التصويت مستمر
اختر نائب واحد من كل مجموعة
وسوف نظهر النتائج الاولية الاسبوع القادم
هى أمي
كتبت بمناسبة مرور 17 سنة على الغزو
الكويت هي امى حتى ان بابها مغلوق
جاروا اهل الحجى والموت
حتي الردى
حتى الردى يحجي ويدوسها دوس
بسم التحديث والامة يسوقها سوق
والتفت للى يسرق روحها
وعيونها وقلبها
حتي نبضها
يبوقه بوق
واهي
مثل الكفيفة تبجى
ونواحها مبحوح
على حضها بين منكفى ومقرود
اخاف عليج يا ديريتى
يفوت الفوت
يتداعى عليج الخبيث وكل ومهدود
واللى حجى بالعدل
يقولون ضايع ومخبول
وانتى جرحج بوسط الضماير
واليوف عليج محروق
عزى لج يابلد فى يوم اسود تلقينى اذود
بدمى واسمى والولد
وكل غالى لاجلج يهون
ما انسى انا ايامي فى حضنها
حمتنى يوم الليالى غدا (ن) سود
لكن حسب ربي على الذى باعها لاجل كم مليون
60 comments:
حرقة القلب واااضحة من الحروف
و توصل بنفس الحراارة اللي انكتبت فيها
:(
حسبي الله على من باعها
و من يسعى لكسر نفوس اهل الكويت
.
.
صح لسانك
:)
نظل نرددها طول العمر: أرواحنا الثمن والمجد لوطن
.
والله يحفظ الكويت
دمعة عيني أخوي :( لأن ولي خلقني هالبلد اعشقه أكثر من روحي واهلي واغلى ما أملك
أتعب واكره وأزعل لما أشوف أحد يغلط عليها فما بالك بالي يهدمها ويفسد فيها ودي أحرقه وأشوف رضى أغلى أرض من بعده شلون صاير
وااخ لما نقول الكويت عسى ربي دوم يحفظها وعسى ياخذ كل من يخونها ويلعب بمالها ويفسد فيها
انا من فتره وانا اقول ليش صارت الكويت جذي؟؟؟ حسافه واحس بحرقه بس هاليومين انا كل ما صار شئ قلت لازم اسوي شئ مو معقوله بتصير الكويت ما فيها كويتين!!!
اي والله حسبي الله ونعم الوكيل واحبج يا كويت
مشاري,
الظاهر حاط الهارون بالغلط باللسته.
بس حبيت انبهك :)
السلام عليكم ورحمة الله وبركاته
رغم أنني لم أعد أتأثر
لابالشعر الوطني ولاالأغاني الوطنيه
التي أصبحت بارده وفاتره
كبرودة مشاعرنا لكنني أدمعت لدرجة
البكاءخاصه عندما وصلت هنا
عزى لج يابلد فى يوم اسود تلقينى اذود
بدمى واسمى والولد
وكل غالى لاجلج يهون
والله نحبك ياكويت
حفظك الله يأخوي شاري من كل شر
صح لسانك
كلام صج صج مؤثر
كل من يبي ياكلها وياكل خيرها
مانقول الا حسبي الله على كل واحد
مايداري مصلحه الكويت
يعطيك العافيه
الكلام روعة يا مشاري
الحرقة والحسرة على هالديرة طالعة من بين الأسطر..
مادري شقول
صارت هالديرة مثل النهيبة
كل من يخامط من ثوبها
حسبي الله عليهم
أشهد إنك صاحب ضمير حي يا مشاري ..
صح لسانك والله ..
لو ترشح نفسك .. أنا أول وحده أعطيك صوتي والله :)
حسبي الله ونعم الوكيل على كل من باع كويتنا بلا ضمير ..
الله يحفظ الكويت وأهلها يارب ..
قواك الله يا مشاري
يعطيك ألف عافيه
والله يحفظ الديره وأهلها
يا رب
Allah Wakbar =)
عورت قلبي يا مشاري
والله يبتها عالجرح
مو بس انته خايف عليها
والله الواحد ادمع عينه على اللي يصير بهالايام
الكل يقول هااااات لهالوطن
أحسنت مشاري
كلمات معبره
بركان يمتنع عن التصويت لان مافي نائب يملي العين
بركان ثائر
مشاري..بخصوص التصويت
لم ينجح احد
صراحة حاولت أصوت لكن ما شفت أحد يسوى
يمكن من نظرتي أعتقد الأفضل تصوت للانجاز و ليس النائب
يعني انجاز قوانين الرياضة كان شي كبير بس ظلم اني اذكر فيه شخص و اترك آخر
مشكور يا حلو
الله يحفظها من كل شر في القادم من الأيام
وما صوت على آخر مجموعة، ما عرفت من اختار
:)
صح لساااااااانك
الله يخليها لنا ويخلينا لها حماة
و المتردية والنطيحة نمونة موجودة بكل مكان بس بعون الله هالاشكال ماردها بتنشال واملنا بالله كبير
تسلم
ربي يحفظ كويتنا
ومثل ما قلت حسبي ربي على الذي باعها
.
.
مشاري أحرفك صادقة
نابعة من قلب كله حب وحرص على ديرته
الله يكثر من أمثالك
ويحفظ لنا ديرتنا
كلمات روعه ومؤثرة
الله يحفظ الكويت من كل سوء يارب
يعطيك العافية
hi mishmish i'm glad u r my husband.. go ahead.. ur the best man in the world .. bedooon monafis :) 3asa alla la efaregna o e'7aleek lena
97 ilsanik,
wi allah i'7ale ikuwaitna il7abeebah lina ya rab wi
i7afithha min af3al ilsofaha2 min abna2ha ya rab
a7La eNG : صح بدنج
والواحد بهالفترة بس ناطر ويشوف
بوغازي : اللهم امين يا بوغازى
محـــــارة : الكويت قاعدة تتدمر بايد عيالها وهذا غزو ثاني بعد
Anonymous : الخير موجود بس تعب من التحرك بدون ما يدفعون عياله
BoHSaiN : مشكور اخوى عدلتها
كويتيه مقهورة : يا اختى غصب على الواحد يكتب ما عندنا غير الكتابة
واحنا شعب مسالم مو مال دم وعمليات واستخبارات طول عمرنا عايشين بسلام شالحل؟
::heba:: : اللى ما راح يدارى مصلحتها ما راح يدارى مصلحة بيته
نون النساء : ان ظلت عارية راح احنا نتعري
Dana__23 : لا يبه انا احب اكون من المتابعين بدون ما ادخل بالمعمعة علشان ما تتوصخ ايدي
:)
hamdool : الله يعافيك
وامين الله يسمع منك
ButterFlier : عليهم
Q8DOLL : مو عيب لما نقول هات بس العيب ان ما نعطى
بـركـــــان: ما عمرى شفت بركان سلبى :)
Krakatoa : ولا جوازا؟
kila ma6goog : يعنى ما فى احد يترس العين :)
White Wings : هذى وانتى سياسية المفروض تعرفينهم:)
معلش
والله يستر شكله ياي شئ كبير
The Voice Within : بس زهقنا والله
SHAHAD : ويخليكم لها لان فعلا احساسكم صادق
بنت الكويت : اللهم امين ويخلى لنا هالديرة بخير
nafoola : yeh yeh hatha agwa ta3leeq :D
thank you sweety
salfa3ajeeba ":وين بخيلها واهم يتناهبونها من كل صوب؟
الله كريم .. يحفظ الكويت
بعض الصغائر لو نداريها كشعب له القدرة على السيطرة عليها ..
فالله يتكفل بالكبائر الصعبة علينا
بالنسبة للتصويت .. صوتنا :)
لكن ما فهمت المغزى او الهدف منه
97 elsanek ,,
allah yb3d 3na oo 3n dertna kl shar yarb ,,
t3berk 7da nice ,,
وهذا الي قصدته .. هذولا محنا عارفين شلون ندافع عنها أبوقهم وطمعهم
محتار بين
وليد العصيمي
أو سعدون حماد
ممكن اتصل بوليد طبطب ؟
ســلام ٌ على الكويت/وطنـــي
انا صوتت بس لو انك فاصل احمد باقر و الطبطبائي كل واحد بقائمة
لاني كنت بصوت لهم اثنثنهم و ما قدرت
بالنسبة للموضوع و الله قلبي محترق على هالديرة
الي ماسكينها الحين مثل الولد العاق الي امه عمية و قافل عليها بحضيرة الحمام ورا البيت و ما يشوفها الا اذا يبيها تبصم له اوراق حق يسحب من رصيدها بالبنك
آه يا وطن
صح لسانك ..
17 عام مروا مثل لمح البصر ..
عسى الله لا يعيد تلك الأيام ,,
اللهم اجعل هذا البلد آمنا مطمئنا و سائر بلاد المسلمين
كتاباتك السياسية تبين حبك للكويت
الله يحفظ الكويت ويحفظ اهلها
qesat_5ayal : لو بس نفتك من صغائر الامور احنا بخير بس
والتصويت هو لرؤوية وجهة نظر الشارع فى النواب
ReD Lady™ :thank you wayed o alham ameen
محـــــارة : اتوقع فى تغيير بالطريج ياي
ومتفائل فيه
Anonymous : الصراحة اختيارتك عجيبة
موفق
AuThoress : بهالايام الصعبة ما اشوف سلام
ابن زيدون : تشبيهك قوي اخوى
وما قدرت افصلهم لان حطيت حسب الدوائر من الاولى لى العاشرة ومن الحادية عشر لى العشرين
Kuw_Son : ودى الناس تتذكر هالايام علشان يعرفون قيمة الحرية
صح بدنك والحمدالله على السلامة:)
الـفــــجـــ الــبـــعـــيـــد ــــــر
اشكرج اختى واللهم امين
Post a Comment