عينك يا ولد
مسحنا وجوه الرجال وخلينا عيونهم اللى تتلاقط
بالله ما تقولولي شحقه حاضرين الجلسة
بس انا ما الومكم عندنا بنات ما يعرفون الذوق باللبس ما يدرون مثلا الصبح لازم
suit
حق الاماكن الرسمية يلبسون اى خلجونة ويالله
بس هم ربعنا ما يطوفون شى حتى لو صخلة مارة بقق عيونه
Highly Recommended
سياسة الفصل العنصري اللى كانت موجودة فى جنوب افريقيا والتى كانت تعنى بالفصل المطلق بين البيض والسود كانت فعلا شئ مخزي فى حق البشرية فكيف تتخيل ان دولة كانت تجعل مواطنيها يركبون الباصات والبيض بالامام والسود بالخلف
المدارس بعضها للسود وبعضها للبيض يعنى كان فكر متخلف للاقصى الحدود
الفيلم لم يظهر العديد من الحقائق واظهر بعض المشاهد التى كانت فعلا تحدث
ولكن ما اود اذكره هنا فى احد المشاهد الام تقول مبررة لابنتها لماذا هذه السياسة تنتهج حيث تقول ان الله طلب ذلك فلا يمكن جعل الحصان مع الحمار والطيور مع الزواحف يعنى كان يرمون بغبائهم وتخلفهم على رب العباد الذى امر بالسواسية
62 comments:
قوه مشاري
شهالصوره ؟ صج معبره احس اغلب اللي يروحون حق الترزز ويعني احنا نفهم بالسياسه
"انا الشعب"
وتلاقيه قبل لايمر القهوه وياخذ له راس شيشه يروح يمر على مجلس الأمه يتطمش
ومشكلة الخز غريبه حتى بمجلس الأمه وحتى بالمستوصفات يامال الدقم الناس رايحه مريضه وانتوا تخزون !! صج شي للحين مو قادره استوعبه
وبالنسبه للفلم انا نوعية هالأفلام احبها وايد
بس اعتقد صارت الفكره مستهلكه وايد
يعني عشرتعش فلم عن هالسالفه !!
مو ؟
"اذا في بدليات طوف
واقع بو خزّة المرير .. الله يعينا عليه!
وواقع التعصب العنصري للون أو الطائفة .. موجود بصور مختلفه.. مايقتصر على جنوب أفريقيا..
الله المستعان!
تعليقك على الصورة حدة قوي ههههه
قرأت علن الفيلم في مجلة السينما الكويتية ..
أظنه فيلم يستحق المشاهدة ..
أنا على بالي الممثل اللي على الغلاف هو دينزيل واشنطن !!
فيه شبه كبير .. تحققت من الستاف طلع مو معاهم أصلا !!
انا موجود بالصورة
:(
ههههههههههههههه
عيبني تعليقك عل الصورة...
والعنصرية... موجودة.. تراها مب بس في اللون.. في اشياء ثانية وااايدة
تحياتي لك
بعد هذي على هاللبس داشه عرض ازياء ولا قاعة مجلس الامه؟
شوية احترام للمكان يعني
صدق من قال ... الستر نعمه
مشاري
لا بارك الله باللي احرقو العبي
من قلبي طالعه
..............
ما ألومهم هذا شكل رايحه تحضر فيها جلسة ؟؟ إذا تبي الناس ماتخزها تحترم نفسها بشكلها وتلبس لبس يناسب المكان فوق الركبه وكعب ورايحه تحضر جلسة غالبيتهم من الريايل
بدون شيء أحنا نحب نطمش بعد شيء داخل عرض ما الومهم
في بنات ماشاءالله عليهم مبدعين باللبس
واذا احد تحرش فيهم ولا خزهم يعصبوون
وهم شبابنا مو مخلين احد بحاله
الفيلم من كلامك شكله حلو
واحب اشووف الافلام الي من هالنوعية
Mishary
al fikra tgdr tw9lha lna bdon al9orah o alta3leqat
o b3dain laish m'3a6y wayh albnyah o m5ally alshabab??
لكل مقام مقال
لكن لا تلومهم
ان الله جميل
يحب الجمال
اذا بس بالنظر مو مشكلة
اهم شي لا يروح مخهم بعيد
وينسون اللي يايين عشانه
بس تعال جم واحد تهاوش مع مرته والا حبيبته
من تحت راسك؟
دمت بحب
تحياتي
جميلة هل قفشة إستاذ مشاري:)
ما سوت عليها البنت حضرت الجلسة، طلعت عليها أغلى من بيع السوق، تهقى شنو تعليقها لما تشوف البلوغرز حاطين صورتها وهات يا بوست وعطني تعليقات
بصراحة كسرت خاطري
looool shlon 9ayden el 9oraa?
o 3ala el movie hatha mo bs el filim el wa7ed ele egolon fe hal shay.
ya3ny ohom 3endhom 7oreyat el ray shay kbeer :s o el moshkela ena hal ray marat ga3ed yet3ada 3ala alah sob7aba
ya36ek el 3afya 3al mawtho3
دراسه علميه تأكد التالي
واعذرني اخوي مشاري ان كانت محرجه
الرجل ما يمر في ممر كله بنات يتفخ صدره ويشد جسمه
والمكرش يشفط بطنه
ويطالع سيده يعني ثقيل
البنت
اذا مرت في ممر كله رجال
لوحظ ان خصرها يتحرك لاشعوريا ودون قصد منها
اي بغنج
وفي الدين يوجد شي اسمه سهم ابليس لماذا لاشعوريا لما تمر وحده تحس بوجود وحده ماره ؟
فلذلك قالها الرسول الكريم نظرة لك ونظره عليك
والضعيف الي يتنح بالكويتي
اجزم لك ثلاث ارباع الي قاعدين يخزون اذا موكلهم عزابيه
والاخت جنها عزابيه
المهم
الشخص يقاس على كم هو محترم للناس ومحترم لنفسه
برأي انه من يرتدي هذا الزي
هو غير محترم
وفي هذا المكان
هو قليل ادب
...
اما من ناحية العنصريه فأعتقد متأصله في الكثير منا
واعقتد لها تاريخ عريق
مثل عدم الزواج من بعض العوائل
بس الصوره خطيره
تنوحتي...ما ينلامون الشبيبة طقت جبودهم من الكلام اللي يدور في المجلس..قالو انتسلى
في واحد نايم بالصورة :)
عزيزي مشاري
انا وياك بهالسالفه
الذوق العام عند البنات انعدم
البنت الكويتية ما تعرف متى تثقل المكياج ومتى تقلله ومتى تشيله
لبسها مال الدوام نفسه مال السوق نفسه مال الشغل
التكلف والبهرجه الزايده
إلا القليل منهم طبعا
وبعدين شسالفة التزلط اللي هابين له فيه هالأيام
يعني صارت البنت الكويتية تنافس اللبنانية بكشف اجزاء معينه من جسمها
اهو قلة حيا وإلا تحرر
فهموني
al77a yoli77o i9rarann:)
'7azza ya'7ozzo tamaqollan wi mako sho'3linn:)
الربع نسوا الفيلم و طاحوا تعليقات بالصورة .. ألحين منو يحب التخزز و التعليقات
:)
بخصوص الفيلم .. شكراً على المعلومة .. هناك فيلم جميل آخر من بطولة تيم روبنز يتكلم عن أحد رفاق نيلسون مانديلا و كيف ألتحق بصفوف المقاومة الشعبية بدافع الإنتقام
كان فيلم إنساني جميل
إسم الفيلم
Catch A Fire
لووووووووول
انا الصوره شايفتها بالجريده
والمشكله كانوا مومعلقين على
البنت او الناس الي تخز
لكن الصوره بروحها تكلم :P
والفلم مو وايد مع النوعيه هذي من الافلام انا
يعطيك العافيه على المواضيع : ))
صباح الخير مشاري
صحيح الكل يروح لمجلس الأمه بس حق الترزز ولاالسيايه مايعرفون عنها شي..
والعنصريه صدقني تلاقيها بكل شي
حتى بالعايله الوحده تلاقي نوع منها
صبحك الله بالخير اخيي مشاري :) ا
ماتسوى على بنت الحلال :)العيب موبس عليها ترا العيب بعد لاحق ربعنا خل يلبسون نظارات الحصن ويفكون عمرهم :)ا
اما الفلم يمدحونه وايد .. يبيله اشوفه:) مع اني ما احب العنصرية والتعنصر وكل انواع العنصره :)ا
حافظك الله
عسى ما شر
كلكم تخزون
وصادف وحدة يمكن حلوة بمكان جدا ممل
تسلم إيدك يا الشري
Q8DOLL :بهذى صدقتى انا الشعب :))
loyalty : جنوب افريقيا الدولة الوحيدة اللى طبقت الفصل العنصرى
ام الخز فيعين الله
Kuw_Son : انا مثلك توقعت اول شى اهو طلع مو مع هالممثل عجيب يا اخى
kila ma6goog : امس حلمان فيك الله يستر
Alfajer alba3eeed : صحيح العنصرية حتى احنا بينا كمسلمين موجودة مع الاسف
حسام بن ضرار : لو يدرون الستر نعمة جان ما تشوف خمبقتهم جذى يا بو ضرار
MANAF : من حرقوها ومستخفين يا بو النيف
محـــــارة : الناس بالمجلس من ضيقة الخلق لو ضب يمر عليهم يخزونه :)
بنت الكويت : مو لو عروفوا ان لكل مقام مقال ما سو جذى
والفيلم زين بس مو ذيج القوة
bo9ali7 : عشانك غطينا الويوه وخلينا العيون
راضى؟
NewMe : عاد تخيلى بالمجلس ومخه يروح بعيد مو وقته كلش
notes : اشكرك :) واشكر مرورك
Fahad Al Askr : تعليقها مرة ثانية ما البس نفنوف مليق مال طلعه اروح فيه مكان رسمى
5roofa : الله يعافيج والفيلم يستاهل المشاهدة:)
Q8LoVeR : والله يا عزيزى كلامك جميل ومنطقي بس الناس الحين اذا كلمتها قالولك والله شنو هالرجعية والتخلف اللى تكلم فيها
وقلتها مليون مرة انا مستانس برجعيتى وتخلفى بس وين اللى يسمع
Krakatoa : صحيح والفرجة بلاش
Ra-1 : هذا قاعد يحلم فينى :))
ZoZOta : المشكلة الصبح يلطخووووون مكياج وبالليل تصير جنها ينية ماكو ذوق :)
salfa3ajeeba : والله ضحكتينى قاعد احاول اقرى الكلمة اخر شى طلعت جذى :))
مدرسة انجلش عربي
حلم جميل بوطن أفضل : مو الخبر شيقول
كلب يعض رجل
او رجل يعض كلب
هذا هو المنطق
واشكر اقتراحك على الفيلم :)
::heba:: : الله يعين الرياييل على حريمهم الحين لو شافوها:))
امبراطـــورة اشعاري : الفاضى يعمل قاضى :))
om-bukhnag-zare : صح العيب على الولد لان خز بس الولد لو ما لقي محفز وشاف وحدة مارة يمه بشكل محترم ما خز
Nachla : انا ما ادرى شنو كمية الكره اللى عندج حق الرجال وطبعا اكيد وراء هالشى في سبب
بس التعميم غلط
كلكم؟؟؟ ليش كلكم الصورة فيها عشرين واحد مو قاعد يخز فيها الا 4 او 5
واذا بنعمم
الحريم كلهم يحشون
الحريم كلهم يمتون على السوق
وازيدج وحدة والا بلاش هذى قوية شوى عليج
افكر اشوى انا وين رايحه قبل لا البس
!
والعنصريه للون احس بعروقهم مهما تحررو واختلطو
ما تسوى عليها تاخذ اثم كل عين ناظرتها
وشوف كل واحد شكثر اثامه
وييييييييه
الله يعينها ويهديها يارب
بدون منازع استاذ مشاري
افضل مدونة كويتية
تكفي الحيادية والمنطق
اللى تتميز فيها وانك تغسل جبودنا بهالناس اللى عافسين الديرة
متابع
هههه
عقب ما تغطت عيونهم
صاروا مثل قبيلة
الطوارق
:)
مع اعتذاري
ودمت بحب وود
charisma : ليش تفكر وتعور راسها اى خلجونة وخلاص
والعنصرية الاسلام نهاها وقضى عليها بس الحين عادت بسبب الجهل
esTeKaNa : يا يبه يا استكانة الناس هذيل ما يفكرون جذى
هذيل يفكرون ستايل
وشكلى حلو
وانا جذابة
وكنت اليوم اينن اهبل
Anonymous : هناك العديدين ممتازين يا عزيزى وشهادتك اعتز فيها اخى الكريم
sologa-bologa ": قبيلة طوارق:)))
لا حلوة منك
اعرف وحدة من جنوب افريقيا
مشالله بييييييضه بياض روسيين
تقولي بالنسبة لهم انا colored
لا خالة ولا بيضة
حتى الخوال بينهم وبين بعضهم فيه تقسيمات
والله اعلم :P
مشكلة الاوادم السطحيين اشوا ان المقياس عندالله بالاعمال لا على الشكل ولا العايلة ولا اللون
مشاري .. يعني لو كنت إنت معاهم ما كنت بتخز ؟
:P~~
Post a Comment