اللى يغسل بتايد اهوا الانظف
غسلة شراع
السب اللى تجاوز الحد الموصوف يوم الاربعاء الماضي يدل على تخلف الديمقراطية
العصيمي يسب السعدون
البراك والصرعاوي يردون
والعصيمى يسب مرة ثانية
وترفع الجلسة
وترد الجلسة مرة ثانية
ويسب الصانع الصقر
ويرد الصقر
والصانع يقول ( انا انظف من الثوب اللى عليك )
والصقر يرد ( انا انظف منك )
ويرفع الخرافي الجلسة
وكان المفروض مناقشة أزمة الكهرباء بالصيف
والله العظيم الله يلعن الديمقراطية اللى تخلى هذا مستوى النقاش
يخرب بيتكم عندنا مصيبة بالصيف بالطريق السريع مقبلة
وانتم انا انظف وانت اوصخ ؟؟
ويقولون حرية
مالت
المضحك انهم كانوا يقولون انهم راح يناقشون أزمة الكهرباء ومشكلتها بالصيف الزبدة والمراد انها راحت علينا
شوف الخبر واحلب لبن
41 comments:
تدري عاد انا ودي اتيي اجازه الصيف بأسرع من البرق..علشان كل واحد من المينن اللي مسمينه نائب يريح ويرتاح ويفكنا من هالقرقة
انا ماقول الا
وعّوووووووووووه
والله العظيم يخلون الواحد يلعن اليوم اللي صارت فيه ديمقراطيه عندنا و مجلس امه !
كل شي بالمنكوس عندنا
بس نرجع و نقول
الشرهه مو عليهم !!
الشرهه على اللي وصلهم !!
و الا هالحثاله يمثلون الشعب !!!!
أخوي مشاري والله محد يايبلنا الأزمة إلا هالنواب اللي كل واحد فيهم إلسانه صك على إلسان الدلاله !!ا
ساعات ودي أروح دوار الفحم وآخذ لي كووود فحم وخيشه عوووده ثمن أكود أشكال هالنواب فيها وإشوية قاز وعود جبريت إزغير وأشب فيهم وخلصنا !!ا
بس يا خوفي لا إيينا اللي ألعن منهم
بعد إنت أدرى إبربعنا من اللي يمشون على الدبق من اللي ينتخبون اللي يدفع اكثر
تدري منو اللي حارني الحين وأحسه حاط ريل على ريل ويضحك ملء فيه عسى ما من فيه !!ا
عـوعـو كبيرهم الذي علمهم السحر ... نــونــو ... فـوفـو
هذيل عاد ما يبيلهم قاز هذيل ييلهم كيماوي !!ا
واللبيب بالحروف يفهموووو :)ا
العيب مو في الديمقراطية.. العيب فيهم.. قلناها ونقولها مرة ثانية.. هالديرة صارت ديرة غشمرة.. الكل رايح لي جدام وحنا نرجع لي ورة
مشاري
ماطرى علي الا مقولة نبيله عبيد في فيلم "الراقصه والسياسي" يوم انها تقول:(صحيح ان اهل السياسه مكارين ...لكن ربنا يكفيك شر مكر العوالم...).ونوابنا مافيهم من ريحة السياسه شي الا لقبهم بس -نائب الشعب- امحـــــق ولا مضمونهم اردى من عوالم شارع محمد علي...رداحه ومقاوووول وقول يا لساني وانا اقول .....وااااي شحنا فيــــــــه اجلاب املبسه اثياب يا دافع البلا وعلى قولة "ام بخنق زري" قوطي قاز وعود جبريت خوووو كلهم خياش فحم مكلسن مرتز على كراسي الميلس ما يحتاج نجيب خياش فحم من سوق دوار الفحم
امين جعل الله يفكنا من هالاشكال ويلغون هالميلس خلووووووووووووووووووه صرنا اعلوج بحلج الشعوب
يا عزيزى يا مشاارى انا اقول
زهب ارقام التناكر
والله المستعان
وخصوصا للمرابطين بالصيف هالسنه
مثلى انا
:(
اذا بتسافر ضبطنى بجم رقم
فشّلونا حسبي الله عليهم وفضحونا
عاد هالقصاصة طول الوقت ساكت ويوم تكلم عفسنا لو مكمل سكوته أحسن له وايد عليه انه شاري الكرسي بس بعد يتحجى يعور لسانه ليش
اوفيييييييييه يالفشيله
تدري وين القهر عاد ؟
انه اذا ربعهم انتخبوهم مرة ثانية ...وندور نفس الدورة مرة ثانية
الله المستعان !
بوصالح
الله يساعدك على القهر اكيد بينتخبونهم من باب هلقي اتعرف ابرك من هيلقي ماتعرفه واقضب مينونك لا يجيك اجن منه...مافيهم احد قبل لا ينتخب حط الله جدام اعيونه حيث ان صوته مثل الشهاده وحلف ايمين
الله يستر بستره من المتربصين فينا واشكثرهــــــــــــــــم يعين الله
جان زين يصكون المجلس و يفكونا من هذيلا
حالة مُزرية !
لا أدري إلى أي منزلق تنحدر أمنا الغالية , بقيادة هؤلاء
الله يكون بالعون
أعتقد أن مقصود البعض هو أن يكفر الشعب بمجلس الأمة، حتى إذا حلوه حل غير دستوري الشعب يقول فكة .. وروحة بلا رجعة
مع العلم أن وجود مجلس الأمة أفضل ألف مرة من عدم وجوده
أنا أقول انسوي كلنا إضراب بالصيف ونقعد عالبحر ...لا دوامات ولا شي
أدري محد بيعطينا ويه وكلنا بتصيبنا ضربة قهر قبل ضربة الشمس بس الحياة موقف
رجاءا من الناس اللي ما يعرفون كوعهم من بوعهم عدم التصويت مطلقا إن كان ثمرة تصويتهم هالنماين السكة
يقولك النائب سعدون يطالب بتجنيس الاجنبية المتزوجة من الكويتي في حال وفاته !يعني لازم تستفيد منه حي والا ميت !! خوش والله لقطوهم من كل مكان وييبوهم علة على قلوبنا وجنسوهم وطلعوا لنا جيل ماله لالون ولا طعم
الواحد ودة يقول ان مجلس الامة فيه الخير ويقعد يلمع لـهم وينظف وراهم مو عشانهم عشان الديمقراطية نفسها نظل مؤمنين فيها .. بس تبي الصراحة ؟ سردك حق الموضوع منطقي .. فشلونا الله يهداهم
مشاري
اقول دام المجلس فيه عوير وزوير والمنكسر والي ما فيه خير اقبــــــــــــــــض من دبش
والله يستر بستره
للأسف وصل مجل الأمه لهالمستوى !! ماقول غير الله يحفظ الكويت وأهلها يارب :)
ههههههه
إي والله شوف الخبـر واحلب لبن...
الجميل إن الصحف مو مقصرة بالشماتة بالديمقراطية..المهتمين في الشأن الكويتي في الخارج
بدؤو يتساءلون عن مصير الكويت في المراحل القادمة
بسبب مثل هذه المشاهد اللي قلما تذكر في الصحف نظراً
لإنحطاطها الأخلاقي !
تحياتي لك مشاري
Krakatoa :يا معود لاتيى عطلة الصيف ونخيس بالحر ونصير بحانة ومانة
barrak : شوية وعووه
الا سليمة تصكهم بعد
Cr8ivia : اهم من ناحية حثالة مع الاسف قلة منهم من يقال عنهم محترمين
om-bukhnag-zare : نونو حسيت ان اعرفه بس فوفو منو؟
بوغازي : اقولك ليش العيب بالديقراطية لانها مو مقننة التصويت على الكفاءة يعنى شروطها سهلة واى واحد يقدر يصير نائب
شوف الكونغرس وتعرف الفرق
ام الحفيز : اهم عوالم عوالم
الصراحة كل من طالت شوكته وكل واحد فيهم مو راضى يستحى صج على ويهى وينتخى
charisma : عندى رقم تنكر واسطة بس انا وياه بالنصيفة يعنى انا ماسك عنه زام ليل
ana_sokkarah : شوية فشلونا الا طيحو حظ الديمقراطية
bo_sale7 : مو هذا اللى بيصير انهم راح ينتخبونهم مرة ثانية الذمم فالصو يا عزيزى الا ما ندر
ام الحفيز : يا ام االحفيز انا قررت انزل انتخابات وانتى تصيرين مفتاح انتخابى لى
حسام بن ضرار : صدقنى وايد ابرك نرتاح والجرايد تطخ شوى
SHAHAD : انا اشوف الوضع من اردى واردى
Q8links : صدقنى وجود مجلس امه بهالعقلية يضر ما ينفع يعنى وجوده بهالوضع ضار غير نافع فاتمنى الحل
tweety : وياكم وحسبونى
وانا على الرقية بييب رقى معاى وثلج
Abdullah : ما تقدر لانهم شوهوا الديمقراطية وشوهوا كل شى نظيف والمشكلة ان الناس اللى تبى (( تصلح)) مو راضية هم تصلح بهدواة كل من شاد حيله
Dana__23 : امين انشاء الله الله يحفظها من هالخمة
عتيج الصوف : الصحافة تبى الاثارة ولقتها فرصة وقالت يالله لقت المينن اللى تكتب عنهم هالاخبار
وقالت فرصة حق زيادة المبيعات
ام الحفيز : عيل بشد حيلى وانزل
نونو وفوفو نباحة عوعو !!ا
ما عرفتهم ؟؟
أزعل إذا ما عرفتهم للحين
إذا تبي توضيح ممكن أوضح اكثر :)ا
om-bukhnag-zare : لا ضرورى توضحين اكثر ما فهمت خربطتينى اكثر:)
مشاري
هااااااااااااااااووووو وشلك بالطلايب
لو تحط اصابعك شموع محد بيرضى عنك....الا اذا صار الميلس ميلس على اصول وسنع وفيه اوادم مو عووووووووالم شارع محمد على....وشعرفني بشغل المفاتيح والكيلوووون والنون والمايعلمون
انا هبابي اصوت والي الحين محد امخمخ راسي حتى اصوت له كلهم جمبازيه
ام الحفيز : انا شاد الظاهر فيج طلعتى
مامنج فايدة:))
أخوي مشاري ... الثلاثة .. عبارة عن حبر وورق :)
عرفتهم ؟؟
أفا ياذا العلم !! اللي أعرفه إنك
تقرأ ما بين السطور :)ا
خبرني لعرفتهم :)
Post a Comment