الطموح و العمل والمثابرة والالتزام وقليل من المشاغبة تكون الحياة ناجحة

Sunday, July 15, 2007


عينك يا ولد


مسحنا وجوه الرجال وخلينا عيونهم اللى تتلاقط



بالله ما تقولولي شحقه حاضرين الجلسة

بس انا ما الومكم عندنا بنات ما يعرفون الذوق باللبس ما يدرون مثلا الصبح لازم
suit
حق الاماكن الرسمية يلبسون اى خلجونة ويالله

بس هم ربعنا ما يطوفون شى حتى لو صخلة مارة بقق عيونه





Highly Recommended

سياسة الفصل العنصري اللى كانت موجودة فى جنوب افريقيا والتى كانت تعنى بالفصل المطلق بين البيض والسود كانت فعلا شئ مخزي فى حق البشرية فكيف تتخيل ان دولة كانت تجعل مواطنيها يركبون الباصات والبيض بالامام والسود بالخلف

المدارس بعضها للسود وبعضها للبيض يعنى كان فكر متخلف للاقصى الحدود

الفيلم لم يظهر العديد من الحقائق واظهر بعض المشاهد التى كانت فعلا تحدث

ولكن ما اود اذكره هنا فى احد المشاهد الام تقول مبررة لابنتها لماذا هذه السياسة تنتهج حيث تقول ان الله طلب ذلك فلا يمكن جعل الحصان مع الحمار والطيور مع الزواحف يعنى كان يرمون بغبائهم وتخلفهم على رب العباد الذى امر بالسواسية








62 comments:

Q8DOLL said...
This comment has been removed by the author.
Q8DOLL said...

قوه مشاري
شهالصوره ؟ صج معبره احس اغلب اللي يروحون حق الترزز ويعني احنا نفهم بالسياسه
"انا الشعب"
وتلاقيه قبل لايمر القهوه وياخذ له راس شيشه يروح يمر على مجلس الأمه يتطمش
ومشكلة الخز غريبه حتى بمجلس الأمه وحتى بالمستوصفات يامال الدقم الناس رايحه مريضه وانتوا تخزون !! صج شي للحين مو قادره استوعبه

وبالنسبه للفلم انا نوعية هالأفلام احبها وايد
بس اعتقد صارت الفكره مستهلكه وايد
يعني عشرتعش فلم عن هالسالفه !!
مو ؟
"اذا في بدليات طوف

Kuw_Son said...
This comment has been removed by the author.
wafa'a said...

واقع بو خزّة المرير .. الله يعينا عليه!

وواقع التعصب العنصري للون أو الطائفة .. موجود بصور مختلفه.. مايقتصر على جنوب أفريقيا..
الله المستعان!

Kuw_Son said...

تعليقك على الصورة حدة قوي ههههه

قرأت علن الفيلم في مجلة السينما الكويتية ..

أظنه فيلم يستحق المشاهدة ..

أنا على بالي الممثل اللي على الغلاف هو دينزيل واشنطن !!

فيه شبه كبير .. تحققت من الستاف طلع مو معاهم أصلا !!

Mohammad Al-Yousifi said...

انا موجود بالصورة

:(

الـفــــجـــ الــبـــعـــيـــد ــــــر said...

ههههههههههههههه

عيبني تعليقك عل الصورة...

والعنصرية... موجودة.. تراها مب بس في اللون.. في اشياء ثانية وااايدة

تحياتي لك

حسام بن ضرار said...

بعد هذي على هاللبس داشه عرض ازياء ولا قاعة مجلس الامه؟

شوية احترام للمكان يعني





صدق من قال ... الستر نعمه

MANAF said...

مشاري

لا بارك الله باللي احرقو العبي

من قلبي طالعه

..............

محـــــارة said...

ما ألومهم هذا شكل رايحه تحضر فيها جلسة ؟؟ إذا تبي الناس ماتخزها تحترم نفسها بشكلها وتلبس لبس يناسب المكان فوق الركبه وكعب ورايحه تحضر جلسة غالبيتهم من الريايل

بدون شيء أحنا نحب نطمش بعد شيء داخل عرض ما الومهم

بنت الكويت said...

في بنات ماشاءالله عليهم مبدعين باللبس
واذا احد تحرش فيهم ولا خزهم يعصبوون

وهم شبابنا مو مخلين احد بحاله

الفيلم من كلامك شكله حلو
واحب اشووف الافلام الي من هالنوعية

bo9ali7 said...

Mishary
al fikra tgdr tw9lha lna bdon al9orah o alta3leqat

o b3dain laish m'3a6y wayh albnyah o m5ally alshabab??

NewMe said...

لكل مقام مقال
لكن لا تلومهم
ان الله جميل
يحب الجمال
اذا بس بالنظر مو مشكلة
اهم شي لا يروح مخهم بعيد
وينسون اللي يايين عشانه
بس تعال جم واحد تهاوش مع مرته والا حبيبته
من تحت راسك؟
دمت بحب
تحياتي

notes said...

جميلة هل قفشة إستاذ مشاري:)

Fahad Al Askr said...

ما سوت عليها البنت حضرت الجلسة، طلعت عليها أغلى من بيع السوق، تهقى شنو تعليقها لما تشوف البلوغرز حاطين صورتها وهات يا بوست وعطني تعليقات
بصراحة كسرت خاطري

5roofa said...

looool shlon 9ayden el 9oraa?

o 3ala el movie hatha mo bs el filim el wa7ed ele egolon fe hal shay.
ya3ny ohom 3endhom 7oreyat el ray shay kbeer :s o el moshkela ena hal ray marat ga3ed yet3ada 3ala alah sob7aba

ya36ek el 3afya 3al mawtho3

Q8LoVeR said...

دراسه علميه تأكد التالي
واعذرني اخوي مشاري ان كانت محرجه

الرجل ما يمر في ممر كله بنات يتفخ صدره ويشد جسمه
والمكرش يشفط بطنه
ويطالع سيده يعني ثقيل

البنت
اذا مرت في ممر كله رجال

لوحظ ان خصرها يتحرك لاشعوريا ودون قصد منها
اي بغنج

وفي الدين يوجد شي اسمه سهم ابليس لماذا لاشعوريا لما تمر وحده تحس بوجود وحده ماره ؟
فلذلك قالها الرسول الكريم نظرة لك ونظره عليك

والضعيف الي يتنح بالكويتي

اجزم لك ثلاث ارباع الي قاعدين يخزون اذا موكلهم عزابيه
والاخت جنها عزابيه

المهم

الشخص يقاس على كم هو محترم للناس ومحترم لنفسه

برأي انه من يرتدي هذا الزي

هو غير محترم

وفي هذا المكان
هو قليل ادب

...

اما من ناحية العنصريه فأعتقد متأصله في الكثير منا
واعقتد لها تاريخ عريق

مثل عدم الزواج من بعض العوائل

بس الصوره خطيره

KQ8 said...

تنوحتي...ما ينلامون الشبيبة طقت جبودهم من الكلام اللي يدور في المجلس..قالو انتسلى

Ra-1 said...

في واحد نايم بالصورة :)

الزين said...

عزيزي مشاري

انا وياك بهالسالفه
الذوق العام عند البنات انعدم
البنت الكويتية ما تعرف متى تثقل المكياج ومتى تقلله ومتى تشيله
لبسها مال الدوام نفسه مال السوق نفسه مال الشغل
التكلف والبهرجه الزايده

إلا القليل منهم طبعا

وبعدين شسالفة التزلط اللي هابين له فيه هالأيام

يعني صارت البنت الكويتية تنافس اللبنانية بكشف اجزاء معينه من جسمها

اهو قلة حيا وإلا تحرر
فهموني

salfa3ajeeba said...

al77a yoli77o i9rarann:)

'7azza ya'7ozzo tamaqollan wi mako sho'3linn:)

حلم جميل بوطن أفضل said...

الربع نسوا الفيلم و طاحوا تعليقات بالصورة .. ألحين منو يحب التخزز و التعليقات

:)

بخصوص الفيلم .. شكراً على المعلومة .. هناك فيلم جميل آخر من بطولة تيم روبنز يتكلم عن أحد رفاق نيلسون مانديلا و كيف ألتحق بصفوف المقاومة الشعبية بدافع الإنتقام

كان فيلم إنساني جميل

إسم الفيلم

Catch A Fire

::heba:: said...

لووووووووول
انا الصوره شايفتها بالجريده
والمشكله كانوا مومعلقين على
البنت او الناس الي تخز
لكن الصوره بروحها تكلم :P

والفلم مو وايد مع النوعيه هذي من الافلام انا

يعطيك العافيه على المواضيع : ))

امبراطـــورة اشعاري said...

صباح الخير مشاري


صحيح الكل يروح لمجلس الأمه بس حق الترزز ولاالسيايه مايعرفون عنها شي..

والعنصريه صدقني تلاقيها بكل شي
حتى بالعايله الوحده تلاقي نوع منها

om-bukhnag-zare :) said...

صبحك الله بالخير اخيي مشاري :) ا

ماتسوى على بنت الحلال :)العيب موبس عليها ترا العيب بعد لاحق ربعنا خل يلبسون نظارات الحصن ويفكون عمرهم :)ا

اما الفلم يمدحونه وايد .. يبيله اشوفه:) مع اني ما احب العنصرية والتعنصر وكل انواع العنصره :)ا

حافظك الله

Nachla said...

عسى ما شر
كلكم تخزون
وصادف وحدة يمكن حلوة بمكان جدا ممل

ButterFlier said...

تسلم إيدك يا الشري

Unknown said...

Q8DOLL :بهذى صدقتى انا الشعب :))

Unknown said...

loyalty : جنوب افريقيا الدولة الوحيدة اللى طبقت الفصل العنصرى
ام الخز فيعين الله

Unknown said...

Kuw_Son : انا مثلك توقعت اول شى اهو طلع مو مع هالممثل عجيب يا اخى

Unknown said...

kila ma6goog : امس حلمان فيك الله يستر

Unknown said...

Alfajer alba3eeed : صحيح العنصرية حتى احنا بينا كمسلمين موجودة مع الاسف

Unknown said...

حسام بن ضرار : لو يدرون الستر نعمة جان ما تشوف خمبقتهم جذى يا بو ضرار

Unknown said...

MANAF : من حرقوها ومستخفين يا بو النيف

Unknown said...

محـــــارة : الناس بالمجلس من ضيقة الخلق لو ضب يمر عليهم يخزونه :)

Unknown said...

بنت الكويت : مو لو عروفوا ان لكل مقام مقال ما سو جذى

والفيلم زين بس مو ذيج القوة

Unknown said...

bo9ali7 : عشانك غطينا الويوه وخلينا العيون

راضى؟

Unknown said...

NewMe : عاد تخيلى بالمجلس ومخه يروح بعيد مو وقته كلش

Unknown said...

notes : اشكرك :) واشكر مرورك

Unknown said...

Fahad Al Askr : تعليقها مرة ثانية ما البس نفنوف مليق مال طلعه اروح فيه مكان رسمى

Unknown said...

5roofa : الله يعافيج والفيلم يستاهل المشاهدة:)

Unknown said...

Q8LoVeR : والله يا عزيزى كلامك جميل ومنطقي بس الناس الحين اذا كلمتها قالولك والله شنو هالرجعية والتخلف اللى تكلم فيها
وقلتها مليون مرة انا مستانس برجعيتى وتخلفى بس وين اللى يسمع

Unknown said...

Krakatoa : صحيح والفرجة بلاش

Unknown said...

Ra-1 : هذا قاعد يحلم فينى :))

Unknown said...

ZoZOta : المشكلة الصبح يلطخووووون مكياج وبالليل تصير جنها ينية ماكو ذوق :)

Unknown said...

salfa3ajeeba : والله ضحكتينى قاعد احاول اقرى الكلمة اخر شى طلعت جذى :))

مدرسة انجلش عربي

Unknown said...

حلم جميل بوطن أفضل : مو الخبر شيقول

كلب يعض رجل
او رجل يعض كلب

هذا هو المنطق

واشكر اقتراحك على الفيلم :)

Unknown said...

::heba:: : الله يعين الرياييل على حريمهم الحين لو شافوها:))

Unknown said...

امبراطـــورة اشعاري : الفاضى يعمل قاضى :))

Unknown said...

om-bukhnag-zare : صح العيب على الولد لان خز بس الولد لو ما لقي محفز وشاف وحدة مارة يمه بشكل محترم ما خز

Unknown said...

Nachla : انا ما ادرى شنو كمية الكره اللى عندج حق الرجال وطبعا اكيد وراء هالشى في سبب
بس التعميم غلط
كلكم؟؟؟ ليش كلكم الصورة فيها عشرين واحد مو قاعد يخز فيها الا 4 او 5
واذا بنعمم
الحريم كلهم يحشون
الحريم كلهم يمتون على السوق
وازيدج وحدة والا بلاش هذى قوية شوى عليج

charisma said...
This comment has been removed by the author.
charisma said...

افكر اشوى انا وين رايحه قبل لا البس

!

والعنصريه للون احس بعروقهم مهما تحررو واختلطو

esTeKaNa said...

ما تسوى عليها تاخذ اثم كل عين ناظرتها
وشوف كل واحد شكثر اثامه
وييييييييه
الله يعينها ويهديها يارب

Anonymous said...

بدون منازع استاذ مشاري

افضل مدونة كويتية

تكفي الحيادية والمنطق
اللى تتميز فيها وانك تغسل جبودنا بهالناس اللى عافسين الديرة

متابع

sologa-bologa said...

هههه

عقب ما تغطت عيونهم
صاروا مثل قبيلة

الطوارق

:)

مع اعتذاري

ودمت بحب وود

Unknown said...

charisma : ليش تفكر وتعور راسها اى خلجونة وخلاص

والعنصرية الاسلام نهاها وقضى عليها بس الحين عادت بسبب الجهل

Unknown said...

esTeKaNa : يا يبه يا استكانة الناس هذيل ما يفكرون جذى
هذيل يفكرون ستايل
وشكلى حلو
وانا جذابة
وكنت اليوم اينن اهبل

Unknown said...

Anonymous : هناك العديدين ممتازين يا عزيزى وشهادتك اعتز فيها اخى الكريم

Unknown said...

sologa-bologa ": قبيلة طوارق:)))

لا حلوة منك

The Voice Within said...

اعرف وحدة من جنوب افريقيا


مشالله بييييييضه بياض روسيين

تقولي بالنسبة لهم انا colored

لا خالة ولا بيضة



حتى الخوال بينهم وبين بعضهم فيه تقسيمات


والله اعلم :P




مشكلة الاوادم السطحيين اشوا ان المقياس عندالله بالاعمال لا على الشكل ولا العايلة ولا اللون

Anonymous said...

مشاري .. يعني لو كنت إنت معاهم ما كنت بتخز ؟
:P~~