شنو يصير لو تغيبين
باموت؟
أو
بأقسى؟
بيتغير الكون
والشقى فوق شقاي
يكثر
باسافر
او باهاجر
أو يمكن للعالم الجديد أنا ارحل
خليني أغيب
وغيبي وخلي
صوت الفجر
عن العمر
يتكلم
خلي طيور الحب عن صوتي تتكلم
وخلي أشواقي مع صوت البحر
لأحزانج مرسي
بأخلي صوت صحراي لج مغزي
كل هالاسرار
يوم حبي كان كتاب سهل العبارة
وكانت كل الاشواق مختصرة
بكلمة
من أربع احرف
لا أول لها
ولا خامس لها
قلتها بكل بساطة
غيبي
وخلي أشواقي واشواقج تتبعثر
وخلينا نشوف منو يتغير
عن نفسي
هاجرت سبع أكوان
و لا فيني أثر
وشايل عمر الحب في صدري
لان للحب عندي معني
وكل منا يحمل للمعنى معنى
أنا أشوفه ازرق
نفس لون السما صافي
وانتي تشوفينه ليله ظلمة
ما فيها أحد غيرج
أنا ذنبي عندج أحب بالنور
وأنتى عمرج ساير على هالنور
عمري
حبي
خلي الغرور
تري الدنيا صدقينى ما تسوي
ــــــــــــــــــــــــــــ
أخليكم مع يوسف المطرف
اسألوها
50 comments:
اسجل اعجابي بما نثرت لنا من كلمات صادقه
بوح جميل تعبير مشوق
يعطيك العافيه
great blog.
مساالورد والجوري
اخي العزيز
مشاري
صج الدنيا ماتسوي
بس شنسوي لمن ننجبر انا احنا نعيش مع هالنوعية من الناس
اهنيه تكون المشكلة؟؟
دمت بدفء وعذوبة
ابدا
:)
مشكلتي أحب بالنور :) مو هذا الحب الحقيقي ياخوي
روعه ماوصفت .. أبدعت وحملتنا معاكب بعبارات حب الحفيفه والرقيقه بمعناها لكن قاسيه على الي مايحسها
مبدع دوم الله يقويك
يعطيك العافيه اخ مشاري على الكلمات الاكثر من رائعه حبيت طريقة سرد المشاعر
حبيت الكلمات اثرت بقلبي وايد
يعطيك العافيه مره ثانيه
salamz...
صح لسانك
حسيتها استراحة
:)
شنو بيصير لو تغيبين؟
هل هو سؤال لها
ام همهمه القلب للقلب؟
طريقه لنبرد على قلوبنا الغياب
اسلوب اقناع بأن الغياب ليس اكبر مشاكل الكون؟
انا ذنبي عندج احب بالنور
وانتي عمرج ساير على النور
!!
مابين ذنبك
وغيابها
احساس عجيب رغم ايلامه
من اجمل واروع ما قرأت لك
:)
كلمات رائعه
يامشاري ...
احيانا نصادف ناس
همهم يفتتونك....
يأذونك ..جرحونك
لكن ...........
الحياة تعلمنا...
كلمات مميزه من شخص مميز
قواك الله
اي والله غيبي شبيصير يعني؟
اللي يبيع ويقسى بدون سبب
يستحق هالكلمات
يمكن ماتكون طالعه من القلب لما انقولها
لكنها تكفي للتأديب
وصح لسانك
أتمنى انك تفوز بجائزةأفضل مدون كويتي لاسباب عديدة
معتدل بشكل محد يتخيله وتنفع فعلا تكون قائد حق هالفكر
كلماتك السياسية عبر
للمتزنين
وكلماتك ضمن ما تكتب من خواطر
مشاعر صادقة حتى لو انكسر فيها الشطر ولكن تضل صادقة
شوف الكل عاجبه هالشطر
غيبي
شبيصير يعني
بمووت
:)
..
وانا بعد ويّاهم
كوول يالحبيب
هذي الكلمات ساعات يحتاجها الرجل لتدعيم كبريائه و لإظهار عدم حاجته للأنثى في بعض المرات ..
أحييك على هذه الكلمات الرائعة يا مشاري :)
استانست لما دريت انك من الضيوف المشاركين في منتقى الأوج ..
بانتظارك :)
كلمات بمنتهى الأحساس والروعة
يعطيك العافيه
حبيت كلماتك
:)
المطرف و بس
عن نفسي هاجرت سبع أكوان و لا فيني أثر
محتاجين هالاستراحه مشاري
كثر ما انت محتاجها
على قولتك مشاري
شنو بيصير ،،ازمه واتعدي
اختيار الاغنيه اكثر من موفق
ميرسي كتير كتير خيو
غيبي
راح اعطيج انذار أول
و عبقه انذار ثاني
و بعدين حرمان من انج تدشين قلبي
F Grade و
ترى من صجي .... مو قاعد اتغشمر
و صح لسانك المشري
كلماتك عن جد إتنعوّش القلب
ما شاء الله عليك يا أخ مشاري يوم بعد يوم تأكدلي انك فعلا مبدع وتستاهل هاللقب عن جدارة :)
زملائي الأعزاء
افيدكم علما بأن جميع حساباتي قد تعرضت للإختراق وانا حاليا غير قادر على التواصل معكم
ولهذا فأن مدونة بالكويتي الفصيح ستتوقف عن العمل مؤقتا
ومن يرغب بمساعدتي أرجو منه أن ينشر هذا الخبر المؤسف حتى يعرف الآخرون انني لم اتوقف خوفا من احد
مع الشكر
عاجل
الحمـــــــدلله المود تمام وبعيد عن السياسية ;p
--
حتى بالحب واضح يامشاري
.
.
دام قلبك بحبه الوااااضح
^_^
كلمات رائعة و الأاروع منك مشاركتك اياها معنا يعطيك العافية
كلمات رائعه و جميلة عودتنا على قراءتها
بس الختامية مع بو طارف روعه جدا
تسلم ايدك على هذا الإختيار الطيب
الغياب يذبح يا مشاري
المشكله لما نغيب احتمال نتعود على الغياب
ليش نكابر
ليش دايم نبي نكون شجعان
او نمثل دور الشجاع
و احنا من داخل ميتين
هالمره كلامك غير مشاري
او أنا حسيته غير
يعطيك العافيه اخوى مشاري
بس يوسف المطرف وين مطلعه هذا
الله يرحم اموات المسلمين
أنا كنت معجب "بالوسطيه" في أرائك السياسيه ..!! ولكن زاد أعجابي بمشاعرك وأحاسيسك العاطفيه ..!!؟
وغيبي وخلي صوت الفجر عن العمر يتكلم خلي طيور الحب عن صوتي تتكلم
مقطع جميل لحاله حزينه ..!!؟
تغيب..!
بس الذكرى تذبح يا مشاري...:)
استراحه خطيرة...:)
Sheikha85 :اشكرج اختى شيخة وما قصرتى :)
ray : thanks
فراوله: ماكو احد ما نقدر نتحاشاه حتى لو نفسيا نعزله ونخليه بحجمه
:)
محـــــارة : هالعبارة فعلا اهيا اللى كانت عاجبتنى
لان احب الوضوح والبساطة
:)
5roofa": مشكورةوانتى بعد يعطيج العافية وانتى كل شى يؤثر فيج:) حساسة وايد
qesat_5ayal : صح بدنج :)
estekana: شرحج جميل يا استكانة وتقدرين تحطين النقاط على الحروف:)
::heba:: : الدنيا مو على طول فوق علشان هالشى احنا لازم نتعلم من ثقتنا فى ناس مرات ما تستحق
:)
جنون إحساس : ما احب اسلوب التأديب بهالطريقة بالاخير احنا نتعامل بمشاعر
:)
Anonymous : مع الاسف لم اشترك بالمسابقة :) ولكن وجودى كضيف كان يكفي
اشكر تشجعيك وكلامك المساند لى
:)
Ra-1 : :)
شبكة الحوار الليبرالي : مع احترامى للكل ولكن
شنو الاضافة؟
يمكن الوحيدة ام صدة اللى عندها رسالة متنوعة
MANAF : وانا بعد وياك يا بو نيف انا عجبنى هالشطر ولكن عجبنى بعد الحب بالنور
:)
Kuw_Son تشرفت بلقاءك يا بووليد
:)
وتأكد ان المسألة مو مسألة تدعيم بحجم ما هي معاتبة للنفس
7osen : اشكرك عزيزى بو على ما تقصر
:)
kila ma6goog : المطرف الله يرحمه عجيب
Q8DOLL : اى والله شوية راحة :) وهدوء
SolaimaN : اى والله وكل شي يعدى
واشكر مرورك عزيزى
:)
حسام بن ضرار : بو ضرار الظاهر متأثر بدرجات الدراسة
:)
ويعطيك الف عافية انت بعد
PinkOcean : اشكرج اختى الكريمة وكلامكم هذا دعم لي ما تقصرين
:)
ReLaaaX : ماكو احسن منه يا ريلاكس
لا تبوق ولا تخاف
وتعيش حياتك سعيد ومرتاح
:)
ReLaaaX : ماكو احسن منه يا ريلاكس
لا تبوق ولا تخاف
وتعيش حياتك سعيد ومرتاح
:)
Sowhat : مشكور عزيزى ومشاركتم واجب لتطويرى
عتيج الصوف : بو طارف من ايام السمر
:)
ما تقصر يا عتيج
Purplecious : مو جذى الفكرة يا حجية
الفكرة انك لم تتألم من أحد ويهددك بالغياب هل بتسكت
ورويشد قال شوفلى حل بغيابك
:)
ابو شملان : الله يعافيك عزيزى
والمطرف صوت عجيب الله يرحمه
2 u ALL : شوي سياسة وشوى خواطر
:) مو احسن تنويع شوي
Q8ya : صح الذكري تذبح بهذى صدقتى
:)
Post a Comment