه لما يتحقق من كل ماكتب فيه من أحداث حتى يتم نشره .. لحد اليوم عدد كبير من ماورد ذكرهم بما كتبه الدكتور أحمد الخطيب مستغربين من أقواله

التاريخ مو لعبه ينكتب بمسوده عشان يصير غطاء لأي خطأ يرد فيه

برأيي من حق باقر يدافع عن نفسه حتى لو وقفنا عند بعض مواقفه لكن محد يقدر ينكر على أنه من أنظف الوزراء

وتاريخه السياسي ماعليه غبار

PaLoMiNo said...

umbeeh sheno raad eyghani hatha??

Kuwait said...

كلام بو انس يغني عن الخطه الخمسيه مادري العشريه الفاشله :)
حسين الأحمد حاله صاير أردى من حالة شيماء علي مع براطمها :\
القرضاوي لا تعليق ..
وباقر صح النوم توك تقرا المذكرات والا توك تتذكر ؟؟

marshmallows said...

حسين الاحمد انا من شفت مقابلته مع العوضي وانا داريه انه خرطي
وبعدين الديانه الي فجأه ينخاف منها

و احمد باقر ماكو استيعاب ابطئ ؟؟

هذيان said...

يبدوا الشيعة يأخذون كلمة من التصريح والفتوى ويركبون عليها ما يريدون



يلا أستلم المهري اليوم وتصريحه

honey said...

لووووووووووووووووول أبيه احمد المليفي بدع قال كل شي مهم لل عشر سنوات القادمة بعشر دقابق صج مختصر مفيد

الأحمد : امشي بهداوة يا حلو!! ين و قعد ! بس ما عليك ذكي قبل سالفة أفغانستان محد عرفة سوى حق نفسة اكشن و رجع

terkwaz said...

الاحمد

حاطين عنه مقال بالجريده بينزل 2 سنقل
بعرف شلون ماخذ الوضع ايزي ^^

Kuw_Son said...

حسين الأحمد .. مثل اللي تحسم انه التزم !

الحمدلله الذي عافانا !!

--------------------

الله يبارك في الدكتور القرضاوي و د.عائض القرني ..

و لا المَهري يقول عنه ناصبي !؟
مو طول عمرهم يسمونا نواصب .. الحين يوم تكلم و صرح القرضاوي في الإعلام قالوا ناصبي !؟

SAJA.S said...

انا قريت مذكرات احمد الخطيب
ياخي الريال صح يب مصلحة الكويت .. بس في مذكراته الكل يبي يغتاله والكل يبي يتأمر عليه

why me said...

توني افهم سالفة القرضاوي



الله ينور عليك



عيل ليش صارت حوسه عليه!!

Anonymous said...

الميفي:يابها من الآخر ولو غني مارتاح له شخصيا جذيه من الله:)

حسين الأحمد مسكين الله يرحم حاله موعارف شيسوي

اما القرضاوي فهو شيخ كبير ماشاء الله عليه والي يعرف هالشي الي (يقرا له)موبس لأانه يخالفه يروح يهاجمه وهو من الناحية الشرعية ماوصل سدس علمه حتى وطالع من الي هاجمه بوالتفجيرات الوطنية المهري الي عطه نفسه الحق بأن يسمي هذا ناصبي وهذا موناصبي ودام عطه نفسه (هالرافضي)الحق بتسمية الناس مثل مايبي فآنا اعطي نفسي الحق إني أسميه رافضي وهو حاقد على السنة من زمان ويتكلم عن الوحده ومادري أيش خلنا ساكتين يبه.

أحمد باقر ماقريت المقال بصراحه لكن الخطيب هو من يحرج نفسه بنفسه ومايلوم إلا نفسه بصراحة.

صقر قريش

صبا said...

المغني ما خذ بنفسه مقلب ؟؟

مسوي حق نفسه فلم !!!!

ومذكرات الخطيب مابي اقراها ...

,,,,,,,,,,,,

بعلق علي البوست الي طاف

تخيل نفسك مكان الريال ؟؟ شتسوي؟؟

وحده اشكبرها جونقر
والمسكين نتفه العبت فيه كره
وااااي في جذي !! من صجي والله
لاني عمري ما شفت بس اسمع

تحياتي
:))

someone_q8 said...

السلام عليكم
بالنسبة للمليفي محد راح يستوعب كلامه من الحبايب لانه قاعد يتكلم صح والحبايب مايبون شيء صح
عاد تعال فججها :)

بالنسبة لحسين الاحمد ما اقول الا الله يهديه مره ثانية واقوله لو خليت خربت ولا افراط ولا تفريط
وبالنسبة للقرضاوي ما راح اعلق عليه لما لمكانته بين العلماء فا اقتصر بالقول ان فيه علماء موجودين اهم اللي يردون عليه

اما بالنسبة لباقر فا له الحق انه يرد عليه ويفند اي خطأ يقع فيه اي انسان مهما كان منصبه او وضعه وايضا للخطيب الحق بالرد بالادلة او التوضيح للخطأ

kuwaitya_7saweya said...

هذا المغني بالعربي ماعنده شغل ولا مشغله
محد يدري عنه قال خل اسوب هاللويه جود احد يسمع لي


ايوا كلام القرضاوي عدل وعين العقل
ومحد يفرض شي على احد

ام الحفيز said...

مشاري
اشلونك ،شخبارك مبطي عنك يا الغالي؟
ياربي شالقصه الحين؟
بالضبط الحين قولي بينا مطر هالسنه لو لا؟
لان مادري متى بعزل هدوم الصيف واطلع خلاجين الاشتا محتاره تصدق عاد!! اكثر من حيرت تنمية الديره اللي ما ندري متي الله بيرضى علينا ويهدي الجميع من المقااااااول هذا عنده وذاك ليش ماعنده وانا وبس والباجي خس ورويد وبقل وكزبره
ويعين الله

Dasman Palace Girl said...

انا مو معور قلبي وكاسر خاطري إلا حسين الأحمد

الله ينور بصيرته ويهديه .. اللي سواه شي مو سهل

ربي يهديه ..

تسلم اخ مشاري