الطموح و العمل والمثابرة والالتزام وقليل من المشاغبة تكون الحياة ناجحة

Saturday, May 19, 2007


اللى يغسل بتايد اهوا الانظف


غسلة شراع

السب اللى تجاوز الحد الموصوف يوم الاربعاء الماضي يدل على تخلف الديمقراطية

العصيمي يسب السعدون

البراك والصرعاوي يردون

والعصيمى يسب مرة ثانية

وترفع الجلسة

وترد الجلسة مرة ثانية

ويسب الصانع الصقر

ويرد الصقر

والصانع يقول ( انا انظف من الثوب اللى عليك )

والصقر يرد ( انا انظف منك )

ويرفع الخرافي الجلسة

وكان المفروض مناقشة أزمة الكهرباء بالصيف

والله العظيم الله يلعن الديمقراطية اللى تخلى هذا مستوى النقاش

يخرب بيتكم عندنا مصيبة بالصيف بالطريق السريع مقبلة

وانتم انا انظف وانت اوصخ ؟؟

ويقولون حرية

مالت

المضحك انهم كانوا يقولون انهم راح يناقشون أزمة الكهرباء ومشكلتها بالصيف الزبدة والمراد انها راحت علينا

شوف الخبر واحلب لبن

القبس

السياسة


41 comments:

KQ8 said...

تدري عاد انا ودي اتيي اجازه الصيف بأسرع من البرق..علشان كل واحد من المينن اللي مسمينه نائب يريح ويرتاح ويفكنا من هالقرقة

barrak said...

انا ماقول الا
وعّوووووووووووه

Cr8ivia said...

والله العظيم يخلون الواحد يلعن اليوم اللي صارت فيه ديمقراطيه عندنا و مجلس امه !
كل شي بالمنكوس عندنا

بس نرجع و نقول
الشرهه مو عليهم !!
الشرهه على اللي وصلهم !!
و الا هالحثاله يمثلون الشعب !!!!

om-bukhnag-zare :) said...

أخوي مشاري والله محد يايبلنا الأزمة إلا هالنواب اللي كل واحد فيهم إلسانه صك على إلسان الدلاله !!ا

ساعات ودي أروح دوار الفحم وآخذ لي كووود فحم وخيشه عوووده ثمن أكود أشكال هالنواب فيها وإشوية قاز وعود جبريت إزغير وأشب فيهم وخلصنا !!ا

بس يا خوفي لا إيينا اللي ألعن منهم
بعد إنت أدرى إبربعنا من اللي يمشون على الدبق من اللي ينتخبون اللي يدفع اكثر

تدري منو اللي حارني الحين وأحسه حاط ريل على ريل ويضحك ملء فيه عسى ما من فيه !!ا

عـوعـو كبيرهم الذي علمهم السحر ... نــونــو ... فـوفـو

هذيل عاد ما يبيلهم قاز هذيل ييلهم كيماوي !!ا

واللبيب بالحروف يفهموووو :)ا

بوغازي said...

العيب مو في الديمقراطية.. العيب فيهم.. قلناها ونقولها مرة ثانية.. هالديرة صارت ديرة غشمرة.. الكل رايح لي جدام وحنا نرجع لي ورة

ام الحفيز said...

مشاري

ماطرى علي الا مقولة نبيله عبيد في فيلم "الراقصه والسياسي" يوم انها تقول:(صحيح ان اهل السياسه مكارين ...لكن ربنا يكفيك شر مكر العوالم...).ونوابنا مافيهم من ريحة السياسه شي الا لقبهم بس -نائب الشعب- امحـــــق ولا مضمونهم اردى من عوالم شارع محمد علي...رداحه ومقاوووول وقول يا لساني وانا اقول .....وااااي شحنا فيــــــــه اجلاب املبسه اثياب يا دافع البلا وعلى قولة "ام بخنق زري" قوطي قاز وعود جبريت خوووو كلهم خياش فحم مكلسن مرتز على كراسي الميلس ما يحتاج نجيب خياش فحم من سوق دوار الفحم

امين جعل الله يفكنا من هالاشكال ويلغون هالميلس خلووووووووووووووووووه صرنا اعلوج بحلج الشعوب

charisma said...

يا عزيزى يا مشاارى انا اقول
زهب ارقام التناكر
والله المستعان
وخصوصا للمرابطين بالصيف هالسنه
مثلى انا
:(

اذا بتسافر ضبطنى بجم رقم

ana_sokkarah said...

فشّلونا حسبي الله عليهم وفضحونا

عاد هالقصاصة طول الوقت ساكت ويوم تكلم عفسنا لو مكمل سكوته أحسن له وايد عليه انه شاري الكرسي بس بعد يتحجى يعور لسانه ليش

اوفيييييييييه يالفشيله

bo_sale7 said...

تدري وين القهر عاد ؟

انه اذا ربعهم انتخبوهم مرة ثانية ...وندور نفس الدورة مرة ثانية

الله المستعان !

ام الحفيز said...

بوصالح

الله يساعدك على القهر اكيد بينتخبونهم من باب هلقي اتعرف ابرك من هيلقي ماتعرفه واقضب مينونك لا يجيك اجن منه...مافيهم احد قبل لا ينتخب حط الله جدام اعيونه حيث ان صوته مثل الشهاده وحلف ايمين
الله يستر بستره من المتربصين فينا واشكثرهــــــــــــــــم يعين الله

حسام بن ضرار said...

جان زين يصكون المجلس و يفكونا من هذيلا

SHAHAD said...

حالة مُزرية !
لا أدري إلى أي منزلق تنحدر أمنا الغالية , بقيادة هؤلاء
الله يكون بالعون

Q8links said...

أعتقد أن مقصود البعض هو أن يكفر الشعب بمجلس الأمة، حتى إذا حلوه حل غير دستوري الشعب يقول فكة .. وروحة بلا رجعة

مع العلم أن وجود مجلس الأمة أفضل ألف مرة من عدم وجوده

tweety said...

أنا أقول انسوي كلنا إضراب بالصيف ونقعد عالبحر ...لا دوامات ولا شي
أدري محد بيعطينا ويه وكلنا بتصيبنا ضربة قهر قبل ضربة الشمس بس الحياة موقف

رجاءا من الناس اللي ما يعرفون كوعهم من بوعهم عدم التصويت مطلقا إن كان ثمرة تصويتهم هالنماين السكة

يقولك النائب سعدون يطالب بتجنيس الاجنبية المتزوجة من الكويتي في حال وفاته !يعني لازم تستفيد منه حي والا ميت !! خوش والله لقطوهم من كل مكان وييبوهم علة على قلوبنا وجنسوهم وطلعوا لنا جيل ماله لالون ولا طعم

Anonymous said...

الواحد ودة يقول ان مجلس الامة فيه الخير ويقعد يلمع لـهم وينظف وراهم مو عشانهم عشان الديمقراطية نفسها نظل مؤمنين فيها .. بس تبي الصراحة ؟ سردك حق الموضوع منطقي .. فشلونا الله يهداهم

ام الحفيز said...

مشاري

اقول دام المجلس فيه عوير وزوير والمنكسر والي ما فيه خير اقبــــــــــــــــض من دبش

والله يستر بستره

Dana__23 said...

للأسف وصل مجل الأمه لهالمستوى !! ماقول غير الله يحفظ الكويت وأهلها يارب :)

Anonymous said...

ههههههه
إي والله شوف الخبـر واحلب لبن...

الجميل إن الصحف مو مقصرة بالشماتة بالديمقراطية..المهتمين في الشأن الكويتي في الخارج
بدؤو يتساءلون عن مصير الكويت في المراحل القادمة
بسبب مثل هذه المشاهد اللي قلما تذكر في الصحف نظراً
لإنحطاطها الأخلاقي !
تحياتي لك مشاري

Unknown said...

Krakatoa :يا معود لاتيى عطلة الصيف ونخيس بالحر ونصير بحانة ومانة

Unknown said...

barrak : شوية وعووه

الا سليمة تصكهم بعد

Unknown said...

Cr8ivia : اهم من ناحية حثالة مع الاسف قلة منهم من يقال عنهم محترمين

Unknown said...

om-bukhnag-zare : نونو حسيت ان اعرفه بس فوفو منو؟

Unknown said...

بوغازي : اقولك ليش العيب بالديقراطية لانها مو مقننة التصويت على الكفاءة يعنى شروطها سهلة واى واحد يقدر يصير نائب

شوف الكونغرس وتعرف الفرق

Unknown said...

ام الحفيز : اهم عوالم عوالم
الصراحة كل من طالت شوكته وكل واحد فيهم مو راضى يستحى صج على ويهى وينتخى

Unknown said...

charisma : عندى رقم تنكر واسطة بس انا وياه بالنصيفة يعنى انا ماسك عنه زام ليل

Unknown said...

ana_sokkarah : شوية فشلونا الا طيحو حظ الديمقراطية

Unknown said...

bo_sale7 : مو هذا اللى بيصير انهم راح ينتخبونهم مرة ثانية الذمم فالصو يا عزيزى الا ما ندر

Unknown said...

ام الحفيز : يا ام االحفيز انا قررت انزل انتخابات وانتى تصيرين مفتاح انتخابى لى

Unknown said...

حسام بن ضرار : صدقنى وايد ابرك نرتاح والجرايد تطخ شوى

Unknown said...

SHAHAD : انا اشوف الوضع من اردى واردى

Unknown said...

Q8links : صدقنى وجود مجلس امه بهالعقلية يضر ما ينفع يعنى وجوده بهالوضع ضار غير نافع فاتمنى الحل

Unknown said...

tweety : وياكم وحسبونى

وانا على الرقية بييب رقى معاى وثلج

Unknown said...

Abdullah : ما تقدر لانهم شوهوا الديمقراطية وشوهوا كل شى نظيف والمشكلة ان الناس اللى تبى (( تصلح)) مو راضية هم تصلح بهدواة كل من شاد حيله

Unknown said...

Dana__23 : امين انشاء الله الله يحفظها من هالخمة

Unknown said...

عتيج الصوف : الصحافة تبى الاثارة ولقتها فرصة وقالت يالله لقت المينن اللى تكتب عنهم هالاخبار
وقالت فرصة حق زيادة المبيعات

Unknown said...

ام الحفيز : عيل بشد حيلى وانزل

om-bukhnag-zare :) said...

نونو وفوفو نباحة عوعو !!ا

ما عرفتهم ؟؟

أزعل إذا ما عرفتهم للحين


إذا تبي توضيح ممكن أوضح اكثر :)ا

Unknown said...

om-bukhnag-zare : لا ضرورى توضحين اكثر ما فهمت خربطتينى اكثر:)

ام الحفيز said...

مشاري

هااااااااااااااااووووو وشلك بالطلايب
لو تحط اصابعك شموع محد بيرضى عنك....الا اذا صار الميلس ميلس على اصول وسنع وفيه اوادم مو عووووووووالم شارع محمد على....وشعرفني بشغل المفاتيح والكيلوووون والنون والمايعلمون
انا هبابي اصوت والي الحين محد امخمخ راسي حتى اصوت له كلهم جمبازيه

Unknown said...

ام الحفيز : انا شاد الظاهر فيج طلعتى
مامنج فايدة:))

om-bukhnag-zare :) said...

أخوي مشاري ... الثلاثة .. عبارة عن حبر وورق :)

عرفتهم ؟؟

أفا ياذا العلم !! اللي أعرفه إنك

تقرأ ما بين السطور :)ا

خبرني لعرفتهم :)