هواش مسلسلات
اللى باتكلم فيه مو الهواش اللى يصير داخل المسلسلات والطراقات اللى فيها وتمجع الشعرهذا شبعنا منه لكن باتكلم عن الطراقات اللى قاعدين يتبادلونها بالصحافة بين صحيفة الجريدة وجريدة الوطن
اللى قاعد يصير مو طبيعي خلصنا من الوطن وباقي الصحف على اللى صار بمسلسل للخطايا ثمن اللى وصل الموضوع لى رئيس الوزراء كأن ما عندنا شغل ولا مشاكل علشان الحين تبدي صحيفة الجريدة برد الضربة عن طريق ضرب تلفزيون الوطن بمسلسله (( الوزيرة))
طبعا شاهدت الحلقة الاولي من المسلسل لكي أري عالية شعيب شنو راح تضيف ولكن لقيت كالعادة نص ركيك ومسلسل بايخ و لاأفكر بمتابعته أصلا وتمثيل بارد
ولكن هل انتهت قضايا الصحافة وانتهت اولويتنا لكي تكون قضيتنا مسلسل ؟
وزارة الاعلام خرجت باعلان عبر الصحف بالزام شركات الانتاج بالالتزام بالمحاذير الرقابية
نماذج من الهوشة
تصريح لمعصومة المبارك عبر الجريدة
الجريدة تهاجم مسلسل الوزيرة عبر بيانات النواب
فؤاد الهاشم يردح على محمد الصقر
طبعا كل ما هو موجود فى الروابط عبارة عن تصفية حسابات تحت مسميات مضحكة منها حماية المجتمع
وخدش الحياء العام و المساس بالاديان وانت رايح من الكلام الانشائى الجميل
لو ما هالشهر الفضيل جان الواحد حط الجريدتين وتوليتهم سب ولكن اللهم انى صائم
69 comments:
السلام عليكم
اول شيء هدئ اعصابك :))
ثاني شيئ الصراع بين الوطن والصقر سواء لما كان بالقبس او الجريدة فهو قديم وما راح يخلص
ثالث شيء ما تعودت عليك اتسب ياخوي سواء بشهر رمضان ولا بأي شهر لان ادري فيك معدنك طيب والطيب ما يطلع منه الا طيب
وبعدين بالنسبة للمسلسلات خل نعطيها فتره كافية للتقييم مو من اول يوم ولا كم يوم عشان نقدر نعطي الرأي الصحيح بدون تسرع بالحكم
ولك مني كل تحية
مبروك عليك الشهر مشاري
وانا احس صار في تضخيم للموضوع يعني استغربت يوم قريت عنه في الجريده.. الموضوع مايستاهل تستوي له ضجة اعلامية!!!
في مواضيع اهم المفروض يتناقش فيها
الله يعييينكم
تدري
فتحت على المقالات
وشفتهم اثنينهم
بس أقرا قرآن
ولا كتاب مفيد أحسن
:)
ينعاد عليك بالخير ان شاء الله
تصفيه مزبوطه
اللي صاير مسخرة بكل ما تحمله الكلمة من معاني
حرب و تصريحات و مسلسلات و جرايد
أهم شي تصريح معصومة
هذا ما يمكن تسميته بمسلسل الصحافة الرمضاني..
التراشق الصحفي أمر اعتدنا عليه .. و إن اختلف السبب في كل مرة .
الحل هو أن ندير ظهورنا عن مثل هذه التفاهات .. :)
و الله يتقبل صيامكم و قيامكم .
لووول حلوه منك أخوي مشاري .. اي والله جان زين نتولاهم طق مثل الي بهالمسلسلات السخيفه
ياعمي احنا انتهينا .. لا من مسلسلات ولامن إعلام ولا وزرة ونواب كل واحد يلعب بروحه ويحذف الثاني والعذر المصلحة العامه ولا دفاع عن المجتمع وخصوصيته !! يستذكون علينا
اللهم أني صائم بس حليمه مسخره تفشل لا من الإنتاج ولا من المخرج ولا من كلامها وملاغتها ياعالم هالبنت انتهت تكسر الخاطر والله
ماشفت شيء بعدي ولا بنيتي أتابع غير الملك فاروق شكله قوي .. الباجي ملاغه واستظراف على راسنا
.. صراخ و هواش علشان مسلسلات و ما الذي سيستفيده الشعب الكويتي عندما ينشغل نواب مجلس الأمة و مجلس الوزراء بمسلسلات رمضان .. اقصاها مسلسلات
في العطلة الصيفية , تفشلنا من حملة ترشيد اللي وصلت لنطاق الفضائيات و اللحين الشعوب و الأمم الثانية شتقول عن دولة , مجلس امتها يفكر بهالتفكير ..
و مثل ما قالت الإخت: قصة خيال .. القرآن وايد ابرك و احسن .. هالشهر هو شهر القرآن, شهر العبادة , اما المسلسلات , بعد رمضان, تلاقيهم في كل الفضائيات .. فليش العجلة في مشاهدتها ..
اول شي مبارك عليك الشهر وعساك تعوده من السالمين
وبعدين لا تفسد صيامك بقراية هالجرايد
اللي زايده فيها الدحرة والمناجر حق مصالحهم مو لمصلحة البلد
صح تصفية حسابات
وشغل ان حبتك عيني
واذا كرهتك استلمتك بالمقالات
مشاري ليش ماتاخذ اجازه من الصحافه وتجابل فوازير حليمه ترى شي
p~
wallah 7ala, il7een il awadem mishtarkeen bil jarayyid o daf3een feha daM galb'hom (shda3wa dam galb'hom LOL) oo ga6een shay o shwayyat o eshterak saNawi, ooo akher shay il awadem tegra hoshat yahalo????? beshaaaaih beshaaaih
ana o6aleb ib isqa6 as3ar il jarayed lazim tseer eb balash, li'ana mawathee3ha bidat tseer shakhsiya o kelha em3ayar :P
bil nehaayaa 7abait agol .. 3ala raaaaaaaaaaasi il-e3laaaaN, akheran shefna baSeeeS amal :P oo akheran bidaw efakron rabi3na :p
o salamatkom
كل واحد عنده سلاح و يبي يستعرض عضلاته فيه
أقصد الصحافة !!
صوم يا صايم ..
أنا ودي استجوب وزير الاعلام على الكومبارس اللي بمسلسلات رمضان ويقومون بدور المباحث او الشرطة او موظف في وزارة ومايعرف يتكلم كويتي
اجل يقول حق الولد اللي خاطف البنت اللي مبلغ
أباوهااا
اي نعم لفظها اباوها
بنزل الانتخابات و بستجوبها
المهم لازم يحلون مشكلة البدون بسرعة
لأنهم صاروا كتاب و ممثلين و مخرجين
على الشاشات الكويتية
و مافي كويتي يتكلم نفسهم
و لايسوي سواتهم
مشاري وخر عني بستجوبه يعني بستجوبه
جاء وقت الجد شاهدت مسلسل الوزيرة
طبعا الدكتورة عالية اي شي
مافي احساس
تلقين فقط
عبد الرحمن العقل و البدوي اللي وياها يكلم ابوه اللي مايفرق عنه الا بسبع سنين ما ادري متى خلفه
المهم في صورة واقعية
بس
بالاخير طبعا لا نظلم الكويت و نقول فن كويتي
يالله اشكثر تكسرين الخاطر يا كويت
طيب وإنت ليش زعلان، سل صيامك وتابع يوميات بو قتادة وبو نبيل
كل سنة وانتم طيب
جيت بس اقول كدة
السلام عليكم جميعا
المشكله مو بالهوشه المشكله ليش والف ليش يتفننون القنوات بتلهيه العالم عن العباده هو 30 يوم خل العالم تراجع روحها و تستغفر لذنوبها
ولكن مع الاسف الكل لاهي
مبارك عليك الشهر مشاري
و اترك عنك عوار الراس هذا
الجماعة يبون اي شي علشان يردحون
ريح بالك يا خوي
و عيش رمضان
و استمتع
كل عام انت بخير
ومسلسلات الطرقات يا مالها بتزيد
مو بس طراقات الجرايد
لا طراقات من نوع ثاني
والله يستر
ودمت بحب وود
والله جايز يش لا .. و مو رمضان جان حدث ولا حرج
عموما .. انا سالفة المسلسلات ماقمت احب اعور راسي فيها ...مو شي مهم الله بأن اتابع واعلق حاليا اقدر ارد فقط بان الفن الكويتي يحتضر .. وهذا وقت الاحتضار .. يا ان ينتعش مره اخرى ويتجرد من الخطأ ويطمح للتعديل
او ان نقف جميعا نطلب له الرحمه
.. من الحين.. الله يرحمه
اي والله صاج ماخلصنا من هوشات داخلية طلعتلنا هوشات خارجية والمشكله من ناس كبار وفاهمه ومفروض ماتحط نفسها بهالمستوى .. صحيح ان كان في شي غلط بالمسلسلات وكان الواجب يتم توقيفهم لكن مو بطريقة هواش وهالخرابيط اصلا مفروض ما تتعدى شخص واحد خنقول وزير الاعلام كان مفروض عليه بكل بروود يقوم ويصدر قرار منع من غير كلام ولا بطيخ ولا احد له شغل ليش وما ليش باعتبار رتبتة الكبيره واللي يقدر يستفيد منها
بس للاسف عقول صغيره مو ناضجة على عمرها يبون اي شي يتكلمون عنه
ويعطيك العافية
السلام عليكم ورحمة الله وبركاته ،،
مبارك عليك الشهر وعساك من عوادة ..
مشاري يبا من صجك تابع المسلسلات عندك فوازير حليمة للململململم ...!!
وتشوف مسلسلات ... خخخخخ!!
ولا تزعل انت بس شوف الفوازير .. وونس نفسك وأضحك ..
تحياتي :)
:/
ناس فاضيين وماعندهم شغل ولا مشغله غير السب والنجره والفضايح
لا تعور راسك :>
ومبارك عليك الشهر
و المسألة وصلت لمستويات هابطة جدا
هجوم شخصي من كلا الأطراف
بمجلس الأمة و بالجرايد
كلها تصفية حسابات شخصية على الملأ!
و الصراحة اللي يهتم لهم غلطان..يعني اا تكلمنا راح يتصالحون و يصفون النية؟
مثل ماقالوا الأخوة الأعزاء..خلك على فوازر حلييمة ابرك
:P
pinkflower_pink
مبارك عليك الشهر...:)
والله ما ادري عن شي مريحه بالي...:)
كلامك عين الصواب مشاري
فعلا واقع المسلسلات مؤلم
قضايا ومشكلات اجتماعيه تتضخم
طراقات دراريع وبيوت فخمه
الخ.......
والنتيجه لاشي ..!!
مسلسلات هالسنه امتنعت عن مشاهدتها الصراحه...لانه مافيها اي اضافه للاسف
مجرد مشاكل لاحلول لها وتسليط اضواء على مشكلات واعطائها اكبر من حجمها..
انا اقول اتفرغ لعبادتي هالشهر ابرك من هالمسلسلات..
العزيز مشاري
أولا ... مبارك عليك الشهر
وعساك من عوادة
وثانيا
رمضان أيامه حلوةومميزة
وقاتلة لروتين الحياة اليومي
لذا يجب أن تستانس حسب مزاجك ورغبتك وأفضل شيء تقاطع المسلسلات وعوار الراس وتضييع الوقت
حتى ترتاح
هذا لا يمنع أن هناك بعض البرامج الجيدة و المسلسلات وإن كانت قليلة
سوف تفرض وجودها في الساحة
وطبعا ستكون جديرة بالمشاهدة
وثالثا
وسع سدرك ولا تضيق خلقك
وعسك بصحة وسعادة
مودتي
منى
مساالخير والكرامة
اخوي العزيز
مشاري
مريت اسلم واقولك كل عام وانت بخير
ومبارك عليك الشهر
وعساك من عواده
كل سنه آمين
القاك بخير بعد رمضان
اذا الله اراد
:)
العزيز مشاري
أولا مبارك عليك الشهر الفضيل
وعساك من عوادة
ثانيا
ليش حرق الأعصاب هذا ورفع الضغط
أفضل شيء تعمله أن تقاطع المسلسلات وكل البرامج التي تشعر بسطحيتها
وتستانس بليالي رمضان العطرة حسب رغبتك وطريقتك بعيدا عن صراعات المسلسلات
هذا لا يمنع أن هناك
بعض البرامج والمسلسلات التي ستفرض وجودها في الساحة
وتكون جديرة بالمتابعة
ننتظر فقط عسى ولعل
ثالثا
وسع صدرك
ولا تضيق خلقك
مودتي
منى
اشفيك علامك معصب
ولا لاتعصب ولاتحرق اعصابك
ناس تافهه
ماتستاهل منك العصبيه
ولاتخرب صيامك عليهم
افا عليك بس
ويعطيك العافيه
ودك تشوف شي سنع برمضان ماكو
صرنا حارة كل من إيدو إلو ... مو دولة قانون
سلمان مو سليمان
:)
غير طاش ما طاش ما شفت لى الحين
عمر خالد
ونبيل العوضى
جم حلقه
وبالغلط مشارى تطلع لى حليمه الفير امس
لوووووووووووووووووول
والله انك طريت على بالى
ههههههههه
لا تعليق الله يكون بعونها وعونااااااا
من عواده :)
ما خرب الكويت وسمعتها الا اعلامها
ما غير الطنازة والنقزات والخرابيط
صرت ماحب التلفزيون ولا الجرايد
نشغل روحنا بللي يفيدنا احسن
ورمضان كريم =)
وكل عام وانتوا بخير
مشاري
الشرهة عليك اللي ناطر إضافات عالية شعيب
عمي 6:10 على قناة الراي و إقطع
هناك الإضافات الأصلية
:)
جرايدنا صايرة كلها هواش بهواش مثل نوابنا مثل شعبنا ما عندنا غير الطنازة ...
والمشكلة ... ان احنا نطنز على نفسنا .. و غيرنا قاعد يشتغل ...
قلبي يعورني من هل الموضوع والله
someone_q8 :اعصابي هادية انشاء الله :) بس صدقنى الواحد بدء يتنرفز من الامور اللى قاعدة تسوي الكويت معسكرين
يا معسكر الوطن او معسكر الصقر وجريدته
ما يصير يا خوي
وانشاء ما اسب لان باذن الله مو طبعى:)
الـفــــجـــ الــبـــعـــيـــد ــــــر
علينا وعليج يا اختى الكريمة
الناس تبى تسوي ضجة علشان تبيع اكثر ومنها ضرب لبعض بشكل صحفى مهين
qesat_5ayal :والله القران وايد افضل وابرك من قراءة هالامور فى رمضان
qesat_5ayal : كل من الطبالين
kila ma6goog : هذا سبب الفلوس لما تحرك الصحافة وليس حاجات الناس
loyalty : اللهم امين
ولكن يكون لي نظرة مخالفة بانه لا يجب غظ النظر عن هذه التصرفات بل يجب الاشارة لها بالخطأ
محـــــارة : ما تابعت ولا شى وودى اتابع بس ماكو وقت
المهم ان رمضان يعدى على خير
:)
Chroma-Trauma : مو مشكلتنا صارت ان ما ننسي المصيبة الا بمصيبة
سويلفاتي : والله نصيحة مفيدة ولكن المشكلة طبع لا استطيع التخلي عنه
ما اعرف اخلي جريدة ما اقرها حتى لو نظرة سريعة
Q8DOLL : شكلج ناوية علي انتى
اخر شى افكر فيه اطالع حليمة
لانها تصعد التشريب والاكل كله من المغثه بعد الفطور
Very.Q8ya دم قلوبهم مرة وحدة
:))
بس انا معاج الحين بعد ظهور صحف كثير ما استبعد تقليل سعر الصحف
:)
خوش افكار والله
Kuw_Son : ما صارت استعراض ملينا من هالعضلات التفخ
Enter-Q8 : والله تكسر الخاطر تكسر الخاطر
والمحيلبى محصن ما يستجوبنه
وهالكومبارس يضحكون اصلا قاعدين يسترزقون الله بس
Fahad Al Askr : الصراحة خوش نصيحة
باخذ فيها خصوصا بو نبيل فيه من فهد العسكر
عصفور بلا أجنحة : وانت طيب واهل مصر بخير جميعا
الحجـــيّه شياطين الانس الله يصلحهم والتكسب من رؤوس الخلائق
عثماني : الواحد وده ان يرتاح من هالصيحة ولكن كل ما تروح تلقي شى جدامك شتسوى؟
sologa-bologa : لا يحوشك من هالطراقات خلنا حلوين جذى
:)
special vision : اهم اصلا قااعدين يتكلمون من القبور يا عزيزتى خلصو مرحلة الاحتضار
Selezya : ماكو ناس كبار وصغار
هذيل ناس قاعدين يخلصون مصالحهم بالعلن وبس
tasty_as_berry : انتوا صج بتيبون لى الحارج برمضان بسبة هالفوازير
:s
Aldenya علينا وعليج
الواحد وده ما يعور راسه ولكن صرنا بالنص الحين
ShamiYa_RockS : حليمة تيبلى الحارج
وهذيل مدوخينا وقاعدين على تلتها
Q8ya : علينا وعليج
زين تسوين :) اريح
::heba:: ': خوش حل والصراحة طريقة صحيحة علشان الاستفادة من هالشهر الفضيل
:)
برنسيس إيكاروس : علينا وعليج:) وصدقينى انا مريح بالى وما اتابع الا طاش ما طاش
:)
kuwaitya_7saweya : تبين ما اعصب تبى من تمركم
انتوا عاد الخير كله عندكم :)
فريج سعود : ما في الا طاش ما طاش
فتى الجبل: القانون موجود بس متلحف ونايم
بو سلمي العزيز: جل من لا يسهو يا اخى واصلا اسمه روزبه بالفارسي :)
charisma ": يعنى هذا شى تذكرينى فيه الله يسامحج؟؟؟؟؟ ليش :)))
ذكرينى بطاش ما طاش احسن
:)
Najmah : والله مشكلة الصحافة انها انحرفت مع الاسف وهذا الغلط كله
حلم جميل بوطن أفضل : هذا شنو بالراي هالحزة؟؟
:)
Sowhat : يا عزيزى لما قالوا العياب عند الباب ما جذبوا قعدنا نعيب ونطتز لما لقينا نفسنا ورى
Post a Comment