الطموح و العمل والمثابرة والالتزام وقليل من المشاغبة تكون الحياة ناجحة

Thursday, October 30, 2008

وين كنا ووين صرنا









يعني لما الواحد يشوف نفس هالمناظر والله قلبي يعورني
المشكلة مو مشكلة كرة المشكلة ان وين كنا ووين صرنا وشنو الاسباب؟
انا فعلا حايشني تأزيم نفسي بسبب الكرة بالذات
يعني مو حرام شوفوا الفرق اللى كنا نلعب معاها وشوفوا النتائج وشوفوا نفس الفرق الحين لما نلعب معاها شنو قاعد يصير فينا


ويكملونها الشباب يوقفون النشاط الكروي بالكويت ؟

مو حارني الا هذا انا يالربع


ناديك طايح حظه وندري انك تبي تنزل انتخابات فكنا يمعود وانزل ووخر عن الكرة

نوادي عمرها ما حققت بطولة وعافسة الدنيا علشان مصالحهم


اخيرا نقول

لا تعليق على اللى تحت بعد






23 comments:

صبا said...

ويييي يا خوي يا مشاري

الكره من سيئ الي اسوأ وشي يعو القلب

اي والله وين كنا وشنو صرنا
:(((

حسبي الله علي من كان السبب

ومنو هذا الي بالصوره ما عرفه
؟؟

والفيديو

خاااااالص


خاااااالص


نهائيا


ههههههههههههه
امبي ما عنده اسلوب ليش ؟؟؟

انا لو عندي بنك
جان اتحجي كل اللغات
وما صارخ مثله جنه قاعد بالمزاد
يدلل علي ما دري شنو

يخليله ويا عقاله
:))))

عندك مثله
:P

Manal said...

والله شي يضيق الخلق

وادري ان تاثير الوضع الحالي علينا صعب

وانت اكثر واحد حسيت انه متضايق
الله يساعدك

الصراحة ما تنلام

بس وين الحل

؟؟

شنو ممكت ينقذ الوضع برايك؟؟

Unknown said...

mishari
كل اللي أقدر أقوله لك

دعوه للتفاؤل عندي بالمدونه حياك

حسام بن ضرار said...

منو هذا اللي شكله جنه دلاَل المستعمل بوكالة الساير؟

The Lazy Bears said...

I`m just amazed by his cobain cigarette !!

he remaind me of "al capone"

loool

enter-q8 said...

اللحين البيدان حارك
و باقي الشلة
الصراحة يمتلك حجة و قارعهم
لكن عمك اصمخ
كلهم و بلا استثناء

someone_q8 said...

السلام عليكم

حاليا نعم للتحلطم
بالمستقبل نعم للبناء من اول وجديد

على نفسها جنت براقش said...

يمكن راح تتعدل بالقريب العاجل

اتمنى

but
i will not hold my breath

:)

الخيلاء said...

الله كريم
:"(

حسافه علينا والله

و منو هالي بالصوره اول مره اشوفه

:)

Sowhat said...

الكرة لا تعبر مهمة ابدا لدي

ولكنها بداية النهاية للأسف ...

Cr8ivia said...

walla ya mishari
و انا اسمع الكثيري يتكلم عن كاس الخليج و انه ياسفه عدم مشاركه الكويت اذا استمر التجميد
و شلون تصنيفنا الاخير مع اليمن
اخنقتني العبره

JiBLa CiTY said...

هذا آل كابوني ؟
بو السيجار

:P

MakintoshQ8 said...

اخييييييه على الكره اخييييييه
انا مو ذاك الزود مع الكره بس الي قاعد يصير يضيق الخلق ويفشل ويسود الوي

قتيبه الغانم : انا شفت التصوير بتلفزيون الفتن مرتين وميته ضحك عليه ؟
من صجه يعني وله شنو ؟ اهم شي الدخان خنق الصحفيين
وله ضحكته تقول شرشبيل

الـبـيـرق said...

زمـن أغـبـر :@

ضـاد said...

قالتها ضـاد و ضاد صادقه

يا مجلس تكلم وعطنا بيان... انحل ولا حلّل كفانا فراسة


الديرة معفوسه والوضع تعبان... رياضة اقتصاد تعليم و سياسة


بورصة بمؤشر دوم حمران... جريب وكل من بيشهر افلاسه

الفيفا طردت منتخبنا اللي كان... و احنا نفاخر بـماضي تناسى

تعبنا التعب نبي منك أمان... وطننا عزيزٍ مانرضى مساسه

أبينا الخنوع و كرهنا الجبان... هذاك اللي ما به فطنه و كياسه

من فكر بنفسه بكل امتنان... نشيله ونشوحه و نهانه و نداسه

يا مجلس تكلم و عطنا بيان... تسنّع تعدّل وش هل عفاسه؟؟؟؟



إييييه يا مشاري
رب البيت كريم

White Wings said...

الكرة عادات دخيلة المفروض تلغى من الأساس
:)
لا تشيل اسلاحك، ترى أتغشمر
كيف الحال؟

Kuwait said...

يوقفون نشاطنا الكروي أحسن من المسخره الي قاعدين نشوفها بالإتحاد :)
الفيديو الي تحت انا اقول لو يحطوني الناطق الرسمي أشرف لهم ;p

اقصوصه said...

هاي حال الدنيا

يوم لك ويوم عليك

ما في شي يتم ع حاله:)

Shaima'a Alkandari said...

الله كريم


ودعواتك ياخوي بهالجو الماطر

tweety said...

هاي ميشو
ولهت عليك

سيجاااااااااااااار !!!!! وي وي ياحسرتنا وين لجنة الظواهر الدخيلة عنه !؟ وشهالفسق اشفيه القدو ؟
:p

عــــــابره said...

مريت اسلم صايره مشغولة وكسوله بنفس الوقت ولا اقرا بلوقز من زمان

:)

شخبارك ان شاء الله بخير

كويــتي لايــعه كبــده said...

ولا تنسى "وين بنوصل" !؟

Anonymous said...

الــخووف من اللي قدام يالربع الوقت مو مناسب