الطموح و العمل والمثابرة والالتزام وقليل من المشاغبة تكون الحياة ناجحة

Wednesday, August 01, 2007

التصويت مستمر

اختر نائب واحد من كل مجموعة

وسوف نظهر النتائج الاولية الاسبوع القادم

هى أمي

كتبت بمناسبة مرور 17 سنة على الغزو


الكويت هي امى حتى ان بابها مغلوق

جاروا اهل الحجى والموت

حتي الردى

حتى الردى يحجي ويدوسها دوس

بسم التحديث والامة يسوقها سوق

والتفت للى يسرق روحها

وعيونها وقلبها

حتي نبضها

يبوقه بوق

واهي

مثل الكفيفة تبجى

ونواحها مبحوح

على حضها بين منكفى ومقرود

اخاف عليج يا ديريتى

يفوت الفوت

يتداعى عليج الخبيث وكل ومهدود

واللى حجى بالعدل

يقولون ضايع ومخبول

وانتى جرحج بوسط الضماير

واليوف عليج محروق

عزى لج يابلد فى يوم اسود تلقينى اذود

بدمى واسمى والولد

وكل غالى لاجلج يهون

ما انسى انا ايامي فى حضنها

حمتنى يوم الليالى غدا (ن) سود

لكن حسب ربي على الذى باعها لاجل كم مليون

* التصويت مستمرعلى أفضل نائب للدور الانعقادي السابق*

60 comments:

Nora said...
This comment has been removed by the author.
Nora said...

حرقة القلب واااضحة من الحروف
و توصل بنفس الحراارة اللي انكتبت فيها
:(

حسبي الله على من باعها
و من يسعى لكسر نفوس اهل الكويت
.
.
صح لسانك
:)

بوغازي said...

نظل نرددها طول العمر: أرواحنا الثمن والمجد لوطن
.
والله يحفظ الكويت

محـــــارة said...

دمعة عيني أخوي :( لأن ولي خلقني هالبلد اعشقه أكثر من روحي واهلي واغلى ما أملك

أتعب واكره وأزعل لما أشوف أحد يغلط عليها فما بالك بالي يهدمها ويفسد فيها ودي أحرقه وأشوف رضى أغلى أرض من بعده شلون صاير

وااخ لما نقول الكويت عسى ربي دوم يحفظها وعسى ياخذ كل من يخونها ويلعب بمالها ويفسد فيها

Anonymous said...

انا من فتره وانا اقول ليش صارت الكويت جذي؟؟؟ حسافه واحس بحرقه بس هاليومين انا كل ما صار شئ قلت لازم اسوي شئ مو معقوله بتصير الكويت ما فيها كويتين!!!
اي والله حسبي الله ونعم الوكيل واحبج يا كويت

AliMorning said...

مشاري,
الظاهر حاط الهارون بالغلط باللسته.

بس حبيت انبهك :)

كويتيه مقهورة said...

السلام عليكم ورحمة الله وبركاته

رغم أنني لم أعد أتأثر

لابالشعر الوطني ولاالأغاني الوطنيه

التي أصبحت بارده وفاتره

كبرودة مشاعرنا لكنني أدمعت لدرجة

البكاءخاصه عندما وصلت هنا

عزى لج يابلد فى يوم اسود تلقينى اذود

بدمى واسمى والولد

وكل غالى لاجلج يهون


والله نحبك ياكويت

حفظك الله يأخوي شاري من كل شر

::heba:: said...

صح لسانك
كلام صج صج مؤثر

كل من يبي ياكلها وياكل خيرها
مانقول الا حسبي الله على كل واحد
مايداري مصلحه الكويت

يعطيك العافيه

نون النساء said...

الكلام روعة يا مشاري
الحرقة والحسرة على هالديرة طالعة من بين الأسطر..
مادري شقول



صارت هالديرة مثل النهيبة
كل من يخامط من ثوبها

حسبي الله عليهم

Dana__23 said...

أشهد إنك صاحب ضمير حي يا مشاري ..
صح لسانك والله ..
لو ترشح نفسك .. أنا أول وحده أعطيك صوتي والله :)

حسبي الله ونعم الوكيل على كل من باع كويتنا بلا ضمير ..

الله يحفظ الكويت وأهلها يارب ..

قواك الله يا مشاري

hamdool said...

يعطيك ألف عافيه

والله يحفظ الديره وأهلها
يا رب

ButterFlier said...

Allah Wakbar =)

Q8DOLL said...

عورت قلبي يا مشاري
والله يبتها عالجرح
مو بس انته خايف عليها
والله الواحد ادمع عينه على اللي يصير بهالايام
الكل يقول هااااات لهالوطن
أحسنت مشاري

بـركـــــان said...

كلمات معبره

بركان يمتنع عن التصويت لان مافي نائب يملي العين


بركان ثائر

كويتيه مقهورة said...
This comment has been removed by the author.
KQ8 said...

مشاري..بخصوص التصويت

لم ينجح احد

Mohammad Al-Yousifi said...

صراحة حاولت أصوت لكن ما شفت أحد يسوى

يمكن من نظرتي أعتقد الأفضل تصوت للانجاز و ليس النائب

يعني انجاز قوانين الرياضة كان شي كبير بس ظلم اني اذكر فيه شخص و اترك آخر

مشكور يا حلو

White Wings said...

الله يحفظها من كل شر في القادم من الأيام
وما صوت على آخر مجموعة، ما عرفت من اختار
:)

The Voice Within said...

صح لساااااااانك



الله يخليها لنا ويخلينا لها حماة


و المتردية والنطيحة نمونة موجودة بكل مكان بس بعون الله هالاشكال ماردها بتنشال واملنا بالله كبير


تسلم

SHAHAD said...

ربي يحفظ كويتنا
ومثل ما قلت حسبي ربي على الذي باعها
.
.
مشاري أحرفك صادقة
نابعة من قلب كله حب وحرص على ديرته
الله يكثر من أمثالك
ويحفظ لنا ديرتنا

بنت الكويت said...

كلمات روعه ومؤثرة
الله يحفظ الكويت من كل سوء يارب

يعطيك العافية

nafoola said...

hi mishmish i'm glad u r my husband.. go ahead.. ur the best man in the world .. bedooon monafis :) 3asa alla la efaregna o e'7aleek lena

salfa3ajeeba said...

97 ilsanik,

wi allah i'7ale ikuwaitna il7abeebah lina ya rab wi

i7afithha min af3al ilsofaha2 min abna2ha ya rab

Unknown said...

a7La eNG : صح بدنج
والواحد بهالفترة بس ناطر ويشوف

Unknown said...

بوغازي : اللهم امين يا بوغازى

Unknown said...

محـــــارة : الكويت قاعدة تتدمر بايد عيالها وهذا غزو ثاني بعد

Unknown said...

Anonymous : الخير موجود بس تعب من التحرك بدون ما يدفعون عياله

Unknown said...

BoHSaiN : مشكور اخوى عدلتها

Unknown said...

كويتيه مقهورة : يا اختى غصب على الواحد يكتب ما عندنا غير الكتابة
واحنا شعب مسالم مو مال دم وعمليات واستخبارات طول عمرنا عايشين بسلام شالحل؟

Unknown said...

::heba:: : اللى ما راح يدارى مصلحتها ما راح يدارى مصلحة بيته

Unknown said...

نون النساء : ان ظلت عارية راح احنا نتعري

Unknown said...

Dana__23 : لا يبه انا احب اكون من المتابعين بدون ما ادخل بالمعمعة علشان ما تتوصخ ايدي
:)

Unknown said...

hamdool : الله يعافيك
وامين الله يسمع منك

Unknown said...

ButterFlier : عليهم

Unknown said...

Q8DOLL : مو عيب لما نقول هات بس العيب ان ما نعطى

Unknown said...

بـركـــــان: ما عمرى شفت بركان سلبى :)

Unknown said...

Krakatoa : ولا جوازا؟

Unknown said...

kila ma6goog : يعنى ما فى احد يترس العين :)

Unknown said...

White Wings : هذى وانتى سياسية المفروض تعرفينهم:)

معلش
والله يستر شكله ياي شئ كبير

Unknown said...

The Voice Within : بس زهقنا والله

Unknown said...

SHAHAD : ويخليكم لها لان فعلا احساسكم صادق

Unknown said...

بنت الكويت : اللهم امين ويخلى لنا هالديرة بخير

Unknown said...

nafoola : yeh yeh hatha agwa ta3leeq :D

thank you sweety

Unknown said...

salfa3ajeeba ":وين بخيلها واهم يتناهبونها من كل صوب؟

qesat_5ayal said...

الله كريم .. يحفظ الكويت

بعض الصغائر لو نداريها كشعب له القدرة على السيطرة عليها ..

فالله يتكفل بالكبائر الصعبة علينا

بالنسبة للتصويت .. صوتنا :)
لكن ما فهمت المغزى او الهدف منه

ReD Lady™ said...

97 elsanek ,,

allah yb3d 3na oo 3n dertna kl shar yarb ,,

t3berk 7da nice ,,

محـــــارة said...

وهذا الي قصدته .. هذولا محنا عارفين شلون ندافع عنها أبوقهم وطمعهم

Anonymous said...

محتار بين
وليد العصيمي

أو سعدون حماد

ممكن اتصل بوليد طبطب ؟

AuThoress said...

ســلام ٌ على الكويت/وطنـــي

حد القلم said...

انا صوتت بس لو انك فاصل احمد باقر و الطبطبائي كل واحد بقائمة

لاني كنت بصوت لهم اثنثنهم و ما قدرت

بالنسبة للموضوع و الله قلبي محترق على هالديرة

الي ماسكينها الحين مثل الولد العاق الي امه عمية و قافل عليها بحضيرة الحمام ورا البيت و ما يشوفها الا اذا يبيها تبصم له اوراق حق يسحب من رصيدها بالبنك

آه يا وطن

Kuw_Son said...

صح لسانك ..

17 عام مروا مثل لمح البصر ..

عسى الله لا يعيد تلك الأيام ,,

اللهم اجعل هذا البلد آمنا مطمئنا و سائر بلاد المسلمين

الـفــــجـــ الــبـــعـــيـــد ــــــر said...

كتاباتك السياسية تبين حبك للكويت

الله يحفظ الكويت ويحفظ اهلها

Unknown said...

qesat_5ayal : لو بس نفتك من صغائر الامور احنا بخير بس

والتصويت هو لرؤوية وجهة نظر الشارع فى النواب

Unknown said...

ReD Lady™ :thank you wayed o alham ameen

Unknown said...

محـــــارة : اتوقع فى تغيير بالطريج ياي
ومتفائل فيه

Unknown said...

Anonymous : الصراحة اختيارتك عجيبة

موفق

Unknown said...

AuThoress : بهالايام الصعبة ما اشوف سلام

Unknown said...

ابن زيدون : تشبيهك قوي اخوى

وما قدرت افصلهم لان حطيت حسب الدوائر من الاولى لى العاشرة ومن الحادية عشر لى العشرين

Unknown said...

Kuw_Son : ودى الناس تتذكر هالايام علشان يعرفون قيمة الحرية

صح بدنك والحمدالله على السلامة:)

Unknown said...

الـفــــجـــ الــبـــعـــيـــد ــــــر

اشكرج اختى واللهم امين