الطموح و العمل والمثابرة والالتزام وقليل من المشاغبة تكون الحياة ناجحة

Monday, October 30, 2006


مرض العصر


اكره شى عندى بالدنيا واخاف منه السمنة احس ان شئ مقزز وينرفزنى مع الاسف الحين الجيل الصغير مع اكل الوجبات السريعة لان الامهات ما اعرفوا يعودون عيالهم على الاكل الصحى تحس اجسامهم زفت وفيهم ريحة
قبل


بس الموضوع وين تحول؟

السمنة انتشرت بين الرجال والنساء بشكل مخيف وفجأة وبسرعة وبدينا نكون احد الدول المتقدمة فى السمنة
يمكن الاثار الصحية واضحة
عندى صديق سمين جدا اقوله يا فلان ليش ما تضعف يقولى تعبت من كثر ما اسوى ريجيم لما اقعد معاه بمطعم والا شى
لازم صحن بطاط بروحه مع كجب وتباسكو
الموضوع ب
دأ ياخذ منحنى ثانى
فى ريايل مشكلتهم يبون حرميهم نفس اللى يطلعون بالتلفزوين وهالشى اكبر غلط
وفر الجو حق مرتك بعدين تعال حاسبها
حتى الريال نفس الشى مثل ما الريال يبى هم المرة تبى
والا كرش وحالتك حالة ؟


ماشى مو مطلوب ان يكون الوضع مثالى لكن المحافظة على الجسم والتناسق علشان على الاقل الواحد يكون متقبل هذا شئ مطلوب اللى قاعد يصير ناس تاكل بس لمجرد الاكل بدون وعى وناس لما تعصب تاكل وناس تاكل بس لانها تحب تاكل بعيونها الخطر الحين ما يبين لكن مع الوقت يصير فى ملل من الطرفين واحد يحن والثانى محبط طبعا ناهيك عن الامراض فى المستقبل اللى تخلى الانسان كاره حياته الحل التنظيم الرياضة الحياة المتجددة وبس

وسلمولي على اللى يهوهو ولا يتحرك يسوى شى

47 comments:

حسام بن ضرار said...

اي والله داء العصر

انا صرت خوش آدمي ذاك اليوم ورحت عيادة التغذية مالت مستشفى الصباح

يوم عطوني الجدول
اول يوم غدا: دجاجه مسلوقه

انا بس قريت هالكلمه تشكرت منهم وشفطت على عيادتهم



مشكلة السمنه حلها بشيين بسيطين:

قطع كل انواع اكل المطاعم والاكتفاء بأكل البيت

والرياضه ... ثم الرياضه .... ثم الرياضه



بس للأسف لا الجو ولا الوقت يساعدون الواحد يسوي رياضه

KQ8 said...

زين انا ابي اسمن شلون..!!!

sOulvOice said...

krakatoa


كوووولش بسيطة




الالتزاااااام ب3 وجبات رئيسية

الاكل بسرعه

الاكثار من الخبز والمعكرونة والنشويات عموما


الاكثار من العصائر بالذات المانغا


الاكثار من التمر





اي معلومة اضافيه انا حاضرة بخصوص السمنة او بخصوص الضعف





د.سوسو

اختصاصية التغذية فرع البلوقات

sOulvOice said...

لراغبي النحافةةةةة حذاري ثم حذاري من صدور الدجاج وشوربة العدس والبقوليات



مصيبةةةةةةةة تأثيرهم






كراكوتا


ضيف عاللست فووق شوربة العدس

Fuzzy said...

المشكلة في الشركات الغذائية التي تنتج اغذية دسمة مليئة بمواد حافظه ومحسنات نكهة وتقوم بالدعاية المكثفة لاستمالة الناس مثل شركات الوجبات السريعة
حسبي الله عليهم

Kwaitiyya said...

موضوع حلو
إحنا نعاني من سمنة أخوي
المشكله أنه صار ريال عمره 25 وليلحين مو فاهم أنه السمنة الغير طبيعية خطره بسبة أكل المطاعم

بالكويت ماكو نشاطات الواحد يقدر يسويها .. فا تلقى الناس عايشين على المطاعم والسينما والتسوق بهالمجمعات
بس ليه سافرنا نظعف على الأقل 5 كيلوات من المشي

تحياتي

ReLaaaX said...

مو من زين اكلهم طاح حظهم .. انا اصلا لي شفت احد جدامي طالب من مطعم لازم الوع جبده



ومااحس ان اكلهم صجي .. مكرمة النعمة


على قولت وحده اعرفها شدعوه اصحاب هالمطاعم يخلون اهلهم ياكلون منها !؟



وعوووو .. استغفرالله ياربي

KQ8 said...

sOulvOice

حلو

والله بالعادة اللتزم بثلاثة وجبات باليوم لكن احيانا اطوف العشا

كل اللي تقولين عنه سويته..اكلت تمر دبيت شوربة عدس..لطيت لط خبز ايراني..العاصئر احبها كلها تقريبا لكن المانقا بروحه ما حاولت اعزله واشربه بروحه وايد..يعني شغلي كوكتيل..


بس ماكو فايده..تبين رباده ونوم اعجبج..ماعندي مشكله بهالموضوع..بس هم ماكو فايده..الظاهر الميتابلزم عندي فيه مشكله

Mohammad Al-Yousifi said...

موضوع قوي الصراحة

انا قضية الرياضة و ليس النحافة هي قضيتي الاساسية مع قضية التوفير

لا ادعي المثالية لكن اخر حل كان اني اشتري جهاز تريدمل و دامبلز و احطهم بالشقة عشان مايصير عندي عذر اطوف الرياضة

sOulvOice said...

Krakatoa



اخوي انا عطيتك المختصر المفيد بس اليوم بليل انشالله بنزلك بوست بالنظام الغذائي


واكو حبوب من الطبيب يمدحوونهم هم بدورلك الاسم يمكن تستفيد

بالنسبة للميتابولزم سمعت ان في حبوب اتقلل من سرعة هالعملية


عموما انطر البوست اليوم





مشاري



انا يتني فترة وصلت لمرحلة الهوس لدرجة اني قمت احسب مجموع السعرات الحرارية باليوم الواحد,,حفظت عن ظهر قلب الكالوريز لمعظم اكلنا ://

Cr8ivia said...

صراحه ضحكت على هالجمله " اجسامهم زفت وفيهم ريحة"

والله اهم شي لرياضة بس وين الوقت؟؟ و ين الخلق؟

و تبقى مشكله العصر الابدية :|

سالفة قلب said...

لا افراط ولاتفريط

ثلث لطعامك وثلث لشرابك وثلث لنفسك

وفي الحركة بركه

وسلامتكم وتعيشون

Alather said...

السلام عليكم..

موضوع مهم..

الفاست فود مشكلتها مو بس سمنة..شوفو
بعد السمنة شنو ؟؟
هرمونات معتفسهيلتقط امراض
هذا غير سرعة تعرضه لسكر الدم

الله يكافيكم ويكافينا الشر

بالنسبة للريال يبي وحدة رشيقة..أأيدك كذلك المرأة تبي واحد محافظ على جسمه
بس عاد مو كازونا وعضلات تلوع الجبد

الحل بالمشي وتخفيف وجبات الخارجية سواء سريعة ولا مو سريعة

من دخلت الجامعة وأكل بيتنا نادر اذوقه :s
يقولون يضعفون بالجامعة<<< ما شفنا ضعف!!

NewMe said...

Liposuction..
Tummy Tuck..
Breast Reduction..
Are the ultimate solutions!


in which should you invest first!
Go figure..
meanwhile keep enjoying the
FOOOOOOOOOOOOOOOOOD :P

me said...

walah its sad that kuwait became # 1 in the middle east in fat people..thats according to a study i read...i think people should be educated about healthy food and its importance....

sOulvOice said...

الصورة اليديدة واااايد احلي والبحر ويه الحصان حاقة رومانتيك خالص


الحصان القديم كان امغبر شووي هذا انظف

White Wings said...

المشكلة الأكبر في الصحة مو الشكل، فعلاً صدقت
يعني شباب توهم في الثلاثين، وكولسترول ودهن ثلاثي ومرارة ومادري شنو، كأنهم في السبعين
والله جدي لما كان في السبعين، رحمة الله عليه، كان أصح من الكثير من شباب اليوم، أكله صحي وطبخ بيت، الله يرحمه
وطيب خاطرك ولا تزعل من نقاشات مدونتي، كاني بأشرب قهوة في مدونتك تطييب خاطر
:)

Mamloo7a Q8ia said...

السمنه سبب رئيسي للكثير من الامراض واللي يضيق الخلق ان الجيل القادم نسبة السمنه عاليه فيه من الفاست فود اللي بدون اي فايده وينفخ بسرعه
وللاسف من الاسباب الرئيسيه للسمنه ايضا العادات الغذائيه الخاطئه منها على سبيل المثال الاكل بالليل وفي وقت متأخر
شرب الماء اثناء الاكل
النوم بعد الاكل مباشره وهناك الكثير يمكن اكتب بوست فيها
انا يا اخوي مشاري ما سويت رجيم بس تعلمت العادات الغذائيه الصح ضعفت وايد وصارت صحتي زينه وتعدلت مستويات الكلسترول ونسبة الدم ووايد اشياء كنت اعاني منها
نأسف للاطاله

Nora said...

yaaaaaaaaaaaaay ...

the new pic .. i like i like ;pPp

نحن قوم لا نأكل حتى نجوع
و اذا اكلنا لا نشبع

حديث شريف لا ندري مدى صحته

لكن .. أسلوب صحي جداااااااا

يمحي يسحق يقضي يبيد هههه بعد شنوو اعنف يا ربي
;Pppp

على مرض العصر .. هذا اذا مشينا على النصيحة

3ateeja said...

يه يه اش هالموضوع الصاروخي والله صاج ... ذكرتني ايام قبل
اختي ام نبيل كانت ياهل تقول للوالده يما ييبيلي ياهل ...جان تقول لها يا بنيتي بس انا الحين ما فيني عيال روحي قولي حق ابوج اييب اهوه
راحت ام نبيل حق ابوي
والوالدالله يحفظه جسمه عادي بس كلا كرش
قالتله يبا امي تقول قولي حق ابوج يولدلج اخت
جان يقول لها والله يابنيتي انا صارلي ستعش سنه حامل ...ولي الحين ما ولدت هههههههههههههههه
.......................
جان زين عندل واحد فينا منظره يطالع فيها عيوب نفسه قبل ما يطالع الآخرين
وكل هذا من سلبيات التكنلوجيا
يا حلو اللعب بالسكيك
لصبيان يضربون هالطمباخيه
والبنات حيله
ولوووووووويه ما يصير المغرب الا انتطوطح نصلي لعشا وبفرشنا
الحين الوحده تخاف على ولدها من اليران
وعلى بنتها
خطف .خرا,اغتصاب,مخدرات ..تطر انها تحطله بلاي ستيشين الى ان يصبح مشابه للبرميل ..ومنسدح عالقاع وخدمة التوصيل ...وغيره وغير من اسباب الراحه
الحين الواحد يركب الدري ينهت ..جنى راكض بمرثون
وقبل هييييييييله وصيحه مستجله وما نتعب ..سبحان الله
الزمن ما تغير
الناس تغيرت
والتقدم له ضريبه :)

tweety said...

لووووووووول
حسبي الله على ابليسك فيهم ريحة !!!!!!

شوف وجود الوجبات السريعة اللذيذة صراحة وماكو حركة في ظل عيشتنا بجو اييب اليهد ...الناس ما اتحرك خاصة الصغار فما يحرقون بعدين انا معاك ان الاهل الحين ما يراقبون اكل عيالهم
يعني انا امي اول محسرة فينا على الكاكاو ما ناكل اللا باليوم قطعة وحدة بس اخوي الجعدة فلت من النظام

بس حرام عليك لا تصير جاسي عليهم انا والله لما اشوف المتان وايد ادعي لهم بعضهم هرمونات الجسم متخربطة وبعضهم عندهم قابلية للسمنة أكثر من غيرهم وبعضهم عنده وايد احتياجات نفسية غير مشبعة يحط حرته بالاكل لازم اتعالج الاسباب بالاول لا تعتقد انهم كيرلس وما يهتمون بالعكس الاغلبية منهم وايد حساسين يتمنون يضعفون عشان صحتهم وحركتهم ومحد يعيب عليهم ويلبسون احلى اللبس بس لا تنسى ان حتى الحركة على اللي متين وايد صعبة لأن يكون ثقيل
لا حرام اكسروا خاطري والله

بعدين اشهالصورة اليديدة عشتوا !!
حصان بالبحر !!بركاتج يا سوسو كله من أغاني عبدالحليم وما تسوي
:p

الحجيه said...

السلام عليكم جميعا
الموضوع كل البيوت تعاني منه ولكن ما في حزم من أغلب ألي يعانون من المشكلة مثلا بمنع الوجبات السريعة والسماح لهم يوم بالأسبوع وتشجيعهم على آكل البيت بأن يكون متنوع ومتغير

اغلب الأطباء يطلبون أن تمشي يوميا حوالي 30 دقيقه بالبداية ومن ثم تزيد حسب طاقتك هذا كافي أن تعيش مرتاح مع الحرص على الاعتدال بالأكل وتقليل العشاء سوف تشعرون بفرق بالوزن للأفضل
كما أوصانا رسولنا الكريم ألف الصلات والتسليم عليه * أن المعدة حوض البدن والعروق إليها واردة فإذا صحت المعدة صدرت العروق بالصحة وإذا سقمت المعدة صدرت العروق بالسقم *
المعدة بيت الداء .. مقولة شافية وردت في حديث شريف للرسول صلى الله عليه وسلم ، وما زاد روعتها اجتهادات علماء الطب الذين أكدوا على أن معدة الإنسان هي بحق أصل الداء والدواء ، فمن تصالح معها بات في صحة وعافية ، ومن تخاصم معها تحولت معيشته إلى ضنك وعذاب

وربي يجعل أيامكم كلها خير مع دوام الصحة والعافية

neelaah said...

شوف في حلم او خل نقول هوس الرشاقه
اللي المرأة ما يكون فيها شي
بس اهي مصره انها تكون هيفاء وهبي
و تعذب حالها و تسوي ريجيم
و ينحصر تفكيرها بس بهالموضوع

انا بالتأكيد ما احب هذول
احسه مرضى نفسيين لما يكون هذا الحلم اهو شغلهم الشاغل

انا ضد انه الانسان يكون سمين سمنه ممرضه
ممكن تضره صحيا او تعيق حركته او تسبب له الالم في المفاصل

يعني في فرق بين الشخص مش رشيق و الشخص السمين
الرشاقه هني اعني فيها الكمال
سواء حق المرأة او الرجل
المرأة اللي تبي تكون بيونسه
و الرجل اللي يبي يكون براد بيت
هذول اكيد كلتهم العجله الاعلاميه و صاروا مرضى صورة في بالهم

انا ما عندي حلم الرشاقه الكامله
لكن بالتأكيد ضد اني اترك نفسي للسمنه

بس ارفض انه يكون الخوف هاااااااجس
و احب لما اشتهي اكله اكلها و استمتع فيها من غير ما احس بالذنب

يعني تقدر تقول
اللذه الناجمه عن اكل شي احبه
تحقق لي شي اكبر من اني اكون رشيقه و الناس تأشر علي و تقول جسمها يعقد

مو ضروري يكون يعقد انا راضيه بالمقبول بس استمتع بملذات الحياه

kuwaitia said...

اي والله صج السمنه مرض العصر ومعظم الناس تعانى منه انا اقول الواحد بس لا يتعشى ويبطل حلويات ويمشي اول يسوى رياضه ويضعف

نون النساء said...

تدري
مرات استغرب لما اشوف ياهل توه بالإبتدائي لا ويه ولا رقبه
مختفيه ملامحه او ملامحها من كثر لشحوم



طالع اكلهم اتعرف السبب
وجبات سريعه
حلويات
قلة حركة
اتشوفه ما اتعرف هذا ابتدائي ولا ثانوية عامه



ترا احنا قبل شنو اكلنا
كله اعيوش ومجابيس
بس كان في حركة




انزين قوللي
شنو السر في احنا لما نسافر
نقط عن اجسامنا المسكينة اربع ولا خمس كيلوات

نمشششششششششششي
نمشييييييييي

ام الحفيز said...

مشاري

حسبي الله على ابليسك فيهم ريحااااااااه انا اشهد وريحت افخوووذ بعد ييلهم من يدهج دهااااج.....خلوووه لا شبه ولا ديودرن ينفع افرازات ذاتيه من الشحوم واللحوم ونوعية الاكل شكوووه للله

والله اول بالكويت االتجشنه الي هي مرة الولد يكرفونها كرف في بيت الحموله....وتاكل اكل الشر ولا يبين عليها السمن من الحركه وشغل البيت هاللي طلعوا المثل حشاااا بطن تشجنه
تاكل ولا يبين
اما الحين مخدومه ومحشومه وبالعرض مرزوزه وعسى الباب ييزيها تمر منه
هي مو من كمية الاكل من النوعيه العيش اول فيه الالياف اما الحين لا
فصعب انه يتصرف من الجسم مع ان قبل الدهن العداني لازم على السفره مثل الكاتشب الحين بس الحريم تشوفينهم من النوادر اسمان مو الحين يادافع البلى لا دراريع قرضة العافيه تصك عليهم ولا الكريشه اتبرد المختصر المفيد نوعية الاكل مو كميته

tweety said...

نيله

أفحمتيني
سلام مربع لأجدع ناس

العين الساهرة said...

السمنة وما أدراك ما السمنة

بصراحة اللى عجبنى أكثر شىء إن مثل ما الرجل يبى مرته سمبتيك حتى إهيا تطالب بالمثل

صح لسانك يا مشارى، والله كله الريال حاط حطة على المرة ياويل تسمن بس إهو يربى بالكرش والزنود والفخوذ، يعنى إشذنبها تشوف هالجسم العجيب كل يوم، حتى المرة تبى جسم ريلها مثالى فيه شوية عضلات مثل الممثلين!!!؟

حرام تحلم المرة

وبخصوص الأطفال الشرهة على الأم اللى تبى الفكة وتمرض عيالها بالأكل الغير صحى، والمشكلة إن الوجبات السريعة كلمالها وتكبر إلى أن وصلنا الإكس لارج، ليش يا حافظ إبطون الأوادم بواليع، ولا هارديز والهمبورجر العجيب اللى مطلعة أنا بس شفت الصورة شبعت، حدى إن إشتهيت جيز برغر هابى ميل

الفراشة said...

اي كل شيء ولا السمنه

اشوف عيال اختي كل واحد امتن من الثاني
بسبب هالوجبات والاكل والنوم
والبلاي ستيشن بس يلعبون ولايتحركون

وين اول يلعبون كره مقصي عنبر تيل
وش زينا اول ضعاف من الحركه

Unknown said...

حسام بن ضرار :الجو هاليومين تعدل والاندية الصحية لو يعدلونها نفس بلاتنيوم واوكسجين وتكون اسعارها معقولة نفس الاندية اللى موجودة بامريكا النادى بالسنة 150 دينار تقريبا مو نفس نوادينا ولا المدربين اللى يلوعون

شواطىء ورمال: مو المشكلة ان ماكو شى بالكويت والشباب مو متحمسين حق الرياضة والبلاى ستيشن والقعدة جدام التلفزيون والتليفون يمهم ورووووح اطلب وفك نفسك والاكل لى حضنك يوصل وتبينهم يلعبون رياضة الله كريم

Unknown said...

Krakatoa : تريق همبورجر من البطريق وربيان
وتغدى عيش
وتعشى من شارع المطاعم مو اقل من 3 صمونات + بروتين يومى من gnc
وشوف اذا ما زاد وزنك


sOulvOice : خراب خراب خراب
انتى شنو تسوين يالدبة :P :P :P

انزين ضبطنى انا مشكلتى احب اكل الحمدالله ما زاد وزنى وايد يعنى للحين محافظ على الشيب بس ابى اضبط المسائل :P

Unknown said...

Fuzzy : اى والله صدقت لان الناس صج قامت تاكل بعيونها بسبب كثرة الاعلانات الوضع صار جنون تدش الشارع فى المنطقة تقول داش شارع المطاعم بسبب كثرة الاعلانات والجنون اللى قاعد يصير باليهال وهم الاهل لهم خطأ صار الطبخ بالبيت قليل


Kwaitiyya : اخوج لازم تدرون بالكم عليه والعمليات الحين صارت شئ سهل خلوه يضعف السمنة امراضها خطرة والله يحفظ الجميع

Unknown said...

ReLaaaX : والله زين تسوين احنا لو الله يفكنا من المطاعم وهالمايونيز جان احنا بخير بس والله عفية عليج اكل المطاعم اييييب الغثااا

kila ma6goog : زييييييين تسوى المشكلة عزيزى ماكو تنظيم غذائى عندنا ونوعية الشغل هم قامت تحتم عليك ان نوعية اكلك تختلف مو نفس اللى يشتغلون بالحكومة تشتغل من 7:30 لى 3 العصر فاكيد نوعية الاكل تكون غير
الله يعينا بس ماكو على الرياضة

Unknown said...

kitty : صح تصدقين متن هرومانات الاكل مال المطاعم تحسين يغث
تصدقين كيتى مرات اكل وجبة من مطعم تقعد على جبدى ما اقدر اتعشى اشوى ان عودت نفسى هالايام على جذى تصدقين قبل كنت اقوم من الفراش الساعة 2:30 اروح ايبلى وجبة من ماكدونالدز بس اشوة الحين خفييت عن هالسالفة

Cr8ivia : تدرين ليش شوفى المتن ما تحسين حتى المتن متن عافية قبل المتين تلقينه مروبع وعرد الحين متخثل وكرش قبل حتى المتين كرشه تلقين صغير

Unknown said...

سالفة قلب:الحديث هذا تصدقين سمعت ان معلقينه بمصح بامريكا لو صج انطبقه جان الدنيا واجسامنا بخير

Alather :بالجامعة اكل توست وجبن الصبح
والغدا بالبيت
وامشى وايد بالجامعة تخيلى بالجامعة كان كنا نمشى من المواقف لى المحاضرة تقريبا 10 دقايق رايح و10 دقايق ياى غير القزززز :))
الله ذكرتينى بالذى مضى

Unknown said...

MuLaN : بل بل الله يكافينا الشر عاد سرطان يامعودة الله يبعدنا ويازين المجابيس واللبن بالبيت وبعدين مشى نص ساعة المغربيات


NewMe : كل هذاااا ؟؟؟
يبيلهم شغلللل

لا خلج على الاكل احسن :))) :P :P

Unknown said...

me: ithnink you are right kuwait now #1 in in middel east bs its somthing reflect or way of life which give the bad image :S


sOulvOice: اخ بس لو احد يعرف شنو اقصد فيها اشوى اللى بالقلب بالقلب محد يدرى

Unknown said...

White Wings : قبل حركتهم حلوة ومع انهم ياكلون شغلات اكثر دهن وجذى بس الحركة كانت غير
وبعدين الاختلاف لا يفسد للود قضية
:) وقهوتى من غير سكر بليز


Mamloo7a Q8ia : صح العادات الغذائية صج المفروض الواحد يعلم نفسه ان يمسك نفسه مو بس مبطل حلجة بلعه الله يفكنا من الفساد الغذائى

Unknown said...

a7La eNG : الدين فيه كل شى بس وين اللى يطبق يا مهندستنا :)
والا الواحد لو يمشى على هالشى جان احنا بخيررر من زمااااااان
اشوى اعجبتج :) زين عيل

اهم شى رايج بعد

3ateeja : صدقتى يا عتوج هذى ضريبة التقدم ولله قبل لا اكل ولا تليفونات وكله بالسكة وكنا ابدع ما يكون بس الحين منو تفهيمن والوقت يخرع حتى النوادى الوضع فيها يخوف وتحسين ان فى ناس مش ولا بد يعنى الواحد قام يخاف على عياله حتى بالمدارس

الله كريم يا اختى العزيزة وعودة حميدة :)

Unknown said...

tweety : يا عزيزتى انا مو قاعد اعيب
لكن الافراط فى الشئ مضرة ووطبيعه الاكل قامت تييب امراض فعلا الواحد قام يحس ان مجتمعناخامل
وصج الجو استغفر الله ما يساعد يخلى النفسية تعبانة والواحد ماله خلق يروح النادى
بس تدرين الحين الشتا دش يعنى المشى والنوادى شوى اونس :)
وبعدين الصورة هذى بعد بحث ومراجعه وتفكير وتمحيص ولجان ورشاوى :P

Unknown said...

الحجيه : تصدقين هالحديث اول مرة اسمعه بس فعلا منطق جدا جدا جدا
وصج مشكلة تواجه كلها بس لازم نغير من انفسنا
بس الواحد شسوى مطاعم وعزايم ولوية


neelaah : صح كلامج ما يصير ان الواحد يخلى هالشى شغله الشاغل
لكن المحافظة على شكل مقبول مانقول بعد ممتااااااز
لكن مقبول بشكل ان الواحد يقدر يتقبل الشكل العام
مو زوايد ولووية من كل صوب
:)

Unknown said...

kuwaitia : تصدقين صح بس العشا او ان قبل النوم باربع ساعات ما يكو ماكل شى

خوش فكرة

نون النساء : أدرى :)بس الواحد شيقول
سعاد اسف نوون :))
بس الواحد شيقول انا تصدقين اقول لو المدارس يزيدون الساعات الرياضية بعد المدرسة ويدفعون اوفر تايم حق المدرسين اللى يقعدون مع الطلبة ويسوون دورى المدرسة واغلب الصبيان يشاركون فيه لى صلاة المغرب يرجعون الشباب متفججين وينااااامون ويكون الاكل خفيف

Unknown said...

أم الحفيز : تدرين شنو المشكلة ان الحريم متينة ووقحة شلووون ؟
يعنى متينة وتلبس بدى وكرشها يلوع الجبد وزنودها تييب اليهد يعنى الواحد لما يكون فيه عييب يغطيييه مو يلوع جبود خلق الله


العين الساهرة : شوفى فى حادثة حق احد الصحابة اتوقع على بن ابى طالب كرم الله وجهه
شافه واحد قاعد يتزين قاله ان الزينة حق النساء مو حق الرياييل رد عليه ان مثل ما تبي المرة تتزينلك لازم ان تتزينها طبعا بهالمعنى
ان فعلا الحياة مو بس كل شى على المرة والريال لا اهتمام بدشداشة او لبس او ريحة او جسم امور مهمة هذى


snowflake : صح الوعى بدى يزيد بس هم صار على مصاخة صار هوس وجنون يعنى المفروض يكون الواحد وسط ما يصير كلش لا اكل ولا حلو
يعنى مثلا انا ما اصبر عن الحلو لكن احاوووول انى اوازن مااكون متيييين ولا عصل ولا على قولة نيلة براد بيت :))

Unknown said...

الفراشة :الالعاب تغيرت علشان جذى صارت السمنة سخيفة ومأثرة على الكل بس انشاء الله الوضع يتغير

sOulvOice said...

ودي احن عالصورة وشسالفتها بس مافيني شدة بس اكيد انك بتراعي احسوساتي وبتكون جنتل مان وبتقول السر اللي ورى هالصورة



لاحظت الطير اللي تحت؟؟



الوانها يشدون رمادية الحصان وزرقة البحر



لاتحاسبني على اي بدلية بالفصحى

Unknown said...

عزيزتى لو سر وقلته جدام 30 شخص اصير فضييييييييييحة
لكل حادث حديث وانشاء الله يوم اكتب عنها

Anonymous said...

وأنا أأيدك بالموضع هذاا هههههههه بس ضحكتنى على الريحه أهم شى :)))))))
والله انا كل يووم أقوول أقوول بسوى ريجيييم قاسى مااقدر ياربى الكويت صايره كلها مطاعممم يعنى الواحد مايقدرر .... وأكل المطاعم حلوو والبيت أحلى بس الكويت تشجع المطااعم وأنا صج يكسروون خاطرى اليهال شووف الفرق بين أطفال قبل والحين :))
قبل مره بالشهرر بس
الحين كل يووم غداا وعشااا بس أحس الأكل موزين لهم جذيه صايرين اعيالناا عمالقه ههههههه
ويعطيك العافيه