الطموح و العمل والمثابرة والالتزام وقليل من المشاغبة تكون الحياة ناجحة

Tuesday, September 11, 2007



أول شي قبل لا أدخل فى الموضوع
أحب أقول لكم مبارك عليكم الشهر
وعساكم تصومنه بالخير والبركة
بعيد عن البراطم والطراقات بالمسلسلات السخيفة
و دعونا ننسي كل خلافتنا مع كل الناس ونسامح من أخطأ فى حقنا
ونسأل الله العفو والمغفرة فى هذا الشهر الفضيل
أما الان ( استعداد افتتاح) حق اللى يبون وصفة الكيكة القنبلة
يتابع الاتي وعندى استعداد حق استفسارتكم
هذي الكيكة من ابداع زوجتي العزيزة
واراهنكم كل قطعه منها بتذكروني وتدعولي

سارا كيك ( على طعم الكاكاو) أحلي
يقطع على شكل مكعبات

مارش ميلو
فيرريرو روشي
أم اند ام (أصفر)يكون شوي فيه مكسرات
مالتسيسيرز
سنكرز
أو أي كاكاو تحبونه

الصلصة :يفضل كاكاو اروو او اى نوع تحبونه + ويب كريم كى دي دي + نوتلا

يتم اذابة الكاكاو وخلطه مع الصلصة وصبه على قطع الكيك

يفضل تقديمها ساخنة وسايح الكاكاو على الكيك
هنيئا مريئا
مدة الطبخ لا تتجاوز 15 دقيقة اذا عدت معناه انتوا سويتوا شئ غلط
ملاحظه تقدم ساخنة

أسهل طريقة لعمل الهريس – اليريش



تركب السيارة
تشغل السيارة
تحرص أن الوقت مبجر
تتجه الى احد هذه المناطق
مشرف- السلام- النزهة
يوجد محل نخي وباجيلا مشرف ق 2 السلام ق2 النزهة محل الجمعية
تدخل المحل بوجه ضاحك علشان يضبطك وتعطيه جدرك وتبطل البوك وتدفع و أنت ساكت
تروح – تروحين حق الاهل وانت منشكح ونافخ صدرك لان مضبطهم بهريس أو يريش معتبر

صحتين على قلوبكم
وكل عام وانتوا بخير
أتقبل القرقيعان من اول يوم رمضان

ملاحظة : تم اضافة رابط مقالة اليوم مع روابط الصحافة على اليمين لقراءة المقال المنشور بجريدة عالم اليوم

75 comments:

الحاسة السادسة said...

علينا وعليك تبارك الشهر
وعلى الأهل اجمعين


الهريس واليريش
مو مشكلة مقدور عليه

اما الحلووو دام انه من زوجتك الكريمة
فما عندي شك انه حلووو صجيي
بس لو منك
فا نسبة الشك يمكن تطوف العداد

:Pp~



قريت التحديث عن المسلسل
مادري ليش خابينا
فيه
لو فيهم خير جان راحوا جابلوا مشاكل الديرة
مو مجابلين مسلسل للحينه ما انعرض

Ginuwine said...

Mishari ... imbarak 3alaik el shahar o kil 3am wenta ebkhair o se77a o 3afya ... o ya36eekom el3afya 3ala hal wasfaat el6ayba :) o salamtik ..

Sowhat said...

مشاري
علينا و عليك ومنك العبادة و منت الله المغفرة بأذن الله

مشكورين على الوصفة بس للأسف هل السنة انا بالكويت فما مافي تجارب بل اكل حقيقي (عيني شوي و تدمع و انا اقولها )

واحسن مكان للسمبوسة هو بيان وخذ منه و ادعيلي

loyalty said...

أنا أقول وصفة الهريس أسهل من الكيك :)

شكراً لك و لزوجتك الكريمة على هذه الوصفات .. و الله يهنّيكم بالإيمان و طاعة الرحمن في رمضان .

مبارك عليكم الشهر:)

Very.Q8ya said...

Weyyyyyy ya 3aaal 3omrha 6uweeel 3ala hal wasffah! mashkora o ma etgasrreeen :))

il Cheif Mishari shaklek bet'hed ilseyasa o betjabel ilma6baakh lol
yallah kl 3am wnta ibkhaair o embarak 3alaik ilshahar lil marra il thanya :P

qesat_5ayal said...

علينا وعليك تبارك ان شاء الله

تسلم إيدها
وتسلم ايدك
:)

شكلها يشوق

جنون إحساس said...

آنا أفضل الهريس
=)

وشكراً لك على الوصفات

بنت الكويت said...

علينا وعليك
وكل عام وانت بخير

الكيكه شكلها لذيذ وبجربها انشاءالله

اما الهريس او اليريش مع ان طريقتهم واايد اسهل من الكيكه بس بلنسبة لي صعبة لاني ما اقدر اوصلها

واذا عندك وصفات بعد لا تبخل علينا :)

يعطيك العافيه
ومبارك عليك الشهر

bo bader said...

شلونك مشاري
مبارك عليك الشهر
تصحيح بسيط:
السلام ق ١ اللي فيها محل النخي والباجلة وليس ق ٢

layal said...

مبارك عليك الشهر

بس الكيكه شكلها محره
بتمحرنا من الشكر

ام الهريس فطباخ الوالده ما تغلبونه :-)

PearL said...

كل عام وانت بخير و ومبارك عليك الشهر

SHAHAD said...

وصفة الحلو سهلة وحلوة
راح أسويها عشان أونس أمي فيني لول
تسلم ايد زوجتك
وأما الهريس واليريش
فمافيه على هريس ويريش امي :))
ومبااارك عليك الشهرر مشاري

MsFine said...

First, blessed Ramadan to you all.

Second, ur post put a big smile on my face . i thank u for it :-)

ana kel ramadan y9eer feeny 9udaa3 mn wasfat elakel beldawam aw ebyam3at el3aylah aw bel9aloon o 7ata marra elly tbee3 ebma7al 3a6atny wa9fa! hawas mo 6beee3i , walla awal rmuthan o ni9ah matlagy cake SaraLee beljam3yat :-/ o elly mo em9adeg ychayyik halsena.

faaaaaaaaa 7alaft halsena ma asawy 7elo fee SaraLee

anyway, magelt ly wain o meta a7e6 el-marshmallow o M&Ms ?? :-D

الحارث بن همّام said...

بالعافية إن شالله ..
بس اذا ابي هريس وما عندي جدر .. يصير ينجبولي الهريس بالدبّة؟

ورمضان كريم :p

ابن زيدون said...

اوووه

مشاري مشرف عندنا بالسلام

عاد راعي نخينا و باجلتنا على مستوى و متعدد الوظائف و المهارات

يسوي غير النخي و الباجلا هريس و آش و شوربة آش و جريش و عيش بخاري و دجاج مقلي و مشوي و بوضة عربية

مبدع الله يطول بعمره و يونسنا فيه

Ealaf said...

كل عام وأنت بخير وصحة وسلامة ,
وشكرًا على الاطباق التي لم أقرأ وصفتها ههه فلست من المهتمين بالمطبخ حاليًا !

someone_q8 said...

السلام عليكم
مبارك عليكم الشهر أجمعين ونسأل الله لنا ولكم المغفرة في شهر المغفرة

اخوي مشاري ابي منك طلب وهو ياخوي لا اتحط هالوصفات الحلوه بنهار رمضان تره مو وقته :)
بعد الفطور كيفك حط اللي تبي .
وجزاك الله كل خير ومشكور على تعليقاتك

Q8DOLL said...

عسى الله يخلي لك هالزوجه اللي تألف وصفات من شكلها لذيذ دام فيها مارش ميلو
اما الهريس او اليريش تخيل ان من سنين طواعين يحطونه عالسفره ولا مره تجرأت أجرب وآكله والسبب شكله :)
ماني عارفه السبب
حتى ما احب اطالعه الله يديمها من نعمه
وكل عام وانته بخير ويبارك عليك الشر

فريج سعود said...

الله يتقبل اعمالك بالشهر الكريم
بالنسبة لنخي وباجيلا بيان فميزته انك تشتريه من ديكو لاعب برشلونة ومنها يوقع لك على الجدر او تتبادل فنايل وياه
اما الي يقول ان فيه سمبوسة احسن من سمبوسة جمعية القادسية فما عنده سالفة

فريج سعود said...

الله يتقبل اعمالك بالشهر الكريم

special vision said...

hhhhhhhhhhhhhhhhhhhhhhhhhhhhh


wnasa

;)

عليك بالعافيه انشالله

وكل عام وانته بخير خيوو

bo9ali7 said...

مبارك عليك الشهر

Fahad Al Askr said...

صار راعي طبخ

ray said...

و انا شادة حيلي قاعدة أدور وصفات لذيذة و بسيطة حق أول بوست برمضان :P

آخرتها مشرف قطعة 2 :D

ابو شملان said...

مبارك عليك الشهر
وعساك من عواده

ماشالله صاير شيف مشاري :)

حسام بن ضرار said...

احسن جريش و هريس بلا منازع

مال جمعية العديلية

ثم الفيحاء


و بس





و مبارك عليك الشهر و كل عام و انت و العائلة الكريمة بخير

7osen said...

مبارك عليك الشهر

وكل عام وانت بألف خييير


شرايك تعزمني على الكيك ترا واايد واحبه

:))

بالعافية عليك

al_tariq2009 said...

كل عام وانت بخير وعسى الله يتقبل منا ومنكم صالح الأعمال .


وترى ما نقبل الأعذار في المرة القادمة :)


تحياتي

EarthQuaker said...

علينا وعليك حبيبي او مبارك عليك الشهر , كل رمضان انقول نبي نسوي رجيم او نضعف بس على حلو المدام او اليريش والهريس الواحد وين يضعف!

الحمدلله اني مو متزوج لي الحين يعني عندي امل اضعف حاليا :p

موفق حبيبي مشاري او يعطيك العافيه

ZoZOta said...

مبارك عليك الشهر يا مشاري

وتصلح تكون خوووووش ربة بيت

وانا مو صوب الحلو

فماراح استفيد من من الكيكه

:)))

تغيير جذري في طرح الموضوعات

WaSe3at Ala`aFaQ said...

أعاده الرحمن علينا وعليكم بالخير

وشكراً لحرمك المصون على تلك الوصفة التي يبدو لي من خلال الوصفة أنها مٌشهيه للغايه
:)

فتى الجبل said...

علينا و عليك و على أمة محمد إن شاء الله وتقبل طاعتكم مقدما

و مشكورة زوجتك على هالكيكة ... عندنا و عندك خير ...
بس نخاف عقبها تطلع لنا كروش

ReLaaaX said...

looool

صج كيكة قنبله !؟
امبيييييييييه لييييييييييييييييييييييييييييييييييييييييييييييييييييييييش ؟

وايد فيها كاكاو تسسسسسسحن الجبد

بس اذا سويتها بحط جم علبة اينو احتياط اخاف يصير فيهم شي :p



تسلم ايدها وماقصرت عؤبال مانشوف وصفات من بنياتكم

--

واليريييش ترى يريش السره احسن من ييريشنا

والهريسة مااحبها فماادري من اللي يضبطها

Kuw_Son said...

والله انها قنبلة !!

هذي تقمت و تسد المناسم !!

الله يستر ..

تسلم إيدياتها ..

و كل عام و انت بخير و مباكر عليك الشهر الفضيل :)

Smile said...

علينا وعليك وان شاء الله يعودا علينا بكل خير

الله يخلي لي امي ويخلي هريسها ويريشها
وقيماتها

محـــــارة said...

كل عام وانت بخير وصحه وسلامه .. وسعاده مع المدام والعيال مع ألذ وطاب

Dana__23 said...

علينا وعليك وعلى جميع المسلمين يارب :)
فعلاً .. دعونا ننسى الخلافات مع كل الناس ونتسامح من أخطأ في حقنا ..
هذا شهر فضيل وعسى الله يبارك لنا بالشهر هذا وكل شهر يارب :)

ماشاءالله تسلم إيد زوجتك :)
وعسى الله يخليكم لبعض يارب ويباركلكم :)

وبالنسبه للهريس ...
ياسلاااااااااااام عليك أمووووت بالهريس :))

عاد باجر فطورنا هريس :))

وأزيدك من الشعر بيت .. يريش القرين قطعه 2 عجيييييييييب :)

وخوش الأماكن إلي دليتنا عليهم يمنا :)

بارك الله فيك يا مشاري :)

tweety said...

رجاءا رجاءا قول حق أم العيال اللي متحملتك الله يعينها الحلو هذا يزيد 10 كيلو بالقفشة الواحدة نبي شي لايت

بس كله ولا وصفة اليريش وأهم شي فرع مشرف :p

مبارك عليكم الشهر

charisma said...

هههههههههه
بلشنا مشارى
والله شكلها عجيبه
تسلم ايد زوجتك
وعوافى
والله يعودا عليك وعلينا بالصحه والعافيه والقبول امين

ShamiYa_RockS said...

يبيييله كيكة :P

مبارك عليك الشهر أخ مشاري
و كل عام و انت بخير

:))



Pink_Flower

MANAF said...

مبارك عليك الشهر يالحبيب

راح ادق لك اعطيك

مقادير كيكة الدايجيستيف مع الناتيلا

:)

Maximelian said...

كل عام وانت بخير حبيبي

اقوول ..ما يصير تنقل لنا فرع قطعه2 عنندنا ؟؟

لول

Hot Chocolate said...

ما شاء الله عليك يا مشاري

أخيرا بعدتنا عن السياسة والانتقادات

الهريس واليريش مالي فيه

تمسكت في الحلو ... خخخخخ في اشياء ما اعرفها الصراحة بس بسأل عنها لاني احسها لذيييييييييييييذة

وإن شاء الله إذا ضبطت بصورها وبحطها لك في المدونة مالتي

وهي في كلا الحالتي بصورها بصورها ضبطت والا لا خخخخ

بس لو ما ضبطت بيكون من شرحك مب منا لووووول

تسلم اخوي على هالأكلة

بنيوووع قبل رمضان

kuwaitya_7saweya said...

ومبارك علينا وعليك
وعساك انته تصومه
بالخير


ويخليلك الزوجه العزيزه
وتسلم ايدها او ايدك مادري عاد منو اللي مسويها

والهريسه مو بهالمحلات
حلاة الهريسه من ايد الحجيه يدتي

من اول يوم قرقيعان من بيعطيك
لووووووووووووول

Alather said...

علينا وعليك
وتقبل الله منا ومنكم
خوش وصفات
يبيله نجربهم
خصوصا الحلو

يعطيك العافية

Ghasheema said...

mbarak 3alek wel zawjtek alshahar..ow 3asakum min 3awadah inshallah :)

Selezya said...

لوول هني وعافية
ثانكس على الوصفه الحلوة
كل عام وانت بخير
:)

::heba:: said...

علينا وعليك يارب
شهر رمضان شهر الخير
التسامح والمحبه ونبذ الشحنات
من القلوب..عسى الله يثبتنا وياكم
على كل خير يارب
ويعينا على طاعته وشكره وحسن عبادته


وتسلم اديات المدام
على الاكلات الحلوة..
وعساها تعوده كل سنه
يارب بكل خير :)

مبارك عليكم الشهر :)

Purplecious said...

مبــــــــارك عليـــــك الشهــــــــــر

العين الساهرة said...

مبارك عليك الشهر

حطيتلك بوست ختم القرآن مثل ما طلبت في رمضان الماضى

إنشاء الله نبلغ رمضان القادم واللى بعده ولأعوام عديدة

الحلو خطير وجريش العديلية هم عجيب

Shaima'a Alkandari said...

ياسلااااااام ياسلام


شكلي بسويها حق بيت يدي وبقول لهم انا ابتكرتهاا صنع ايديا وحيات عنياااا


الكلام لحرمك المصون

قول لها تسلم الاياااادي وهله هله بالتغذيه اللذيذه لكم انتو


:::

وعلى طاري الهريس واليريش فامي تسوي يريش لذيذ صج الذ منه ماكو
واليريش مرت عمى تسويه شغل مضبوط يعني


بس لي فشل طبق الحلو فشكلي بستخدم وسيلتك السريعه واخذ جدر وياي وعقب نروح بيت يدي اهل امي


وجاري قراءه المقال بلنك ثاني

ومبارك عليك الشهر

Enter-Q8 said...

مبارك عليكم الشهر
و عساكم من عواده
و عسى الله يهله علينا بالامن و الايمان
و يحفظ كويتنا ويصلح حال حكومتنا

ام الحفيز said...

مشاري

مبارك عليك الشهر وعساك من العايدين والفايزين....والصراحه احنا مشتاقيين

shakshaka said...

mishari allah ehadak kashikh bil 7iloo maaalik wo mata36eena el maqadeer ...cham ferero roche en7i6 wo cham maltesers 3a6na elkameyat law sama7t:P

Mamloo7a Q8ia said...

مبارك عليك الشهر يا خوي يا مشاري
وعسى الله يعوده عليك من السالمين

salfa3ajeeba said...

mbarak 3leek ilshahar wi wayed i3jibatni ilwasfah ilthanya leesh inha ashaaaal:)

78o8eYa said...

مبارك عليكم الشهر
^_^

وشكراً على الكيكة القاتلة
اللي ما تمتن كلش
;Pp~

وشكراً ثانيه، على نصيحة الهريس
:))

Mishari said...

الحاسة السادسة : الله يالدنيا
يعنى ماكو ثقة :)

بس ميخالف انا والمدام واحد
:p

Ginuwine : ينعاد عليج وعلى المسلمين بالخير يارب وانشاء الله تكون عجبتج الوصفة :)

Sowhat : باجرب مال بيان :) وينعاد عليك يارب بالخير والصحة والعافية
واشوة انك بالكويت

loyalty : شكرا على الدعوة الجميلة
ووصفة الهريس وايد اسهل وارخص من مكونات الكيكة :))

Very.Q8ya : ما اقدر اهد السياسة خلاص ورأيى راح ابدي افرضه وباتخلي شوي عن التساهل القديم :) ولكن التغيير مطلوب وتسلمين يا اختى الغالية وزوجتي تشكرج على هالكلام الحلو :)

Mishari said...

qesat_5ayal : وعليج بالخير والصحة :)
وتأكدي انها لذيييييييييذة :)

جنون إحساس : الهريس لا يقاوم :)

بنت الكويت : عندي وصفات وترقبي كيكة الرهش :))
وينعاد عليج بالخير يارب

bo bader : وانت صح يا بوبدر مشكور على التصحيح
وشكلك طالع جاري :)وينعاد عليك يارب

layal : ما ابي كلام دزيلى من طباخ الوالدة :) وينعاد عليج يارب

Mishari said...

PearL : علينا وعليج وانشاءالله تصومينه بالخير والصحة

SHAHAD : علينا وعليج وصحتين مقدما
واذا امج سوت هريس عاد لاتخلين جدر صغير :)

MsFine : first ameen and same to you

secound: alhamdlaha that i make you smile
hehehee almarshmelo and m&ms with the sarale cake then you add elsos :)

Mishari said...

الحارث بن همّام : افا عليك يا بوهمام الهريس يوصل لى عندك وانا اخوك
:) دزلى عنوانك وحاضر

ابن زيدون: طلعنا جيران يا مرحبا يا مرحبا :)
والله الصراحة راعى النخي هذا صج مبدع
:)

Ealaf : وانتي بخير وصحة وسلامة :)

someone_q8 : يايتك بالطريج كيكة الرهش:)) شبيصير فيك
وينعاد عليك يارب بالخير والعافية والصحة

Q8LoVeR said...

مبارك عليك الشهر
وتقبل الله طاعتك

بخلي المدام تسويلي الكيكه شكله اكرمك الله على الوصفه

Mishari said...

Q8DOLL : الكيكة لذيذة جدا:)
واما الهريس اليريش غمضي عيونج واكليه وصدقينى ما راح تهدينى :)
وكل عام وانتى بخير


فريج سعود : وينعاد عليك يارب ياعزيزى وخل نجرب رمضان هذا تجارب :)

special vision : وانتي بخير وصحة وسلامة :) مشكووووورة

bo9ali7 : علينا وعليك يا عزيزى
Fahad Al Askr : بتاع كله

Mishari said...

ray : ماكو اسهل منها صح ؟ :)

ابو شملان : علينا وعليك يا بو شملان
ونريح الاوادم شوي

حسام بن ضرار : ما تقصر يا بوضرار وينعاد عليك بالخير والبركة والصحة
وراح نسمع النصايح

7osen : انت تدلل افا عليك يا بوعلي حاضر :)

Mishari said...

al_tariq2009 : والله ان غصبن علي سيارتي كانت خربانة ومضطر اصلحها:) والا ما نقدر ما نشوف الغالين :) وتسلم

EarthQuaker : وين بتروح انشاء الله تتزوج وتضبط امورك وتزيد من الوناسة 20 كيلو


ZoZOta : التغيير لابد منه شوي :) والحلو على الاقل على الخفيف :)

WaSe3at Ala`aFaQ : هي فعلا شهية ولا يجب ان يطوف الشهر الفضيل دون تذوقها :)

Mishari said...

فتى الجبل : كرش مؤقت ممكن ولكن كرش على طول لا يامعود ما احبه :)

ReLaaaX :الله الصراحة خوش دعوة :) وانشاء الله
بس لا تطوفج لذيييييييييذة
:)

Kuw_Son : هذى علشان حضرتك ما تفكر تنام بعد الفطور وتروح مشى التراويح علشان تهضم :))

Mishari said...

Smile : وينعاد عليج بالخير والصحة يارب:)
بس اقول دعايات بدون ما نذوق ما ينفع :) نبي نجرب

محـــــارة : شكرا شكرا على هالكلام الطيب :)


Dana__23 : هذا اللى تقولين عنه مو بعيد عن بيت الوالدة بس الوالدة بقطعة غير :) نروح نحوس وندوره :))

Mishari said...

tweety : ما يدور عندنا لايت تخافين على عمرج
:) وبعدين احنا نتحمل بعض شفينى انا يا ام لسان ما فينى اللى العافية المرة الياية اخليها ترد عليج وتقولج مشاري اينن :P

charisma : وين وصفاتج انتى :) خابرج طباخة اصلية

Mishari said...

ShamiYa_RockS : يا اهلا وسهلا بالاخت العزيزة :) وانتى اصلا المفروض نوصلج الكيكة على المتابعة الجميلة منج :)

MANAF : هذى مسوينها
يايتك بالطريج كيكة الرهش :))

Maximelian : يه انت تامر قولى متى تبي واصلك اياه لى عندك
:) ومن صج مو غشمرة والله

Hot Chocolate : اى خلج جذى ثقة اضبطت او لا حطيها وبس :)

Mishari said...

kuwaitya_7saweya : اولا لازم تذوقينا الهريسة من ايد يدتج عسى الله يطول بعمرها
والكيكة من ايد المدام :)
وينعاد عليج يارب :) وجميع الحساوية بعد

Alather مشكورة :) وما تقصرين جربيها وتشوفين :)

Ghasheema : مشكورة وايد وانتى بعد :) انشاء الله

Selezya : الله يعافيك وكل عام وانتي بخير

Mishari said...

::heba:: : يارب يتقبل دعاءج ونكون من الصالحين اللى يقومون بالخير

Purplecious :علينا وعليج يا اختى العزيزة :)

العين الساهرة : جزاج الله الف خير خذيته وطبعته واعترف بصعوبته وعسى الله يقدرنا

Shaima'a Alkandari : تبوقين براءة الاختراغ :)
انا اقول دزيلى من هاللى قلتيه كله وبدون تشوق الله يخليج :)


Enter-Q8 : علينا وعليك يا بوليد بالخير والصحة وما تقصر اخو اتشرف فيه وبمعرفته

ام الحفيز : وين يبه وين هالغطه عسى ما شر عسى المانع خير
واحنا اكثر والله يا ام الحفيز ما نستغنى من غير شر

Mishari said...

shakshaka ":حسب العدد الموجود حطيى علي كيفج :)

Mamloo7a Q8ia : عساج تعودينه بالخير والصحة والعافية

salfa3ajeeba : اسهل بواااااااايد :) وعلينا وعليج يارب:)

78o8eYa : وانتى مشكورة وينعاد عليج يارب بالخير:)

Mishari said...

Q8LoVeR :علينا وعليك يا خوي الكريم
وانشاء الله تعجبك وتقبل الله طاعتك
:)

Ra-1 said...

مبارك عليك الشهر :)

Catism said...

مبارك عليكم الشهر وتقبل الله الطاعات :)