الطموح و العمل والمثابرة والالتزام وقليل من المشاغبة تكون الحياة ناجحة

Friday, September 14, 2007

هواش مسلسلات

اللى باتكلم فيه مو الهواش اللى يصير داخل المسلسلات والطراقات اللى فيها وتمجع الشعرهذا شبعنا منه لكن باتكلم عن الطراقات اللى قاعدين يتبادلونها بالصحافة بين صحيفة الجريدة وجريدة الوطن

اللى قاعد يصير مو طبيعي خلصنا من الوطن وباقي الصحف على اللى صار بمسلسل للخطايا ثمن اللى وصل الموضوع لى رئيس الوزراء كأن ما عندنا شغل ولا مشاكل علشان الحين تبدي صحيفة الجريدة برد الضربة عن طريق ضرب تلفزيون الوطن بمسلسله (( الوزيرة))

طبعا شاهدت الحلقة الاولي من المسلسل لكي أري عالية شعيب شنو راح تضيف ولكن لقيت كالعادة نص ركيك ومسلسل بايخ و لاأفكر بمتابعته أصلا وتمثيل بارد

ولكن هل انتهت قضايا الصحافة وانتهت اولويتنا لكي تكون قضيتنا مسلسل ؟

وزارة الاعلام خرجت باعلان عبر الصحف بالزام شركات الانتاج بالالتزام بالمحاذير الرقابية

نماذج من الهوشة

تصريح لمعصومة المبارك عبر الجريدة


الجريدة تهاجم مسلسل الوزيرة عبر بيانات النواب


فؤاد الهاشم يردح على محمد الصقر


افتتاحية الوطن ليوم الخميس


طبعا كل ما هو موجود فى الروابط عبارة عن تصفية حسابات تحت مسميات مضحكة منها حماية المجتمع

وخدش الحياء العام و المساس بالاديان وانت رايح من الكلام الانشائى الجميل

لو ما هالشهر الفضيل جان الواحد حط الجريدتين وتوليتهم سب ولكن اللهم انى صائم

69 comments:

someone_q8 said...

السلام عليكم

اول شيء هدئ اعصابك :))

ثاني شيئ الصراع بين الوطن والصقر سواء لما كان بالقبس او الجريدة فهو قديم وما راح يخلص

ثالث شيء ما تعودت عليك اتسب ياخوي سواء بشهر رمضان ولا بأي شهر لان ادري فيك معدنك طيب والطيب ما يطلع منه الا طيب

وبعدين بالنسبة للمسلسلات خل نعطيها فتره كافية للتقييم مو من اول يوم ولا كم يوم عشان نقدر نعطي الرأي الصحيح بدون تسرع بالحكم

ولك مني كل تحية

الـفــــجـــ الــبـــعـــيـــد ــــــر said...

مبروك عليك الشهر مشاري

وانا احس صار في تضخيم للموضوع يعني استغربت يوم قريت عنه في الجريده.. الموضوع مايستاهل تستوي له ضجة اعلامية!!!
في مواضيع اهم المفروض يتناقش فيها

الله يعييينكم

qesat_5ayal said...

تدري

فتحت على المقالات
وشفتهم اثنينهم

بس أقرا قرآن
ولا كتاب مفيد أحسن
:)


ينعاد عليك بالخير ان شاء الله

ButterFlier said...

تصفيه مزبوطه

kila ma6goog said...

اللي صاير مسخرة بكل ما تحمله الكلمة من معاني

حرب و تصريحات و مسلسلات و جرايد

أهم شي تصريح معصومة

loyalty said...

هذا ما يمكن تسميته بمسلسل الصحافة الرمضاني..

التراشق الصحفي أمر اعتدنا عليه .. و إن اختلف السبب في كل مرة .

الحل هو أن ندير ظهورنا عن مثل هذه التفاهات .. :)

و الله يتقبل صيامكم و قيامكم .

محـــــارة said...

لووول حلوه منك أخوي مشاري .. اي والله جان زين نتولاهم طق مثل الي بهالمسلسلات السخيفه

ياعمي احنا انتهينا .. لا من مسلسلات ولامن إعلام ولا وزرة ونواب كل واحد يلعب بروحه ويحذف الثاني والعذر المصلحة العامه ولا دفاع عن المجتمع وخصوصيته !! يستذكون علينا

اللهم أني صائم بس حليمه مسخره تفشل لا من الإنتاج ولا من المخرج ولا من كلامها وملاغتها ياعالم هالبنت انتهت تكسر الخاطر والله

ماشفت شيء بعدي ولا بنيتي أتابع غير الملك فاروق شكله قوي .. الباجي ملاغه واستظراف على راسنا

Chroma-Trauma said...

.. صراخ و هواش علشان مسلسلات و ما الذي سيستفيده الشعب الكويتي عندما ينشغل نواب مجلس الأمة و مجلس الوزراء بمسلسلات رمضان .. اقصاها مسلسلات
في العطلة الصيفية , تفشلنا من حملة ترشيد اللي وصلت لنطاق الفضائيات و اللحين الشعوب و الأمم الثانية شتقول عن دولة , مجلس امتها يفكر بهالتفكير ..

و مثل ما قالت الإخت: قصة خيال .. القرآن وايد ابرك و احسن .. هالشهر هو شهر القرآن, شهر العبادة , اما المسلسلات , بعد رمضان, تلاقيهم في كل الفضائيات .. فليش العجلة في مشاهدتها ..

سويلفاتي said...

اول شي مبارك عليك الشهر وعساك تعوده من السالمين
وبعدين لا تفسد صيامك بقراية هالجرايد
اللي زايده فيها الدحرة والمناجر حق مصالحهم مو لمصلحة البلد

Q8DOLL said...

صح تصفية حسابات
وشغل ان حبتك عيني
واذا كرهتك استلمتك بالمقالات
مشاري ليش ماتاخذ اجازه من الصحافه وتجابل فوازير حليمه ترى شي
p~

Very.Q8ya said...

wallah 7ala, il7een il awadem mishtarkeen bil jarayyid o daf3een feha daM galb'hom (shda3wa dam galb'hom LOL) oo ga6een shay o shwayyat o eshterak saNawi, ooo akher shay il awadem tegra hoshat yahalo????? beshaaaaih beshaaaih

ana o6aleb ib isqa6 as3ar il jarayed lazim tseer eb balash, li'ana mawathee3ha bidat tseer shakhsiya o kelha em3ayar :P

bil nehaayaa 7abait agol .. 3ala raaaaaaaaaaasi il-e3laaaaN, akheran shefna baSeeeS amal :P oo akheran bidaw efakron rabi3na :p

o salamatkom

Kuw_Son said...

كل واحد عنده سلاح و يبي يستعرض عضلاته فيه

أقصد الصحافة !!

صوم يا صايم ..

Enter-Q8 said...

أنا ودي استجوب وزير الاعلام على الكومبارس اللي بمسلسلات رمضان ويقومون بدور المباحث او الشرطة او موظف في وزارة ومايعرف يتكلم كويتي
اجل يقول حق الولد اللي خاطف البنت اللي مبلغ
أباوهااا
اي نعم لفظها اباوها
بنزل الانتخابات و بستجوبها

المهم لازم يحلون مشكلة البدون بسرعة
لأنهم صاروا كتاب و ممثلين و مخرجين
على الشاشات الكويتية
و مافي كويتي يتكلم نفسهم
و لايسوي سواتهم
مشاري وخر عني بستجوبه يعني بستجوبه

جاء وقت الجد شاهدت مسلسل الوزيرة
طبعا الدكتورة عالية اي شي
مافي احساس
تلقين فقط

عبد الرحمن العقل و البدوي اللي وياها يكلم ابوه اللي مايفرق عنه الا بسبع سنين ما ادري متى خلفه

المهم في صورة واقعية

بس
بالاخير طبعا لا نظلم الكويت و نقول فن كويتي


يالله اشكثر تكسرين الخاطر يا كويت

Fahad Al Askr said...

طيب وإنت ليش زعلان، سل صيامك وتابع يوميات بو قتادة وبو نبيل

عصفور بلا أجنحة said...

كل سنة وانتم طيب
جيت بس اقول كدة

الحجـــيّه said...

السلام عليكم جميعا

المشكله مو بالهوشه المشكله ليش والف ليش يتفننون القنوات بتلهيه العالم عن العباده هو 30 يوم خل العالم تراجع روحها و تستغفر لذنوبها
ولكن مع الاسف الكل لاهي

عثماني said...

مبارك عليك الشهر مشاري

و اترك عنك عوار الراس هذا

الجماعة يبون اي شي علشان يردحون

ريح بالك يا خوي

و عيش رمضان

و استمتع

sologa-bologa said...

كل عام انت بخير

ومسلسلات الطرقات يا مالها بتزيد
مو بس طراقات الجرايد

لا طراقات من نوع ثاني
والله يستر


ودمت بحب وود

special vision said...

والله جايز يش لا .. و مو رمضان جان حدث ولا حرج


عموما .. انا سالفة المسلسلات ماقمت احب اعور راسي فيها ...مو شي مهم الله بأن اتابع واعلق حاليا اقدر ارد فقط بان الفن الكويتي يحتضر .. وهذا وقت الاحتضار .. يا ان ينتعش مره اخرى ويتجرد من الخطأ ويطمح للتعديل
او ان نقف جميعا نطلب له الرحمه

.. من الحين.. الله يرحمه

Selezya said...

اي والله صاج ماخلصنا من هوشات داخلية طلعتلنا هوشات خارجية والمشكله من ناس كبار وفاهمه ومفروض ماتحط نفسها بهالمستوى .. صحيح ان كان في شي غلط بالمسلسلات وكان الواجب يتم توقيفهم لكن مو بطريقة هواش وهالخرابيط اصلا مفروض ما تتعدى شخص واحد خنقول وزير الاعلام كان مفروض عليه بكل بروود يقوم ويصدر قرار منع من غير كلام ولا بطيخ ولا احد له شغل ليش وما ليش باعتبار رتبتة الكبيره واللي يقدر يستفيد منها
بس للاسف عقول صغيره مو ناضجة على عمرها يبون اي شي يتكلمون عنه
ويعطيك العافية

tasty_as_berry said...

السلام عليكم ورحمة الله وبركاته ،،

مبارك عليك الشهر وعساك من عوادة ..


مشاري يبا من صجك تابع المسلسلات عندك فوازير حليمة للململململم ...!!

وتشوف مسلسلات ... خخخخخ!!

ولا تزعل انت بس شوف الفوازير .. وونس نفسك وأضحك ..

تحياتي :)

Aldenya said...

:/

ناس فاضيين وماعندهم شغل ولا مشغله غير السب والنجره والفضايح


لا تعور راسك :>


ومبارك عليك الشهر

ShamiYa_RockS said...

و المسألة وصلت لمستويات هابطة جدا
هجوم شخصي من كلا الأطراف
بمجلس الأمة و بالجرايد
كلها تصفية حسابات شخصية على الملأ!


و الصراحة اللي يهتم لهم غلطان..يعني اا تكلمنا راح يتصالحون و يصفون النية؟

مثل ماقالوا الأخوة الأعزاء..خلك على فوازر حلييمة ابرك
:P


pinkflower_pink

Q8ya said...

مبارك عليك الشهر...:)

والله ما ادري عن شي مريحه بالي...:)

::heba:: said...

كلامك عين الصواب مشاري
فعلا واقع المسلسلات مؤلم
قضايا ومشكلات اجتماعيه تتضخم
طراقات دراريع وبيوت فخمه
الخ.......

والنتيجه لاشي ..!!

مسلسلات هالسنه امتنعت عن مشاهدتها الصراحه...لانه مافيها اي اضافه للاسف
مجرد مشاكل لاحلول لها وتسليط اضواء على مشكلات واعطائها اكبر من حجمها..

انا اقول اتفرغ لعبادتي هالشهر ابرك من هالمسلسلات..

برنسيس إيكاروس said...

العزيز مشاري
أولا ... مبارك عليك الشهر
وعساك من عوادة
وثانيا
رمضان أيامه حلوةومميزة
وقاتلة لروتين الحياة اليومي
لذا يجب أن تستانس حسب مزاجك ورغبتك وأفضل شيء تقاطع المسلسلات وعوار الراس وتضييع الوقت
حتى ترتاح
هذا لا يمنع أن هناك بعض البرامج الجيدة و المسلسلات وإن كانت قليلة
سوف تفرض وجودها في الساحة
وطبعا ستكون جديرة بالمشاهدة
وثالثا
وسع سدرك ولا تضيق خلقك
وعسك بصحة وسعادة
مودتي
منى

فراوله said...

مساالخير والكرامة
اخوي العزيز
مشاري
مريت اسلم واقولك كل عام وانت بخير
ومبارك عليك الشهر
وعساك من عواده
كل سنه آمين
القاك بخير بعد رمضان
اذا الله اراد
:)

برنسيس إيكاروس said...

العزيز مشاري
أولا مبارك عليك الشهر الفضيل
وعساك من عوادة

ثانيا
ليش حرق الأعصاب هذا ورفع الضغط
أفضل شيء تعمله أن تقاطع المسلسلات وكل البرامج التي تشعر بسطحيتها
وتستانس بليالي رمضان العطرة حسب رغبتك وطريقتك بعيدا عن صراعات المسلسلات
هذا لا يمنع أن هناك
بعض البرامج والمسلسلات التي ستفرض وجودها في الساحة
وتكون جديرة بالمتابعة
ننتظر فقط عسى ولعل
ثالثا
وسع صدرك
ولا تضيق خلقك
مودتي
منى

kuwaitya_7saweya said...

اشفيك علامك معصب
ولا لاتعصب ولاتحرق اعصابك
ناس تافهه
ماتستاهل منك العصبيه
ولاتخرب صيامك عليهم
افا عليك بس
ويعطيك العافيه

فريج سعود said...

ودك تشوف شي سنع برمضان ماكو

فتى الجبل said...

صرنا حارة كل من إيدو إلو ... مو دولة قانون

kila ma6goog said...

سلمان مو سليمان

:)

charisma said...

غير طاش ما طاش ما شفت لى الحين
عمر خالد
ونبيل العوضى

جم حلقه

وبالغلط مشارى تطلع لى حليمه الفير امس
لوووووووووووووووووول
والله انك طريت على بالى
ههههههههه

لا تعليق الله يكون بعونها وعونااااااا

من عواده :)

Najmah said...
This comment has been removed by the author.
Najmah said...

ما خرب الكويت وسمعتها الا اعلامها

ما غير الطنازة والنقزات والخرابيط

صرت ماحب التلفزيون ولا الجرايد

نشغل روحنا بللي يفيدنا احسن

ورمضان كريم =)


وكل عام وانتوا بخير

حلم جميل بوطن أفضل said...

مشاري

الشرهة عليك اللي ناطر إضافات عالية شعيب

عمي 6:10 على قناة الراي و إقطع

هناك الإضافات الأصلية

:)

Sowhat said...

جرايدنا صايرة كلها هواش بهواش مثل نوابنا مثل شعبنا ما عندنا غير الطنازة ...

والمشكلة ... ان احنا نطنز على نفسنا .. و غيرنا قاعد يشتغل ...

قلبي يعورني من هل الموضوع والله

Mishari said...

someone_q8 :اعصابي هادية انشاء الله :) بس صدقنى الواحد بدء يتنرفز من الامور اللى قاعدة تسوي الكويت معسكرين
يا معسكر الوطن او معسكر الصقر وجريدته
ما يصير يا خوي
وانشاء ما اسب لان باذن الله مو طبعى:)

Mishari said...

الـفــــجـــ الــبـــعـــيـــد ــــــر

علينا وعليج يا اختى الكريمة
الناس تبى تسوي ضجة علشان تبيع اكثر ومنها ضرب لبعض بشكل صحفى مهين

Mishari said...

qesat_5ayal :والله القران وايد افضل وابرك من قراءة هالامور فى رمضان

Mishari said...

qesat_5ayal : كل من الطبالين

Mishari said...

kila ma6goog : هذا سبب الفلوس لما تحرك الصحافة وليس حاجات الناس

Mishari said...

loyalty : اللهم امين
ولكن يكون لي نظرة مخالفة بانه لا يجب غظ النظر عن هذه التصرفات بل يجب الاشارة لها بالخطأ

Mishari said...

محـــــارة : ما تابعت ولا شى وودى اتابع بس ماكو وقت
المهم ان رمضان يعدى على خير
:)

Mishari said...

Chroma-Trauma : مو مشكلتنا صارت ان ما ننسي المصيبة الا بمصيبة

Mishari said...

سويلفاتي : والله نصيحة مفيدة ولكن المشكلة طبع لا استطيع التخلي عنه

ما اعرف اخلي جريدة ما اقرها حتى لو نظرة سريعة

Mishari said...

Q8DOLL : شكلج ناوية علي انتى
اخر شى افكر فيه اطالع حليمة
لانها تصعد التشريب والاكل كله من المغثه بعد الفطور

Mishari said...

Very.Q8ya دم قلوبهم مرة وحدة
:))

بس انا معاج الحين بعد ظهور صحف كثير ما استبعد تقليل سعر الصحف
:)

خوش افكار والله

Mishari said...

Kuw_Son : ما صارت استعراض ملينا من هالعضلات التفخ

Mishari said...

Enter-Q8 : والله تكسر الخاطر تكسر الخاطر

والمحيلبى محصن ما يستجوبنه

وهالكومبارس يضحكون اصلا قاعدين يسترزقون الله بس

Mishari said...

Fahad Al Askr : الصراحة خوش نصيحة
باخذ فيها خصوصا بو نبيل فيه من فهد العسكر

Mishari said...

عصفور بلا أجنحة : وانت طيب واهل مصر بخير جميعا

Mishari said...

الحجـــيّه شياطين الانس الله يصلحهم والتكسب من رؤوس الخلائق

Mishari said...

عثماني : الواحد وده ان يرتاح من هالصيحة ولكن كل ما تروح تلقي شى جدامك شتسوى؟

Mishari said...

sologa-bologa : لا يحوشك من هالطراقات خلنا حلوين جذى
:)

Mishari said...

special vision : اهم اصلا قااعدين يتكلمون من القبور يا عزيزتى خلصو مرحلة الاحتضار

Mishari said...

Selezya : ماكو ناس كبار وصغار
هذيل ناس قاعدين يخلصون مصالحهم بالعلن وبس

Mishari said...

tasty_as_berry : انتوا صج بتيبون لى الحارج برمضان بسبة هالفوازير
:s

Mishari said...

Aldenya علينا وعليج
الواحد وده ما يعور راسه ولكن صرنا بالنص الحين

Mishari said...

ShamiYa_RockS : حليمة تيبلى الحارج
وهذيل مدوخينا وقاعدين على تلتها

Mishari said...

Q8ya : علينا وعليج
زين تسوين :) اريح

Mishari said...

::heba:: ': خوش حل والصراحة طريقة صحيحة علشان الاستفادة من هالشهر الفضيل
:)

Mishari said...

برنسيس إيكاروس : علينا وعليج:) وصدقينى انا مريح بالى وما اتابع الا طاش ما طاش
:)

Mishari said...

kuwaitya_7saweya : تبين ما اعصب تبى من تمركم
انتوا عاد الخير كله عندكم :)

Mishari said...

فريج سعود : ما في الا طاش ما طاش

فتى الجبل: القانون موجود بس متلحف ونايم

بو سلمي العزيز: جل من لا يسهو يا اخى واصلا اسمه روزبه بالفارسي :)

Mishari said...

charisma ": يعنى هذا شى تذكرينى فيه الله يسامحج؟؟؟؟؟ ليش :)))

ذكرينى بطاش ما طاش احسن
:)

Mishari said...

Najmah : والله مشكلة الصحافة انها انحرفت مع الاسف وهذا الغلط كله

Mishari said...

حلم جميل بوطن أفضل : هذا شنو بالراي هالحزة؟؟
:)

Mishari said...

Sowhat : يا عزيزى لما قالوا العياب عند الباب ما جذبوا قعدنا نعيب ونطتز لما لقينا نفسنا ورى