الطموح و العمل والمثابرة والالتزام وقليل من المشاغبة تكون الحياة ناجحة

Wednesday, March 01, 2006

سياسة

ندخل الحين بشهر مارس بعد ما انتهى شهر الجنون شهر فبراير وانا اعتبره شهر جنون لان تصير فيه اشياء وايد بالكويت مبالغ فيها او تصير فيه اشياء تطبق بصورة مختلفه عن المطلوب عنها من بداية الشهر فى الاعوام السابقة من هلا فبراير وما يصحبه من غباء فى التنظيم وسوء فى توزيع الانشطة وبعدين يدخل علينا عيد الحب وتختب محلات الورد على غير معنى وتعال تطمش على المراهقين ويا ريت يسوى شى برومانسية لا تلقاهم ركضة والاخت تبجى لان ما مدها تشترى حق الصاحب وبعدين يقفل علينا الشهر بالعيد الوطنى والتحرير وتعال اقبض عقد على البحر ويوم تطور شوى صار القز فى بنيدر لا ويقولك هم اخترب لان ما خلوا الالمان شى
هذى اغلبها امور اجتماعية لكن الشى الجديد اللى صار هالسنة خطاب الامير فى انتهاء اربعين وفاة والعيد الوطنى اللى الناس كانت تنطر كلمة نشوف فيها تعديل حق الاوضاع القائمة
الوزارة اللى موجودة ينطبق عليها المثل (مشتهية ومستحية ) لانهم بين البينين ناس زينة وناس تضحك او بالاصح نقدر نقول عنها وزارة تقزورة
عدد الكويتين حسب ما ورد فى الهيئة للمعلومات المدنية تقريبا بقى عليهم خمسة وعشرين الف ويوصلون مليون هذا اذا ما يتنتا انفلونزا الطيور وطبرت لها جم واحد و 90% منهم او اكثر مقترضين من شيوخ ونواب ومواطنين عاديين والناس طارت يوم قالوا بطيحون القروض والنتيجة صفر
اللى قاعد اشوفه ان الناس العاقلة ما تبى كاش تبى اصلاح تبى البلد تتطور يكون عندنا مستشفى مثل الاوادم شارع مثل الاوادم تدش مناطق نفس قرطبة والسرة وبالاخص الاولى تقول داش حظرة تتقلص وتحلف وراس امك ان اللى ياى جدامك لازم اهم يرد شى الصراحة يضحك
وانا قاعد اكتب هالبوست قاعد اطالع البورصة الكويتية الصراحة نفشل السوق نازل والاداء الاقتصادى ضعيف والناس متعلقة تبى بس تتنفس ناس باعت سياراتها ودشت البورصة وناس تدينت انا اللى اشوفه هذا اكبر عيب بدولة تعتبر من اغنى الدول النفطية وصاحبة اعلى عوائد مالية
بالسعودية لما توفى الملك فهد الله يرحمه نزلت البورصة عندهم لمدة 45 دقيقة فقط ومن بعدها لى اليوم ظلت صاعدة حتى حققت 4000 نقطة باقل من جم شهر لو ما الاحداث اللى صارت من جم يوم
الاقتصاد يتهزهز والعوامل الاجتماعية السلبية كثيرة والشباب المنحل يزيد والتعليم منخفض جدا جدا والاشياء اللى تضحك فى المجتمع صارت وايد واللى زاد الطين بله ظهور الطائفية والقبلية وامور اسخف واسخف كل هذا ويقولون تفائلوا
اذا ما حسينا بخطورة الوضع وبطلنا نكتب عن تفاهات الامور ويصير عندنا على الاقل لو 1% من المساهمة فى نشر كلمة او ابداء راى ممكن يساعد صدقونى بعد عشر سنوات اذا الله معطينا عمر راح نختفى من الخريطة الاجتماعية كمجتمع ونظل مجرد اجسام فارغة من العقل وتحمل اوراق مكتوب عليها الجنسية كويتى
وسلمولى على اللى يهوهو ولا يتحرك يسوى شى

12 comments:

Яeema said...

أخوي العزيز مشاري
في كل مجتمع له نقطة ذرة في الانحدار

المجتمع كمؤشر البورصة
قاعد يعدل وضعة الحين
مشكلتنا الخوف من التغيير
عشان جيذيه كل واحد يكون في وضع مسؤلية يكون غير عن اللي قاعد برة و يتكلم

الكلام سهل

الأصعب هو إتخاذ القرار

للأسف في الكويت لا يوجد هذا النوع

البلد بخير

خلنا نتفاءل خير ب
goodmorning elyeedid

يتكلم بالشفرات

أنا قتلكم من زمان
خلنا إنأجر الحكومة حق محمد بن راشد المكتوم لمدة 5 سنوات
و تعال شوف الديرة إشبتصير

p.s?
إنت ناوي عالمجلس الياي؟

ترا بصير مفتاحك الانتخابي

Unknown said...

لا مو ناوى على المجلس الياى ولا شى بعدين عفية حركة تصحيح يصير فيها المجتمع هذا تخضخض مو تصحيح

و
MR MORNING
ما ادرى شنو ناوى بالضبط

lawyer said...

يا حكووووووووووووووومه
يا مباااحث
يا امن الدوله
ترا الدستور يقول
الامير ذاته مصوووووووووونه
و مشاري و ريما يقصدون في مورنينج

صباااااااح الاحمد

اللهم اني بلغت اللهم فاشهد

ريما عشتوووووووووو انشاء الله بيعطووني هديه اني فتنت عليكم
اتهقييييييييين تذاكرني هالسنه على الحكومه؟؟؟؟


Gooooooooooooooooood morning

Яeema said...

ليييييييش يعني هالتفلسف

ما ينقالج سر أبد

بس أدري ليش علمتي علييي
إمفلسة و تبيين جسوة الصيف من ورا ظهري

يالمعودو أشتريلج فيلا مودا كلا بدون ما أعينج محامية
هاهاهاهاهاها

السجن مافيه مكيف

ترا مالي شغل في مشاري
ما أعرفة

Unknown said...

يبه لا مكيف ولا وحدة اهيا فسرت غلط
good morning
يعنى صباح زين ما فيه شى وينن ووضعنا اوكى والحياة وردية وماعندى مشاكل طلاق ولا جنس ثالث ولا اختلاسات ولا بوق ولا شى بالعكس اصلا اصلا اصلا
احنا قاعدين نسلف الناس علشان تقل فلوسنا بس ماكو فايدة ما تخلص هالفلوس :p

lawyer said...

LOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOOL

remmaaaaaaaaaaaaa :
mo kayeff hhaaaaaaaaaaaa
hatha ema ma7a6ookom fe tboob


meshary

Goooooooood morning
mako ekhtelasat haaaaaaaaa
3yaaaaaaaaaal sharrarroo 3e9 3e9 ..... shesawy ???????

yasgy alzar3

Unknown said...

مشكورة اختى نونا وايد على الاطراء وصدقينى ادرى ان الكويت فيها خير لكن اذا ما كان منا احنا الدعم راح بالفعل ننتهى
وشكرا مرة ثانية
:)

Яeema said...

noona !
ترا أغار أنا ما أعبر على هالكلام
هاهاهاهاهاهاهاهاهاهاها

mishari : deer balik 3ala noona , she is my best friend at work , emjablatny 8 hours aday!

and she got the greatest smile you will every see .

smile tefta7 el nafs min 9ooba7 allah kheeer

if i didnt see her smile , i feel that i miss something today

allah yekhalekoom both for me o lawyer o anza7a ba3ad :)

thank you all for beeing in my life

ni3mat kareeem

Anonymous said...

شلون نتعلم مبادئ البورصة يامشاري

Unknown said...

اخت كوكا انشاء الله راح اكتب بالبوست الجاى على مرحلتين شنو البورصة الكويتية وشلون التداول فيها وشنو الفرق بينا وبين البورصات الخارجية

Anonymous said...

Cool blog, interesting information... Keep it UP Phentermine online florida st farm insurance steve carlson minnesota 20 fm gb mp3 player tuner Polar bear watching trips churchil georgia malpractice medical Free tranny sublime movies Printing stop watches Medical malpractice attorney citrus county Download a free version of scrabble west end golf club Baccarat rules and strategie

Anonymous said...

That's a great story. Waiting for more. » »